ആദിവാസിയാകണമെങ്കിൽ ചില യോഗ്യതകളുണ്ട്........!!??

ആദിവാസിയാകണമെങ്കിൽ ചില യോഗ്യതകളുണ്ട്... 
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::!!??

1] തീർച്ചയായും കറുത്ത നിറം വേണം...

2] ആണായാലും പെണ്ണായാലും മുടി ചീകി വെയ്ക്കാൻ പാടില്ല 

3] പൗഡർ, ചാന്ദ്, ചന്ദനം തുടങ്ങിയവ ഉപയോഗിക്കാൻ പാടില്ല... ഉപയോഗിച്ചാൽത്തന്നെ,, നഗരവാസ്സികൾക്കു ചിരി ഉയർത്തും വിധം വാരിയും വലിച്ചും മറ്റും ആയിരിക്കണം.....

4] തൊലി വെളുത്തതും, പൗഡറിട്ടതും ആയ ഏതൊരുവനെ കണ്ടാലും "തമ്പ്രാ" എന്ന് തന്നെ വിളിക്കണം..

5] റേഡിയോ ഉൾപ്പെടെയുള്ള എന്ത് ഇലക്ട്രോണിക് ഉപകരണം കണ്ടാലും അത്ഭുതത്തോടെ കണ്ടു നിൽക്കണം... കഴിയുമെങ്കിൽ നഗരവാസ്സികൾക്കു ചിരി ഉയർത്തും വിധം എന്തെങ്കിലും കോപ്രായം ഇവയൊക്കെ കണ്ടപാടെ ചെയ്യണം...

6] സ്ത്രീകളുടെ വസ്ത്രധാരണം തീർച്ചയായും കീറ തുണികളുടെ സംയോജനം ആയിരിക്കണം... ആണുങ്ങൾക്ക് വസ്ത്രത്തിന്റെ ആവശ്യമേ ഇല്ല.. ഉണ്ടെങ്കിൽത്തന്നെ, അരക്കു ചുറ്റും മാത്രം...........

7] കള്ളു കുടിക്കണം,, തങ്ങളുടെ സ്വന്തമായ ദൈവത്തിനേയും കുടുപ്പിക്കണം... അവന്റെ ദൈവശില്പങ്ങൾക്ക് ഒരിക്കലും സുന്ദര രൂപങ്ങൾ ഉണ്ടാകാൻ പാടില്ല...

8] ഇംഗ്ളീഷിലെ യാതൊരു വാക്കും അവൻ തിരിച്ചറിയാൻ പാടില്ല.... ഇംഗ്ളീഷ് ആദിവാസ്സി പറയുന്നത് നഗരവാസ്സികൾക്കു ചിരി ഉയർത്തും വിധം ആയിരിക്കണം..

9] കുറച്ചു നാട്ടുവൈദ്യം അറിഞ്ഞിരിക്കണം... എന്തൊക്കെ രോഗം പിടിപെട്ടാലും രോഗശാന്തി ആ നാട്ടു വൈദ്യത്തിൽ മാത്രം അധിഷ്ഠിത മായിരിക്കണം...  നാട്ടിലെ രോഗിക്ക് എപ്പോഴെങ്കിലും ആവശ്യം വന്നാൽ കാട്ടിലെ ഡോക്ടർ ചികിൽസിച്ചു ഭേദമാക്കുകയും വേണം.....

10] നാട്ടിലെ നിയമങ്ങൾ അറിയരുത്... കാട്ടിലെ നിയമങ്ങൾ നടപ്പിലാക്കുകയുമരുത്...  നാട്ടധികാരി ഇടക്ക് വന്ന് നാട്ടു നിയമം നടപ്പിലാക്കുകയും ചെയ്യും.... അതെനെ എതിർക്കരുത്..!!! അതിനെ ബഹുമാനപൂർവ്വം അംഗീകരിക്കണം...

11] ആയുധമായി; അമ്പും വില്ലും, കുന്തം, കത്തി എന്നിവ മാത്രമേ ഉപയോഗിക്കാവൂ... അതിനപ്പുറമുള്ള ആയുധങ്ങൾ നഗരവാസികൾക്ക് മാത്രം സ്വന്തമായതാണ്.. 

