സ്വന്തം ലക്‌ഷ്യം

ഓരോരുത്തര്‍ക്കും അവരവരുടെ മുകളില്‍ ഒരു ആകാശമുണ്ട്!! ആ ആകാശത്തിന്റെ വിസ്തൃതിയും, ഉയരവും, അയാളുടെ വളര്‍ച്ചയുടെ പരിമിതിയാണ്. ആ സ്വന്തം ആകാശത്തോളമുള്ള ഉയര്‍ച്ച അയാളുടെ ലകഷ്യമാണ്. വ്യത്യസ്തങ്ങളായ പ്രവര്‍ത്തന മേഘലകളും, ചിന്തകളും, വ്യത്യസ്തങ്ങളായ ആകാശങ്ങളെ സൃഷ്ടിക്കുന്നു. 

[RajeshPuliyanethu,

 Advocate, Haripad]

ശ്രീ പദ്മനാഭസ്വാമിയുടെ സ്വത്ത്

ശ്രീ പദ്മനാഭക്ഷേത്ത്രത്തില്‍ നിന്നും അളവറ്റ ധനശേഖരം കണ്ടെത്തിയിരിക്കുന്ന്നു. ശ്രീ പദ്മനാഭന്‍ മഹാ മഹാ പ്രഭു തന്നെ. അതിവിപ്ലവകാരികളെന്നു സ്വയം കരുതുന്നവരും, ചില സംഭവങ്ങള്‍ മുന്നിലെത്തുമ്പോള്‍  ഇപ്രകാരമൊക്കെ അതിനെക്കുറിച്ച് സംസാരിച്ചാലേ തനിക്കു പൊതു സമൂഹത്തിന്റെ അംഗീകാരം ലഭിക്കു എന്ന്  വിവക്ഷിക്കുന്നവരും, പുരോഗമന വാദികളെന്നു  നടിക്കുന്നവരും ഒക്കെ ശ്രീപദ്മനാഭന്റെ സ്വത്ത് എണ്ണി തിട്ടപ്പെടുത്തി തീരുന്നതിനു മുന്‍പുതന്നെ അതെന്തു ചെയ്യണമെന്നുള്ള ചര്‍ച്ച ആരംഭിച്ചു കഴിഞ്ഞു. പക്ഷെ ഈ പണം ഒന്നും ചെയ്യാന്‍ കഴിയില്ല എന്നതാണ് സത്യം.  കാരണം നമ്മുടെ രാജ്യത്ത് ആരാധനാലയങ്ങള്‍ക്കു സ്വത്ത്‌ ആര്ജിക്കാനും, അത് കൈകാര്യം ചെയ്യുന്നതിനും നിയമപരവും ഭരണഘടനാ പരവുമായ അധികാര അവകാശങ്ങളുണ്ട്. ശ്രീ പദ്മനാഭ ക്ഷേത്രത്തിലെ സ്വത്തില്‍ ചില പ്രത്യേകതകള്‍ ഉണ്ട് എന്നതാന്നു സത്യം. ഈ സ്വത്തിന്റെ പ്രത്യേകത എന്ത് എന്നത് മനസ്സിലാക്കണമെങ്കില്‍ ഈ സ്വത്തിനെ ഉറവിടങ്ങളെക്കുറിച്ചും ചിന്തിക്കേണ്ടി വരും. ശ്രീ പദ്മനാഭ ക്ഷേത്ത്രത്തിലെ ഭണ്ടാരവഴികള്‍ പലതായിരുന്നു. അതില്‍ പ്രധാനപ്പെട്ടവ, എല്ലാ ക്ഷേത്രത്തിലെയും പോലെ  ക്ഷേത്ത്രത്തിലെത്തുന്ന ഭക്ത്തര്‍ നല്‍കുന്ന വഴിപാടുകള്‍, ഭണ്ടാര   സമര്‍പ്പണങ്ങള്‍, എന്നിവയും  തിരുവിതാംകൂര്‍ രാജകൊട്ടാരത്തില്‍ നിന്നും ലഭിച്ചുവന്ന സമര്‍പ്പണങ്ങളും,നാട്ടു പ്രമാണിമാരും, പ്രഭുക്കളും, നല്‍കിവന്നിരുന്ന സമര്‍പ്പണങ്ങളും ആയിരുന്നു. മാര്‍ത്താണ്ടവര്‍മ മഹാരാജാവ് പദ്മനാഭ ദാസനായി ഭരണം നടത്തി വന്ന്നിരുന്നതിനാലും, രാജകുടുംബത്തിന്റെവക ക്ഷേത്ത്രവും, പിന്നെ പുരാണപരമായും അതിപ്രാധാന്യം പദ്മനാഭ സ്വാമി ക്ഷേത്ത്രത്തിനു ഉണ്ടായിരുന്നതിനാലും ആയിരുന്നു ഭാന്റാര സമര്‍പ്പണങ്ങള്‍ പൊന്‍പണങ്ങളായും, പൊന്‍ കിരീടങ്ങലായും, സ്വര്‍ണവിഗ്രഹങ്ങളായും, അങ്ങനെ ഉയര്‍ന്ന മൂല്യത്തിലുള്ളവയായിവരുവാന്‍ കാര്യം. പദ്മനാഭ സ്വാമി ക്ഷേത്ത്രത്തിന്റെ കേള്‍വി വിദൂരതയിലും എത്തിയിരുന്നതിനാല്‍ മറുദേശക്കാരായ പ്രഭുക്കന്മാര്‍, നാട്ടുരാജാക്കാന്‍മാര്‍ എന്നിവര്‍ തല്‍സ്ഥിതിക്കൊത്ത  സമര്‍പ്പണങ്ങള്‍ നടത്തിയതിനാല്‍ ക്ഷേത്രഭണ്ടാരം സമ്പന്നമായി. അനന്തര അവകാശികളില്ലാതെ വന്ന പ്രഭു കുടുംബംഗളിലെ സ്വത്തിന്‍റെ അനന്തര അവകാശിയായി ശ്രീ പദ്മനാഭനെ നിശ്ചയിച്ചവരുമുണ്ട്. സ്വന്തം രാജ്യം ശത്രു കീഴടക്കാന്‍ പോകുന്നു എന്ന് തോന്നലുണ്ടാകുമ്പോള്‍, വിലപിടിച്ചതെല്ലാം ശ്രീ പദ്മനാഭാനില്‍ സമര്‍പ്പിച്ചവരുണ്ട്. ടിപ്പു വിന്റെത് പോലെയുള്ള പടയോട്ടങ്ങള്‍ ഉണ്ടാകാന്‍ പോകുന്നു എന്നാ വാര്‍ത്തകളുടെ അടിസ്ഥാനത്തില്‍ തങ്ങളുടെ സ്വത്തുക്കള്‍ സുരക്ഷിതമായ ഇടത്തില്‍ എത്തിച്ചു സൂക്ഷിച്ചതും ശ്രീ പദ്മനാഭ ക്ഷേത്രത്തിലായിരുന്നു. രാജവിന്റെ അധീനതയിലുള്ളത് എന്നത് കൊണ്ടും, രാജ്യത്തിന്റെ തെക്കേ അറ്റത്തുള്ളത് എന്നതും സുരക്ഷാചിന്തയില്‍ പദ്മനാഭസ്വാമി ക്ഷേത്ത്രത്തിനു വിശ്വാസ്യത നേടിക്കൊടുത്തു. ശ്രീ പദ്മനാഭ സ്വാമി ക്ഷേത്രത്തില്‍ രത്നങ്ങള്‍ എത്തി ചേര്‍ന്നതിനു പുറകിലും ചരിത്രയാഥാര്ത്യങ്ങളുണ്ട്. മുന്‍പ് നാട് വാണിരുന്ന രാജാക്കന്മാരില്‍ ഒട്ടുമിക്കവരും ജ്യോതിഷത്തിലും മറ്റും അതീവ വിശ്വാസികളായിരുന്നു. തങ്ങളുടെ ദശാ കാലങ്ങളില്‍ വരുന്ന മാറ്റങ്ങള്‍ക്കനുസൃതമായി തങ്ങള്‍ക്കു ഉന്നതി വരുന്നതിനാവശ്യമായ രത്നങ്ങള്‍ തേടി കണ്ടെത്തുന്നതില്‍ അവര്‍ ഉല്‍സുകര്‍ ആയിരുന്നു. തങ്ങളുടെ ദശാ കാലത്തിനു ഗുണം ചെയ്യുന്ന രത്നത്തിന്റെ ഗണത്തില്‍പ്പെടുന്ന ഏറ്റവും മാറ്റ് കൂടിയ രത്നമായിരുന്നു അവര്‍ കണ്ടെത്താന്‍ ശ്രമിക്കുക. അത് ലഭിക്കുന്നതിനു വേണ്ടി രാജ്യങ്ങള്‍ ആക്രമിച്ചു കീഴ്പ്പെടുത്തുന്നതിന് പോലും അവര്‍ മടിച്ചിരുന്നില്ല. അപ്രകാരം താന്‍ ആഗ്രഹിച്ച രത്നങ്ങള്‍ നേടാന്‍ സാധിച്ചതിനു പകരം ശ്രീ പദ്മനാഭന് വഴിപാടായി രത്നങ്ങള്‍ സമര്‍പ്പിക്കപ്പെട്ടിരുന്നു. രാജാവ് തന്റെ ദശാകാലത്തിനു ശേഷം താന്‍ നേടിയ രത്നം മാറിവരുന്ന ദശാ കാലത്തിനു അനുയോജ്യമല്ല എന്നാണ് ജ്യതിഷ പ്രവചന മുന്ടാകുന്നതെന്ന് കണ്ടാല്‍ മേല്‍ പറഞ്ഞ രത്നം പിന്നീട് കയ്യില്‍ സൂക്ഷിക്കുന്നത് ഉചിതമാവില്ല എന്ന് കാണുന്നു. പുതിയ ദശാ കാലത്തില്‍ അത് ദോഷം ആണെന്ന് വ്യാഖ്യാനിക്കപ്പെടുന്നു. അങ്ങനെ എങ്കില്‍ ആരത്നം രാജാവിന് ആ രാജ്യത്തിന്‌ ഉള്ളില്‍ ആര്‍ക്കും നല്‍കാന്‍ കഴിയില്ല. എന്തെന്നാല്‍ എല്ലാവരും രാജാവിലും താഴ്ന്നവരാന്. രാജ്യത്തെ എല്ലാവരുടെയും സ്വത്തിന്‍റെ അവകാശി രാജാവാണ്‌. അങ്ങനെ തന്നെക്കാള്‍ താഴ്ന്ന ആര്‍ക്കു രത്നം നല്‍കിയാലും അത് തന്റെ കൈവശമിരിക്കുന്നതിനു തുല്യമാവുകയും, രത്നത്തിന്റെ ദോഷം തനിക്കുതന്നെ വരും എന്നും കണ്ടു തന്നെക്കാള്‍ ഉയര്ന്നവനായ ശ്രീ പദ്മനാഭന് രത്നം സമര്‍പ്പിക്കുകയും ചെയ്യുന്നു. പൊതുവേ എല്ലാ ക്ഷേത്രങ്ങളിലും അമൂല്യ രത്നങ്ങള്‍ വന്നെത്തിയിട്ടുള്ള ഒരു വഴിയാണിത്. തിരുവിതാം കൂര്‍ രാജാകാന്‍മാരെ കാണാന്‍ എത്തുന്നവര്‍ രാജപ്രീതികൂടി ലാക്കാക്കി ശ്രീ പദ്മനാഭന് ഉയര്‍ന്ന മൂല്യമുള്ള സമര്‍പ്പണങ്ങള്‍ നല്‍കി. തിരുവിതാംകൂര്‍ രാജകുടുംബത്തിലെ ആഘോഷങ്ങള്‍, കിരീടധാരണം പോലെയുള്ള പ്രധാന പരിപാടികള്‍, ഓണം, വിഷു തുടങ്ങിയ പൊതു ഉത്സവങ്ങള്‍ എന്നിവയില്‍ കൊട്ടാരത്തില്‍ നിന്നും അളവറ്റ ദ്രവ്യങ്ങള്‍ ക്ഷേത്ര ഭാണ്ടാരത്തില്‍ എത്തി. ക്ഷേത്രത്തിന്റെ നടത്തിപ്പിനും നിത്യ ചിലവിനുമുള്ള വകകള്‍ കൊട്ടാരത്തില്‍ നിന്നും നേരിട്ട് എത്തിച്ചിരുന്നതിനാല്‍ ക്ഷേത്രത്തിലെ ഭണ്ടാരം ചെലവിനായി തുറക്കപ്പെട്ടിട്ടില്ല. രാജാവിന്റെ സ്വന്തമായതിനാല്‍ കൊള്ളയടിക്കപ്പെടുന്നതിണോ, ചൂഷണത്തിനോ ക്ഷേത്രം പാത്രമായിട്ടില്ല എന്നുവേണം കരുതാന്‍.   

