വക്കഫ് നിയമങ്ങൾ;; മാറ്റങ്ങൾ അനിവാര്യം... മുനമ്പം ജനതയോടൊപ്പം...

    

      ഭാരതം വ്യാപകമായി ചർച്ച ചെയ്യുന്നത് നിലവിലെ വക്കഫ് നിയമ ഭേതഗതികളെക്കുറിച്ചാണ്... ആവശ്യ സമരങ്ങളും അനാവശ്യ സമരങ്ങളും ഒരുപാട് കണ്ട നമ്മുടെ രാജ്യത്തെ ഏറ്റവും പ്രാധാന്യമുള്ള സമരമായി "വക്കഫ് നിയമ ഭേദഗതികൾ" ആവശ്യപ്പെട്ടുകൊണ്ടുള്ള സമരങ്ങൾ മാറും എന്ന കാര്യത്തിൽ യാതൊരു സംശയവും ഇല്ല... കാരണം വക്കഫ് നിയമ ഭേദഗതികൾ ആവശ്യപ്പെട്ടുകൊണ്ടുള്ള സമരങ്ങൾ കാലത്തിന്റെ ആവശ്യമാണ്... വക്കഫ് നു നൽകിയിരിക്കുന്ന അമിതാധികാരങ്ങളും അവകാശങ്ങളും ഈ രാജ്യത്തെ പൗരന്മാരുടെ ആത്മാഭിമാനത്തിനു നേരെ ഉയരുന്ന വാളുകൾ കൂടിയാണ്... ഒരു ജനാധിപത്യ രാജ്യത്തു പ്രത്യേകിച്ച് മതനിരപേക്ഷത ഉയർത്തിപ്പിടിക്കുന്ന ഒരു രാജ്യത്ത് ഒരിക്കലും അനുവദിക്കാൻ കഴിയാത്ത നിയമമാണ് നിലനിൽക്കുന്ന വക്കഫ് നിയമങ്ങൾ എന്നകാര്യത്തിൽ   യാതൊരു സംശയവും ഇല്ല... വക്കഫ് നിയമത്തിലെ കാടൻ വകുപ്പുകൾ ഈ രാജ്യത്തെ ഏതൊരു പൗരന്റെ അവകാശങ്ങൾക്കുമേലും ഏതു നിമിഷവും വീശിയടിക്കാൻ സാധ്യതയുള്ളതാണെന്ന് നമ്മൾ തിരിച്ചറിഞ്ഞേ തീരൂ... 

     "വക്കഫ്" സ്വത്തുവകകളെക്കുറിച്ചാണ് സംസാരിക്കുന്നത്... വക്കഫ്ന്റെ ആരംഭത്തെക്കുറിച്ചു പറയുന്നത് ഇങ്ങനെയാണ്... യഹൂദരിൽ നിന്നും പിടിച്ചെടുത്ത കൃഷി ഭൂമികൾ ഒമർ മുഹമ്മദിനു മുന്നിൽ സമർപ്പിച്ചു... മുഹമ്മദ് ഈ സ്വത്തുവകകൾ യാത്രക്കാരായ മുസ്ലീമുകളുടെ സൗകര്യത്തിനായി വിട്ടുനൽകി... ആ സ്വത്തുവകകൾ അല്ലാഹുവിന്റെ സ്വത്തായി കണക്കാക്കപ്പെട്ടു... വക്കഫ് എന്ന സങ്കൽപ്പവും, പ്രസ്ഥാനവും അവിടെ ആരംഭിക്കപ്പെട്ടു എന്നാണ് കരുതുന്നത്... "വക്കഫ്" ന്റെ  സ്വത്തുവകകൾ അള്ളാഹുവിന്റെ സ്വത്തായാണ് കണക്കാക്കപ്പെടുന്നത്... ആ സ്വത്തു വകകൾ ഒന്നും തന്നെ മറ്റൊരു മതവിഭാഗത്തിന്റെയും ക്ഷേമത്തിനായി വിനിയോഗിക്കില്ല, വിനിയോഗിക്കാൻ കഴിയില്ല... വക്കഫ് സ്വത്തുവകകൾ പൊതു ക്ഷേമത്തിനായും വിനിയോഗിക്കപ്പെടാറുണ്ട് എന്ന് ഉയരുന്ന വാദങ്ങൾക്ക് യാതൊരു അടിസ്ഥാനവുമില്ല... വക്കഫ് തികച്ചും മതാധിഷ്ഠിത ചിന്തയും,, വിനിയോഗവും മാത്രമാണ്... മതേതര രാഷ്ട്രം എന്ന് അവകാശപ്പെടുന്ന ഭാരതത്തിന്റെ മതേതര നിയമ സങ്കല്പങ്ങൾക്കുള്ള കളങ്കവും, ഭരണഘടനയുടെ അടിസ്ഥാന തത്വങ്ങളുടെ ലംഘനവുമാണ് നിലവിലെ വക്കഫ് നിയമങ്ങൾ എന്ന കാര്യത്തിൽ യാതൊരു സംശയവുമില്ല...

     വക്കഫ് നിയമങ്ങളിൽ ഭേദഗതി ആവശ്യപ്പെട്ടുകൊണ്ട് നടക്കുന്ന സമരങ്ങൾ രാജ്യത്തിന്റെ ജനാധിപത്യ മൂല്യങ്ങൾ സംരക്ഷിക്കുന്നതിനും,, ഭരണഘടനയുടെ അടിസ്ഥാന മൂല്യങ്ങൾ സംരക്ഷിക്കാൻ വേണ്ടിയും, മതനിരപേക്ഷതയെ സംരക്ഷിക്കാൻ വേണ്ടിയുള്ളതുമാണെന്ന് നിസ്സംശയം പറയാൻ കഴിയും... ഇവിടുത്തെ കമ്യുണിസ്റ്റുകാരും കോൺഗ്രസ്സ്കാരും പറയുന്ന ഇസ്ലാമിക വിഭാഗത്തെ മാത്രം പ്രീണിപ്പിക്കുന്ന മതനിരപേക്ഷതയല്ല, മറിച്ച് മതത്തിന്റെ പേരിൽ വിവേചനം അനുവദിക്കാത്ത,, മതത്തിന്റെ പേരിൽ ഒരുവന്റെ സ്വത്തു സമ്പാദ്യങ്ങൾ പിടിച്ചെടുക്കാൻ അനുവദിക്കാത്ത,, മതത്തിന്റെ പേരിൽ ആധിപത്യങ്ങൾ അനുവദിക്കാത്ത, മതത്തിന്റെ പേരിൽ ക്രൂരതകളും ആട്ടിപ്പായിക്കലുകളും അനുവദിക്കാത്ത ഭരണഘടന വിഭാവനം ചെയ്യുന്ന മതനിരപേക്ഷതക്കായുള്ള സമരം...

     വക്കഫ് നിയമങ്ങൾ ഭാരതത്തിൽ നടപ്പിലാക്കിയതിനു പിന്നിൽ പോലും ബ്രട്ടീഷ് സാമ്രാജ്യത്വത്തിന്റെ വിഭജിച്ചു ഭരിക്കുക എന്ന തന്ത്രം ഒളിച്ചിരുന്നു എന്ന് കാണാൻ കഴിയും... പത്തൊൻപതാം നൂറ്റാണ്ടിന്റെ അന്ത്യത്തിൽ ബ്രട്ടീഷ് പ്രെവി കൗൺസിൽ (സുപ്രീം കോർട്ട്)  വക്കഫ് എന്ന സമ്പ്രദായത്തെത്തന്നെ നിശിതമായി വിമർശിച്ചിരുന്നെങ്കിലും അതിനെ നിയമപരിരക്ഷയോടെ ഭാരതത്തിൽ നടപ്പിലാക്കാനാണ് ബ്രട്ടീഷ് ഭരണകൂടം ശ്രമിച്ചത്... അതിന്റെ പിന്നിൽ മുൻപ് പറഞ്ഞതു പോലെ വിഭജന തന്ത്രം തന്നെയായിരുന്നു എന്നതു വ്യക്തമാണ്... ഒരു മതത്തിന്റെ പേരിൽ രാജ്യത്തിന്റെ സ്വത്തുവകകൾ സമാഹകരിക്കുകയും ആ സ്വത്തുവകകൾ മതത്തിന്റെ ഉള്ളിൽ മാത്രം എന്ന കർശന ഉപാധികളോടെ വിനിയോഗിക്കുകയും ചെയ്യുമ്പോൾ അത് ഇതര മതസ്ഥരിൽ അസ്വസ്ഥതകൾ സ്ഷ്ടിക്കുമെന്നും അതുവഴി രാജ്യത്തു ഹിന്ദു മുസ്‌ലിം ആസ്പധ നിലനിർത്താമെന്നും അവർ കണക്കു കൂട്ടിയിരുന്നു... എന്നാൽ മറ്റു മതസ്ഥരുടെ ചുവരിൽ കോട്ടിൽ കെട്ടി പാർക്കാൻ വക്കഫ് കമ്മറ്റിയെ അനുവദിക്കും വിധം ഒരു കാടൻ നിയമമായി അതിനെ മാറ്റിയെടുക്കാൻ കഴിയുമെന്ന് ബ്രട്ടീഷുകാർ പോലും  കരുതിയിട്ടുണ്ടാകില്ല... അതിനു കൊണ്ഗ്രെസ്സ് സർക്കാർ തന്നെ ഭാരതത്തിൽ അധികാരത്തിൽ വരേണ്ടി വന്നു... 

     ഖിലാഫത് പ്രസ്ഥാനങ്ങൾക്ക് കാരണമായ തുർക്കിയിലോ, ഇൻഡോനേഷ്യ, ഇറാൻ, ലിബിയ തുടങ്ങിയ ഇസ്‌ലാമിക രാജ്യങ്ങളിലോ പ്രാബല്യത്തിൽ ഇല്ലാത്ത വക്കഫ് നിയമങ്ങൾ 1923 ൽ ആയിരുന്നു ബ്രട്ടിഷുകാർ ഭാരതത്തിൽ നടപ്പിലാക്കിയത്... വക്കഫ് ബോർഡ് പ്രാബല്യത്തിൽവന്ന കാലം മുതൽ സ്വത്ത് ആർജ്ജിക്കുന്നതിനു മാത്രമുള്ള ഒരു സംഘടനയായി അത് മാറിയിരുന്നു... വക്കഫിലേക്കു സ്വത്തു ചേർക്കുന്നതിൽ മുഹമ്മദീയരും ഇരകളാക്കപ്പെട്ടിരുന്നു എന്ന സത്യം ആരും അറിയാത്തതല്ല... രാജ്യത്താകമാനം നിലനിന്നിരുന്നതും, നിലനിൽക്കുന്നതുമായ ലക്ഷത്തിൽ പരം കേസ്സുകളിൽ വക്കഫ് ബോർഡിന്റെ എതിർകക്ഷികൾ മുഹമ്മദീയരാണെന്നതാണ് സത്യം... വക്കഫ് ബോർഡ് നു എതിരെ പരസ്യമായി രംഗത്തു വരുന്നവരിലും, വക്കഫ് ബോർഡ് ഒരു അഴിമതിക്കൂട്ടമാണെന്നു വിളിച്ചു പറയുന്നവരിലും വലിയ വിഭാഗം മുസ്ലീമുകളുണ്ട്... രാജ്യത്ത് അനേകായിരം സ്ഥാപനങ്ങൾക്ക് ഉടമകളായ ഷിയാ വിഭാഗക്കാരായ AISSE എന്ന കൂട്ടായ്മ വക്കഫ് നിയമങ്ങളിലെ പൊളിച്ചെഴുത്ത് പരസ്യമായി ആവശ്യപ്പെടുന്നു എന്ന സത്യവും മനഃ പൂർവ്വം വിസ്മരിക്കപ്പെടുന്നു...

     1995 ൽ നരസിംഹ റാവു നേതൃത്വം കൊടുത്ത കൊണ്ഗ്രെസ്സ് സർക്കാരാണ്  ഭാരതത്തിന്റെ ഭരണഘടനയ്ക്കും,, ഒരു വ്യക്തിയുടെയോ, സമൂഹത്തിന്റെയോ സ്വാഭാവിക നീതിക്കും  ഘടകവിരുദ്ധമായി വക്കഫ് നിയമങ്ങൾ പുനർ നിർവചിക്കുന്നത്...  നിയമങ്ങൾ പരിഷ്കരിക്കുക എന്നതാണ് സാധാരണ സർക്കാരുകൾ അനുവർത്തിക്കുന്ന നയം... പക്ഷെ ഒരു നിയമം എങ്ങനെ അപരിഷ്‌കൃതമാക്കാം എന്നതിന്റെ ഏറ്റവും വലിയ ഉദാഹരണമായിരുന്നു 1995 ൽ പാസ്സാക്കിയ വക്കഫ് അമെൻഡ്മെണ്ടുകൾ... 1995 ൽ നടപ്പിലാക്കിയ അമെൻഡ്മെണ്ടുകൾക്കെതിരെ കാലമിത്രയുമായിട്ടും രാജ്യമാകമാനം വ്യാപിക്കും വിധമായ പ്രതിഷേധ പരിപാടികൾ എന്തുകൊണ്ടുണ്ടായില്ല എന്നത് അത്ഭുതത്തോടൊപ്പം മാത്രം ചോദിക്കാൻ കഴിയുന്ന ചോദ്യമാണ്... ജനങ്ങളിൽ നിന്നും സമർഥമായി മറച്ചുവെച്ചുകൊണ്ട് ചൂഷണം നടത്താൻ അവർക്കു കഴിഞ്ഞിരുന്നു എന്ന് കാണണം... നരേന്ദ്രമോഡി സർക്കാർ കൊണ്ടുവരാൻ ഉദ്ദേശിക്കുന്ന ന്യായമായ  നിയമപരിഷ്‌ക്കാരങ്ങൾക്ക് തുരങ്കം വെയ്ക്കാൻ ശ്രമിക്കുന്നവർ അവർക്കു വേണ്ട ഒത്താശകൾ ചെയ്തിരുന്നതായും മനസ്സിലാക്കാം... 

      വക്കഫ് നിയമങ്ങളിൽ 1995 കോണ്ടുവന്ന  അമെൻഡ്മെന്റ് വക്കഫ് ബോർഡിനെ ഏതുവിധേനയും സ്വത്ത് ആർജ്ജിക്കാൻ ഒത്താശ ചെയ്യുക എന്ന ഉദ്ദേശത്തിൽ ഉള്ളതായിരുന്നു... വക്കഫ് ആക്ടിലെ sec 40 ഉം അനുബന്ധ വകുപ്പുകളും അതിനവരെ പ്രാപ്തമാക്കുന്നതായിരുന്നു... 1995 അമെൻഡ്മെന്റ് പരമാവധി ഭാരതഭൂമി വക്കഫ് ബോർഡിന്റെ അധീനതയിലാക്കുക എന്ന ഗൂഢ ഉദ്ദേശത്തിൽ കൊണ്ടുവന്നതാണെന്ന് നിശ്ശേഷം പറയാൻ കഴിയും... 