12] ഭക്ഷണമായി കായും, കിഴങ്ങും മാത്രം... നോൺ വെജിറ്റേറിയൻ ആയവർക്ക് ഏതു ജീവിയേയും പിടിച്ചു ചുട്ടു തിന്നാം.. ചുട്ടു മാത്രം.... പക്ഷെ പിടിക്കുന്ന മൃഗത്തിന്റെ പരിരക്ഷ നാട്ടു നിയമങ്ങൾ നിഷ്ക്കർഷിക്കുന്നത് അനുസ്സരിച്ചു നിങ്ങളും ഉത്തര വാദികളാണ്.. ശിക്ഷയും കിട്ടും...

13] നാട്ടിലെ ഏമാന്മാർക്ക് തേൻ- സുഗന്ധ വ്യഞ്ജനങ്ങൾ എന്നിവ തന്റെ സന്തോഷമെന്നപോലെ സമർപ്പിക്കണം...  കാഴ്ച്ച വെച്ചുകഴിഞ്ഞു പത്തു ചെവിട് പിന്നോട്ട് നിന്നൊന്നു തൊഴുതാൽ അത്രയും നന്ന്...

14] ഇടക്കിടക്കു കാട്ടു ദൈവത്തിനു കള്ളും ബലിയും നൽകണം... കൂട്ടത്തിൽ നൃത്തവും പാട്ടും വേണം.. അതുകാണാൻ നഗരവാസ്സികൾ വരും.. അവരെ താണു തൊഴുതു സ്വീകരിക്കണം..  ഒരിക്കലും നൃത്തം ചെയ്യുന്ന സ്ത്രീകൾ ഒരു മീറ്റർ തുണിയിൽ കൂടുതൽ ശരീരത്തിൽ മറക്കാൻ പാടില്ല....


  എങ്ങനെ ഒക്കെ ചിലതല്ലാതെ കാളവണ്ടി പോലും ആദിവാസികളുടെ ചമയങ്ങളിൽ അംഗീകരിച്ചിട്ടില്ല.... പിന്നാ ഇപ്പോൾ ജാനുവിന് കാറ്,, അതും എറ്റിയോസ്... ഏഴെട്ടു ലക്ഷം വെലവരുന്നത്...!!  ജാനു ആദിവാസിയുമല്ല,, എറ്റിയോസ് ആദിവാസ്സി വാഹനവുമല്ല..... കമ്യുണിസ്റ്റുകളും- കോൺഗ്രെസ്സുകളും ജീവിച്ചിരിക്കെ ഒരു ആദിവാസിയെക്കൊണ്ടും കാറു മേടിപ്പിക്കില്ല... 

അതിപ്പം ഞങ്ങൾ കോൺഗ്രെസ്സുകാര് ഇന്ദിരാ ദേവിയെപ്പിടിച്ചും ആണയിടാമു......



അതിപ്പം ഞങ്ങൾ കമ്യുണിസ്റ്റുകാര് കാറൽ മാക്സു മുത്തപ്പനെ പിടിച്ചും ആണയിടാമു..............

[Rajesh Puliyanethu
 Advocate, Haripad]

കൗശലക്കാരനായ ബെനിയയും,, അമിത് ഷായും..... !!

ബി ജെ പി യുടെ ദേശീയ അദ്ധ്യക്ഷൻ ശ്രീ അമിത് ഷാ ഭാരതത്തന്റെ രാഷ്ട്ര പിതാവിനെ "കൗശലക്കാരനായ ബനിയ" എന്നു പറഞ്ഞു അധിക്ഷേപിച്ചു എന്നതാണ് കഴിഞ്ഞ രണ്ടു ദിവസ്സത്തെ പ്രധാന ചർച്ച...