അപ്രകാരം ഏതു മാര്‍ഗ്ഗത്തില്‍ എത്തിച്ചേര്‍ന്ന സമ്പത്തായാലും അത് ക്ഷേത്രം വക സമ്പത്താണ്‌. വി. ആര്‍ കൃഷ്ണ ഇഎയരെപ്പോലെ ഉള്ളവര്‍പ്പറയുന്നത്‌ ടി സ്വത്ത് ഇവിടുത്തെ ദാരിദ്ര്യ നിര്മാര്‍ജ്ജനത്തിനു ഉപയോഗിക്കണമെന്നാണ്. BJP പറയുന്നത് രാജകുടുംബത്തിനു യാതൊരു അവകാശവുമില്ല എന്നാണ്. രാജകുടുംബത്തിനു അവകാശം ഒന്നുംതന്നെ അവര്‍ ആവശ്യപ്പെടാത്ത സ്ഥിതിക്ക് ആ ചോദ്യത്തിന് പ്രസക്ത്തി ഇല്ല. എങ്കിലും ഇത്രയും നാള്‍ സ്വന്തം ഭരണത്തിന്‍ കീഴില്‍ ഇരുന്ന ക്ഷേത്ത്രത്തിലെ നിലവറകള്‍ ഉള്ളത് കിട്ടട്ടെ എന്ന് കരുതി കുത്തി തുറന്ന് അപഹരണം നടത്താതിരുന്നതിനു രാജകുടുംബം പ്രശംസ അര്‍ഹിക്കുന്നു. നിലവറയില്‍ ഇത്രയും പണം അവര്‍ പ്രതീക്ഷിച്ചിരുന്നിരുന്നില്ല എന്ന് മറുവാദം പറഞ്ഞാലും, അറയില്‍ പണം തന്നെ ആയിരുന്നു എന്ന് അറിയാമായിരുന്നു എന്ന വസ്തുത തമസ്ക്കരിക്കരുത്. V R Krishnayer പറയുന്നത് പോലെ ദാരിദ്ര്യ നിര്‍മ്മാര്‍ജ്ജനത്തിനു ടി പണം എങ്ങനെയാണ് ചെലവഴിക്കാന്‍ കഴിയുക. നിലവറകളില്‍ പണം നോട്ടുകളായി അടുക്കിവെച്ചിരിക്കുകയായിരുന്നില്ല. സ്വര്‍ണങ്ങളും, രത്നങ്ങളും ആണവ. അവ എപ്രകാരം പണമാക്കി മാറ്റും?? ഒന്നുകില്‍ വില്‍ക്കണം, അല്ലെങ്കില്‍ ഏതെങ്കിലും ഒരുതരത്തില്‍ പണയപ്പെടുത്തണം. ഏറ്റവും കുറഞ്ഞത്‌ 200 വര്‍ഷങ്ങളുടെതെങ്കിലും പഴക്കം കണക്കാക്കപ്പെടുന്ന വസ്തുവകകള്‍ വിറ്റു തുലച്ച് ചെലവു നടത്തുന്നതിനെ പിന്തുണയ്ക്കുന്ന ഒരു ദരിദ്ര സര്‍ക്കാരാണോ ഇവിടം ഭരിക്കുനത്?? രാജ്യത്തിന്റെ പയിത്രുകമായും, ചരിത്രമായും, കാണേണ്ടുന്ന വസ്ത്തുവിനെ, സ്വകാര്യ സ്ഥാപനത്തിലോ, വിദേശത്തോ പണയപ്പണ്ടാമാക്കത്തക്ക  ഗതികേടിലാണോ ഈ രാജ്യം?? അതിനെ അനുകൂലിക്കത്തക്ക വിധത്തില്‍ ഈ ജനതയുടെ ആത്മാഭിമാനം തകര്‍ന്നോ??  