     വഖഫ് ബോർഡ് അവകാശം ഉന്നയിക്കുന്ന ഏതൊരു ഭൂമിക്കുമേലും വഖഫ് ബോർഡന് ഉടമസ്ഥാവകാശം നേടിയെടുക്കാൻ കഴിയും എന്നതാണ്  1995 അമെൻഡ്മെന്റ് വഴി ചേർക്കപ്പെട്ട പ്രധാന വകുപ്പ്... വഖഫ് ബോർഡ് അപ്രകാരം ഒരു അവകാശം ഒരു ഭൂമിക്കുമേൽ ഉയർത്തിയാൽ ആ ഭൂമി വക്കഫിലേക്ക് മുതൽ ചേർത്തുകൊണ്ട് സർക്കാർ വിജ്ഞാപനം ഇറക്കണം... നിലവിലെ ഭൂവുടമയ്‌ക്കോ, അവകാശക്കാരനോ ആക്ഷേപങ്ങൾ ഉണ്ടെങ്കിൽ അഥവാ വക്കഫ് ബോർഡിന് അവകാശമില്ല എന്ന് തർക്കമുണ്ടെങ്കിൽ അത് തെളിയിക്കേണ്ടത് നിലവിലെ ഭൂവുടമയാണ്... അവകാശമുണ്ടെന്ന് വക്കഫ് ബോർഡ് തെളിയിക്കുകയല്ല വേണ്ടത് എന്നകാര്യം നമ്മൾ ശ്രദ്ധിക്കണം.... മാത്രമല്ല  നിലവിലെ ഭൂവുടമയ്ക്ക് തർക്കങ്ങൾ ഉണ്ടെങ്കിൽ ആ തർക്കങ്ങൾ വക്കഫ് ട്രിബുണലിൽ ബോധിപ്പിക്കണം... രാജ്യത്തെ സിവിൽ കോടതികളിൽ കേസ്സുകൾ കൊടുക്കുന്നതിനോ, കോടതികൾക്ക് കേസ്സുകൾ കേൾക്കുന്നതിനോ അധികാരമില്ല... വക്കഫ് ട്രിബുണലിൽ നിന്നും നിലവിലെ ഭൂവുടമയ്ക്ക് അനുകൂലമായ ഉത്തരവ് പ്രതീക്ഷിക്കാനേ തരമില്ല... കാരണമെന്തെന്നാൽ വക്കഫ് നിയമങ്ങൾ നിലവിൽ എല്ലാത്തരത്തിലും വക്കഫ് ബോർഡ് ഉന്നയിക്കുന്ന അവകാശങ്ങൾക്ക് അനുകൂലമായാണ് എഴുതി വെച്ചിരിക്കുന്നത്... മാത്രമല്ല ഒരു ഭൂമിക്കോ സ്വത്തിന്മേലോ വക്കഫ് ന് അവകാശം ഉന്നയിക്കാൻ യാതൊരു ലിമിറ്റേഷൻ നിയമങ്ങളും അവരെ തടയുന്നില്ല എന്ന്കൂടി കാണണം... അതായത് ഗുരുവായൂർ ക്ഷേത്രത്തിനുമേലൊ, പദ്മനാഭ ക്ഷേത്രത്തിനുമേലൊ, വേളാങ്കണ്ണി പള്ളിക്കുമേലോ, ഇന്ന് വക്കഫ് ബോർഡ് അവകാശം ഉന്നയിച്ചില്ല എന്ന് കരുതി നാളെ ഉന്നയിച്ചുകൂടെന്നില്ല... ഉന്നയിച്ചാൽ അത് നിലവിലെ നിയമപ്രകാരം സാധൂകരിക്കപ്പെടും... പദ്മനാഭ ക്ഷേത്രത്തിനോ, വേളാങ്കണ്ണി പള്ളിക്കോ മാത്രം ബാധകമായതല്ല; രാജ്യത്തെ ഏതൊരു ഭൂമിക്കുമേലും ഇന്നോ, നാളെയോ, അമ്പതോ നൂറോ വര്ഷങ്ങൾക്കു ശേഷമോ അവകാശമുന്നയിക്കാൻ നിലവിലെ നിയമം വക്കഫിനെ പ്രാപ്തമാക്കുന്നു... നിലവിലെ ഭൂവുടമ നിയമം നിർദ്ദേശിക്കുന്ന എല്ലാ രേഖകളും കൈവശമുള്ള ആളാണെങ്കിലും,, അനേകം വർഷങ്ങൾ ആ ഭൂമി കൈവശം വെച്ചിരിക്കുന്ന ആളാണെങ്കിലും,, ആ ഭൂമിയിൽ വളരെ അധികം സമ്പത്ത് മുടക്കിയിട്ടുണ്ടെങ്കിലും ഒന്നുംതന്നെ വക്കഫ് ബോർഡിന്റെ അവകാശവാദത്തിന് തടസ്സമായി നിലനിൽക്കില്ല... എത്ര മനോഹരമായാണല്ലേ കൊണ്ഗ്രെസ്സ് സർക്കാർ ഭാരതഭൂമി കൈക്കലാക്കാൻ വക്കഫ് ബോർഡിനെ സഹായിച്ചിരിക്കുന്നത് എന്ന് നോക്കൂ!! ഏറ്റവും രസകരമായ കാര്യമിതല്ല;; നിങ്ങൾ ഈ രാജ്യത്തെ നൂറ് ആൾക്കാരോട് ഭാരതം എന്ന ജനാധിപത്യ- മതേതര രാജ്യത്ത് ഇതുപോലെ ഒരു നിയമം നിലനിൽക്കുന്നുണ്ട് എന്ന് പറഞ്ഞു നോക്കൂ... എഴുപത്തി അഞ്ചു പേരും അത് വിശ്വസ്സിക്കില്ല... മുസ്ലീമുകളോടോ, കോൺഗ്രസിനോടോ വിരോധമുള്ളവർ പറഞ്ഞു പരത്തുന്ന കള്ളമാണെന്നേ അവർ കരുതൂ... കാരണം മറ്റൊന്നുമല്ല,, ഇത്രയധികം മഹത്തരമായ ഭരണഘടനയുള്ള ഒരു മഹാരാജ്യത്ത് ഇതുപോലൊരു നിയമം നിലനിൽക്കുന്നു എന്ന് വിശ്വസിക്കാൻ പോലും ഇവിടുത്തെ മനുഷ്യർക്ക് കഴിയുന്നില്ല എന്നതാണ് സത്യം... 

     വക്കഫ് ബോർഡിന് ഉന്നയിക്കാൻ കഴിയുന്ന കാരണങ്ങൾ അതിലേറെ വിചിത്രമാണ്... ഏതെങ്കിലും മുകൾ രാജാക്കന്മാർ കൈവശം വെച്ചിരുന്നെന്നോ, വക്കഫിനു നൽകാൻ ചരിത്രാതീത കാലത്തോ മറ്റോ ആരെങ്കിലും ആലോചിച്ചിരുന്നെന്നോ, ഏതെങ്കിലും ഇസ്ളാമിക ചരിത്രകാരന്മാരോ മറ്റോ ഒരു ഭൂമിയിൽ യാത്രക്കിടെ വിശ്രമിച്ചിരുന്നെന്നോ, നിസ്കരിച്ചിരുന്നെന്നോ എന്തെങ്കിലും ഒരു കാരണം ഉന്നയിച്ചാൽ മതി... കാരണത്തിന്റെ കോളത്തിൽ എന്തെങ്കിലും ഒന്നെഴുതിയാൽ മതി... സിനിമാ പാട്ട് എഴുതി വെച്ചാലും ഭൂമി വക്കഫിന് എന്നതാണ് നിലവിലെ നിയമം പറയുന്നത്‌... ബാംഗ്ളൂരിലെ ഈദ് ഗാഹ് മൈതാനത്തിനുമേലും, മുൻസിപ്പൽ കെട്ടിടത്തിനുമേലും വക്കഫ് അവകാശം ഉന്നയിച്ചിരിക്കുന്നത് അവിടെ നിസ്‌ക്കരിച്ചിരുന്നു എന്ന പേരിലാണ്... സൂററ്റിലെ ഭൂമിക്കുമേൽ അവകാശം ഉന്നയിച്ചിരിക്കുന്നത് മുഗൾ ഭരണകാലത്ത് അവിടെ ഹജ്ജ് തീർഥാടകർ നിസ്കരിച്ചു എന്ന പേരിലാണ്...  മുഗൾ ഭരണകാലത്ത് അവിടെ ഹജ്ജ് തീർഥാടകർ നിസ്കരിച്ചിരുന്നെങ്കിൽ ഭൂമി വക്കഫിന്റെതാകുമോ എന്ന സംശയം ഉന്നയിക്കാൻ വരട്ടെ;; അപ്രകാരം നിസ്കരിച്ചിരുന്നു എന്ന് തെളിയിക്കേണ്ട ആവശ്യമില്ല എന്ന കാര്യം അതിനു മുൻപ് മനസിലാക്കൂ... അതാണ് അവകാശം ഉന്നയിക്കാൻ എന്തെങ്കിലും ഒരു കാരണം തന്നെ ധാരാളം എന്ന് പറയാൻ കാരണം... 

     വക്കഫിന്റെ അധീനതയിൽ നിലവിൽ എട്ടര ലക്ഷം മുതൽ പന്ത്രണ്ടു ലക്ഷം ഏക്കർ ഭൂമി വരെ ഉണ്ടെന്നാണ് പറയപ്പെടുന്നത്... സായുധസേനയ്ക്കും, ഇന്ത്യൻ റയിൽവേക്കും തൊട്ടു പിന്നിലായി ഭൂമി കൈവശം വെയ്ക്കുന്നവരായി വക്കഫ് അധികാരികൾ മാറിയിരിക്കുന്നു എന്ന് കാണാം... ഒരു വിശ്വസ്സി സ്വമനസ്സാലെ അല്ലാഹുവിനു സമർപ്പിക്കുന്നതാണ് 'വക്കഫ് സ്വത്ത്' എന്നതിന്റെ അടിസ്ഥാന പ്രമാണം... അപ്രകാരം വിശ്വാസ്സികൾ സമർപ്പിച്ചതാണ് ഇപ്പറയുന്ന എട്ടര ലക്ഷം മുതൽ പന്ത്രണ്ടു ലക്ഷം ഏക്കർ ഭൂമി  എന്നാണോ ഇവിടുത്തെ ജനങ്ങളോട്  പറയുന്നത്!!?? പറഞ്ഞോളൂ, പക്ഷെ വിശ്വസ്സിക്കണം എന്ന് ശാഠ്യം പിടിക്കരുതെന്നു മാത്രം... രാജ്യത്തു നിലനിക്കുന്ന വക്കഫ് കരിനിയമങ്ങലുടെ പിൻബലത്തിൽ നേടിയെടുത്തതാണ് ഒരു ചെറിയ സംസ്ഥാനത്തോളം വലിപ്പം വരുന്ന ഇത്രയധികം ഭൂമി എന്നത് അല്പം പ്രയാസ്സത്തോടെയെങ്കിലും വിശ്വസ്സിച്ചേ പറ്റൂ...

     ഇത്രയും നാൾ വക്കഫ് കിരാത നിയമങ്ങളുടെ പിൻബലത്തിൽ എത്രയധികം ഒഴിപ്പിക്കലുകളും, പിടിച്ചെടുക്കലുകളും നടത്തിയെങ്കിലും അതിനെതിരെ വലിയ ജനകീയ പ്രക്ഷോഭങ്ങൾ ഉയർന്നു വന്നിരുന്നില്ല എന്നതും ഒരു ജനാധിപത്യ രാജ്യത്തിന് ഭൂഷണമായ കാര്യമല്ല... കുടിയിറക്കപ്പെട്ടവന്റെ നിസ്സഹായാവസ്ഥയും, കണ്ണീരും, വിലാപവും കേൾക്കാൻ വോട്ടു ബാങ്ക് രാഷ്ട്രീയത്തിൽ മാത്രം കണ്ണു വെച്ച് പ്രവർത്തിക്കുന്ന ഇവിടുത്തെ രാഷ്ടീയ കക്ഷികൾക്ക് താല്പര്യമില്ലായിരുന്നു എന്ന് മനസ്സിലാക്കണം... മധ്യപ്രദേശിലെ ആർക്കിയോളജിക്കൽ ഡിപ്പാർട്ട്മെന്റിന്റെ കീഴിലുള്ള ഭൂമിമേൽ വക്കഫ് ബോർഡ് അവകാശം ഉന്നയിച്ചതും ഹൈക്കോടതി വക്കഫ് ബോർഡിന്റെ അവകാശം നിരാകരിച്ചതുമാണ് വക്കഫ് ബോർഡിനുവേണ്ടി രാഷ്ട്രീയ മുന്നണികൾ തീർത്ത പ്രതിരോധത്തെയും പത്ര- ദൃശ്യ മാധ്യമങ്ങൾ നിശ്ശബ്ദതകൊണ്ട് നൽകിയ പിന്തുണയേയും ഭേദിച്ച് പുറത്തു വരുന്നതിന് കാരണമായിട്ടുള്ളത്... തമിഴ് നാട്ടിൽ ആയിരത്തി അഞ്ഞൂറില്പരം വർഷങ്ങൾ പഴക്കമുള്ള ക്ഷേത്രം ഉൾപ്പെടെ ഒരു ഗ്രാമത്തിന്മേൽ വക്കഫ് ബോർഡ് അവകാശം ഉന്നയിച്ചതും,, ദ്വാരകയിലെ രണ്ടു ദ്വീപുകൾക്ക് മേലും, വിപ്രോ, മൈക്രോസോഫ്ട് കെട്ടിടങ്ങൾ നിൽക്കുന്ന ഭൂമിക്കുമേലും, ITC ഹോട്ടലിനുമേലും എന്ന് തുടങ്ങി ഇന്ത്യൻ പാർളമെൻറ്റിനുമേൽവരെ വക്കഫ് ബോർഡ് അവകാശം ഉന്നയിച്ചതോടുകൂടി കിരാത വക്കഫ് നിയമങ്ങൾക്ക് എതിരെ ജനവികാരം എരിഞ്ഞു തുടങ്ങിയിരിക്കുന്നു... ഇന്ത്യൻ പാർളമെൻറ്റിനുമേൽ വക്കഫ് ബോർഡ് ഉന്നയിച്ച അവകാശത്തിനുമേൽ എന്താണ് ഇവിടുത്തെ പ്രതിപക്ഷ പാർട്ടികളുടെ അഭിപ്രായം എന്നറിയാൻ പൊതുജനത്തിന് താല്പര്യമുണ്ട്... ടിപ്പു സുൽത്താൻ്റെ കുതിര ചാണകമിട്ടിടം എന്ന് പറഞ്ഞു വക്കഫ് ബോർഡ് അവകാശം ഉന്നയിച്ചാലും അതവർക്ക് കൊടുക്കണം എന്ന് നിയമം എഴുതി വെച്ചവർ പാർലമെന്റു കെട്ടിടവും സ്ഥലവും വക്കഫിനു കൊടുത്തേക്കൂ,, എം പി മാർ മരത്തണലിൽ ഇരിക്കട്ടെ എന്ന് പറഞ്ഞാലും അതിശയപ്പെടാനില്ല...  

     നരേന്ദ്ര മോഡി നേതൃത്വം നൽകുന്ന NDA സർക്കാർ വക്കഫ് നിയമങ്ങളിൽ ഏകദേശം നാല്പതോളം മാറ്റങ്ങൾ കൊണ്ടുവരാനാണ് ഉദ്ദേശിക്കുന്നത്... അതിൽ ഒരു മാറ്റം വക്കഫ് ബോർഡിൽ അംഗങ്ങളിൽ രണ്ടുപേർ സ്ത്രീകൾ ആയിരിക്കണമെന്നതാണ്... ഈ മാറ്റത്തെ പ്രതിപക്ഷ അംഗങ്ങൾ എതിർക്കുന്നുണ്ടോ എന്ന് വ്യക്തമാക്കണം... എതിർക്കുന്നുവെങ്കിൽ സ്ത്രീകൾ അധികാരസ്ഥാനങ്ങളിലേക്ക് വരുന്നതിനുള്ള നിങ്ങളുടെ നിലപാടുകൂടി വ്യക്തമാക്കണം... സ്ത്രീകളെ അധികാരമേല്പിച്ചിടം ഗുണം പിടിച്ചിട്ടില്ല എന്ന താലിബാൻ തിയറിയാണോ നിങ്ങൾ പിന്തുടരുന്നതെന്നും പറയണം... വനിതാമതിൽ കെട്ടി സ്ത്രീ ശാക്തീകരണം കൊണ്ടുവന്ന മുസ്ളീം സ്ത്രീകൾ നിങ്ങളുടെ ശാക്തീകരണത്തിന്റെ അതിർ വരമ്പുകൂടി വെളിവാക്കണം...  

     വക്കഫ് ബോർഡ് ഒരു ഭൂമിക്കുമേൽ അവകാശം ഉന്നയിച്ചാൽ ഭൂവുടമയ്ക്ക് തൻ്റെ തർക്കങ്ങളുമായി ജില്ലാ കളക്ടറെ സമീപിക്കാം... ജില്ലാ കളക്ടറുടെ തീരുമാനത്തിനെതിരെ ഏതു കക്ഷിക്കും കോടതിയെ സമീപിക്കാം... നിയമവാഴ്ചയും, സ്വാഭാവിക നീതിയും ഉറപ്പുവരുത്തുന്ന ഒരു മാറ്റമായിരിക്കും ഇതെന്നാണ് എന്റെ പക്ഷം... 

     വക്കഫ് ബോർഡിൽ ഒരു ജുഡീഷ്യൽ ഓഫീസറെ ഉൾക്കൊള്ളിക്കാൻ 2024 ലെ അമെൻഡ്മെന്റ് വ്യവസ്ഥ ചെയ്യുന്നു... 

     ഒരു വ്യക്തി ഏറ്റവും കുറഞ്ഞത് അഞ്ചു വർഷം മുസ്ളീം ആയി ജീവിച്ചാൽ മാത്രമേ വക്കഫിന് സ്വത്ത് കൈമാറാൻ എലിജിബിൾ ആകുന്നുള്ളു എന്ന്  2024 ലെ അമെൻഡ്മെന്റ് വ്യവസ്ഥ ചെയ്യുന്നു... 

     2024 ലെ അമെൻഡ്മെന്റ് വ്യവസ്ഥ ചെയ്യുന്നു ഈ പ്രധാന മാറ്റങ്ങളെ  എന്തുകൊണ്ട് എതിർക്കുന്നു എന്ന് ജനസമക്ഷം വിശദീകരിക്കാൻ പ്രതിപക്ഷം നന്നേ വിഷമിക്കും എന്നാണ് തോന്നുന്നത്...