ആദ്യമായി ഒരു വിഷയം ചർച്ച ചെയ്യേണ്ടതുണ്ട്... ആരാണ് ഭാരതത്തിന്റെ രാഷ്ട്രപിതാവ്?? ഈ ചോദ്യം കഴിഞ്ഞ രണ്ടാം യു പി എ സർക്കാറിന് മുൻപിൽ എത്തി.... അവിടെ കോൺഗ്രസ്സ് നയിക്കുന്ന കേന്ദ്ര സർക്കാർ അർത്ഥശങ്കക്ക് ഇടയില്ലാതെ പറഞ്ഞു 'മഹാത്മാ ഗാന്ധിയെ ഔദ്യോകികമായി രാഷ്ട്ര പിതാവായി അംഗീകരിക്കാൻ കഴിയില്ല',, എന്ന്...!! കേന്ദ്ര മന്ത്രി സഭയുടെ ആ തീരുമാനം പത്ര പ്രവർത്തകർക്കു മുൻപാകെ വിശദീകരിച്ചത് അന്നത്തെ കേന്ദ്ര മന്ത്രി ശ്രീ ചിദംബരവും ആയിരുന്നു.......

അതേ മഹാത്മാ ഗാന്ധിയെ  "കൗശലക്കാരനായ ബനിയ" എന്നു വിളിച്ചു ജാതീയമായി അധിക്ഷേപിച്ചു എന്നതാണ് ചിലരുടെ ആക്ഷേപം..! ഇതു കേൾക്കുമ്പോൾ ഉയരുന്ന ചില സ്വോഭാവിക സംശയങ്ങൾ ഉണ്ട്.... ആദ്യത്തെ ചോദ്യം...?? ജാതീയമായി ഒരാളെ അധിക്ഷേപിക്കുന്നത് എങ്ങനെ?? ആരെയൊക്കെ ജാതീയമായി  അധിക്ഷേപിക്കാൻ കഴിയും?? അധഃകൃത വിഭാഗമായി പൊതുസമൂഹം കരുതുന്ന ഷെഡ്യൂൾഡ് കാസ്റ്റ് & ഷെഡ്യൂൾഡ് ട്രൈബ് എന്നീ വിഭാഗങ്ങളെ മാത്രമല്ലെ ജാതീയമായി പറഞ്ഞു അധിക്ഷേപിക്കാൻ കഴിയൂ?? കേരളത്തിലെ അവസ്ഥ പ്രാകാരം ഒന്ന് വിശകലനം ചെയ്‌താൽ,, "എടാ പന്ന പുലയാ" എന്ന് വിളിച്ചാൽ ഹരിജൻ അട്രോസിറ്റീസ്നിയമം പ്രകാരം മോശമാണ്,, അത് ജാതീയമായ ആക്ഷേപമാണ്... എന്നാൽ,, "എടാ പന്ന ബ്രാഹ്മണാ,, എടാ പന്ന നായരേ"",, എന്നു വിളിച്ചാൽ അത് ജാതീയമായ ആക്ഷേപമല്ല,, മറിച്ചു വേണമെങ്കിൽ വ്യക്തിയെ ""പന്ന"" എന്ന വാക്കുകൊണ്ട് അപമാനിച്ചു എന്ന് മാത്രം പറയാം... അവിടെ ചേർന്ന് വരുന്ന ജാതിപ്പേര് അപമാനിക്കലല്ല...

ഗാന്ധിജി 'ബനിയ' എന്ന സമൂഹക്കാരനാണെന്നും;;  "കൗശലക്കാരനായ ബനിയ" എന്ന് അദ്ദേഹത്തെ സംബോധന ചെയ്തത് ജാതീയമായ അധിക്ഷേപമാണെന്നുമാണ് വിമർശകരുടെ വാദം..!! ഒന്നാമതായി 'ബനിയ' എന്നത് അധഃകൃത വിഭാഗമല്ലെന്നു മനസ്സിലാക്കണം.... "എഡോ, കള്ള മേനോനെ"" എന്ന് ഒരാളെ സംബോധന ചെയ്‌താൽ അതിൽ "മേനോൻ" എന്ന ഭാഗം സൈലന്റ് ആവുകയാണ്.. കാരണം 'മേനോൻ' എന്ന വിളിക്ക് യാതൊരു പ്രാധാന്യവുമില്ല... ഒരു വിളിപ്പേര് എന്നതിനപ്പുറം... എന്നാൽ എടാ "കള്ള പുലയാ" എന്നു വിളിച്ചാൽ അതിൽ ജാതീയമായ ആക്ഷേപമുണ്ട്... കാരണം 'പുലയൻ' എന്ന ജാതിയെയും,, ആ വിളിയെയും സമൂഹവും, നിയമവും 'അധ: കൃതമായാണ്' ഇന്നും കാണുന്നതെന്ന ശോചനീയമായ അവസ്ഥ..! 