  കണ്ടെടുക്കപ്പെട്ട ധനത്തെ "നിധി ശേഖരം" എന്ന് വിളിക്കുന്നതില്‍ കൂടി ദുരൂഹത ഉള്ളതായി ചിന്തിക്കണം. എന്തെന്നാല്‍ രാജ്യത്തിന്റെ ഏതെങ്കിലും ഭാഗത്തുനിന്നും കണ്ടെത്തപ്പെടുന്ന "നിധി ശേഖരങ്ങള്‍" എല്ലാം തന്നെ സര്‍ക്കാരില്‍ നിക്ഷിപ്ത്തമാണ്. എന്നാല്‍ ശ്രീ പദ്മനാഭ ക്ഷേത്ത്രത്തില്‍ നിന്ന് ലഭിച്ചതിനെ ഉയര്‍ന്ന സമ്പത്ത് എന്ന അര്‍ഥത്തിലല്ലാതെ 'നിധി' എന്ന് പറയുന്നത് ശരിയല്ല. പുരാതന കാലം മുതല്‍ തന്നെ ക്ഷേത്രത്തിന്റെ ഭാഗമായ നിലവറയില്‍ സൂക്ഷിക്കപ്പെട്ട "സ്വത്ത്‌" ആണത്. തുറന്ന് പരിശോധിച്ച് മൂല്യം നിശ്ചയിക്കപ്പെടുന്നത് ഇപ്പോഴാണെന്നെ ഉള്ളു.  

  രാജ കുടുംബത്തിന്റെയും, ക്ഷേത്രത്തിന്റെയും സ്വത്ത് പൊതുജനങ്ങളില്‍ നിന്നും സമാഹരിക്കപ്പെട്ടതാണ്  ആയതിനാല്‍ പൊതു ഖജനാവില്‍ എത്തിചേരണമെന്നും പറയുന്നതില്‍ അര്‍ത്ഥമില്ല. ഇന്നത്തെ ക്ഷേത്ത്രങ്ങളുടെ സ്ഥിതി നോക്കു! പണം പൊതു ജനങ്ങളില്‍ നിന്നുതന്നെയല്ലേ എത്തി ചേരുന്നത്?? ആ പണം ക്ഷേത്രങ്ങളില്‍ സമാഹരിക്കപ്പെട്ടു പൊതുഖജനാവില്‍ എത്തുന്ന രീതിയാണോ നിലനില്‍ക്കുന്നത്?? മുന്‍കാലങ്ങളില്‍ രാജാവ് എല്ലാ മതസ്ഥരില്‍ നിന്നും ശേഖരിക്കപ്പെട്ട പണവും, ക്ഷേത്രങ്ങള്‍ക്കായി ധൂര്‍ത്തടചിരുന്നു, അതിനാല്‍ ഇന്ന് പൊതു ജനങ്ങള്‍ക്കായി വീതിക്കണമെന്നു പറയുന്നവരുണ്ട്. നൂറ്റാണ്ട്കള്‍ക്ക്മുന്‍പുള്ള ഭരണാധി കാരികളുടെ നയങ്ങളെ ഈ രീതിയില്‍ തിരുത്താനോ, പരിഹാരം കാണാനോ ശ്രമിക്കുന്നതിനെ തമാശായല്ലേ കാണാന്‍ കഴിയൂ?? ഇവിടെ ജനങ്ങളുടെ സ്വത്തു ഉപയോഗിച്ച് പള്ളിയും, സ്മാരകങ്ങളും, പണിഞ്ഞ സുല്‍ത്താന്‍മാരും, അമ്പലങ്ങളും, കൊട്ടാരങ്ങളും പണിഞ്ഞ രാജാക്കന്മാരും, ധൂര്‍ത്തടിച്ച ഭരണാധികാരികളും ഒക്കെ ഉണ്ടായിരുന്നു. അന്നത്തെ നഷ്ടങ്ങളെ ഇന്ന് പകരം നേടാനായി ശ്രമിക്കരുത്. ശ്രീ പദ്മനാഭസ്വാമി ക്ഷേത്രത്തില്‍ നിന്നും ലഭിച്ചത് സ്വര്‍ണവും രത്നവുമാനെന്നെ ഉള്ളു!! അത് ഏറെക്കുറെ ജനാധിപത്യ ഭരണക്രമം നിലവില്‍ വരുന്നതിനു മുന്‍പ് ശേഖരിക്കപ്പെട്ടതുമാണെന്ന് ഉറപ്പിക്കാം. ജനാധിപത്യ ഭരണക്രമം നിലവില്‍ വരുന്നതിനു മുന്‍പ് ആര്‍ജിക്കപ്പെട്ട സ്വത്ത് വകകളാണ് ഇന്ന് ഒട്ടുമിക്ക പള്ളികള്‍ക്കും, അമ്പലങ്ങള്‍ക്കും, നിലനില്‍ക്കുന്ന ആസ്ത്തി. അത് ഭൂമിയായോ, കേട്ടിടമായോ, എന്തുമാകട്ടെ................. അത് ഏതു വിറ്റാലും പണം ലഭിക്കും. അപ്രകാരം പണം സ്വരൂപിച്ചു ദാരിദ്ര്യ നിര്‍മാര്‍ജ്ജനം നടത്താന്‍ സര്‍ക്കാര്‍ ഉദ്ദേശിക്കുന്നുണ്ടോ?? ഉണ്ടെങ്കില്‍ മാത്രമേ VR Krishnayer പറഞ്ഞരീതിയില്‍ ശ്രീ പദ്മനാഭ സ്വാമി  ക്ഷേത്രത്തിലെ പണമുപയോഗിച്ച് ദാരിദ്ര്യ നിര്‍മാര്‍ജ്ജനം സാധ്യമാകു. ശബരിമല പോലെയുള്ള ക്ഷേത്രങ്ങളിലും , ഭീമാപ്പള്ളി, വെളാങ്കണ്ണി, തുടങ്ങിയ പള്ളികളിലും സര്‍വ മതസ്ത്തരുടെയും പണം എത്തുന്നുണ്ട്. അത് എത്തിച്ചേര്‍ന്ന സ്ഥലത്തിന്റെ സ്വത്തായാണ് കാണുന്നത്. മറിച്ച് പൊതു ഖജനാവില്‍ എത്തുകയല്ല. ശ്രീ പദ്മനാഭ സ്വാമി ക്ഷേത്രത്തിലെ പണവും, മതവുമായി കൂട്ടി കലര്‍ത്താന്‍ ശ്രമിക്കുന്നവര്‍ നീചരും അധമാതാല്പര്യമുള്ളവരുമാണ്. 