     കാലങ്ങളായി ഈ മാഹാരാജ്യത്തിന്റെ പല കോണുകളിൽ വക്കഫ് കരിനിയമങ്ങൾ കാരണം കണ്ണീരുവീണ നിരാശ്രയരായ ജനങ്ങളുടെ അതേ വിലാപശബ്ദം ഇന്ന് നമ്മുടെ കേരളത്തിലും ഉയർന്നു കേൾക്കുന്നുണ്ട്... വൈപ്പിൻ മുനമ്പത്ത്...!! മുനമ്പം ജനതയ്ക്ക് അവരുടെ ഭൂമി പണയപ്പെടുത്തിയോ, വിൽപ്പന നടത്തിയോ ഒരു വിവാഹത്തിനോ, ചികിത്സക്കോ പണം കണ്ടെത്താൻ കഴിയുന്നില്ല... ഭൂമി ഈട് നല്കി ഒരു വിദ്യാഭ്യാസ്സ ലോൺ എടുത്ത് കുട്ടികളെ പഠിപ്പിക്കാൻ കഴിയുന്നില്ല... ഇന്നുവരെ സ്വന്തമായിരുന്ന കിടപ്പാടം നാളെ സ്വന്തമായി ഉണ്ടാകുമോ എന്ന് പറയാൻ കഴിയുന്നില്ല... ഈ നാട്ടിലെ ഭരണ പ്രതിപക്ഷ അംഗങ്ങളിൽ എത്ര പേർ മുനമ്പം ജനതയോടോപ്പമുണ്ട്?? മുനമ്പം ജനതയുടെ കണ്ണുനീർ എന്തുകൊണ്ട് നിങ്ങളെ പൊള്ളിക്കുന്നില്ലാ?? മുനമ്പം ജനത ഇത്രനാളും കഴിഞ്ഞു വന്ന മണ്ണിന്മേൽ വക്കഫ് അവകാശം ഉന്നയിക്കുന്നതും, അവരെ കുടിയിറക്കാൻ ശ്രമിക്കുന്നതും ശരിയല്ല എന്ന് സോദര ചിന്തയിൽ പറയാൻ തയ്യാറുള്ള എത്ര മുസ്ളീം മതസ്ഥരുണ്ടിവിടെ??  മരടിലെ അനധികൃത നിർമ്മാണങ്ങളായ ഫ്‌ളാറ്റുകൾ പൊളിച്ചു കളയണം എന്ന് സുപ്രീം കോടതി ഉത്തരവിട്ടപ്പോൾ ""നിങ്ങൾ ഇവിടെ നിന്നും ഇറങ്ങേണ്ടി വരില്ല,, ഞങ്ങളുണ്ട് കൂടെ"" എന്ന് പറഞ്ഞു പിന്തുണ നൽകിയതു പോലെ മുനമ്പം ജനതയ്ക്കു പിന്തുണ നല്കാൻ ഏതു കമ്യുണിസ്റ്റ്‌ നേതാവുണ്ടിവിടെ??? 

     രാഷ്ട്രീയ/ മത താല്പര്യങ്ങൾക്ക് അതീതമായി ഒരു മനുഷ്യന് ലഭിക്കേണ്ട സ്വാഭാവിക നീതിക്കും,, മനുഷ്യത്വത്തിനും വിലകല്പിക്കുന്ന ഒരു വലിയ വിഭാഗം ജനങ്ങൾ വക്കഫ് കിരാത നിയമത്തിൻ്റെ ദോഷം പേറുന്ന മുനമ്പം ജനതക്കൊപ്പമുണ്ട്... മുനമ്പം ജനത രാജ്യത്തിന്റെ പലഭാഗങ്ങളിൽ മുൻപ് കണ്ണീർ വാർത്ത ഒരു പാട് ജനങ്ങളുടെ ഈ നാളിന്റെ പ്രതീകങ്ങളാണ്...

     വഖഫ് കരി നിയമങ്ങളിൽ നിന്നും രാജ്യത്തെയും ജനങ്ങളെയും രക്ഷിക്കേണ്ടത് ജനങ്ങളോട്ഭ പ്രതിബദ്ധതയുള്ള രണകൂടത്തിന്റെ ഉത്തരവാദിത്വമാണ്... വക്കഫ് നിയമങ്ങൾ ഉടൻ പൊളിച്ചെഴുതും എന്ന് നമുക്ക് പ്രത്യാശിക്കാം...

[Rajesh Puliyanethu 

 Advocate, Haripad]

ഹേമാ കമ്മറ്റി റിപ്പോർട്ട്,, പക്ഷം പറയാതെ ചില വർത്തമാനങ്ങൾ...

 ✍️ Adv. Rajesh Puliyanethu 

ചന്ദ്രനും നക്ഷത്രങ്ങൾക്കും എല്ലാം കാണുന്ന തിളക്കമില്ല, തിളക്കം ഉണ്ടെന്ന് നമുക്ക് തോന്നുന്നതാണ്...

തിളക്കം അന്വേഷിച്ച് ഇറങ്ങുന്നവർക്ക്, നക്ഷത്രങ്ങളുടെ തിളക്കം കണ്ണുകളെ അലോസരപ്പെടുത്തുന്നതാണ് എന്ന ചിന്തയുണ്ടാകുവാനും പാടില്ല...

ഹേമ കമ്മിറ്റി റിപ്പോർട്ട് പല തലങ്ങളിൽ ചർച്ച ആവശ്യപ്പെടുന്ന ഒന്നാണ്... ഹേമ കമ്മിറ്റി രൂപീകരിക്കപ്പെടാനുണ്ടായ സാഹചര്യം മുതൽ കമ്മറ്റിയുടെ തെളിവെടുപ്പ് നടപടികൾ, കമ്മറ്റിയുടെ കണ്ടെത്തലുകൾ, കമ്മിറ്റിയുടെ നിർദ്ദേശങ്ങൾ, കമ്മറ്റിയുടെ കണ്ടെത്തലുകളുടെ സുതാര്യത, അന്വേഷണ വിധേയമായ തൊഴിലിടത്തിന്റെ പ്രത്യേകതകൾ, കമ്മറ്റിയുടെ റിപ്പോർട്ടിന്റെ നിയമ സാധുത, കമ്മറ്റി റിപ്പോർട്ടിന്റെ തുടർ നടപടികൾക്കുള്ള സാധ്യത, കമ്മറ്റി റിപ്പോർട്ടിന്റെ രാഷ്ട്രീയ പ്രാധാന്യം, കമ്മറ്റി റിപ്പോർട്ട് സമൂഹത്തെ എങ്ങനെ ബന്ധപ്പെടുത്തുന്നു എന്ന് തുടങ്ങി ഹേമ കമ്മിറ്റി അധ്യക്ഷക്കും അംഗങ്ങൾക്കും ഏതെങ്കിലും വിധത്തിലുള്ള നിക്ഷിപ്ത താല്പര്യമുണ്ടായിരുന്നോ എന്നു വരെ പരിശോധിച്ചാൽ മാത്രമേ ഹേമ കമ്മിറ്റി റിപ്പോർട്ട് ശരിയായ വിധത്തിൽ ചർച്ച ചെയ്യപ്പെട്ടു എന്ന് കരുതുവാൻ കഴിയുകയുള്ളൂ...

മലയാളത്തിലെ ഒരു പ്രമുഖ നടി ആക്രമിക്കപ്പെട്ട പശ്ചാത്തലത്തിലും, മലയാള സിനിമാ വ്യവസായത്തിന്റെ വിവിധ മേഖലകളിൽ പ്രവർത്തിക്കുന്ന സ്ത്രീകൾക്ക് പലവിധത്തിലുള്ള ആക്രമങ്ങൾക്കും, ലൈംഗിക ചൂഷണങ്ങൾക്കും വിധേയമാകേണ്ടി വന്നു എന്ന വെളിപ്പെടുത്തലുകൾക്കും ശേഷമാണ് മലയാള സിനിമയിലെ സ്ത്രീകൾ നേരിടുന്ന ലൈംഗിക ചൂഷണങ്ങൾ, തൊഴിലിടത്തിലെ ലിംഗ വേർതിരിവുകൾ, അവകാശ സംരക്ഷണങ്ങൾ, വേതന വ്യതിയാനങ്ങൾ തുടങ്ങി പലവിധ പ്രശ്നങ്ങളെ കുറിച്ച് പഠിക്കുന്നതിന് കേരള സർക്കാർ മുൻകൈയെടുത്ത് ഹേമ കമ്മിറ്റി എന്ന "പഠന" കമ്മിറ്റിയെ നിയോഗിക്കുന്നത്... ഈ നാട്ടിൽ നടക്കുന്ന ഏറ്റവും വലിയ അന്വേഷണ പ്രഹസനമാണ് "ജുഡീഷ്യൽ അന്വേഷണം" എന്നിരിക്കെ ജുഡീഷ്യൽ അന്വേഷണം എന്ന നിയമ പരിധിക്കുള്ളിൽ പോലും വരാത്ത കേവലം ഒരു "കമ്മറ്റി" യുടെ കണ്ടെത്തലുകളുടെ നിയമ സാധുത എത്രത്തോളം ഉണ്ടെന്ന് കൂടുതൽ വിശദീകരിക്കേണ്ട ആവശ്യമുണ്ടെന്നു തോന്നുന്നില്ല... പ്രസ്തുത കമ്മിറ്റിയുടെ അധ്യക്ഷ ഒരു റിട്ടയേഡ് ഹൈക്കോടതി ജഡ്ജി ആണെന്നുള്ളതും ആ കമ്മറ്റിക്ക് വേണ്ട ചിലവുകൾ വഹിച്ചത് കേരള സർക്കാർ ആണെന്നതും മാത്രമാണ് ഹേമ കമ്മിറ്റി എന്ന പഠന കമ്മിറ്റിക്ക് എന്തെങ്കിലും പ്രത്യേകത കൽപ്പിച്ചു നൽകുന്നത്... മുൻ ഹൈക്കോടതി ജഡ്ജി കമ്മിറ്റിയുടെ അധ്യക്ഷയായതും റിട്ടയേഡ് ഐഎഎസ് ഓഫീസർ ശ്രീമതി വത്സലാകുമാരിയും, സീനിയർ അഭിനയത്രി ശ്രീമതി ശാരദയും കമ്മറ്റി അംഗങ്ങളായതും നിയമപരമായ യാതൊരു പ്രത്യേകതയും ആ കമ്മിറ്റിക്ക് നൽകുന്നില്ല എന്നതാണ് വസ്തുത... ഈ കമ്മിറ്റിക്ക് ജനങ്ങളുടെ മുന്നിൽ എന്തെങ്കിലും ഒരു അംഗീകാരം ലഭിക്കുക എന്ന ഉദ്ദേശത്തിൽ മാത്രമാണ് ഉന്നത പദവികൾ വഹിച്ചു വന്നിരുന്ന വനിതകളെ ഉൾക്കൊള്ളിച്ചുകൊണ്ട് കമ്മിറ്റി രൂപീകരിക്കാൻ കാരണം എന്നു മാത്രമാണ് മനസ്സിലാകുന്നത്... അധികാരമൊഴിഞ്ഞ ഒരു പഞ്ചായത്ത് പ്രസിഡൻ്റും, പതിവായി സിനിമ കാണാറുള്ള ഒരു വനിതയും, ഒരു വക്കീൽ ഗുമസ്തയും ചേർന്ന് ഇപ്രകാരം ഒരു കമ്മിറ്റി രൂപീകരിച്ചിരുന്നെങ്കിലും അധികാരത്തിലും, നിയമ സാധുതയിലും തുല്യമായിരുന്നു എന്ന് കാണാം... ഉന്നത വ്യക്തികൾ ചേർന്നു രൂപീകരിക്കപ്പെട്ട കമ്മിറ്റി എന്ന മേനി പറച്ചിൽ  ഉണ്ടാകുമായിരുന്നില്ല എന്നു മാത്രം...

ഹേമാ കമ്മിറ്റി റിപ്പോർട്ട് പരസ്യപ്പെടുത്തിയതാണ് ഏറ്റവും അനുചിതമായ കാര്യം എന്നാണ് എന്റെ പക്ഷം... അങ്ങനെയൊരു അഭിപ്രായം പറയുന്നതിന് പിന്നിൽ പല കാരണങ്ങൾ ഉണ്ട്... ഹേമാ കമ്മിറ്റി റിപ്പോർട്ട് പരസ്യപ്പെടുത്തുന്നതിന് പകരം ആ റിപ്പോർട്ടിൽ കണ്ടെത്തിയ കാര്യങ്ങൾ സർക്കാർ ഗൗരവപൂർവ്വം പരിഗണിക്കുകയും പരിഹാരങ്ങൾക്ക് വേണ്ടി ചട്ടങ്ങളും, , നിയമനിർമ്മാണങ്ങളും, പരാതി പരിഹാര സംവിധാനങ്ങളും, മോണിറ്ററിംഗ് സംവിധാനങ്ങളും ഏർപ്പെടുത്തുകയും ആയിരുന്നു വേണ്ടിയിരുന്നത്... ചുരുക്കിപ്പറഞ്ഞാൽ ഹേമാ കമ്മിറ്റി റിപ്പോർട്ടിന്റെ ഉള്ളടക്കം സർക്കാർ സംവിധാനങ്ങളിൽ മാത്രം ഒതുങ്ങി നിൽക്കുകയും ഉചിതമായ പരിഹാരങ്ങൾ സർക്കാർ ഇടപെട്ട് നടപ്പിലാക്കുകയും മാത്രമായിരുന്നു ചെയ്യേണ്ടിയിരുന്നത്... റിപ്പോർട്ട് ലഭിച്ച് കഴിഞ്ഞ അഞ്ചുവർഷങ്ങൾക്കുള്ളിൽ സർക്കാർ കമ്മറ്റി റിപ്പോർട്ടിലെ പരാമർശങ്ങൾക്ക് അനുസൃതമായ പരിഹാരമാർഗ്ഗങ്ങൾ എന്തൊക്കെ ചെയ്തു എന്ന ചോദ്യവും പ്രസക്തമാണ്... 

ഹേമ കമ്മിറ്റി റിപ്പോർട്ട് പരസ്യപ്പെടുത്തുന്നതിനായിരുന്നു എല്ലാവർക്കും താൽപര്യം... ഈ നാട്ടിൽ ഏതുതരത്തിൽ ഉള്ള വിവാദങ്ങൾ ഉണ്ടായാലും അതിൽ ഒരു ചേരുവയായി 'ലൈംഗികത' ഉണ്ടെങ്കിൽ വിവാദം സൂപ്പർ ഹിറ്റാണ്... കാരണം നമ്മുടെ സമൂഹത്തിന് ലൈംഗിക വിഷയങ്ങൾ ചർച്ച ചെയ്തുകൊണ്ടിരിക്കുന്നതിന് വലിയ താല്പര്യമാണുള്ളത്... മറ്റുള്ളവന്റെ ബെഡ്റൂമിൽ പോലും ക്യാമറ വെച്ച് സ്വകാര്യത മനസ്സിലാക്കാൻ ഉത്സുകത കാണിക്കുന്ന ഒരു മാനസിക വൈകല്യത്തിന്റെ ഭാഗമാണ് ഈ താൽപര്യങ്ങൾ എന്ന് പറയാതിരിക്കാൻ കഴിയില്ല...

ഹേമാ കമ്മിറ്റി റിപ്പോർട്ട് പരസ്യപ്പെടുത്തിയത് കൊണ്ട് സമൂഹത്തിനോ, സിനിമാ മേഘലയ്ക്കോ, സിനിമാരംഗത്ത് പ്രവർത്തിക്കുന്ന സ്ത്രീകൾക്കോ എന്തു പ്രയോജനമാണ് ഉണ്ടായത്!?  മലയാള സിനിമ മേഘലയിൽ "കാസ്റ്റിംഗ് കൗച്ച്" സജീവമാണ് എന്ന് ഹേമ കമ്മറ്റി കണ്ടെത്തിയിരിക്കുകയാണ്... ഹേമാ കമ്മിറ്റി റിപ്പോർട്ട് പ്രസിദ്ധീകരിക്കപ്പെട്ടത് കൊണ്ട് സിനിമ മേഖലയിലെ കാസ്റ്റിംഗ് കൗച്ച് ഇല്ലാതാകുന്നതിന് ഏതെങ്കിലും തരത്തിൽ സഹായകരമാകുമെന്ന് കരുതുന്നത് വിഡ്ഢിത്തമാണ്... സിനിമാ മേഘലയിൽ അവസരങ്ങൾ ലഭിക്കുന്നതിന് കാസ്റ്റിംഗ് കൗച്ചാണ് റിക്രൂട്ട്മെൻറ് മാർഗ്ഗം എന്ന് സ്ഥാപിക്കപ്പെട്ടാൽ ഇന്ന് സിനിമാ മേഘലയിൽ നിൽക്കുന്ന എല്ലാ സ്ത്രീകളെയും അടച്ചാക്ഷേപിക്കുന്നതിന് അത് കാരണമാകും എന്നതിൽ സംശയമില്ല... സിനിമയുടെ ഭാഗമായി നിൽക്കുന്ന സ്ത്രീകളെല്ലാം തന്നെ ഈ റിക്രൂട്ട്മെൻറ് മാർഗ്ഗം വിജയിച്ചവരാണെന്ന് വിളിച്ചു പറയുന്നതിനു തുല്യമാണത്... 