ബനിയ എന്ന വിഭാഗം അടിസ്ഥാനപരമായി കച്ചവടക്കാരാണ്.... അതിനു മുപരി പണം പലിശക്കുകൊടുക്കുന്ന വിഭാഗമാണ്.... ജാതീയമായ ചിന്തകൾ സാമൂഹിക വിഷയമായി കാണുന്നതുപോലെ ജാതികളിലെ ചില ചിന്തകളെയും സാമൂഹികമായികാണുകയും അംഗീകരിക്കുകയും വേണം... "മാപ്പിള [ക്രിസ്ത്യൻ] കമന്നു വീണാൽ കാൽ പണവുമായെ പോങ്ങു"...!! ഇതൊരു നാട്ടു വർത്തമാനമാണ്... മാപ്പിളയുടെ കുശാഗ്രമായ ബുദ്ധിയെയാണ് അവിടെ പ്രതിബാധിക്കുന്നത്... ആ പ്രയോഗത്തെ അപമാനമായി ഒരു നസ്രാണിയും കണ്ടതായി എനിക്ക് അറിവില്ല... മറിച്ചു് തനിക്കുള്ള  അംഗീകാരമായി കണ്ട് ഒന്ന് ഞെളിയുന്നതാണ് കണ്ടിട്ടുള്ളത്....

ഇതുപോലെയാണ് ബനിയാ വിഭാഗം.. അവരെ ചതുവർണ്യ ജാതിവ്യവസ്ഥയിൽ തരം തിരിച്ചു പറഞ്ഞാൽ തന്നെ ശൂദ്രനല്ല... മറിച്ചു വൈശ്യനാണ്... വൈശ്യൻ അധഃകൃതനല്ല... അങ്ങനെ എങ്കിൽ "നമ്പൂതിരിച്ചാ,  എന്നോ, പിള്ളേച്ചാ, എന്നോ, മാപ്പളെ എന്നോ വിളിക്കുന്നത് അപകീർത്തികരം ആയേനേം... ജാതീയമായ വേർതിരിവുകൾ പോലെതന്നെ അപകീർത്തിപ്പെടുത്തുന്നതിനും വേർതിരിവുകളുണ്ട്... ഏതൊരു ജാതീയമായ പേര് എടുത്തു പറയുന്നത് അപമാനകരമാകുന്നില്ല... മറിച്ചു കേവല സംബോധന മാത്രമേ ആകുന്നുള്ളു... ""എഡോ മാപ്പളെ"" ഈ വിളി എത്രയോ സിനിമകളിൽ നാം കേട്ടിട്ടുണ്ട്... അത് അപമാനകരമാണെന്നു പറഞ്ഞു ഒരു മാപ്പളയും കോലാഹല മുണ്ടാക്കിയതായി നമുക്കറിവില്ല.....