 പരമ്പരാഗതമായി കൈമാറിവന്നത്, ഇനി മാറ്റ് കുറയാതെ വരും തലമുറയ്ക്ക് കൈമാറി കൊടുക്കേണ്ട പൈതൃകസ്വത്ത്, ഇന്നത്തെ ആവശ്യത്തിനു വിറ്റോ പണയം വെച്ചോ തുലച്ച് പഴയ 'ഇല്ലത്തെ കാരണവരായി' നമ്മുടെ സര്‍ക്കാര്‍ മാറുകയില്ല എന്നുകരുതാം. വരുംതലമുറക്ക് പഠിക്കാനും, അറിയാനും ഉള്ളതരത്തില്‍ ക്ഷെത്ത്രപരിശുദ്ദി പാഴാക്കാതെ ഈ സ്വത്തെല്ലാം സംരക്ഷിക്കാനുള്ള ബാധ്യത സര്‍ക്കാരിനുണ്ട്. പൊതു ജനത്തിനു കാണാന്‍ കഴിയുന്ന തരത്തില്‍ മയൂസിയം ഉണ്ടാക്കി സംരക്ഷിക്കണമെന്ന ആവശ്യം അധികാരികള്‍ അനുഭാവ പൂര്‍വ്വം പരിഗണിക്കും എന്നു നമുക്ക് കരുതാം. എന്നും പ്രദര്‍ശിപ്പിക്കപ്പെടുന്ന ഒരു വസ്ത്തു വാണെങ്കില്‍, ദേവസം കുറ്റകൃത്യങ്ങള്‍ കൂടുതല്‍ നടക്കുന്ന ഈ കാലത്ത് യഥാര്‍ഥ വസ്തു ഒരു 50 വര്‍ഷത്തിനു അപ്പുറവും കാണാന്‍ സാധ്യത കൂടും. ബുദ്ധിപരമായി സര്‍ക്കാര്‍ പ്രവര്‍ത്തിച്ചാല്‍ സമ്പത്തിന്റെ സുരക്ഷാ ചെലവു പ്രദര്‍ശനത്തിലൂടെത്തനെയോ മറ്റോ സമാഹരിക്കാനും കഴിയും. ശ്രീ പദ്മനാഭന്റെ സ്വത്ത് ഒരിക്കലും സഷ്ടപ്പെടാതെ തന്നെ SREE PADMANAABHA DEVASAM രൂപീകരിച്ചു അതിന്റെ ഭാഗമാക്കിമാറ്റി  തുടര്‍ തര്‍ക്കങ്ങള്‍ക്ക് കാരണമാകാതെ, മാറ്റും, മൂല്യവും, ഒട്ടും കുറയാതെ എന്നും ഉണ്ടാകുമെന്ന് നമുക്കാശിക്കാം. 

[RajeshPuliyanethu,

 Advocate,Haripad]     

ഭ്രാന്തന്‍ ദൈവം

ജീവിതം ഒരു ഭ്രാന്തന്റെ കയ്യിലെ പൂവാണെന്ന് തോന്നിപോകുന്നു. ഭ്രാന്തന്‍ ആ പൂവിനെ വളരെ സ്നേഹത്തോടെയും, ലാളനയോടെയും പരിപാലിച്ചു എന്ന് വരാം. മറിച്ച് അതിനെ ചവിട്ടി അരച്ചു എന്നോ, ദൂരെ എറിഞ്ഞു കളഞ്ഞു എന്നോ വരാം. ഒന്ന് സൂക്ഷിച്ചു നോക്കിയാല്‍ ആ ഭ്രാന്തന് ഈശ്വരന്‍റെ മുഖച്ഛായ ഉള്ള തായി തോന്നാം!!!! 

[Rajesh Puliyanethu,

 Advocate, Haripad] 

മാറുന്ന ചിന്ത

ഈ ലോകത്ത് 'ബുദ്ധി ശൂന്യര്‍' എന്നാ വിഭാഗമായി ഒരു കൂട്ടരെ മാത്രമേ  ഞാന്‍ കാണുന്നുള്ളൂ. അത് 'എന്റെ അഭിപ്രായം മാറില്ല' , 'എന്റെ മനസ്സ് മാറില്ല' എന്ന് പറയുന്നവരാണ്. ജീവിതത്തിന്റെ മാറിയ സാഹചര്യത്തിന്റെയും, അറിവിന്റെയും, വികാരത്തിന്റെയും, അടിസ്ഥാനത്തില്‍ സ്വന്തം അഭിപ്രായത്തെ മാറ്റി ചിന്തിക്കാനും, മാറിയ ചിന്താഗതിയെ പ്രോത്സാഹിപ്പിക്കാനും ഉള്ള സ്വാതന്ത്ര്യം മനസ്സിനുണ്ട്. എന്നാല്‍ സ്വന്തം 'പ്രവര്‍ത്തി മാറില്ല' എന്ന് പറയുന്നവര്‍ ദ്രിഡചിത്തരാണ്. അവര്‍ മാറി വരുന്ന അഭിപ്രായത്തിനെയും, ചിന്താഗതിയെയും അവഗണിച്ചു സ്വന്തം പ്രവര്‍ത്തിയില്‍ ഉറച്ചു നില്‍ക്കും!! ചിന്തയുടെയും പ്രവര്‍ത്തിയുടെയും യോജിച്ച പരിണാമത്തെ നാം 'കര്‍മ്മം' എന്ന് പറയുകയാണെങ്കില്‍ അതിലെക്കെത്തിക്കുന്ന മൂലകങ്ങളായ ചിന്തയും, പ്രവര്‍ത്തിയും അതിന്റെ സ്വഭാവത്തില്‍ വ്യത്യസ്തതകള്‍ പ്രകടിപ്പിക്കുന്നു. വ്യക്ത്തത ഉള്ള ഒന്നായി  'പ്രവര്‍ത്തി'യെ മാത്രമേ കണക്കാക്കാന്‍ കഴിയു. അതിലെക്കെത്തിക്കുന്ന 'ചിന്ത'യുടെ ഭാഗം ദ്രവരൂപത്തോടെ മാത്രമേ ഉപമിക്കാന്‍ കഴിയൂ. 