സിനിമാരംഗത്ത് തങ്ങളോട് മോശമായി പെരുമാറിയ ആൾക്കാരെ കുറിച്ചും സന്ദർഭങ്ങളെ കുറിച്ചും വിവരിച്ചുകൊണ്ട് പല സ്ത്രീകളും രംഗത്തുവരുന്നുണ്ട്... അതിലൊരു ഉദാഹരണം മാത്രമാണ് ലൂസിഫർ എന്ന സിനിമയിൽ മഞ്ജു വാര്യരുടെ മകളായി അഭിനയിക്കാൻ ആദ്യം നിശ്ചയിച്ചിരുന്ന പെൺകുട്ടിയുടെ വെളിപ്പെടുത്തൽ... 'ഒന്നു വഴങ്ങി തന്നാൽ മഞ്ജുവാര്യരുടെ മകളായാണ് വേഷം ലഭിക്കാൻ പോകുന്നത്' എന്ന് സിനിമാ മേഘലയിലെ ഒരുവൻ പ്രലോഭിപ്പിച്ചു എന്നാണ് ആ കുട്ടി പറയുന്നത്... താൻ അതിനു വഴങ്ങാതെ രക്ഷപ്പെട്ടുവെന്നും അവർ പറയുന്നു... അതിനു മറ്റൊരാന്തരാർത്ഥം കൂടിയുണ്ട്... അതേ സിനിമയിൽ മഞ്ജു വാര്യരുടെ മകളായി വേഷമിട്ടവൾ അതേ ആവശ്യത്തിന് വഴങ്ങി കൊടുത്തു എന്ന്... ആ സിനിമയിൽ മഞ്ജുവാര്യരുടെ മകളായി വേഷമിട്ട പെൺകുട്ടിയെ ഇപ്രകാരം അപമാനിതയാക്കി നിർത്തിയത് കൊണ്ട് എന്ത് പ്രയോജനം?? സ്വമനസ്സാലെയൊ, ഒരു ഓഫർ സ്വീകരിച്ചു എന്ന നിലയിലോ സ്വന്തം ശരീരം കൊണ്ട് മറ്റൊരുവനെ സന്തോഷിപ്പിച്ച് ഒരു പെൺകുട്ടി സിനിമയിൽ അവസരം വാങ്ങി എന്നു തന്നെ കരുതുക...! ആ പെൺകുട്ടിയെയും അപമാനിതയാക്കി സമൂഹത്തിനു മുന്നിൽ നിർത്തുന്നത് കൊണ്ട് എന്തു പ്രയോജനം!!?? അവിടെ ഒരു ഓഫറും ആ ഓഫറിന് ഒരു അക്സെപ്റ്റൻസും ഉള്ള സ്ഥിതിക്ക് മൂന്നാമന് എന്ത് റോളാണുള്ളത്? ബലം പ്രയോഗിച്ചോ, ഒരു ട്രാപ്പിൽ പെടുത്തിയോ, ഭീഷണിപ്പെടുത്തിയോ, ബോധം കെടുത്തിയൊ അല്ലാതെ, പെൺകുട്ടിയുടെ ഇംഗിതത്തിന് വിപരീതമല്ലാതെ നടക്കുന്ന ലൈംഗിക വേഴ്ചകൾക്ക് നിയമം എന്തു തടസ്സമാണ് പറയുന്നത്!? 376 (a) (b) തുടങ്ങിയ വകുപ്പുകൾക്കും പരാതിക്കാരി ഇല്ലാത്തതിനാൽ നിലനിൽപ്പില്ല എന്ന് കാണാം... നടൻ വിജയ് ബാബുവിനെതിരെ അല്ലാതെ ഒരു പെൺകുട്ടിയും ഒരു അന്വേഷണ ഏജൻസിക്ക് മുൻപാകെയോ അധികാര സ്ഥാനങ്ങളിലോ പരാതി നൽകിയതായി നാളിതുവരെ നമുക്കറിയില്ല... പ്രായപൂർത്തിയാകാത്ത ഒരു പെൺകുട്ടി ലൈംഗിക ചൂഷണത്തിന് ഇരയായതായി നിലവിൽ പരാതികളും ഇല്ല... അതിനാൽ തന്നെ പരാതിക്കാരിയില്ലാതെ ഈ വിഷയത്തിലെ കേസുകൾ ഒന്നും മുന്നോട്ടു പോവില്ല... ഒരു കൊഗ്നിസിബിൾ ഒഫൻസിനെ കുറിച്ച് എപ്രകാരം വിവരം ലഭിച്ചാലും എഫ്ഐആർ രജിസ്റ്റർ ചെയ്ത് അന്വേഷണം നടത്തണമെന്ന സുപ്രീം കോടതി വിധിയാണ് പോലീസ് നടപടിക്കുള്ള വഴിമരുന്ന്... അങ്ങനെ സിനിമ മേഘലയിൽ നടക്കുന്ന ലൈംഗിക ചൂഷണങ്ങൾ ആകമാനം ഒരു കുറ്റകൃത്യമായി കണ്ടു എഫ്ഐആർ രജിസ്റ്റർ ചെയ്താൽ തന്നെ ചൂഷണങ്ങൾക്ക് ഇരയായവർ മൊഴി തരാൻ തയ്യാറാകാതെ ആ കേസ് എങ്ങനെ മുന്നോട്ടു പോകും എന്നതാണ് പ്രായോഗിക വശത്തെ ചോദ്യം... എങ്കിലും ഈ വിഷയത്തിൽ ഒരു എഫ് ഐ ആർ രജിസ്റ്റർ ചെയ്യണം എന്ന് തന്നെയാണ് എൻറെ അഭിപ്രായം... കാരണം ഒരു പെൺകുട്ടി താൻ സ്വയം മുന്നിട്ടിറങ്ങി പരാതി നൽകി മുന്നോട്ടു പോകുവാൻ മടിച്ചു നിൽക്കുകയും, എന്നാൽ വ്യക്തമായ പരാതി ഉള്ളതുമായ സാഹചര്യം ഉണ്ടെങ്കിൽ അവർക്ക് ആ എഫ് ഐ ആറി ൽ മൊഴി കൊടുക്കുന്നതിന് ഒരു അവസരം ലഭിക്കുന്നതാണ്... അങ്ങനെ ഒരു അവസരം തുറന്നു കൊടുക്കുക എന്നത് മാത്രമാകും ആ എഫ് ഐ ആർ ൻ്റെ പ്രസക്തി... ഹേമാ കമ്മിറ്റി റിപ്പോർട്ട് പുറത്തുവന്ന ഈ അവസരം പലർക്കും വില വേശലുകളുടെ അവസരം കൂടിയാണോ എന്ന സ്വാഭാവിക സംശയത്തിനും വേദിയുണ്ട്...

ഹേമ കമ്മിറ്റി രൂപീകരിച്ചത് തന്നെ സിനിമാ രംഗത്തെ സ്ത്രീകളുടെ അനുഭവിക്കുന്ന പലവിധമായ ബുദ്ധിമുട്ടുകളെക്കുറിച്ച് പഠിച്ച് സർക്കാരിന് റിപ്പോർട്ട് സമർപ്പിക്കുന്നതിന് വേണ്ടി മാത്രമാണ്... തങ്ങളുടെ മൊഴികൾ ഒരിക്കലും പുറത്തു വരില്ല എന്ന ഉറപ്പിൻമേലാണ് പല പെൺകുട്ടികളും മൊഴി കൊടുക്കുന്നതിന് തയ്യാറായിട്ടുള്ളത്... ഹേമാ കമ്മറ്റിയുടെ പ്രൊസീഡിങ്സ് തന്നെ ശ്രദ്ധിക്കുക... മൊഴികൾ എല്ലാം  ഇൻ ക്യാമറ പ്രൊസീഡിങ്സ്ൽ കൂടിയാണ് രേഖപ്പെടുത്തിയിരിക്കുന്നത് ... അതർത്ഥമാക്കുന്നത് തന്നെ ഈ മൊഴികൾക്ക് രഹസ്യ സ്വഭാവം ആവശ്യമുണ്ടെന്നും ആ മൊഴികൾ കമ്മറ്റിയും സർക്കാരിലെ ഉത്തരവാദിത്തപ്പെട്ടവരും മാത്രം അറിയേണ്ടവയാണ് എന്നുമാണ്... കമ്മറ്റിയുടെ പഠന റിപ്പോർട്ടിൻ്റെ അടിസ്ഥാനത്തിൽ ഏതൊക്കെ വ്യക്തികൾക്കെതിരെ നടപടിയെടുത്തു എന്ന ചോദ്യത്തിന് തന്നെ പ്രസക്തിയില്ല... കാരണം ഹേമ കമ്മിറ്റി കുറ്റകൃത്യം കണ്ടുപിടിക്കുന്നതിനുള്ള ഒരു അന്വേഷണ ഏജൻസി അല്ല... ഹേമ കമ്മിറ്റിക്ക് മുൻപാകെ സ്ത്രീകൾ മൊഴികൾ കൊടുത്തിട്ടുള്ളത് ആരെയും ശിക്ഷിക്കാൻ വേണ്ടിയായിരുന്നില്ല... സിനിമാ മേഘലയിലെ നിലവിലെ അവസ്ഥ, സിനിമാ മേഘലയിൽ വരുത്തേണ്ട മാറ്റങ്ങൾ, പുതിയതായി കൊണ്ടുവരേണ്ട സൗകര്യങ്ങൾ, നിയമങ്ങൾ, ചട്ടങ്ങൾ എന്നിവയെ കുറിച്ച് സർക്കാരിന് അറിവ് നൽകുക എന്നതായിരുന്നു കമ്മിറ്റിയുടെ ഉത്തരവാദിത്വം എന്ന് നമ്മൾ മനസ്സിലാക്കണം... സത്യത്തിൽ കമ്മറ്റിയുടെ രഹസ്യ സ്വഭാവത്തെ വിശ്വസിച്ച് മൊഴി നൽകിയ വനിതകളോട് കാണിച്ച വഞ്ചനയായിരുന്നു കമ്മറ്റി റിപ്പോർട്ട് പ്രസിദ്ധീകരിച്ച നടപടി എന്ന് പറയേണ്ടിവരും...

മലയാളസിനിമാരംഗത്ത് കാസ്റ്റിംഗ് കൗച്ചും, ലൈംഗിക ചൂഷണവും എല്ലാം ചർച്ച ചെയ്യപ്പെടുമ്പോൾ ചില ചോദ്യങ്ങൾ ചോദിക്കാതിരിക്കാൻ കഴിയില്ല... മലയാള സിനിമ ഇൻഡസ്ട്രിയിലെ മാത്രം ഒരു അവസ്ഥയാണോ വിവരിക്കപ്പെട്ടതെല്ലാം?? മലയാള സിനിമയിൽ തന്നെ അടുത്ത കാലത്ത് ഉണ്ടായതാണോ ഈ വക ലൈംഗികതയിൽ അടിസ്ഥാനപ്പെടുത്തിയുള്ള അവസര വിതരണങ്ങളും എല്ലാം?? മലയാള സിനിമയിൽ മാത്രമാണോ പവർ മാഫിയ നിലനിൽക്കുന്നത്?? മലയാള സിനിമ മാത്രമാണോ ലോബികൾ നിലനിൽക്കുന്നത്?? മലയാള സിനിമയിൽ മാത്രമാണോ ഗ്രൂപ്പ് പ്രവർത്തനങ്ങൾ നിലനിൽക്കുന്നത്?? സുപ്രീം കോടതി ചീഫ് ജസ്റ്റിസ് ആയി പദവിയിൽ ഇരിക്കെത്തന്നെ രഞ്ജൻ ഗോഗോയ് ലൈംഗിക ആരോപണത്തിന് വിധേയനായ ചരിത്രം ഈ രാജ്യത്തിന് ഉണ്ടെന്ന് മറക്കരുത്... അമേരിക്കൻ പ്രസിഡൻറ് ആയിരിക്കെ ബിൽ ക്ലിൻ്റെൺ ലൈംഗിക ആരോപണത്തിന് വിധേയമായ ചരിത്രം ഈ ലോകത്തിനുമുണ്ടെന്ന് നമ്മൾ ഓർക്കണം... പിച്ചക്കാരൻ ആയാലും സുപ്രീം കോടതി ജഡ്ജി ആയാലും അമേരിക്കൻ പ്രസിഡണ്ട് ആയാലും ഒരു പോലെ ഉൾപ്പെട്ടിട്ടുള്ളത് ലൈംഗിക ആരോപണങ്ങളിൽ ആയിരിക്കും... രാഷ്ട്രീയത്തിലും, ക്രിക്കറ്റിലും, ഫുട്ബോളിലും, വ്യവസായ രംഗത്തും, മറ്റ് കലാരംഗത്തും എല്ലാം നിലനിൽക്കുന്ന പവർ പൊളിറ്റിക്സും, ഗ്രൂപ്പ് പ്രവർത്തനങ്ങളും, ലോബിയിഗും മലയാള സിനിമയിലെ മാത്രം പ്രത്യേകതയായി അവതരിപ്പിക്കപ്പെടുന്നതിലും നിക്ഷിപ്തതാത്പര്യങ്ങൾ ഉണ്ടോ എന്ന് സംശയിക്കേണ്ടി വരും... അവിടെയും എന്തു കൊണ്ട് ലോക സിനിമാ മേഘലയിൽ ലൈംഗികത ഒരു പ്രധാന വിനിമയ ഉപാധിയാകുന്നു എന്നും അപ്രകാരം വിനിയോഗിക്കപ്പെടുന്നതിനെ തടയാൻ കഴിയാതെ പോകുന്നു എന്നും ചിന്തിക്കേണ്ടതാണ്...

മറ്റെല്ലാ തൊഴിൽ മേഘലയും പോലെ തന്നെയല്ലേ സിനിമാ മേഘലയും, ഇവിടെ മാത്രം എന്താണ് ലൈംഗികതയ്ക്ക് ഇത്ര അതിപ്രസരം കാണുന്നത് എന്ന ചോദ്യം ഉയരുന്നുണ്ട്... ഒന്നാമതായി സിനിമാ മേഘല ഒഴികെ മറ്റു മേഘലകളിൽ ലൈംഗിക ചൂഷണം ഇല്ല എന്ന വാദം അംഗീകരിക്കാൻ കഴിയില്ല... ഒപ്പം തന്നെ സിനിമ മേഘലയിൽ അത് വളരെയധികം ആണെന്നും സമ്മതിക്കേണ്ടി വരും... അത് അപ്രകാരമാകാനുള്ള കാരണം ആ തൊഴിൽ മേഘലയുടെ സവിശേഷതയാണ്... മറ്റു തൊഴിൽ മേഘലകളിൽ അവസരങ്ങൾ ലഭിക്കുന്നത് ഏറെക്കുറെ വിദ്യാഭ്യാസ യോഗ്യതയുടെയൊ, മറ്റ് ടെക്നിക്കൽ സ്കില്ലുകളുടേയോ അടിസ്ഥാനത്തിലാണ്... സിനിമ ഇതര തൊഴിൽ മേഘലകളിൽ അവസരം ലഭിക്കുന്നതിനുള്ള മാനദണ്ഡം ബാഹ്യ സൗന്ദര്യമൊ, ശരീരവടിവൊ ഒന്നുമല്ല... എന്നാൽ സിനിമയിൽ ലൈംഗികതയുമായി ചേർന്ന് നിൽക്കുന്ന ഈ വിശേഷങ്ങൾ എല്ലാം പ്രാധാന്യമുള്ളതാണ്... സിനിമ ഇതര തൊഴിൽ മേഘലയിലെ ഒരു തൊഴിൽ ദാദാവിന് തൻറെ സഹപ്രവർത്തകയോടോ , കീഴ് ജീവനക്കാരിയോടോ തന്റെ ലൈംഗിക ആവശ്യം ഉന്നയിക്കുന്നതിനേക്കാൾ സ്വാതന്ത്ര്യമുണ്ട് ഒരു നടന് പാടിയും, ആടിയും, കെട്ടിപ്പിടിച്ചും, പ്രണയം അഭിനയിച്ചും തൊഴിൽപരമായി തന്നെ കൂടുതൽ ബോഡി കോൺടാക്ടിൽ അഭിനയിക്കുന്ന തന്റെ സഹപ്രവർത്തിയായ നടിയോട് തൻറെ ലൈംഗിക ആവശ്യം ഉന്നയിക്കാൻ എന്ന് കാണാം... അതു മാത്രമല്ല, സിനിമ ഒരു ചെറിയ കൂട്ടം ആൾക്കാരുടെ സൃഷ്ടിയാണ്... കഥയും, തിരക്കഥയും ഒരു സംവിധായകനും, പണം മുടക്കാൻ ഒരു പ്രൊഡ്യൂസറും ചേർന്നാൽ സിനിമയാഥാർത്ഥ്യത്തിന്റെ വഴിക്കെത്തി എന്നു പറയാം... പിന്നീട് നടീനടന്മാരും, അണിയറ പ്രവർത്തകരും അവരുടെ തിരഞ്ഞെടുക്കലാണ്... അതിനുള്ള പരിപൂർണ്ണ സ്വാതന്ത്ര്യം അവർക്കുണ്ട്... ഒരു നടി ഇക്കൂട്ടരുടെ ലൈംഗിക താൽപര്യങ്ങൾക്ക് വശപ്പെടാതെ നിൽക്കുന്നതു കൊണ്ട് തിരസ്കരിക്കപ്പെട്ടാലും സിനിമ/ കഥ ഉദ്ദേശിക്കുന്ന വേഷത്തിന് നന്നല്ല എന്ന് പറഞ്ഞാകും അവൾ പുറത്താക്കപ്പെടുക... ഒരു സിനിമ നിർമാണത്തിലെ പ്രമുഖർക്ക് അവരിൽ അന്തർലീനമായ മുൻപ് പറഞ്ഞ സ്വാതന്ത്ര്യത്തെ വിനിയോഗിക്കപ്പെടാൻ കഴിയുന്നിടത്തോളം കാലം ഈ രീതിയിൽ നടിമാർ പുറത്താക്കപ്പെടും... അതേ പ്രമുഖരുടെ ഇംഗിതങ്ങൾക്ക് വഴങ്ങി അവസരങ്ങൾ സൃഷ്ടിക്കാൻ തയ്യാറുള്ള സ്ത്രീകൾ അനേകം ഉള്ളപ്പോൾ എതിർപ്പ് പ്രകടിപ്പിക്കുന്നവർ സിനിമ എന്ന മേഘലയെ തന്നെ എന്നെന്നേക്കുമായി ഉപേക്ഷിച്ച് പോകേണ്ടിവരും... ഇവിടെ തുടർച്ചയായ പരാതികളുമായി അധികാര സ്ഥാനങ്ങളിൽ സ്ത്രീകൾ എത്താത്തിടത്തോളം കാലം ഈ വക പെരുമാറ്റങ്ങൾ മലയാള സിനിമയിൽ നിന്നെന്നല്ല ലോക സിനിമയിൽ നിന്നു തന്നെ മാറ്റപ്പെടില്ല...