താൻ ജനിച്ച ജാതി ഏതായാലും അത് സ്രേഷ്ടമായത് എന്ന് കരുതുകയും അപ്രകാരം ചിന്തിക്കുകയും ചെയ്യുന്ന ഒരു ചിന്താധാര വളർത്തിയെടുക്കുകയുമാണ് വേണ്ടത്.. എന്നാൽ അധഃകൃതമെന്ന് പുരാതന ജാതി വാഴ്ചക്കാർ പറഞ്ഞു സ്ഥാപിച്ചതിനെയെല്ലാം അതുപോലെ പിന്തുടരുകയാണ് ഈ കാലത്തും എല്ലാവരും ചെയ്യുന്നത്... മുൻപ് കീഴാളനായി കണ്ടവനെ ഇന്ന് പോളീഷ് ചെയ്തു 'ഹരിജൻ' എന്ന് വിളിക്കുന്നു... മണ്ണിൽ കുഴി കുത്തി അതിന്മേൽ ഇലവെച്ചു നൽകിയിരുന്ന കഞ്ഞി അന്ന് അവനു നൽകിയ ഔദാര്യമായിരുന്നു.. ഇന്ന് അതേ കഞ്ഞിക്കുപകരം സംവരണം നൽകുന്നു... രണ്ടും നൽകുന്നത് 'നീ അധഃകൃതൻ' എന്ന് വിളിച്ചു പറഞ്ഞു കൊണ്ടു തന്നെ... സമൂഹ വ്യവസ്ഥിതിയിൽ എല്ലാവരും 'സമന്മാർ' എന്ന ചിന്ത വളർന്നു വികസിക്കാത്തവരാണ് കേവലം ജാതീയമായ വാക്കും വിളിയും ഉയർത്തിക്കാട്ടി പ്രക്ഷോഭങ്ങൾ നയിക്കുന്നത്...

സുപ്രീം കോടതിയും, പൊതു സമൂഹവും തള്ളിക്കളഞ്ഞ ''' ആർ സ്സ് സ്സ് ഗാന്ധി ഘാതകൻ"" എന്ന ദുഷ്: പ്രചാരണത്തെ മറ്റൊരു പാത്രത്തിൽ വിളമ്പാനാണ്  "കൗശലക്കാരനായ ബനിയ" എന്ന് ഒരു സംസാര വേളയിൽ അമിത് ഷാ നടത്തിയ പ്രയോഗത്തെ എടുത്തു വിളമ്പുന്നവർ ശ്രമിക്കുന്നത്.... ഗാന്ധിയെ രാഷ്ട്ര പിതാവായി അംഗീകരിക്കാത്ത കോൺഗ്രസ്സും, ഗാന്ധി ആരാധിച്ച പശുവിനെ നടുറോഡിൽ അറുത്ത കോൺഗ്രസ്സും,, ഗാന്ധി നേടിത്തന്ന സ്വാതന്ത്ര്യത്തെ കരിദിനമായി കൊണ്ടാട്ടിയ കമ്യുണിസ്റ്റും ഇന്ന് ഗാന്ധിക്കുവേണ്ടി വിലപിക്കുന്നത് ഒരു നല്ല കാഴ്ചയാണ്... ഇന്നത്തെ വിമർശകർക്ക് അവരുടെ  അസ്തിത്വങ്ങൾക്ക് നിലനിൽപ്പില്ലായിരുന്നു എന്ന് വിളിച്ചു പറയുന്ന നല്ല കാഴ്ച...

[Rajesh Puliyanethu
 Advocate, Haripad]

ശ്രീ യച്ചൂരിയെ മർദ്ദിച്ചെന്നവാർത്ത....!!!

     യെച്ചൂരിയെ ഹനുമാൻ സേനക്കാർ എ കെ ജി സെന്ററിൽ കയറി മർദ്ദിച്ചു എന്ന രീതിയിൽ പ്രചരിക്കുന്ന വാർത്തയിൽ ഏറ്റവും കൂടുതൽ ആഹ്ലാദം കണ്ടെത്തുകയും, പ്രചരിപ്പിക്കുകയും ചെയ്യുന്നത് സിപിഎം കാരാണെന്ന് തോന്നുന്നു... യെച്ചൂരിക്ക് രണ്ടുകിട്ടുന്നത് കാത്തിരിക്കുകയായിരുന്നു അവർ ഫ് ബി യിൽ പോസ്റ്റിടാൻ എന്നാണു തോന്നുന്നത്...  രാഷ്ട്രീയമായി അഭിപ്രായ വ്യത്യാസമുള്ളവരെ ശാരീരികമായി നേരിടുന്ന സി പി എം രീതി ആര് കടമെടുത്താലും അപലപിക്കപ്പെടേണ്ടതാണ്... അത് ഹനുമാൻ സേനയായാലും, മറ്റാരായാലും.... പക്ഷെ സംഘപരിവാറും ഹനുമാൻ സേനയും തമ്മിലുള്ള ബന്ധമെന്താണെന്ന് ഇവർ പറയുന്നത് മനസ്സിലാകുന്നില്ല.....