(RajeshPuliyanethu,

 Advocate, Haripad)

നിരാഹാര സമരത്തിലെ പോലീസ്മാര്‍ച്ച്‌

    അഴിമതിക്കെതിരെയും, കള്ളപ്പണത്തിനെതിരെയും, നിരാഹാര സമരം അനുഷ്ടിച്ചു വന്ന ബാബാ രാംദേവ് എന്ന യോഗാ ഗുരുവിനെ  നിരാഹാര പന്തലില്‍ നിന്നും വെളുപ്പിനെ 1 .30 മണിക്ക് പോലീസ് അറസ്റ്റ് ചെയ്തു വെന്ന വാര്‍ത്ത കേട്ടാണ് ഇന്ന് ഭാരതം ഉണര്‍ന്നത്. ബാബ റാം ദേവിന്റെ അറസ്റ്റ് ഭാരതത്തിന്റെ രാഷ്ട്രീയ സാമൂഹിക മേഘലകളിലും, ജനാധിപത്യ വിശ്വാസങ്ങളിലും, അവകാശങ്ങളിലും ഒക്കെത്തനെ ഒരുപാട് ചോദ്യങ്ങള്‍ ഉയര്‍ത്തുന്നുണ്ട്. ബാബാ രാംദേവ് എന്ന വ്യക്ത്തിയെ അറസ്റ്റു ചെയ്തതില്‍ പൊതു സമൂഹത്തില്‍ നിന്നും  ദുഖമോ, ആശ്ചര്യമോ, ഉള്ളവരാരും തന്നെ ഉണ്ടാകാന്‍ തരമില്ല. പക്ഷെ ഇന്നത്തെ സാഹചര്യത്തില്‍, എന്തിനു വേണ്ടി അദ്ദേഹത്തെ അറസ്റ്റു ചെയ്തു എന്നതാണ് ചര്‍ച്ച ചെയ്യപ്പെടെണ്ടത്‌. അഴിമതി തടയുക, കള്ളപ്പണം കണ്ടെത്തി പൊതുമുതലായി പ്രഖ്യാപിക്കുക. ഇവയായിരുന്നു മറ്റു പല ആവശ്യങ്ങള്‍ക്കും ഒപ്പം രാംദേവ് ഉയര്‍ത്തിപ്പിടിച്ചിരുന്നത്. ആയതിനു രാജ്യത്തുനിന്നും ആകമാനം പിന്തുണ ലഭിചെക്കുമെന്ന ഭയമാണല്ലോ തീര്‍ച്ചയായും നാല് കേന്ദ്രമന്ത്രിമാരെ  അദ്ദേഹവുമായി ചര്‍ച്ച ചെയ്യുന്നതിന് വേണ്ടി നിയോഗിക്കപ്പെട്ടത്തിനുള്ള കാരണവും! അഴിമതിക്കെതിരെ നിരാഹാര സമരങ്ങളുടെ ഒരു തുടര്‍ച്ച അണ്ണാ ഹസാരയില്‍ നിന്നും ആരംഭിച്ച്‌ തുടരുന്നതിനും മുന്നോട്ടു പോകുന്നതിനും അതിനു മാധ്യമ, ജന-ശ്രദ്ധ ലഭിക്കുന്നതിനുമുള്ള കാരണം കൂടി അന്യെഷിക്കെണ്ടാതുണ്ട്. അത് 2G സ്പെക്ടറും, കോമ്മണ്‍ വെല്‍ത്ത്, ഐ, സ്‌, ആര്‍, ഓ, തുടങ്ങിയ ജനങ്ങളുടെ കണ്ണ് തെള്ളിക്കുന്ന തുകകളുടെ അഴുമതി കഥകളും, സുപ്രീം കോടതിയുടെ വിദേശകള്ളാപ്പണത്തെക്കുറിച്ചുള്ള  പരാമര്‍ശങ്ങളുമാണെന്ന് നിസംശയം പറയാം. രാഷ്ട്രീയത്തിന് പുറത്തുനിന്നും ഉള്ള ആള്‍ക്കാര്‍ പൊതു പ്രശ്നത്തില്‍ ഇടപെട്ടു സമരരങ്ങത്തെക്ക് വരേണ്ടുന്ന സാഹചര്യമോരുക്കിയതിനു ഇവിടുത്തെ രാഷ്ട്രീയ പാര്‍ട്ടികളുടെ പ്രവര്‍ത്തനരാഹിത്യമോ, പിടിപ്പുകെടോ ഒക്കെത്തന്നെയാണ് കാരണം. രാഷ്ട്രീയ പ്രവര്‍ത്തകരെ കള്ളന്‍മാരുടെ പ്രതീകമായി മാത്രം കാണാന്‍ വിധിക്കപ്പെട്ട ഇവിടുത്തെ ജനത ദുര്‍വിധി എന്നവണ്ണം ഇത്തരം സമരക്കാരെ പിന്തുണക്കാന്‍ തയ്യാറാവുന്നു.

