മുഷ്ക്കു ഭരണകൂടം,, ജനതയുടെ പരാജയം...!!

     മഹിജയുടെ സമരത്തിനു പിൻതുണയുമായെത്തിയ ഷാജഹാനും, ഷാജർ ഖാനും ഒപ്പം സമരവുമായി യാതൊരു ബന്ധവുമില്ലാത്ത, വെറും കാഴ്ചക്കാരനായ ഹിമവൽ ഭദ്രാനന്ദയും ജയിലിൽക്കിടക്കുന്നത് നാടിന്റെ രാഷ്ട്രീയ- സാമൂഹിക- ഭരണ- നിയമ രംഗത്തെ പരാജയമാണ് വിളിച്ചു പറയുന്നത്...

     

     രാഷ്ട്രീയ എതിരാളികളെ അധികാര ബലം കൊണ്ട് നിശബ്ദരാക്കാൻ ശ്രമിക്കേണ്ടി വരുന്നത് ഭരണകൂട പരാജയം...!

     

     രാഷ്ട്രീയ എതിരാളികളെ അധികാര ബലം കൊണ്ട് നിശബ്ദരാക്കാൻ ഭരണകൂടം മുതിരാനുള്ള ധൈര്യം കാണിക്കുന്നത് പൊതുസമൂഹത്തിന്റെ പരാജയം...! പ്രത്യേകിച്ച് ഭാരതം പോലെ ഒരു സമ്പൂർണ്ണ ജനാധിപത്യ രാജ്യത്ത്...!

     

     രാഷ്ട്രീയ എതിരാളികളെ അധികാര ബലം കൊണ്ട് നിശബ്ദരാക്കാൻ ഭരണകൂടം ശ്രമിക്കുമ്പോൾ ക്രിയാത്മകമായി പ്രതിഷേധിക്കാൻ പ്രതിപക്ഷത്തിന് കഴിയാതെ വരുന്നത് രാഷ്ട്രീയ പരാജയം..!

     

     രാഷ്ട്രീയ എതിരാളികളെ അധികാര ബലം കൊണ്ട് നിശബ്ദരാക്കാൻ ഭരണകൂടം ശ്രമിക്കുമ്പോൾ അതിനു പിൻതുണ എന്നപോലെ പ്രവർത്തിച്ച് തങ്ങളുടെ വിവേചനാധികാരം വേണ്ട വിധം വിനിയോഗിക്കാൻ കഴിവൊ, മനസ്സൊ ഇല്ലാതെ പോലീസ്സിന്റയും, പ്രോസിക്യൂഷന്റയും പപ്പറ്റുകളായി നിന്നുകൊണ്ട് ജയിൽ നിറക്കൽ ഏജൻസികളായി വർത്തിക്കുന്ന ജുഡീഷ്യൽ ഓഫീസർമാർ ജുഡീഷ്യൽ പരാജയം...!

     

     പരാജിതരായ പൊതു സമൂഹമായി കഴിഞ്ഞുപോയാൽ മതിയൊ എന്നു തീരുമാനിക്കേണ്ടത് നാം ഓരോരുത്തരുമാണ്... പ്രതികരിക്കൂ,, പ്രതികരിക്കൂ,, പ്രതികരിക്കൂ.....

[Rajesh Puliyanethu

 Advocate, Haripad] 

ആധുനികം,, പുരാതനം.....

     മനുഷ്യൻ ആധുനിക കാലത്ത് മാത്രം ജീവിക്കുന്നവനാണ്... പുരാതന കാലത്ത് ഒരുവനും ജീവിച്ചിട്ടില്ല... പൂർവ്വകാലത്തു ജീവിച്ചവർ എല്ലാം മരിച്ചവരാണ്... ജീവിത സൗകര്യങ്ങൾ മാറ്റി നിർമ്മിച്ചതു മാത്രമാണ് പുരാതവും, ആധുനികവും എന്ന വേർതിരിവിന് അടിസ്ഥാനം... തനിക്ക് സമ്മതിച്ചു തരാൻ ബുദ്ധിമുട്ടുള്ള ഒന്നിനെതിരെ ഉയർത്തുന്ന പ്രതിരോധ മാർഗ്ഗമാണ് പലപ്പോഴും '' ഈ നൂറ്റാണ്ടിലാണോ ഇതൊക്കെ?'' എന്ന ചോദ്യം...! പക്ഷെ ചിന്താഗതികൾക്കും,, വിശ്വാസങ്ങൾക്കും,, ആശയങ്ങൾക്കും,, പ്രതിഭാസ്സങ്ങൾക്കും,, അനുഭവങ്ങൾക്കും എല്ലാക്കാലത്തും സമാനതകളുണ്ട്..!! ഇതിനെല്ലാം തന്നെ എല്ലാക്കാലവും വിരുദ്ധ ചേരികളുമുണ്ട്... 

''ആധുനികമെന്നും പുരാതനമെന്നും നിർവ്വചിക്കപ്പെടുന്ന വിരുദ്ധ സമീപനങ്ങളുടെ തനിയാവർത്തനമാണ് കാലാകാലങ്ങളിൽ സംഭവിക്കുന്നത്...''  

 [Rajesh Puliyanethu
  Advocate, Haripad]