     നാലാംതരം സീരിയൽ കഥകളെപ്പോലും നാണിപ്പിക്കുന്ന തിരക്കഥയാണ് കേൾക്കുന്നത്... പഴയകാല സിനിമകളിലും, പിന്നീട് സീരിയലുകളിലും വന്ന ചില ചീപ്പ് നമ്പറുകളുണ്ട്.... നായികയെ ഇമ്പ്രെസ്സ് ചെയ്യിക്കാൻ നായകൻ ഇടി കൊള്ളുക,, നായികയെ കൂലിക്കാരെക്കൊണ്ട് ആക്രമിപ്പിച്ചു നായകൻ രക്ഷിക്കുക അങ്ങനെ പലതും.... ഇന്ന് ഇതൊക്കെ കാണുമ്പോളേ ആള്ക്കാര് ചീത്തപറയാൻ തുടങ്ങും...  കാരണം അതൊക്കെ പഴയ പഴയ കാലത്തെ നമ്പറുകളാണ്.... എന്നാൽ കാലത്തിന് ഒരുപാടു പിറകിൽ സഞ്ചരിക്കുന്ന സി പി എമ്മിൽ നിന്നും ഇതല്ലേ പ്രതീക്ഷിക്കാൻ കഴിയൂ.. 

     എ കെ ജി സെന്റർ എന്നാൽ ആർക്കും കയറിച്ചെല്ലാൻ കഴിയുന്ന പൊതു സ്ഥലമാണോ?? അവിടെ ഹനുമാൻ സേനാങ്ങങ്ങൾ എന്ന് വിളിച്ചു പറഞ്ഞു  കൊണ്ട് ചെല്ലുന്നവരെ നേരെ സെക്രട്ടറിയുടെ അടുത്തേക്കാണോ വിടുന്നത്?? തിരക്കഥ എഴുതുമ്പോൾ അതിനും വേണ്ടേ ഒരു വിശ്വാസ്യത?? അതോ ബാഹുബലി ഹിറ്റായി നിൽക്കുന്ന കാലമായതിനാൽ കംപ്ലീറ്റ് ഫ്രിക്ഷൻ ആയിക്കോട്ടെ എന്ന് കരുതിയോ?? രാജ്യസഭാ സീറ്റിനു കൊതിപൂണ്ടു നടക്കുന്ന യെച്ചൂരിക്ക് ഏറ്റവും നല്ല രീതിയിൽ ഇമ്പ്രസ്സീവ് ആകാനുള്ള വഴിതന്നെയാണ് തെരഞ്ഞെടുത്തത് എന്നതിൽ സംശയമില്ല.... സ്വന്തം പാർട്ടിയിലും, കനിയേണ്ട കോൺഗ്രസിലും യെച്ചൂരിക്ക് ഇമേജ് ആയി.... എന്ത് നാണക്കേട് സഹിച്ചായാലും എം. പി ആകുന്നതല്ലേ കാര്യം?? 

     ആശയത്തെ ആശയം കൊണ്ട് നേരിടാൻ യാതൊരു വശവുമിയല്ലാത്ത സി പി എമ്മിന്റെ  പ്രതികരണങ്ങൾ തമാശ ഉയർത്തുന്നു... ആക്രമണം നിലനിൽപ്പിന്റെ പ്രധാന ഉപാധിയാക്കിയവർ നിലനിൽപ്പിനായി മറ്റുള്ളവരെ ആക്രമിക്കുന്നു... നിലനിൽപ്പിനായി തന്നെത്തന്നേയും ആക്രമിക്കുന്നു.... അത്രയുമേ യെച്ചൂരിയെ ആക്രമിച്ച വിഷയത്തെ മനസ്സിലാക്കാൻ കഴിയുന്നുള്ളൂ... ടി പി യുടെ ഘാതകരുടെ വണ്ടിയിൽ അറബി സൂക്തങ്ങൾ എഴുതി വെച്ച പ്രസ്ഥാനമാണ്... ഇതിലും വലിയ നാടകം കളിക്കുമെന്ന് ജനങ്ങൾ വിശ്വസിച്ചാൽ എന്താ തെറ്റ്??? 