    ബാബ രാംദേവ് എന്തിനു അറസ്റ്റു ചെയ്യപ്പെട്ടു എന്നതാണ് പ്രസക്ത്തമായ ചോദ്യം. അറസ്റ്റു ചെയ്യപ്പെട്ട നേരത്ത് അവിടെ യാതൊരു വിധത്തിലുള്ള ക്രമസമാധാന പ്രശ്നങ്ങളും ഉണ്ടായിരുന്നല്ല. സര്‍ക്കാരിന്റെ നയങ്ങള്‍ക്കും, അഴിമതിക്കും എതിരെ മാത്രം പ്രക്യാപിച്ച സമരം, മറിച്ച്‌ രാജ്യത്തിനെതിരല്ല.. സമരത്തിന്റെ മാര്‍ഗ്ഗം നിരാഹാരം!! എങ്കില്‍ എന്തിന്‌ ഒരു പോലീസ് ആക്ഷനില്‍ കൂടി സമരം നടത്തുന്നയാളിനെ അറസ്റ്റ് ചെയ്തു നീക്കണം?? അവിടെയാണ് ജനാധിപത്യ വിശ്വാസങ്ങള്‍ക്കും, സ്വാതന്ട്ര്യത്തിനും, എതിരെയുള്ള കടന്നു കയറ്റവും, അധികാരത്തിന്റെ  ധാര്‍ഷ്ട്യവും ഒക്കെയായി ഈ അറസ്റ്റ് മാറുന്നത്. ഈ അറസ്റ്റ് നെ  ന്യായീകരികുന്നവര്‍ പറഞ്ഞത് രാംദേവ് ഒരു കപട സന്യാസിയാണ്, കോടീശ്വരനാണ്, വിമാനത്തില്‍ സഞ്ചരിക്കുന്നവനാണ്, രാംലീല എന്നാ സത്യാഗ്രഹ പന്തല്‍ A /C ആണ്, 1000 കോടി രൂപയുടെ ആസ്തി യുണ്ട് ഈ സമരത്തെ R S S , BJP , സ്പോണ്‍സര്‍ ചെയ്യുന്നതാണ്, ഇതു രാഷ്ട്രീയ മുതലെടുപ്പിനുല്ലതാണ്,.എന്നൊക്കെയാണ്.  ഇതില്‍ എല്ലാ വസ്തുതയും അംഗീകരിച്ചാല്‍ തന്നെയും അതൊന്നും തന്നെ രാംദേവ്നെ അറസ്റ്റ് ചെയ്തതിനു ന്യയീകരനങ്ങലാകുന്നില്ല. മേല്‍പ്പറഞ്ഞ ഏതു കാര്യം ശരിയാണെങ്കിലും ആ വ്യക്ത്തിക്ക് സമരം നടത്താനുള്ള അവകാശമുണ്ട്‌. കപടമാണോ, പ്രശസ്ത്തിക്കുവേണ്ടിയാണോ, ഒരാള്‍ സമരം നടത്തുന്നതെന്ന് വേര്‍തിരിച്ചു നോക്കി സമരം നടത്താന്‍ അനുവാദം കൊടുക്കാനും, തടയാനും സര്‍ക്കരിനെന്തു കാര്യം?? റാം ദേവ് നിയമ വിരുദ്ധമായി ഏതെങ്കിലും തരത്തില്‍ പണം സമ്പാതനം നടത്തുകയോ, രാജ്യദ്രോഹ പ്രവര്‍ത്തനങ്ങള്‍ നടത്തുകയോ ചെയ്യുന്നുണ്ടെങ്കില്‍ അതിനെ കണ്ടെത്തി നിയമത്തിനുമുന്നില്‍  കൊണ്ടുവരണം, മറിച്ച്‌ സര്‍ക്കാരിനെതിരെ ജനശ്രദ്ധ ആകര്‍ഷിക്കത്തക്ക ഒരു സമരമാര്ഗ്ഗവുമായി മുന്നോട്ടു വരുമ്പോള്‍ അധികാരത്തിന്റെ ഉമ്മാക്ക് കാണിക്കുകയല്ല വേണ്ടത്. ഒരു ജനാധിപത്യ രാഷ്ട്രത്തു ചിലതൊന്നും നടക്കില്ല, ചില കാര്യങ്ങള്‍ ഇപ്രകാരമോക്കയെ നടക്കു എന്ന് ഓരോ വ്യക്ത്തിയും ഓരോ സംഭവങ്ങള്‍ക്ക് അനുസൃതമായി മനസ്സില്‍ കരുതുന്നുണ്ട്. അത്തരത്തില്‍ ഉള്ള ഒരു ചിന്തയാണ് ഒരു നിരാഹാര സമരത്തെ നമ്മുടെ രാജ്യത്ത് അടിച്ച്ചമര്‍ത്ത പ്പെടില്ല എന്നത്. അതാര് ചെയ്താലും!! ആകരുതലുകള്‍ എന്നത് ജനാധിപത്യത്തിന്റെ വിശ്വാസത്തിലൂന്നിയ ഒന്നാണ്. അത് പോതുവായതും അടിസ്ഥാന പരമായി സമാനതാകളുല്ലാവായുമായിരിക്കും. ജനതയുടെ സമാനമായ ആചിന്താഗതിയെ തിരിച്ചറിഞ്ഞു, അതിനനുസരിച്ച് പ്രവര്‍ത്തിക്കുന്നതിനുള്ള ബാധ്യത സര്‍ക്കരുകല്‍ക്കുണ്ട്. അടിയന്തിരാവസ്ത്ത കാലത്തെ ഓര്‍മിപ്പിക്കുന്നതരത്തിലുള്ളതാണ് ഈ പോലീസ് നടപടി എന്ന വിമര്‍ശനം കാമ്പുള്ളതു തന്നെയാണ്. അഴിമതിയില്‍ മുങ്ങി നില്‍ക്കുന്ന ഒരു സര്‍ക്കാരും, നിസ്സംഗനായ ഒരു പ്രധാന മന്ത്രിയും ഏതൊക്കെ സമരങ്ങളോ , വിമര്‍ശനങ്ങലോ ആണ് തങ്ങളുടെ അടിത്തറ ഇളക്കാന്‍ പോകുന്നത് എന്ന ഭയത്തില്‍ ചെയ്തു പോകുന്ന വിക്രിയകളായി മാത്രമേ ഈ അറെസ്റ്റ്‌നെ കാണാന്‍ കഴിയുകയുള്ളൂ. യോഗാക്ലാസ് നടത്തുന്നതിനു മാത്രം അനുവാദം നല്കിയിടത്തു സത്യാഗ്രഹം നടത്തിയതിനാണ് ഈ അതിക്രമാമെന്നു പറഞ്ഞാല്‍ അംഗീകരിക്കാന്‍ ഭാരത ജനത ഒരു വിഡ്ഢിക്കൂട്ടമോന്നുമല്ല. ഒരു സമര പന്തലില്‍ അനുവാദത്തിനു അപ്പുറം നടന്നത് തടയാന്‍ ഓടിയെത്തിയ U P A സര്‍ക്കാരിന്റെ പോലീസ് ആദ്യം ആദര്‍ശ് ഫ്ലാറ്റില്ലേക്ക് പോകട്ടെ. ജനാധിപത്യത്തിന്റെ അടിത്തറതന്നെ ഇളക്കുന്ന ഇത്തരം പ്രവര്‍ത്തികള്‍ ഏത് സര്‍ക്കാര്‍ ചെയ്താലും വിമര്‍ശിക്കപ്പെടെണ്ടത് തന്നെയാണ്. രാഷ്ട്രീയ, ജാതി, മത, ഭാഷാ വ്യത്യാസങ്ങള്‍ നോക്കാതെ ഏത് വ്യക്ത്തിക്ക് സംഭവിച്ചു എന്നതിനെ കണക്കാക്കാതെ ജനാധിപത്യ ധ്വംസനം ഏത് പ്രവര്‍ത്തികൊണ്ടു സംഭവിച്ചു എന്ന് നോക്കി നമ്മള്‍ ഓരോരുത്തരും പ്രതികരിക്കണം. 

(RajeshPuliyanethu,

 Advocate, Haripad)                     

ലോകാവസാനം

ലോകാവസാനം എന്ന്?? ഈ ചോദ്യം ലോകത്തിന്റെ ആരംഭം മുതല്‍ത്തന്നെ ഉയര്‍ന്നു വന്ന ഒന്നാവാനാണ് സാധ്യത. കാരണം എതോന്നിന്റയും അന്ത്യം അറിയാന്‍ ഉള്ള മനുഷ്യന്റെ ത്വര അന്തര്‍ലീനമാണ്. ഒരു ഗള്‍ഫ്‌ കാരനെ കണ്ടാല്‍ ആദ്യം 'എന്നാ തിരിച്ചു പോകുന്നത്' എന്ന് ചോദിക്കുന്നത് പോലെ. ലോകത്തിന്റെ അവസാനമെന്നു? എന്ന ചോദ്യത്തിന് ഉത്തരം കണ്ടെത്താന്‍ ശ്രമിക്കുന്നവര്‍ ആദ്യം ലോകത്തിനു അവസാനമുണ്ടോ? അല്ലേങ്കില്‍ എന്താണ് ലോകത്തിന്റെ അവസാനം? എന്ന കാര്യത്തില്‍ തനിക്കു ബോധ്യമായ ഒരു ഉത്തരം കണ്ടെത്തി വെയ്ക്കുകയാണ്  വേണ്ടത്. ലോകാവസാനം ഉണ്ടോ ഇല്ലയോ എന്ന ചോദ്യത്തിന്റെ ഉത്തരം ലോകാവസാനത്തെക്കുറിച്ചുള്ള, ചോദ്യകര്‍ത്താവിന്റെ ധാരണക്ക് അനുസൃതമായിരിക്കും എന്നതാണ് രസകരമായ വസ്തുത. അതിലും വ്യക്തമാക്കിയാല്‍ ലോകം എന്താണ് എന്ന ധാരണക്ക് കൂടി അടിസ്ത്ഥാന   മായാണ് ആ ഉത്തരം നിലകൊള്ളുന്നത്‌ എന്ന്‌ പറയാം. ചിലരുടെ കാഴ്ചപ്പാടില്‍ ഭൂമിയില ജീവജാലങ്ങളും, ഇവിടെ മനുഷ്യന്‍ നടത്തിയ നിര്‍മ്മാണ പ്രവര്‍ത്തനങ്ങളുമാണ് ലോകം. ആ കാഴ്ചപ്പാടിലുള്ള ലോകത്തിനു തീര്‍ച്ചയായും അവസാനമുണ്ട് എന്ന് മനസ്സിലാക്കുന്നതിന്നു യുക്ത്തിയുടെ എതിര്‍പ്പുണ്ടാകില്ല. എന്നാല്‍ എല്ലാ ഭൌതീക വസ്ത്തുക്കളുടെയും  അഭാവത്തിലും അവശേഷിക്കുന്ന 'കാലം' എന്നതിനെയാണ് ലോകം എന്നുകാണുന്നതെങ്കില്‍ ആ ലോകത്തിന്റെ അവസാനം എന്നതിന്  യുക്തിയുടെ പരിപൂര്‍ണ്ണമായ അംഗീകാരം ലഭിച്ചു എന്നു വരില്ല. ലോകത്തിനു അവനവന്‍ തന്നെ അല്ലെങ്കില്‍ താന്‍ തന്നെ എന്ന്‌ അര്‍ത്ഥമാക്കുന്നവരുണ്ട്. താന്‍ നില്‍ക്കുന്ന ലോകത്തെ ലോകമെന്നു കാണുന്നതിനു പകരം ലോകത്തെ നോക്കിക്കാണുന്ന താന്‍ തന്നെയാണ് ലോകമെന്നു കരുതുന്നു. അത്തരം കാഴ്ച്ചപ്പാടുകളിലും ലോകത്തിന്റെ അവസാനം എന്നത് യുക്ത്തിഭദ്രമാണ്. എന്തെന്നാല്‍  അവിടെ സ്വന്തം അവസാനത്തോടെ ലോകവും അവസാനിക്കുന്നു. തന്റെ നേട്ടങ്ങളില്‍ നിന്നുള്ള പതനത്തില്‍, തന്റെ സ്വപ്നങ്ങളുടെ അവസാനത്തില്‍, തന്റെ സ്വപ്നങ്ങളുടെ തകര്‍ച്ചയില്‍, വേണ്ടപ്പെട്ടവരുടെ വേര്‍പാടില്‍, കുടുംബ പച്ച്ചാത്തലങ്ങളുടെയും ജീവിത സാഹചര്യങ്ങളുടെയും മാറ്റത്തില്‍, അങ്ങനെ പലതിലും നമ്മുടെ ലോകം അവസാനിച്ചും ആരംഭിച്ചും കൊണ്ടിരിക്കുന്നു. ഒരു വ്യക്ത്തിയുടെ  മരണത്തോടെ     