സിനിമാ മേഘലയിൽ പ്രവർത്തിക്കുന്ന ഏതെങ്കിലും സ്ത്രീകൾ അതേ മേഘലയിൽ പ്രവർത്തിക്കുന്ന പുരുഷന്മാരുമായി ലൈംഗിക ആസ്വാദനം നടത്തുന്നതിനെയെല്ലാം ലൈംഗിക ചൂഷണമായി കാണാൻ കഴിയില്ല... പുരുഷന്മാർ ആവശ്യപ്പെടുന്ന അതേ ലൈംഗിക ആസ്വാദനം ആവശ്യപ്പെടാനുള്ള സ്വാതന്ത്ര്യം സ്ത്രീക്കുമുണ്ട്... തൻറെ കൂടെ ഏതു നായകൻ അഭിനയിക്കണം എന്ന് സജസ്റ്റ് ചെയ്യാൻ തക്കതായ പ്രാധാന്യമുള്ള അഭിനയത്രികളും സിനിമാ ലോകത്തുണ്ട്... ആ അഭിനയത്രി അതേ നായകനോട് ഒന്നിച്ച് ലൈംഗിക ആസ്വാദനം നടത്തിയാൽ ആ നടി ഒരു നടനെ ലൈംഗികമായി ചൂഷണം ചെയ്തു എന്ന് നമ്മൾ പറയുമോ?? ഒരു നടിക്ക് ലൈംഗികമായി കൂടി അടുപ്പമുള്ള ഒരു നായക നടനൊ, സംവിധായകനോ, പ്രൊഡ്യൂസറൊ ഉണ്ടെങ്കിൽ അവർക്കിടയിൽ അടുപ്പവും ബന്ധവും സൗഹൃദവും കൂടുതലായി ഉണ്ടായിട്ടുണ്ടാകും... അങ്ങനെയുള്ള ഒരാൾ ഒരു സിനിമ ചെയ്താൽ സ്വാഭാവികമായും ഒരു കഥാപാത്രത്തിന് വേണ്ടി ആദ്യം ചിന്തിക്കുക താനുമായി എല്ലാവിധത്തിലും അടുപ്പവും സൗഹൃദവും ഉള്ള ആ നടിയെ ആയിരിക്കും... അപ്രകാരം ആ നടിക്ക് ലഭിക്കുന്ന അവസരത്തെ ലൈംഗിക ചൂഷണം എന്ന ഗണത്തിൽപ്പെടുത്താൻ കഴിയുമോ!? 

സിനിമ മേഘലയിൽ സ്ത്രീകൾ അനുഭവിക്കുന്ന പ്രശ്നങ്ങൾ പഠിച്ച് റിപ്പോർട്ട് നൽകുന്നതിന് നിയമിച്ച കമ്മിറ്റിയുടെ അധ്യക്ഷയായി ജസ്റ്റിസ് ഹേമയെ തിരഞ്ഞെടുത്തത് ഒരു തെറ്റായ തീരുമാനമായിരുന്നോ എന്ന സംശയവും ഉയർത്തേണ്ടതാണ്... ഇപ്രകാരം ഒരു പഠന റിപ്പോർട്ട് തയ്യാറാക്കുവാൻ ചുമതലപ്പെടുത്തുന്ന മേധാവിയുടെ ട്രാക്ക് റെക്കോർഡ് കൂടി പരിശോധിക്കപ്പെടേണ്ടതാണ് എന്നതാണ് എൻറെ പക്ഷം... ജസ്റ്റിസ് ഹേമ എന്നും ഒരു പുരുഷ വിരുദ്ധ ചേരിയിലെ അംഗമെന്ന് തോന്നിക്കും വിധം പ്രവർത്തിച്ചിരുന്ന വനിതയാണ്... കേരള ഹൈക്കോടതിയിൽ ജഡ്ജിയായിരിക്കെ തന്നെ പുരുഷ ജഡ്ജിമാരോട് അവർ നടത്തിയിരുന്ന പരസ്യ കലഹങ്ങൾ പലതും കോടതിയുടെ മതിൽക്കെട്ടുകൾക്ക് പുറത്തേക്ക് പോലും സഞ്ചരിച്ചിരുന്നു എന്നത് ഈ അവസരത്തിൽ ഓർത്തു വിടേണ്ടതാണ്... നായക നടനും, സ്ത്രീ കഥാപാത്രത്തെ അവതരിപ്പിക്കുന്ന നടിക്കും ഒരേ പ്രതിഫലം നൽകണം എന്നു തുടങ്ങിയ അപ്രയോഗികമായ കമ്മിറ്റി നിർദ്ദേശങ്ങൾ എൻറെ ആരോപണത്തെ ശരിവെക്കുന്നു... 

സിനിമയിലെ മേലാളന്മാരുടെ ലൈംഗിക താല്പര്യങ്ങൾക്ക് വഴങ്ങാത്ത വനിതാ പ്രവർത്തകർക്ക് ശുചിമുറികൾ അനുവദിക്കുന്നില്ല, നല്ല ഭക്ഷണം നൽകുന്നില്ല, അവർ മന:പ്പൂർവമായ സൈബർ ആക്രമണങ്ങൾക്ക് വിധേയമാകേണ്ടി വരുന്നു, അവർക്ക് വേതനം ലഭിക്കുന്നില്ല, അവരെ അശ്ലീല ചുവയുള്ള ദ്വയാർത്ഥ പ്രയോഗങ്ങൾ കൊണ്ട് അപമാനിക്കുന്നു തുടങ്ങിയ മറ്റു കണ്ടത്തലുകളും ഹേമാ കമ്മിറ്റി റിപ്പോർട്ടിൽ ഉൾപ്പെട്ടിരിക്കുന്നു... സിനിമാ രംഗത്ത് പ്രവർത്തിക്കുന്ന സ്ത്രീകൾ ഈ വിധമായ പീഡനങ്ങൾ അനുഭവിക്കുന്നു എന്ന് കമ്മിറ്റി കണ്ടെത്തി സർക്കാരിനെ അറിയിച്ചിട്ടും കഴിഞ്ഞ അഞ്ചുവർഷമായി ഒരു ചെറുവിരൽ പോലും അനക്കാൻ തയ്യാറാകാതെ കമ്മറ്റി റിപ്പോർട്ടിന്മേൽ അടയിരുന്ന കേരള സർക്കാർ അതേ പീഡകർക്കൊപ്പം കുറ്റക്കാരാണ്... കമ്മറ്റി റിപ്പോർട്ടിൻ്റെ അറ്റവും മൂലയും പുറത്തുവിട്ട് സമൂഹത്തിൽ പലയിടങ്ങളിലായി ഇക്കിളി ചർച്ചകൾക്ക് വഴിവെച്ച് നിശബ്ദമായി തുടരാനാണ് സർക്കാരിൻറെ ഉദ്ദേശം എന്നാണ് തോന്നുന്നത്... 

സർക്കാരിന് നിശബ്ദതയെ വിമർശിക്കുന്നതിനോടൊപ്പം തന്നെ സിനിമാ വിഷയങ്ങളിൽ ഇടപെടുന്നതിനുള്ള സർക്കാറിന്റെ പരിമിതികളെയും മനസ്സിലാക്കണം... പണം മുടക്കുന്നവന്റെ സ്വാതന്ത്ര്യത്തിൻ്റെയും,, സംവിധായകന്റെയും, കഥാ/തിരക്കഥാകൃത്തിന്റെയും ഇന്റലക്ച്വൽ പ്രോപ്പർട്ടിയാണ് സിനിമയെന്നുമുള്ള അവകാശത്തിന്റെയും മറവിൽ നിന്നു കൊണ്ടാണ് സിനിമാ മേഖലയിലെ "പ്രമുഖർ" കാസ്റ്റിങ്ങിന് പിന്നിലെ വഴിവിട്ട പ്രവർത്തനങ്ങൾക്ക് മുതിരുന്നത്... ചൂഷണങ്ങൾക്കോ, അപമാനങ്ങൾക്കോ വിധേയാകുന്ന ഒരു സ്ത്രീ അധികാരസ്ഥാനങ്ങൾക്ക് മുന്നിൽ ശരിയായ വിധത്തിൽ പരാതികൾക്ക് മുതിരാതിരിക്കുന്നത് ഭീഷണികൾ കാരണം മാത്രമാണ് എന്നും വിശ്വസിക്കുക ബുദ്ധിമുട്ടാണ്... ഭീഷണികൾ മൂലം പരാതികൾക്ക് മുതിരുന്നില്ല എന്നു പറയുന്നവർ പരോക്ഷമായി പറയുന്നത് ഇവിടുത്തെ സർക്കാരിലും, പോലീസ്/ കോടതി നിയമ സംവിധാനങ്ങളും അവർക്ക് വിശ്വാസമില്ല എന്നു കൂടിയാണ്... ഈ മഹാരാജ്യത്തെ മറ്റ് എല്ലാ സ്ത്രീകളും സുരക്ഷിതരായി കഴിയുന്നത് ഇതേ സർക്കാർ, പോലീസ്/കോടതി നിയമ സംവിധാനങ്ങളുടെ പരിരക്ഷയിലാണ്... സിനിമാ വനിതകൾക്ക് മാത്രമായി ഇവിടെ യാതൊരു പ്രീവിലേജും ഇല്ല... എങ്കിലും നിങ്ങൾ ഒരു പരാതി ഉന്നയിച്ചാൽ അത് വാർത്താമാധ്യമങ്ങൾ ഏറ്റെടുക്കും... സമൂഹം ചർച്ച ചെയ്യും... പൊതു സമൂഹവും രാഷ്ട്രീയ പ്രസ്ഥാനങ്ങളും പരസ്യ പിന്തുണയുമായി രംഗത്തുവരും... ഇത്രയുമൊക്കെ സൗകര്യങ്ങൾ ലഭിക്കുമെന്ന് ഇരിക്കെ പോലും നിങ്ങൾ പരാതികൾക്ക് മുതിരുന്നില്ലെങ്കിൽ നിങ്ങൾക്ക് പരാതിയില്ല,, നിങ്ങൾഈ സാഹചര്യങ്ങളോട് പൊരുത്തപ്പെടാൻ തയ്യാറാണ് എന്നാണ് അർത്ഥം... ഇത്രയും പരിഗണനകൾ ഒന്നും ലഭിക്കാത്ത ഇവിടുത്തെ സാധാരണക്കാരായ സ്ത്രീകൾ തങ്ങൾക്കെതിരെ ഉണ്ടാകുന്ന പ്രവർത്തനങ്ങളെ ഇതേ നിയമ സംവിധാനങ്ങളെ പ്രയോജനപ്പെടുത്തി സ്വന്തം ആർജ്ജവത്താൽ പ്രതിരോധിച്ച് അന്തസ്സോടെ ഇവിടെ ജീവിക്കുന്നു എന്നും കാണാതെ പോകരുത്... സിനിമാ വനിതകൾ പരാതികൾക്ക് മുതിരാതിരിക്കുന്നത് അവർ തന്നെ 'പീഡനങ്ങൾ' എന്ന് വിളിക്കുന്ന ആൺ പ്രവർത്തികളെ വിസ്മരിക്കാൻ പാകത്തിന് അവർ മനസ്സിൽ കൊണ്ടു നടക്കുന്ന സിനിമ മോഹങ്ങളാണ് കാരണം...!! ആ മേഘലയിൽ അവർ കാണുന്ന പ്രശസ്തിയും, പണവും, അംഗീകാരങ്ങളും, സ്വാധീനവും എല്ലാം ചേർന്ന "ക്രീം ലൈഫ്" അവരെ പരാതികൾ Waive ചെയ്യാൻ സ്വയം പ്രേരിപ്പിക്കുന്നു എന്നും മനസ്സിലാക്കാൻ കഴിയും...

WCC എന്ന പെൺപക്ഷ സംഘടനയുടെ ഉദ്ദേശ ശുദ്ധിയും സംശയത്തിൽ തന്നെയാണ്... സിനിമയിലെ മോശം പ്രവണതകൾക്കെതിരെയല്ല മറിച്ച് ചില വ്യക്തികളെ ടാർഗറ്റ് ചെയ്ത് പ്രവർത്തിക്കുന്ന ഒരു സംഘടനയാണോ അത് എന്ന് പലപ്പോഴും സംശയം തോന്നിയിട്ടുണ്ട്... ഹേമാ കമ്മിറ്റി റിപ്പോർട്ട് പ്രസിദ്ധപ്പെടുത്തിയത് കൊണ്ട് ഡബ്ല്യു സി സി ക്ക് എന്ത് അഭിമാനകരമായ നേട്ടം കൈവന്നു എന്ന് മനസ്സിലാകുന്നില്ല..! സിനിമാ രംഗത്തെ തങ്ങളുടെ സഹപ്രവർത്തകർക്ക് എന്ത് അഭിമാനമാണ് WCC നേടിക്കൊടുത്തതെന്നും മനസ്സിലാകുന്നില്ല... WCC യുടെ രൂപീകരണ സമയത്ത് ഉണ്ടായിരുന്ന പ്രവർത്തകരിൽ ആരൊക്കെ ഇന്ന് ആ സംഘടനയുടെ സജീവ പാതയിൽ ഉണ്ട് എന്നു കൂടി പരിശോധിക്കുന്നത് ഈ അവസരത്തിൽ ഉചിതമാകും!!?

സ്ത്രീ ഒരു നോട്ടം കൊണ്ട് അപമാനിത ആയാൽ പോലും ഈ സമൂഹവും നിയമവും അത് ചോദ്യം ചെയ്തു കൊണ്ട് രംഗത്ത് വരണം... പക്ഷേ അപമാനിതയായതായി ആദ്യം തോന്നേണ്ടത് ആ സ്ത്രീക്കാണ്... തന്നെ അപമാനിക്കാൻ ശ്രമിച്ചു എന്നും അതിനെതിരെ നടപടി വേണമെന്നും മുന്നിൽ നിന്ന് ആവശ്യപ്പെടേണ്ടത് അവൾ തന്നെയാണ്... (അവൾ 18 വയസ്സ് പൂർത്തിയായവൾ ആണെങ്കിൽ)... അവൾ അതിനു തയ്യാറായില്ലെങ്കിൽ നിയമവും, സമൂഹവും നിസ്സഹാരായി നിൽക്കാനെ സാധിക്കുകയുള്ളൂ... അവൾ അതിനു തയ്യാറാകാതെ നിയമത്തെയും സമൂഹത്തെയും പഴിക്കുന്നതിൽ യാതൊരു അർത്ഥവുമില്ല... 

പരാതിയുള്ള സ്ത്രീകൾക്ക് പരിഹാരം നൽകാനുള്ള സംവിധാനങ്ങളാണ് കൊണ്ടുവരേണ്ടത്... ആ സംവിധാനങ്ങളുടെ അപര്യാപ്ത സിനിമാരംഗത്ത് നിഴലിച്ചു കാണുന്നുണ്ട് എന്നും സമ്മതിക്കേണ്ടി വരും... അതിന് നിയമങ്ങളും ചട്ടങ്ങളും രൂപീകരിക്കുകയും സർക്കാർ/ കോടതി നിയന്ത്രണങ്ങളിലും മേൽനോട്ടങ്ങളിലും ഉള്ള അധികാരമുള്ള സ്ഥിരം സംവിധാനങ്ങൾ കൊണ്ടുവരികയാണ് വേണ്ടത്... ഒപ്പം തന്നെ പരാതിയുള്ളവർ മുൻപോട്ടു വന്നാൽ നിയമവും സമൂഹവും അവരെ സംരക്ഷിക്കും എന്ന ഉറപ്പും നൽകേണ്ടതുണ്ട്... അപ്പോഴും പരിഹാരം ലഭിക്കുക അവസരത്തിനനുസരിച്ച് STUNT കൾ പടച്ചു വിടുന്നവർക്ക് ആകില്ല എന്നു മാത്രം...

"ഹേമാ കമ്മിറ്റി റിപ്പോർട്ട് എങ്ങനെയുണ്ട്,

പത്തറുപത്തഞ്ചു പേജ് കൊള്ളാം" 

എന്ന തമാശയ്ക്ക് അപ്പുറം ഒന്നുമില്ല... 

[Rajesh Puliyanethu 

 Advocate, Haripad]

ദുരിതാശ്വാസ ഫണ്ടിന് സുതാര്യത ആവശ്യമില്ലേ!!???