[Rajesh Puliyanethu
 Advocate, Haripad] 

""മരം"" എന്റെ ജീവന്റെ കാവൽ!!

ഒരു മരം നട്ടു ഞാൻ ഭൂമിക്കു കുടയായ്,,
ഒരു മരം നട്ടു ഞാൻ നാളേക്കു തണലായ്‌.... 

ഒരു മരം നട്ടു ഞാൻ കിളികൾക്കു പാർക്കാൻ,,
ഒരു മരം നട്ടു ഞാൻ പ്രണയത്തിന് നിഴലായ്....  

ഒരു മരം നട്ടു ഞാൻ അമ്മതൻ സ്നേഹമായ്,,
ഒരു മരം നട്ടു ഞാൻ മകനുള്ള വഴിയായ്....

ഒരു മരം നട്ടു ഞാൻ ജീവന്റെ ജീവനായ്,,
ഒരു മരം നട്ടു ഞാൻ പ്രാണന്റെ നേരിനായ്...

ഒരു മരം നട്ടു ഞാൻ വിരഹത്തിനു കൂട്ടായ്,,
ഒരു മരം നട്ടു ഞാൻ ഏകാന്ത ബലിയായ്...

ഒരു മരം നട്ടു ഞാൻ എൻ നോവു കേൾക്കാൻ,,
ഒരു മരം നട്ടു ഞാൻ എൻ നോവു തീർക്കാൻ.....

     പ്രകൃതി ഇല്ലെങ്കിൽ ജീവനും, ജീവിതങ്ങളും ഇല്ല.... മരങ്ങൾ ഇല്ലെങ്കിൽ പ്രകൃതിയുമില്ല....  നമ്മൾ നമുക്കൊരു ഭവനം നിർമ്മിക്കാൻ ഒരു മരം വെട്ടുമ്പോൾ ഇന്നേക്കും നാളേക്കും എത്തറെത്രയോ ജീവജാലങ്ങളുടെ ഭവനമാണ് ഇല്ലാതാക്കുന്നതെന്ന് ഓർക്കുന്നുണ്ടോ...!? ഓർത്താൽത്തന്നെ നമ്മൾ നമ്മുടെ സ്വാർത്ഥ താൽപര്യത്തിൽ നിന്ന് പിന്മാറാൻ തയ്യാറാകാറുണ്ടോ!??  ഈ പ്രകൃതി സംരക്ഷണ ദിനത്തിലെങ്കിലും നമ്മൾ ഒരു പ്രതിജ്ഞ എടുക്കണം... 

"എന്റെ ഭവനം നിർമ്മിക്കാൻ വേണ്ടി ഒരു മരം നിലംപൊത്തില്ല" എന്ന്.... 

     ആധുനിക സംവിധാനങ്ങൾ ഒരുപാട് വന്നിട്ടും നാമെന്തിന് മരത്തിൽ തീർത്ത ജനൽപ്പടികൾക്കും,, വാതിൽപ്പടികൾക്കും വേണ്ടി വാശി പിടിക്കുന്നു?? 

     മരത്തെ മൃതമാക്കി മിനുക്കി വെയ്ക്കുന്നതിലും എത്രയോ ഭംഗിയാണ് മരം ഒരു തണലായ്‌ വിളങ്ങി നിൽക്കുന്നത്??

     ഓരോ ദിനങ്ങളും ഓരോ ഓർമ്മപ്പെടുത്തലുകളാണ്....  നമ്മൾ സ്വീകരിക്കേണ്ട തിരുത്തലുകളുടെ ഓർമ്മപ്പെടുത്തലുകൾ.....! 

 [Rajesh Puliyanethu
 Advocate, Haripad]