അയാളുടെ ലോകം അവസാനിച്ചു എന്ന്‌ നമുക്ക് നിസംശയം പറയാം.  

(Rajeshpuliyanethu,

 Advocate,Haripad)

ഭക്തി exhibition

ഭക്തി സീരിയലുകളില്‍ ദേവിയെയോ, ദേവനെയോ കാണുമ്പോള്‍ എഴുനേറ്റു നിന്നു കൈ കൂപ്പുന്നവരെ ഞാന്‍ കണ്ടിട്ടുണ്ട്. അത് വളരെ fragile ആയ ഭക്ത്തിയുടെ exhibition ആണോ, അതല്ല ദേവിയുടെയോ, ദേവന്റെയോ ഏതൊരു പ്രതീകത്തെ കാണുമ്പോഴും വണങ്ങാന്‍ തോന്നുന്ന ഭക്ത്തിയുടെ ഉന്നതമായ അവസ്ഥായാണോ??

പാഴാക്കാതെ വോട്ട്‌

   വീണ്ടും ഒരു തെരഞ്ഞെടുപ്പു കാലം കൂടി, ജനസേവന പ്രവര്‍ത്തനങ്ങളുടെ അംഗീകാരം തേടിയും, ജനങ്ങള്‍ക്ക്‌ വേണ്ടി സര്‍ക്കാരിനോട് ശബ്ദ മുയര്‍ത്തിയവരും ജനങ്ങളുടെ മുന്‍പില്‍ തങ്ങളുടെ പ്രവര്‍ത്തനങ്ങളുടെ വീരസ്യം മുഴക്കി വോട്ടഭ്യര്‍ത്തിക്കുന്നു. കോടിക്കണക്കിനു രൂപ തെരഞ്ഞെടുപ്പിന്റെ പ്രചാരണത്തിന് വേണ്ടി ചെലവഴിച്ചു കൊണ്ട് തങ്ങളുടെ സ്ഥാനാര്‍ഥികളുടെ മേന്മ ജനഹൃദയങ്ങളിലക്ക് എത്തിക്കാന്‍ രാഷ്ട്രീയ നേതൃത്വങ്ങള്‍ മത്സരിക്കുന്നു, തങ്ങള്‍ ഭരണത്തില്‍ വന്നാല്‍ ഇവിടെ ഉണ്ടാകാന്‍ പോകുന്ന സുഖസമൃധികളെ വിവരിച്ചുകൊണ്ട്     അവര്‍ മുന്നേറുന്നു....................

    അതൊക്കെ അവരുടെ കാര്യം, 'നായക്കോലം കെട്ടിയാല്‍ കുരയ്ക്കണം' എന്ന പോലെ തെരഞ്ഞെടുപ്പില്‍ നിന്നാല്‍ പ്രചരണം നടത്തണം. പക്ഷെ വോട്ടര്‍മാരുടെ ഭാഗം ആലോചിച്ചു നോക്കു?? തെരഞ്ഞെടുപ്പിന് എന്തു കൊണ്ട്  ഇത്രയും ഉയര്‍ന്നനിലയിലുള്ള പ്രചാരണ മാര്‍ഗങ്ങള്‍ ആവശ്യമായി വരുന്നു?? വളരെ ശക്തമായ രീതിയിലുള്ള പ്രചാരണ രീതികള്‍ അവലംബിക്കുന്ന്നതുവഴി തെരഞ്ഞെടുപ്പില്‍ അനുകൂലഫലം പാര്‍ട്ടികള്‍ തീര്‍ച്ചയായും പ്രതീക്ഷികുന്നുണ്ടാകും. ആപ്രതീക്ഷ അവരുടെ മുന്‍കാല അനുഭവങ്ങളില്‍ നിന്നും ഉണ്ടായതുമാക്കും. അപ്പോള്‍ നാം ചിന്തിക്കേണ്ടത്, രാഷ്ട്രീയ പാര്‍ട്ടികളുടെ മുന്‍കാല പ്രവര്‍ത്തനങ്ങളുടെ അടിസ്ഥാനത്തില്‍ ഉറപ്പിച്ചു വെച്ച ഒരു രാഷ്ട്രീയപരമായ വ്യക്തത നമ്മള്‍ വോട്ടര്മാര്‍ക്കില്ലേ എന്നാണ്. ഒരു തെരഞ്ഞെടുപ്പു കോലാഹലത്തിന്റെ ഉയിര്‍പ്പുകളുടെ അടിസ്ഥാനത്തില്‍ രൂപം കൊള്ളുന്ന നൈമിഷിക വികാരത്തിന്റെ അടിസ്ഥാനത്തിലാണോ നമ്മള്‍ വോട്ടു ചെയ്യുന്നത്. അപ്രകാരമാണെങ്കില്‍ നമ്മുടെ കയ്യിലെ വിലയേറിയ ആ ആയുധം നാം പാഴക്കുകയല്ലേ ചെയ്യുന്നത്??  