 ✍️Adv. Rajesh Puliyanethu 

"ഭാരതം എന്ന ജനാധിപത്യ രാഷ്ട്രത്തിൽ ജീവിക്കുന്നു" എന്ന് അഭിമാനത്തോടെയും വടക്കൻ കൊറിയ പോലെയുള്ള ഏകാധിപത്യ രാജ്യങ്ങളെ കാണുമ്പോൾ ആശ്വാസത്തോടെയും നമ്മൾ പറയാറുണ്ട്... ഈ രാജ്യത്തിൻ്റെ അനവധി പ്രത്യേകതകളിൽ എടുത്തു പറയേണ്ട ഒരു സവിശേഷതയാണ് ഈ രാജ്യത്ത് "വിമർശന വിധേയമല്ലാത്തത് ഒന്നും തന്നെ ഇല്ല" എന്നത്... ഈ രാജ്യത്തെ ജീവിച്ചിരിക്കുന്നതും മൺമറഞ്ഞു പോയതുമായ വ്യക്തികൾ, കോടതികൾ, ഭരണസംവിധാനങ്ങൾ, മതങ്ങൾ, ദൈവീക സങ്കല്പങ്ങൾ അങ്ങനെ തുടങ്ങി ഈ രാജ്യത്തിൻറെ ഭരണഘടനവരെ വിമർശനങ്ങൾക്ക് വിധേയമാണ്... വിമർശനങ്ങളിൽ കൂടിയും, ചർച്ചകളിൽ കൂടിയും നൂതനമായതും, കുറ്റമറ്റതുമായ ആശയങ്ങളും, സംവിധാനങ്ങളും ഉയർന്നുവരും എന്നതാണ് അടിസ്ഥാന ചിന്താഗതി... 

വിമർശനങ്ങൾക്ക് സ്വാതന്ത്ര്യം ഉണ്ടെന്ന് വിശ്വസിക്കുമ്പോൾ നമ്മൾ മനസ്സിലാക്കേണ്ട ചില എക്സപ്ഷനുകൾ ഉണ്ട്... ആ എക്സപ്ഷനുകളെ മനസ്സിലാക്കാത്തവൻ കേസും കൂട്ടവുമായി കോടതി വരാന്തകളിലും, ജയിലിലും ഒക്കെയായി കാലം കഴിക്കേണ്ടി വരും... വിമർശനത്തിനുള്ള സ്വാതന്ത്ര്യത്തെ അനുവദിച്ചു തന്ന ഭാരതത്തിൻറെ ഭരണഘടനയെ പോലും നമ്മൾ പഴിച്ചു പോയി എന്നു വരും... ആ എക്സപ്ഷനുകൾ എന്താണെന്നല്ലേ!?? അത് അധികമൊന്നുമില്ല...

ഒരു വരിയിൽ പറഞ്ഞാൽ...

"മുഖ്യമന്ത്രി ശ്രീ പിണറായി വിജയന്റെയും, അദ്ദേഹത്തിൻറെ അന്ധസേവകരായ അനുചരന്മാരുടെയും ചെയ്തികളെ ചോദ്യം ചെയ്യാനോ വിമർശിക്കാനോ പാടില്ല... അതെന്തു തന്നെയായാലും കൊള്ളാം...!! നിങ്ങൾ നിങ്ങളുടെ അധ്വാനവും,  പണവും പോലും ഇക്കൂട്ടരുടെ ഇഷ്ടങ്ങൾക്കും വിധേയങ്ങൾക്കും അനുസരിച്ചല്ലാതെ വിനിയോഗിക്കാൻ പാടില്ല... മറിച്ച് ഒരു ചെറിയ വാക്ക് നിങ്ങളുടെ ഭാഗത്തുനിന്നുണ്ടായാൽ പാർട്ടി സൈന്യത്തിന്റെ ഭേദ്യം നിങ്ങൾ പൊതുവഴിയിലും, സാലറീഡ് യൂണിഫോം അടിമകൾ ചുമത്തുന്ന കേസു കൂട്ടങ്ങളെ കോടതികളിലും നേരിടേണ്ടി വരും...

ഉദാഹരണത്തിന്; നാട്ടിൽ ഒരു ആപത്ത് സംഭവിച്ചാൽ,, ആപത്തിൽപ്പെട്ടവരെ എങ്ങനെ സഹായിക്കണം എന്ന് തീരുമാനിക്കാനുള്ള സ്വാതന്ത്ര്യം നമുക്കില്ല... അത് എപ്രകാരം വേണമെന്ന് പാർട്ടി അനുചരന്മാർ നമ്മോടു കൽപ്പിക്കും... കോടതികളും, ഭരണഘടന പോലും വിമർശന വിധേയമായ ഈ രാജ്യത്ത് മുഖ്യമന്ത്രിയുടെ ദുരിതാശ്വാസനിധിയെയൊ, ആ സംവിധാനത്തിന്റെ സുതാര്യമില്ലായ്മയെയോക്കുറിച്ചോ സംസാരിച്ചു പോയാൽ അങ്ങനെ സംസാരിക്കുന്നയാൾ വലിയ രാജ്യദ്രോഹിയും, കൊടും ക്രിമിനലുമായി പ്രഖ്യാപിക്കപ്പെടുന്നതും ജയിലിൽ അടക്കപ്പെടുന്നതും ആയിരിക്കും... ""ജനാധിപത്യത്തിന്റെയും, സ്വാതന്ത്ര്യത്തെയും, ഏറ്റവും മനോഹരമായ ഏടുകൾ ഇവിടെ എഴുതിച്ചേർക്കപ്പെടുകയാണ്... നമ്മുടെ ജനാധിപത്യം വിപുലപ്പെടുകയാണ്""... നമ്മൾ അപ്രകാരമേ ചിന്തിക്കാൻ പാടുള്ളൂ... കാരണം അവർ അങ്ങനെ ചിന്തിക്കാനാണ് നമ്മോട് കൽപ്പിക്കുന്നത്... മറിച്ചായാൽ;; മറക്കണ്ട,🤗🤗 

   😱😱""ജയിൽ""😱😱

ജനങ്ങൾക്ക് ഒന്നാകെ ഒരു ആപത്ത് സംഭവിച്ചാൽ ജനങ്ങളിൽ നിന്നു തന്നെ പിരിവ് എടുക്കാതെ ""ആപത്തിൽപ്പെട്ടവരെ സംരക്ഷിക്കാനും, പുനരധിവസിപ്പിക്കാനുമുള്ള കരുത്തും, ഉത്തരവാദിത്വബോധവും, സാമ്പത്തിക ഭദ്രതയും ഉള്ള ഒരു സർക്കാരിയുടെയുണ്ട്"" എന്ന് എന്തുകൊണ്ട് നിങ്ങൾക്ക് പറയാൻ കഴിയുന്നില്ല ഭരണക്കാരെ,?? എന്ന് ചോദിക്കാനുള്ള സ്വാതന്ത്ര്യം നമുക്കില്ല... ചോദിച്ചാൽ ഇന്നത്തെ സാഹചര്യത്തിൽ മറുപടി വിലങ്ങുകളായിരിക്കും...⛓️ 2018 ലെ പ്രളയത്തോട് അനുബന്ധിച്ച് മുഖ്യമന്ത്രിയുടെ ദുരിതാശ്വാസനിധിയിലേക്ക് ലഭിച്ച തുകകൾ സുതാര്യമല്ലാതെ വിനിയോഗിക്കപ്പെട്ടതിനുശേഷം മാത്രമാണ് മുഖ്യമന്ത്രിയുടെ ദുരിതാശ്വാസ നിധിക്ക് എതിരെ സംശയങ്ങളും, വിമർശനങ്ങളും ഉയർന്നു തുടങ്ങിയത് എന്നത് പലരും വിസ്മരിച്ചു പോകുന്നു... എത്ര തുകകൾ ആർക്കൊക്കെ,, ഏതൊക്കെ വിധത്തിൽ വിനിയോഗിക്കപ്പെട്ടു എന്ന വിവരങ്ങൾ പൊതുജനങ്ങൾക്ക് ലഭ്യമാക്കാൻ തയ്യാറാകാതിരുന്നപ്പോൾ മാത്രമാണ് മുഖ്യമന്ത്രിയുടെ ദുരിതാശ്വാസനിധി സംശയത്തിൻ്റെ നിഴലിലേക്ക് വന്നത്... മുഖ്യമന്ത്രിയുടെ ദുരിതാശ്വാസ നിധി എന്ന സംവിധാനത്തെ ഈ വിമർശനമുന്നയിക്കുന്നവരും മതിപ്പോടെയാണ് കാണുന്നത്... മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുന്ന ആൾക്കാർക്കെങ്കിലും അവർ നൽകിയ സംഭാവനകൾ എപ്രകാരം വിനിയോഗിക്കപ്പെട്ടു എന്നറിയാനുള്ള സ്വാതന്ത്ര്യമില്ലേ??? അങ്ങനെ സംഭാവന നൽകിയവർക്കെങ്കിലും സർക്കാർ ഒരു വിശദീകരണവും, തുകകൾ വിനിയോഗിക്കപ്പെട്ട രീതികളും നൽകാൻ തയ്യാറുണ്ടോ?? ഉഴവൂർ വിജയനും, കോടിയേരി ബാലകൃഷ്ണന്റെ ഗണ്മാനും, നൽകാനുള്ളതാണോ മുഖ്യമന്ത്രിയുടെ ദുരിതാശ്വാസ നിധി എന്ന് ചോദിക്കുന്നതാണോ തെറ്റ്??? ഭരണക്കാരേ, നിങ്ങളുടെ കണ്ണിൽ ഈ ചോദ്യങ്ങളാണ് തെറ്റ്!! നിങ്ങൾ ഈ ചോദ്യങ്ങളെ തെറ്റായും, മഹാപാതകങ്ങളായും, ക്രൈം ആയും അവതരിപ്പിക്കുന്നത് നിങ്ങളുടെ നിലനിൽപ്പിന് വേണ്ടിയാണ്... കാരണം കൂടുതൽ ചോദ്യങ്ങൾ ഉയർന്നാൽ നിങ്ങൾ കാണിച്ച അഴിമതിയും, കെടുകാര്യസ്ഥതയും പൊതുജനം മനസ്സിലാക്കും... ചോദ്യങ്ങൾ ഉയരുന്നതിൻ്റെ കാരണങ്ങളെ പരിഹരിക്കാതെ ചോദ്യങ്ങൾക്ക് നേരെ കല്ലെറിയുന്ന ഈ രീതി അഭിനവ കമ്മ്യൂണിസ്റ്റുകൾക്ക് പോലും ചേർന്നതാണോ എന്ന ആത്മപരിശോധന നന്നായിരിക്കും... 

""ഒരാപത്ത് സംഭവിക്കുമ്പോഴാണോ വിമർശനങ്ങൾ ഉയർത്തുന്നത്"" എന്ന മറുചോദ്യമാണ് ഈ വിഭാഗക്കാർ സ്വയം സംരക്ഷണർത്ഥം നടത്തുന്ന ഏറ്റവും ഫലവത്തായ മറു ചോദ്യം... അത് ഉയരുന്ന ചോദ്യങ്ങൾക്ക് ഉത്തരമാകുന്നില്ല എന്ന് മാത്രമല്ല അഴിമതിക്കാർ സാഹചര്യങ്ങളെ മുതലെടുത്ത് പ്രയോഗിക്കുന്ന പരിചയാണ്... അർഹരായ വ്യക്തികളിലേക്ക് സുമനസ്സുകളിൽ നിന്ന് പ്രവഹിക്കുന്ന സഹായങ്ങൾ ശരിയായ വിധത്തിൽ എത്തിച്ചേരുന്നതിന് യോഗ്യമായത് പൊതുജനങ്ങളിൽ നിന്നും ഒന്നായി ഉയരുന്ന ചോദ്യങ്ങളാണ്... 

ചോദ്യം ചോദിക്കുന്നവനെ ആക്ഷേപിക്കുക, കയ്യേറ്റം ചെയ്യുക, കേസുകളിൽ കുടുക്കുക തുടങ്ങിയ മാർഗ്ഗങ്ങളിൽ കൂടി നേരിടുന്നത് തന്നെ എന്തൊക്കെയോ മറക്കാനുള്ളവരുടെ ലക്ഷണമാണ്... 

ദുരിതമനുഭവിക്കുന്ന നമ്മുടെ സഹോദരങ്ങൾക്ക് സഹായങ്ങൾ എത്തിക്കുന്നതുപോലെ തന്നെ ഉത്തരവാദിത്വമുള്ള കാര്യമാണ് ആ സഹായങ്ങൾ അവരിലേക്ക് എത്തിച്ചേരുന്നു എന്ന് ഉറപ്പുവരുത്തുന്നതും... ചോദ്യങ്ങൾ ചോദിച്ചു കൊണ്ടേയിരിക്കും, മടിയിൽ കനമുള്ളവർ ഉത്തരം പറയേണ്ട... 

""വിലങ്ങുകൾ പൊട്ടിച്ചെറിയുന്നതു മാത്രമല്ല,, വിലങ്ങുകൾ അണിയുന്നതും ചില അവസരങ്ങളിൽ വലിയ സമരമാർഗ്ഗമാണ്""...

""ദുരിതാശ്വാസ നിധി വിനിയോഗങ്ങളിലെ ക്രമക്കേടുകൾ ചൂണ്ടിക്കാട്ടിക്കൊണ്ട് പത്രമാധ്യമങ്ങളിൽ മുൻപ് വന്ന വാർത്തകളെല്ലാം നമുക്ക് ഓർമ്മയുണ്ട്... സർക്കാർ ആദ്യം ചെയ്യേണ്ടത് ഈ വാർത്തകൾ ഉയർത്തുന്ന ചോദ്യങ്ങൾക്ക് മറുപടി പറയണം... ഇതെല്ലാം തെറ്റായ വാർത്തകൾ ആണെങ്കിൽ ഈ വാർത്തകൾ നൽകിയ പത്രമാധ്യമങ്ങൾക്കെതിരെ നടപടിയെടുക്കണം... ഇതിനു രണ്ടിനും കഴിയില്ലെങ്കിൽ ഇപ്പോൾ ചെയ്യുന്നതുപോലെ ചോദ്യങ്ങൾ ഉയർത്തുന്നവരെ ആക്ഷേപിക്കും ആക്രമിച്ചും കഴിഞ്ഞു കൊള്ളുക"""...

[Rajesh Puliyanethu 

 Advocate, Haripad]

ജെസ്നയുടെ ശ്രീകൃഷ്ണ ചിത്രങ്ങൾ!

 ✍️Adv. Rajesh Puliyanethu 

"കൃഷ്ണഭക്തയായ ജസ്ന എന്ന മുസ്ലിം പെൺകുട്ടി" ഇന്ന് സ്വന്തം മതത്തിൽ നിന്നും ഒപ്പം തന്നെ സംഘികളിൽ നിന്നും അധിക്ഷേപങ്ങൾ ഏൽക്കേണ്ടി വരുന്നു എന്ന വിഷയത്തിൽ സോഷ്യൽ മീഡിയയിൽ ചർച്ചകൾ മുറുകുകയാണ്... സ്വന്തം മതത്തിൽ നിന്നും വ്യക്തിഹത്യകൾ ഏറ്റുവാങ്ങേണ്ടി വന്നതിൽ കൂടുതൽ ഹിന്ദുമതത്തിൽ നിന്നും കേൾക്കേണ്ടി വന്നു എന്ന് ജസ്നയുടെ അടുത്ത വൃത്തങ്ങൾ ആരോപിക്കുന്നു... ജസ്നയുടെ പ്രവർത്തികളെ വിമർശനാത്മകമായി കണ്ട ഹിന്ദുമത വിഭാഗത്തിലെ ചിലരിൽ നിന്നും എതിർപ്പുകളെ നേരിടേണ്ടി വന്നത് മഹാപാതകമായി ചിലർ വിവരിക്കുന്നു... ജെസ്ന എന്തുകൊണ്ട് ചർച്ച ചെയ്യപ്പെടുന്നു എന്ന് നമ്മൾ മനസ്സിലാക്കിയാൽ ജസ്ന അനുകൂലിക്കപ്പെട്ടതിൻ്റേയും എതിർക്കപ്പെട്ടതിൻ്റേയും കാരണങ്ങൾ വെളിവാകുന്നതാണ്...

     'കൃഷ്ണ ഭക്തയായ മുസ്ലീം പെൺകുട്ടി' എന്നതിൽ നിന്നും തിരുത്തി 'ശ്രീകൃഷ്ണൻറെ ചിത്രം വരച്ച മുസ്ലിം പെൺകുട്ടി' എന്നു വായിച്ചു തുടങ്ങുമ്പോൾ തന്നെ കാര്യങ്ങൾ വ്യക്തമാകുന്നതാണ്... ആദ്യമായി ജസ്ന ശ്രീകൃഷ്ണൻറെ ചിത്രം വരച്ച് ഗുരുവായൂരമ്പല നടയിൽ സമർപ്പിക്കുകയും പിന്നീട് മറ്റു കൃഷ്ണ ഭക്തരായ ആൾക്കാർക്ക് വേണ്ടി വരച്ച് സമർപ്പിക്കുകയും ചെയ്തു വന്നിരുന്നു... അതിനായി സാധാരണ ഗതിയിൽ നാട്ടിൽ നിലനിൽക്കുന്ന ഭേദപ്പെട്ട പ്രതിഫലവും അവർ കൈപ്പറ്റുന്നുണ്ടായിരുന്നു... ഈ കച്ചവടത്തിൽ വന്ന വർധനവും, നിരന്തരമായി സോഷ്യൽ മീഡിയയിൽ കൂടിയും മറ്റു ചില മാധ്യമങ്ങളിൽ കൂടിയും ജസ്ന നടത്തിയ ചിത്രത്തിൻറെ പ്രമോഷൻ പരിപാടികളും, ചിത്രം വാങ്ങുവാൻ നടത്തിയ അഹ്വാനങ്ങളും ഹിന്ദു സമൂഹത്തേയും വിശ്വാസികളേയും ചൂഷണം ചെയ്യുന്നതാണോ എന്ന സ്വാഭാവിക സംശയം ഉയരുന്നതിനു കാരണമായി... അവിടെയും അന്തരീക്ഷത്തിൽ നിലനിൽക്കുന്ന പ്രസക്തമായ ഒരു ചോദ്യമുണ്ട്; എന്തിനാണ് ഹിന്ദു സമൂഹത്തിലെ കുറേയേറെ ആൾക്കാരെങ്കിലും ജെസ്നയെ പിന്തുണച്ചത് എന്നത്...!!??

     ശ്രീകൃഷ്ണൻറെ ചിത്രം നാട്ടിൽ ലഭിക്കാൻ വിരളമായ ഒന്നല്ല... ശ്രീകൃഷ്ണന്റെ ചിത്രം വരയ്ക്കുന്ന പെൺകുട്ടികളും കുറവല്ല... പക്ഷേ എന്തുകൊണ്ട് ജെസ്ന ശ്രദ്ധിക്കപ്പെട്ടു!? ജസ്ന ഒരു മുസ്ലിം പെൺകുട്ടി ആയത് കൊണ്ടും, ഇസ്ലാമിനെ നയിക്കുന്ന ശരിയത്ത് നിയമങ്ങൾ ഒരു മുസ്ലിം അന്യമത ദൈവത്തിൻറെ ചിത്രം വരയ്ക്കുന്നത് ശക്തമായി എതിർക്കുന്നത് കൊണ്ടും, അത്തരം എതിർപ്പുകളെ ചില മത പ്രഭാഷകർ ശിർക്കുകൾ രൂപത്തിൽ പൊതു ജനമധ്യത്തിൽ വിളിച്ചു പറയാറുള്ളതു കൊണ്ടുമാണ്... അതേ ഇസ്ലാം മതത്തിനുള്ളിൽ നിന്നു തന്നെ ഒരു പെൺകുട്ടിയെ ഈ വിധമായ മത നിയമങ്ങൾക്കും അപരിഷ്കൃതമായ നിയന്ത്രണങ്ങൾക്കും എതിരെ നിർത്താൻ കിട്ടി എന്നതാണ് ജസ്ന നേടിയ പ്രാധാന്യം... ജിസ്നയുടെ ആ പ്രാധാന്യത്തെ മുതലെടുക്കാൻ വേണ്ടിയാണ് ഹിന്ദു മതത്തിലെ പലരും ജസ്നയിൽ നിന്നും ചിത്രങ്ങൾ വാങ്ങിയത്... അവിടെ ഒരു ഹിന്ദുവും ജസ്നയാൽ കമ്പളിപ്പിക്കപെട്ടിട്ടില്ല... ജെസ്നയുടെ ചിത്രങ്ങൾ വിറ്റഴിക്കപ്പെട്ടത് ഗുരുവായൂരപ്പനോടുള്ള ഭക്തി കാരണവുമല്ല... ഇവിടുത്തെ ഹിന്ദു വിഭാഗങ്ങൾക്ക് ഗുരുവായൂരപ്പനോടുള്ള ഭക്തി അനുഷ്ഠിക്കുന്നതിന് ജസ്നയുടെ ചിത്രങ്ങൾ ആവശ്യമില്ല... ജസ്ന ജസ്നയിൽ കണ്ട വിപണന മൂല്യവും ഇതുതന്നെയാണ്... ജെസ്ന ആ വിപണ മൂല്യത്തെ മുതലെടുത്തു എന്ന് മാത്രം... അവിടെ ജിസ്നയും കബളിപ്പിക്കപ്പെട്ടിട്ടില്ല... ജസ്നയുടെ ചിത്രങ്ങൾ വിറ്റതിനും, വാങ്ങിയതിനും പിന്നിൽ ഒറ്റക്കാരണമേയുള്ളൂ... അത് എംഎൽഎ ഷാജിയുടെ ഭാഷയിൽ തന്നെ പറയണം... അതിൻറെ കാരണം മതമാണ് മതമാണ് മതമാണ്... ഇവിടെ ചിത്രങ്ങൾ വിറ്റ ജസ്നയും വാങ്ങിയ ഹിന്ദുക്കളും മണ്ടന്മാരായിട്ടില്ല... ഉണ്ടായിട്ടുണ്ടെങ്കിൽ അത് ആറാം നൂറ്റാണ്ടിലെ നിയമങ്ങൾ പറഞ്ഞ് ഇരുപത്തിയൊന്നാം നൂറ്റാണ്ടിനെയും ഇരുളടഞ്ഞതാക്കാൻ ശ്രമിക്കുന്ന ചില മത പ്രഭാഷകർ മാത്രമാണ്...

     കാര്യങ്ങൾ ഇവിടെ വരെ ഏതാണ്ട് ആരോഗ്യകരമാണ് എന്നാണ് എൻറെ പക്ഷം... ജസ്ന ഇപ്പോൾ നടത്തുന്ന സോഷ്യൽ മീഡിയ വിലാപങ്ങളും ജസ്ന മുതലെടുപ്പ്കാരിയാണ് എന്ന നിലയിൽ ഹിന്ദു വിഭാഗങ്ങളിൽ നിന്നുണ്ടാകുന്ന വിമർശനങ്ങളും ഇതു വരെ ജസ്നയും ചിത്രങ്ങൾ വാങ്ങിയവരും ഒരുപോലെ വഹിച്ചിരുന്ന വിജയക്കൊടിയെ താഴെ വെയ്പ്പിക്കുന്നത് ആയിരിക്കും... 

     പൊതു സമൂഹത്തിന്റെയോ നിയമത്തിന്റെയോ പിന്തുണ ലഭിക്കാതെ ജെസ്നയെ പിച്ചിച്ചീന്തണം എന്ന ആഹ്വാനം മാത്രം നടത്തി കോപം കടിച്ചമർത്തിയ ഒരു വിഭാഗമുണ്ട്... അവർ എനിയും ജസ്നക്കെതിരെ വീശാനുള്ള കത്തിയുടെ മൂർച്ചകൂട്ടും എന്ന കാര്യത്തിൽ സംശയമില്ല... അവിടെയും ജസ്ന സംരക്ഷിക്കപ്പെടണം... മുൻപ് ശ്രീകൃഷ്ണ ചിത്രങ്ങൾ വാങ്ങിയ അതേ മനസ്സോടെ ജസ്നയെ സംരക്ഷിച്ചു പിടിക്കണം... കാരണം ജസ്ന ഒരു പ്രചോദനമാണ്... ബന്ധിക്കപ്പെട്ടിരിക്കുന്ന ഒരു ചരടെങ്കിലും അറുത്തു മാറ്റാൻ ഒരുപാട് പെൺകുട്ടികൾക്ക് ധൈര്യം നൽകേണ്ട പ്രചോദനം...

[Rajesh Puliyanethu 

Advocate, Haripad]

കൂടോത്രത്തിന്റെ രാഷ്ട്രീയ/ സാമൂഹിക കൊച്ചു വർത്തമാനങ്ങൾ

ഇന്നത്തെ രാഷ്ട്രീയത്തിൽ കെപിസിസി പ്രസിഡണ്ട് ശ്രീ കെ സുധാകരൻ്റെ വീട്ടിൽ നിന്നും കൂടോത്രം കണ്ടെടുത്തതാണ് കൂടോത്രം ഒരു സജീവ ചർച്ചയാകാൻ കാരണം... ദിവസങ്ങൾക്ക് മുൻപ് ശ്രീ ഡി കെ ശിവകുമാർ തനിക്കെതിരെ ചിലർ കൂടോത്രം ചെയ്തിരുന്നു എന്ന പ്രസ്താവന നടത്തിയത് ആയിരുന്നു സുധാകരന് മുൻപുള്ള പ്രധാന കൂടോത്ര ചർച്ചാവിഷയം... 2018 ൽ ശ്രീ വി എം സുധീരൻ തനിക്കെതിരെ നടന്ന കൂടോത്ര ആക്രമണങ്ങളെ വെളിപ്പെടുത്തിയതും പുച്ഛിച്ചതും സമീപകാല സംഭവങ്ങൾ... ശ്രീ കൊടിയേരി ബാലകൃഷ്ണന്റെ ഏലസ്സ് കഥകളും,, പൂമൂടൽ കഥകളും മലയാളികൾ സംസാരിച്ച കഥകളിൽ ചിലതുമാത്രം...

കൂടോത്രം മുൻപ് ചർച്ചാവിഷയമായിരുന്നത് ശ്രീമതി ഇന്ദിരാഗാന്ധിയുടെ കാലത്തായിരുന്നു... നെഹ്റു ഒരു തികഞ്ഞി യുക്തിവാദിയായിരുന്നു എങ്കിലും മകൾ ശ്രീമതി ഇന്ദിരാഗാന്ധി മന്ത്ര തന്ത്രാദികളുടെയും ബ്ലാക്ക് മാജിക്കിന്റെയും ഒരു വിശ്വാസിയായിരുന്നു എന്നത് കാലത്തിൻറെ ഏടുകളിൽ ജീവനോടെ അവശേഷിക്കുന്ന വസ്തുതയാണ്... മലയാളികൾ കൂടോത്രം എന്നും ഇംഗ്ലീഷുകാരൻ ബ്ലാക്ക് മാജിക് എന്നും വിളിക്കുന്ന ഈ ഒരു ചര്യയുടെ സീമകൾ ഭൂഗോളത്തിന്റെതിന് തുല്യമായതാണ്...

കൂടോത്രത്തിന് എന്ത് രാഷ്ട്രീയമാനമാണ് ഉള്ളത് എന്ന ചോദ്യം ഉയരുക സ്വാഭാവികമാണ്... കൂടോത്രത്തിന് പ്രഥമമായി രാഷ്ട്രീയ മാനമില്ല... രണ്ടാമതായി മാത്രമേ കൂടോത്രത്തിന് രാഷ്ട്രീയ പ്രസക്തിയുള്ളൂ... ഒന്നാമതായി ഉള്ള വിഷയം വ്യക്തിപരവും ശത്രുതാപരവും ആണ്... കൂടോത്രം അന്ധവിശ്വാസമൊ, അനാചാരമോ, അതല്ല ഏതെങ്കിലും വിധത്തിൽ ശക്തിമത്തായതോ എന്ന ചോദ്യങ്ങളൊക്കെ ഉന്നയിക്കുന്നതിനു മുൻപ് ചോദിക്കേണ്ട ചോദ്യം ഇത് ചെയ്തത് ആരാണ് എന്നാണ്... കാരണം കൂടോത്രം ഫലവത്തായ ഒരു കർമ്മമാണോ എന്നതിന് രണ്ടാമതായി മാത്രമേ പ്രസക്തിയേ ഉള്ളൂ... അവിടെ കൂടോത്രത്തിൽ വിശ്വസിക്കുന്ന,, കൂടോത്രം ചെയ്താൽ ഒരാളെ നശിപ്പിക്കാൻ കഴിയും എന്ന് വിശ്വസിക്കുന്ന,, ആ വ്യക്തിയോട്, 'കൊന്നുകളയാൻ' തക്കവിധത്തിൽ ശത്രുതയുള്ള ഒരു വ്യക്തിയുണ്ട് എന്നതാണ് കാര്യം... ആ വ്യക്തിയെയാണ് ആദ്യം പുറത്തുകൊണ്ടുവരേണ്ടത്... കൂടോത്രം

 വിഷയത്തിൽ അയാൾക്ക് കടുത്ത നിയമ നടപടികളെ അഭിമുഖീകരിക്കേണ്ടി വരില്ല എന്നത് സത്യമാണെങ്കിലും സമൂഹമധ്യത്തിൽ പ്രസക്തരായവരെ ഉന്മൂലനം ചെയ്യാൻ ആഗ്രഹിക്കുന്നവരെ തിരിച്ചറിയാൻ സമൂഹത്തിന് അവകാശം ഉണ്ട്... അതാണ് കൂടോത്രം വിഷയത്തിന്റെ സാമൂഹിക പ്രാധാന്യം...

കൂടോത്രത്തിന് തുല്യമായി മറ്റൊരാളെ ഇല്ലായ്മ ചെയ്യുക അല്ലെങ്കിൽ ദുർബലപ്പെടുത്തുക എന്ന ഉദ്ദേശത്തിൻ ചെയ്തു വരുന്നത് എന്ന ഖ്യാതിയുള്ള കർമ്മമാണ് "കൈവിഷം" എന്ന് പറയാറുണ്ട്... യുക്തിവാദികൾ എന്നും, പുരോഗമനവാദികളെന്നും, ആധുനിക കാലഘട്ടത്തിലെ അംഗങ്ങൾ എന്നും ഊറ്റം കൊള്ളുന്നവർ ഈ വക കർമ്മങ്ങളെ വിശകലനം ചെയ്യാതെ തന്നെ തള്ളിക്കളയുന്നതാണ് കണ്ടിട്ടുള്ളത്... പക്ഷേ ഈ വക കർമ്മങ്ങളിലും വിശകലനം ചെയ്യത്തക്ക ചിലതുണ്ട് എന്നാണ് എൻറെ പക്ഷം... ഉദാഹരണത്തിന് "കൈവിഷം" എന്ന വാക്ക് ഒറ്റ വാക്കായി പറയുമ്പോഴാണ് അത് ബ്ലാക്ക് മാജിക്കിന്റെ ഭാഗമാകുന്നത്... അതിലെ "വിഷം" മാത്രം അടർത്തിയെടുക്കൂ... അത് ശാസ്ത്രം അംഗീകരിക്കുന്ന, ജീവനൊ ആരോഗ്യത്തിനൊ ഹാനികരമായ ഒരു പദാർത്ഥമാണ്... ആ വിഷ പദാർത്ഥത്തെ മറ്റൊരുവനെ അപായപ്പെടുത്തുകയൊ, ദുർബലപ്പെടുത്തുകയൊ ചെയ്യുക എന്ന  ഉദ്ദേശത്തിൽ അയാളുടെ അറിവൊ സമ്മതമോ ഇല്ലാതെ നൽകുമ്പോൾ അത് 

"കൈവിഷം" ആയി... അത് കത്തിയെടുത്ത് കുത്തുന്നതുപോലെ ഒരു അപായ പ്രവർത്തിയാണ്... അതിനെയാണ് യാതൊരു വിശകലനവും നടത്താതെ യുക്തിവാദികൾ "അസംബന്ധം" എന്നു പറഞ്ഞു തള്ളിക്കളയുന്നത്... "SLOW POISONING" എന്ന ഇംഗ്ലീഷ് പദം പകരമായി ഉപയോഗിച്ചാൽ "കൈവിഷം" അസംബന്ധമല്ലെന്നും, അത് ദോഷകരമായ ഫലമുണ്ടാക്കുന്ന ഒരു കുറ്റകരമായ പ്രവർത്തിയാണെന്നും മനസ്സിലാക്കാവുന്നതാണ്... അവിടെയും ആ പ്രവർത്തി ചെയ്യുന്ന ദുഷ്ട മനസ്സിൻറെ ഉടമയെ കണ്ടെത്തുക എന്നതാണ് കാമ്പുള്ള വിഷയം... 

ബ്ലാക്ക് മാജിക്കിന് തുല്യമായ കർമ്മങ്ങൾ ചരിത്രാതീത കാലം മുതൽ ലോകത്തിൻറെ എല്ലാ ഭാഗങ്ങളിലും അനുഷ്ഠിച്ചു വന്നിരുന്നതായി രേഖകൾ വിശദീകരിക്കുന്നു... ബ്ലാക്ക് മാജിക്കിൻ്റെ ഏറ്റവും ക്രൂരമായ ഭാവമായി നമ്മൾ മനസ്സിലാക്കിയിരുന്നത് "ബലി" ആയിരുന്നു... മനുഷ്യനോ, മൃഗമോ, പക്ഷിയോ ആയ ഒരു ജീവനെ സ്വന്തം നേട്ടത്തിനായി കൊല്ലുന്നു എന്നതാണ് ബലി കർമമത്തെ വിമർശനാത്മകമാക്കിയതിന് കാരണം എന്നാണ് പലരും വിശദീകരിക്കുന്നത്... എന്നാൽ "കൊല്ലുന്നു"  എന്ന ക്രൂര കൃത്യത്തെ എതിർക്കുന്നതല്ല ബലികർമ്മങ്ങളെ എതിർക്കാൻ കാരണം... വിശ്വാസത്തിൻറെ മാത്രം അടിസ്ഥാനത്തിൽ ഒരു ജീവിയെ കൊല്ലുന്നു എന്നതാണ് ബലി കർമ്മങ്ങൾ എതിർക്കപ്പെടാൻ കാരണമായത്... അതിനൊപ്പം തന്നെ ഇത്തരം പ്രവർത്തികൾ ആധുനിക സമൂഹത്തിന് അപമാനമാണെന്നുള്ള പ്രചരണവും ഫലപ്രദമായി ഉണ്ടായി... ഭക്ഷണത്തിനും, മരുന്നിനും, ചർമ്മത്തിനും, വളത്തിനും, അങ്ങനെ മനുഷ്യൻറെ പലവിധമായ ആവശ്യങ്ങൾക്ക് വേണ്ടി "കൊല്ലുന്നത്" നെ ഒരു മനസ്ഥാപവുമില്ലാതെ നടപ്പിലാക്കുന്ന പൊതു സമൂഹം വിശ്വാസത്തിൻറെ പേരിൽ ആയതുകൊണ്ട് മാത്രം "ബലി" ഒരു ഹീന കർമ്മമായി അവതരിപ്പിക്കുന്നു... അത് സാമൂഹികമായ ഒരു വിരോധാഭാസം എന്ന് കാണാം... യുക്തി ബോധാവതരണങ്ങളായ ഇത്തരം എതിർപ്പുകളെ എല്ലാം അവഗണിച്ചു ബലി കർമ്മങ്ങളെ പെരുന്നാൾ ആക്കി ആഘോഷിക്കുന്നവരും ഇതേ ആധുനിക സമൂഹത്തിൻറെ ഭാഗമായിത്തന്നെയുണ്ട്...