   തെരഞ്ഞെടുപ്പു വേളകളില്‍ പ്രമുഘരാഷ്ട്രീയ പാര്‍ട്ടികള്‍ ജനങ്ങളുടെ മനസ്സിലേക്ക് അലിയിച്ചു ചേര്‍ത്ത ഒന്നുണ്ട്!! അത് നിങ്ങള്‍ നിങ്ങളുടെ വോട്ടു പാഴാക്കരുത് എന്നാ ഉപദേശമാണ്. തങ്ങളാണ് ജയിക്കാന്‍ പോകുന്ന പാര്‍ട്ടി, അതിനാല്‍ തങ്ങള്‍ക്കു വോട്ടു ചെയ്യുക. അത് വഴി നിങ്ങളുടെ വോട്ടിനു വിലയുണ്ടാകുന്നു. കേള്‍ക്കുമ്പോള്‍ ശരിയാണെന്ന്  തോന്നിയാലും ആ ചിന്താരീതിക്ക് അനുസൃതമായി പ്രവര്ത്തിക്കുംപോളല്ലേ നമ്മുടെ വോട്ടു യഥാര്‍ത്തത്തില്‍ പാഴാകുന്നത്‌?? നമ്മുടെ രാഷ്ട്രീയമായ കാഴ്ചപ്പാടിന് അനുസൃതമല്ലാതെ, പാര്‍ട്ടിയുടെയോ സ്ഥനാര്തിയുടെയോ മുന്‍ നിലപാടുകള്‍ക്ക് നമ്മുടെ അഗീകാരമോ, എതിര്‍പ്പോ വോട്ടായി രേഘപ്പെടുത്താതെ പകരം വോട്ടു പാഴാകരുത് എന്നകരുതലില്‍ ജയിക്കാന്‍ പോകുന്നയാല്‍ എന്ന പരിഗണനയില്‍ ഒരാള്‍ക്ക് വോട്ടു ചെയ്യുമ്പോള്‍ ജനാധിപത്യത്തിന്റെ അടിത്തറയായ വോട്ടവകാശം നിശിതമായി അട്ടിമറിക്കപ്പെടുകയല്ലേ ചെയ്യുന്നത്?? പാര്‍ട്ടിയുടെയോ സ്ഥനാര്തിയുടെയോ മുന്‍ പ്രവര്‍ത്തനത്തിനോ, നിലപാടിനോ വിരുദ്ധമായി പുതിയ ഒന്ന് ഇവിടെ ജനിച്ചു വരേണ്ട ആവശ്യഗത ഉണ്ടെങ്കില്‍, അതിന്റെ കടക്കല്‍ വെയ്ക്കുന്ന കത്തിയാണ് ഈ വോട്ടു പാഴക്കാതിരിക്കല്‍ തിയറി. തന്റെ  പ്രതിഷേധം വോട്ടില്‍ കൂടി പ്രകടിപ്പിക്കാനുള്ള ഒരാളുടെ അവകാശം നിരാശാജനകമായ രീതിയില്‍ നശിപ്പിക്കുകയല്ലേ  ചെയ്യുന്നത്?? ഇവിടുത്തെ മുന്‍നിര രാഷ്ട്രീയ കക്ഷികളുടെ പ്രവര്‍ത്തനത്തില്‍ ഇവിടുത്തെ പൌരനു അതൃപ്തി ഉണ്ടെങ്കില്‍ പുതിയതായി ഉയര്‍ന്നു വരുന്ന രാഷ്ട്രീയ കക്ഷിക്ക് ഉണ്ടാകുന്ന ജനപിന്തുണ വഴിയെ അത് പ്രകടമാകുകയുള്ള്. നിലവിലുള്ള പ്രസ്ഥാനങ്ങള്‍ ജനഹിതത്തിനനുസരിച്ചു പ്രവര്‍ത്തിക്കാനും, എന്തു തോന്നിവാസവും ചെയ്താലും ഇവിടെ പിടിച്ചു നില്‍ക്കാം എന്ന തോന്നലിനു അറുതി വരുത്തുവാനും, വോട്ടുപാഴാക്കതിരിക്കല്‍ തിയറി മാറ്റി വെച്ച് തങ്ങളുടെ താല്പര്യത്തിനും, ചിന്ടാഗതിക്കും അനുസൃതമായി വോട്ടു ചെയ്യണം. ഒരു സ്ഥാനാര്‍ഥിയുടെ ഭൂരി പക്ഷത്തിനു മുകളില്‍ കുന്നുകൂട്ടാന്‍ വേണ്ടി ലഭിച്ച പാഴ്വസ്തു വല്ല വോട്ടു. ശരിയായ ചിന്തയില്‍ പ്രയോഗിച്ചാല്‍ തോറ്റു പോകുന്ന ഒരു സ്ഥാനാര്തിക്ക് ചെയ്യുന്ന വോട്ടിനു ജയിക്കുന്ന ഒരാള്‍ക്ക് ചെയ്യുന്ന വോട്ടിനേക്കാള്‍ വിലയുണ്ടാകും.

വോട്ടു പ്രഹര ശേഷിയുള്ള ആയുധമാണ്!! അത് ചിന്തിച്ചു പ്രയോഗിക്കുക.............

(RajeshPuliyanethu,

 Advocate, Haripad.)                      

ഇനിയും പ്രഭാതം

ഇന്നു ഞാനെന്‍ പട്ടുമെത്തയിലുണര്‍ന്നു,

എനിയുമുറങ്ങാനൊരു പകല്‍ ബാക്കി, 

ഹൃതുഭേതമില്ലാത്ത പകലിന്‍റെ ഹൃസ്വമാം- 

നീറ്റിന്റെയക്കരെ അന്ധകാരം,

എവിടെ ഞാനുറങ്ങും?? നാട്ടിലോ? മറുനാട്ടിലോ? അതല്ല നിത്യമാം 

ചുടല പറമ്പിലോ?  

ഇതുതന്നെ കാലവും, ഇതുതന്നെ ദൈവവും, 

മങ്ങാത്ത, മായാത്ത ലിഖിതങ്ങളും. 

ഒന്ന് ചിരിക്കു സഖി എന്നെ നോക്കി 

ഇനിയും പ്രഭാതം നിനക്കുള്ളതല്ല!! 

ഞാനെതോരിരുളിലെന്നൊരുമാത്ര നോക്കാതെ 

ഇനിയും പ്രഭാതം. 

(RajeshPuliyanethu,

 Advocate, Haripad)

ബന്ധങ്ങളിലെ കയിപ്പ്‌??

                 ഒരാള്‍ക്ക് എത്ര വേണമെങ്കിലും പാല്‍ കുടിക്കാം, അയാള്‍ക്ക് മതിയാകുന്നത് വരെ, തന്‍റെ മതിയാകലിന്റെ സീമയോളമെത്ര തവണ എത്തിയാലും കുടിക്കുന്ന പാലിന്‍റെ രുചി മാറില്ല, മറിച്ചു താന്‍ കുടിച്ച പാലില്‍ കയിപ്പു ജനിപ്പിക്കുന്ന കാഞ്ഞിരത്തിന്റെ ചെറിയ ഒരു കണികയെങ്കിലും ഇല്ല എങ്കിലോ, അതിനെ പാനം ചെയ്യുന്ന അവസരത്തിലെപ്പോഴെങ്കിലും കടിച്ചു അനുഭവിക്കേണ്ടി വന്നില്ല എങ്കിലോ..............

                   ഇതുപോലെ തന്നെയാണ് രണ്ടു വ്യക്തികള്‍ തമ്മിലുള്ള ബന്ധത്തിന്റെ രീതിയും. വ്യക്ത്തികള്‍ തമ്മിലുള്ള ബന്ധം തെളിഞ്ഞ പാല്‍ ആസ്വദിക്കുന്നത് പോലെ എത്ര തുടര്‍ച്ചയായും, അസ്വാരസ്യങ്ങളില്ലാതെ കൊണ്ടു പോകാവുന്നതാണ്. അവിടെ കയിപ്പനുഭവിക്കുന്നത്, പരസ്പര ബന്ധം എന്ന പാലില്‍ മുന്പെപ്പഴോ കടന്നു കൂടിയ ആ കാഞ്ഞിരത്തിന്‍ ശകലത്തെ കടിച്ചു അനുഭവിക്കേണ്ടി വരുമ്പോളാണ്. 

(RajeshPuliyanethu,

 Advocate, Haripad)