ബലി കർമ്മങ്ങൾ ഉൾപ്പെടുന്ന ബ്ലാക്ക് മാജിക് അപരിഷ്കൃത വിഭാഗത്തിന്റെ മാത്രം പ്രവർത്തനങ്ങളാണ് എന്നാണ് ആക്ഷേപകർ വിളിച്ചു പറയുന്നത്... പക്ഷേ പരിഷ്കൃത സമൂഹം എന്ന് ഊറ്റം കൊള്ളുന്ന പാശ്ചാത്യരും, അമേരിക്ക ഉൾപ്പെടുന്ന വികസിത രാജ്യത്തിലെ പ്രമുഖ വ്യക്തികൾ  ഉൾപ്പെടുന്നവരും ബ്ലാക്ക് മാജിക് എന്ന വിളിപ്പേരുള്ള കർമ്മങ്ങളും അതിൻറെ മകുടമായ ബലികർമ്മങ്ങളും അനുഷ്ഠിച്ചിരുന്നു എന്നതിന് തെളിവുകളുണ്ട്... വർത്തമാനകാലത്തിലും അവർ അതിനെ പിന്തുടരുന്നു എന്നതിന്റെ ഉദാഹരണമാണ് ഇസ്രയേൽ നടത്താൻ ഉദ്ദേശിച്ചിരുന്ന "Red Heipher Sacrifice" ... Texas എന്ന അമേരിക്കൻ പ്രവിശ്യയിൽ നിന്നും ബലിക്ക് അനുയോജ്യമായ ചുവന്ന കിടാവിനെ നൽകി എന്ന് പറയുമ്പോഴും, ആ  ബലിക്കു ശേഷം "Third Temple Moment" ൽ ക്കൂടി അതിശക്തമാകാൻ പോകുന്ന ഇസ്രായേലിനെ നേരിടാൻ കഴിയാതെ പോകും എന്ന് വിശ്വസിച്ച് ആക്രമണം അഴിച്ചുവിട്ട ഹമാസും എല്ലാം തന്നെ ഈ ബ്ലാക്ക് മാജിക്കൽ വിശ്വാസപ്പട്ടികയിലെ സമാനരാണ്...

കൂടോത്ര or Black Magic ൻ്റെ ചെറിയ versions ആയി വരുന്നതാണ് ഈ ലോകത്ത് നടക്കുന്ന എല്ലാ ആരാധനാക്രമങ്ങളും എന്നതിൽ യാതൊരു തർക്കവുമില്ല... ഈ പറയുന്ന "ഹിന്ദു" ആരാധനാക്രമങ്ങളിൽ നിന്നും  "ബലി" നിയമം മൂലം ഒഴിവാക്കി എന്നത് കൊണ്ടു മാത്രം പുരോഗമനം സാധ്യമായി എന്ന് വിചാരിക്കുന്ന പൊതു ബോധവും നിലനിൽക്കുന്നു ... വെഞ്ചിരിപ്പും, റാത്തീബും, മൃത്യുഞ്ജയഹോമവും ഫലപ്രാപ്തിയിലെത്തുന്ന കർമ്മങ്ങൾ എന്ന് കരുതുന്ന സ്വതന്ത്ര വിശ്വാസ സമൂഹത്തിന് അതേപോലെയുള്ള മറ്റൊരു കർമ്മം കൊണ്ട് ദോഷ ഫലം ഉണ്ടാകും എന്ന് എന്തുകൊണ്ട് വിശ്വസിക്കാൻ കഴിയില്ലാ!!? ഈശ്വര വിശ്വാസങ്ങളിലും ഈശ്വര പൂജകളിലും വിശ്വസിക്കുന്നവർക്ക് കൂടോത്രത്തെയും ബ്ലാക്ക് മാജിക്കിനേയും എന്തുകൊണ്ട് വിശ്വസിക്കാൻ കഴിയാതെ  പോകുന്നു എന്ന് മനസ്സിലാകുന്നില്ല...  ഒരു ഈശ്വര സങ്കല്പത്തെ വിശ്വസിക്കാൻ തയ്യാറാകുന്നവർ അനുഗ്രഹിക്കാനും, ശിക്ഷിക്കാനും, അലോസരപ്പെടുത്താനും ആ ഈശ്വര ശക്തിക്ക് കഴിവുണ്ടെന്ന് വിചാരിക്കണം...

നമ്മൾ എങ്ങനെ ചർച്ച ചെയ്താലും അനുഗ്രഹവും നിഗ്രഹവും ഉണ്ടെന്ന് കണ്ടേ പറ്റൂ... പാപവും പുണ്യവും ഉണ്ടെന്നു കണ്ടേ പറ്റൂ... അനുഗ്രഹവും നിഗ്രഹവും ഉണ്ടെങ്കിൽ നിഗ്രഹത്തിന്റെ കർമ്മമായ ബ്ലാക്ക് മാജിക് or കൂടോത്രം എങ്ങനെ ഇല്ലെന്ന് കാണും, ഒരു സങ്കല്പമായെങ്കിലും!!??

കൂടുതലൊന്നും ആലോചിക്കാനില്ല;; കൂടോത്രം or ബ്ലാക്ക് മാജിക് ഉണ്ടോ ഇല്ലയോ, അതിന് പ്രവർത്തന യോഗ്യമായ ശക്തിയുണ്ടോ, എന്നത് ഒന്നുമല്ല ചോദ്യം, ഒരു വ്യക്തിക്ക് എതിരെ ആ കർമ്മം ചെയ്യാൻ സന്നദ്ധനായ മറ്റൊരു വ്യക്തിയുണ്ടോ എന്നതാണ് ചോദ്യം... ആ ശത്രുവിനെയാണ് തിരിച്ചറിയേണ്ടത്... ആ ശത്രുവിനെതിരെ പ്രതിരോധം തീർക്കുകയാണ് വേണ്ടത്... ഒരു കത്തിയെടുത്ത് കുത്തിക്കൊല്ലാൻ വാശി കൊണ്ട് നടക്കുന്ന, അതിന് ധൈര്യം ഇല്ലാത്ത ഒരു എതിരാളിയാണ് കൂടോത്രങ്ങൾക്ക് പുറകിൽ ഉള്ളത്... 

കൂടോത്രം അന്ധവിശ്വാസമോ മറ്റെന്തോ ആയിക്കോട്ടെ; അതിനു പിന്നിലെ ചിന്തിക്കുന്ന മനുഷ്യൻ യാഥാർത്ഥ്യമാണ്.... അതുമാത്രം മനസ്സിലാക്കുക...

[Rajesh Puliyanethu 

 Advocate, Haripad]

വൃദ്ധസദനങ്ങൾ;; Recreation Centre For Top Experienced Men...

     വൃദ്ധ സദനങ്ങൾ എന്നത് എന്നും ദൈന്യമായ വികാരമാണ് കൊണ്ടു വരുന്നത്.... ജീവിത സായാഹ്നത്തിൽ ആരോരുമില്ലാത്തവരുടെ ഇടം.. അല്ലെങ്കിൽ എല്ലാവരും ഉണ്ടായിട്ടും ഉപേക്ഷിക്കപ്പെടുന്നവരുടെ ഇടം... എങ്ങനെ ആയാലും വൃദ്ധ സദനത്തിലെ അന്തയവാസികൾ എല്ലാവർക്കും ഈറൻ കാഴ്ചകളാണ്... ഒരായുസ്സിന്റെ പ്രവർത്തിക്ക് പ്രതിഫലം പറ്റാൻ കഴിയാതെ പോയവർ എന്ന വിലാപവും വൃദ്ധസദനത്തിലെ ഒരോ അന്തയവാസികളുടെയും മൂളലിൽ പോലും ഉണ്ടായിരുന്നു... 

     സമൂഹത്തിന് ഉണ്ടായിക്കൊണ്ടിരിക്കുന്ന മാറ്റവുമായി വിദൂരമല്ലാത്ത ഒരു ബന്ധം വൃദ്ധസദനങ്ങൾ എന്ന സ്ഥാപനത്തിനും സങ്കല്പങ്ങൾക്കും പിന്നിലുണ്ട്... സമൂഹത്തിൽ കൂട്ടുകുടുംബ വ്യവസ്ഥിതി നിലനിന്നിരുന്ന മുൻകാലങ്ങളിൽ വൃദ്ധസദനങ്ങൾ എന്ന സങ്കല്പങ്ങൾ പോലും ഉണ്ടായിരുന്നില്ല... എല്ലാ വീടുകളിലും എഴുപത്തി അഞ്ചോ, എൺപതോ വയസ്സിന് മുകളിൽ പ്രായമുള്ള ഒന്നിലധികം ആൾക്കാർ ഉണ്ടാകുമായിരുന്നു... ഒട്ടുമിക്ക വീടുകളിലും പ്രായാധിക്യത്താൽ കിടപ്പുരോഗികളും ഉണ്ടാവുമായിരുന്നു... പക്ഷേ ആ കാലഘട്ടത്തിൽ ഒന്നും തന്നെ വൃദ്ധ ജനങ്ങളോ, വൃദ്ധ രോഗികളോ ആ ഭവനങ്ങളിൽ നിന്നു നീക്കം ചെയ്യപ്പെടേണ്ടവരാണ് എന്ന് ആരും ചിന്തിച്ചിരുന്നില്ല... കൂട്ടുകുടുംബ വ്യവസ്ഥയിൽ അവരെ പരിചരിക്കാൻ ആരെങ്കിലുമൊക്കെ ഉണ്ടാകുമായിരുന്നു... അവരുടെ പരിചരണ ചുമതല പല വ്യക്തികൾക്കിടയിൽ വികേന്ദ്രീകരിച്ച് നടപ്പിലാക്കപ്പെട്ടിരുന്നതിനാൽ ആർക്കും തന്നെ വൃദ്ധജനങ്ങളുടെ പരിചരണന ജോലി ഒരു അമിത ഭാരമായി തോന്നിയിരുന്നില്ല... അതുമാത്രമല്ല മുൻകാലങ്ങളിൽ സ്വന്തം നാട്ടിൽ നിന്നും വിദൂരത്തിലേക്ക് ജീവിതമാർഗം തേടി പോകുന്നവർ കുറവായിരുന്നു... ഒരു കുടുംബത്തിലെ ചിലർ മാത്രം മറ്റു സംസ്ഥാനങ്ങളിലേക്കോ വിദേശങ്ങളിലേക്കോ ജോലി തേടി പോയിട്ടുണ്ടായിരുന്നെങ്കിലും ഈ വൃദ്ധജനങ്ങളെ പരിചരിക്കാൻ സന്നദ്ധരായ ആൾക്കാർ വീടുകളിൽ അവശേഷിച്ചിരുന്നു... വൃദ്ധരായ മനുഷ്യർക്ക് ഒന്നിലധികം മക്കൾ സാധാരണ ഗതിയിൽ ഉണ്ടായിരുന്നതിനാൽ പരിചരണ ചുമതല ഒരു ദൈനംദിന കർമ്മം എന്നതിനപ്പുറം ആരും തന്നെ ഒരു ഭാരമായി കണ്ടിരുന്നില്ല...

     ഒരു കുടുംബത്തിലെ ചെറുപ്പക്കാരായവർ, സാധാരണഗതിയിൽ വൃദ്ധരായ മനുഷ്യരുടെ മക്കൾ എല്ലാവരും തന്നെ ദൂരദേശങ്ങളിലേക്ക് സ്വന്തം ജീവിതമാർഗം തേടി പോയപ്പോഴാണ് വൃദ്ധസദനങ്ങൾ എന്ന സങ്കല്പം ജനിച്ചു തുടങ്ങിയത്... തൊഴിൽ ഇടങ്ങളിൽ തന്നെ സൗകര്യപ്രദമായി താമസമാക്കുക, പട്ടണങ്ങളിൽ ആധുനിക ജീവിത സൗകര്യങ്ങളോടൊപ്പം ചേർന്ന് ജീവിക്കുക തുടങ്ങിയ മനുഷ്യ ജന്യമായി ഇഷ്ടങ്ങൾ വൃദ്ധസദനങ്ങൾ എന്ന സങ്കൽപ്പത്തിന് ആക്കം കൂട്ടി... പട്ടണങ്ങളിലെ ആധുനിക ജീവിത സൗകര്യങ്ങളെ കൂടെക്കൂട്ടിയവർ ഗ്രാമങ്ങളിലെ തങ്ങളുടെ വീടുകളും അതിലെ അന്തേവാസികളായ വൃദ്ധജനങ്ങളെയും ഒരേപോലെ ""ഒഴിവാക്കപ്പെടേണ്ടതാണ്"" എന്നു കണ്ടു... മണ്ണും വീടും വിലക്ക് വാങ്ങിയവർ കൊണ്ടു പോയപ്പോൾ വൃദ്ധജനങ്ങൾ നിസ്സഹായരായി വെയിലേറ്റു നിന്നു... 

     എഴുപത്കളുടെ ആരംഭത്തില് ആണ് വൃദ്ധസദനങ്ങൾ സമൂഹത്തിന് അന്യമല്ലാത്ത ഒരു കാഴ്ചയായി വളർന്നു വരാൻ തുടങ്ങിയത്... മലയാളത്തിൻറെ പ്രിയപ്പെട്ട സംവിധായകൻ ശ്രീ പത്മരാജനാണ് 'തിങ്കളാഴ്ച നല്ല ദിവസം' എന്ന സിനിമയിൽ കൂടി വൃദ്ധസദനത്തിലേക്ക് ഒരു മാതാവ് എത്തിച്ചേരുന്നതിൻ്റെ സാമൂഹിക കുടുംബ പശ്ചാത്തലം മലയാളിക്ക് മുൻപിൽ വരച്ചുകാട്ടിയത്... മണ്ണും വീടും വിലക്ക് വാങ്ങിയവർ കൊണ്ടു പോകുമ്പോൾ വെയിലേറ്റ് നിൽക്കുന്നവർക്ക് വൃദ്ധസദനം ഏക അഭയ കേന്ദ്രമായി ഉയർന്നു വന്നു... വൃദ്ധസദനത്തിന്റെ പടിവാതിൽ കടന്ന് അകത്തേക്ക് പ്രവേശിക്കുന്ന നിമിഷം വരെ എല്ലാവരും ഉണ്ടായിരുന്ന ഒരുവന്, ഒരു പടിവാതിലിനപ്പുറം ആരോരുമില്ലാത്തതിന്റെ അന്യതാബോധവും, ഏകാന്തതയുമാണ് അവിടെ കാത്തുവെച്ചിരുന്നത്... എല്ലാവരും ഉണ്ടായിരുന്നിട്ടും 'ഉപേക്ഷിക്കപ്പെടുന്ന' ജീവിത സായാഹ്നങ്ങളെ നിരത്തി ആയിരുന്നു വൃദ്ധസദനങ്ങളെക്കുറിച്ചുള്ള സംഭാഷണങ്ങൾ മുന്നേറിയത്...

     എല്ലാവരും ഉണ്ടായിരുന്നിട്ടും ഉപേക്ഷിക്കപ്പെടുന്ന ജരാനരകളുടെ മാത്രമല്ല,, യൗവനാരംഭം മുതലേ ആരുമില്ലാത്തവരുടെ കൂടി സമൂഹമാണിത്... അങ്ങനെയുള്ളവർക്ക് ജീവിത സന്ധ്യയിൽ വൃദ്ധസദനങ്ങൾ ദൈന്യതയുടെ കാഴ്ചകൾ അല്ല; മറിച്ച് അഭയ സ്ഥാനങ്ങളാണ്... പക്ഷേ എന്തുകൊണ്ടോ ഉപേക്ഷിക്കപ്പെടുന്ന വൃദ്ധജനങ്ങളെ വൃദ്ധസദനങ്ങളോട് ചേർത്തുവെച്ചു സംസാരിക്കുവാനാണ് പൊതുവേ നമുക്ക് താല്പര്യം...

     വർത്തമാനകാലത്ത് ഒരു അറുപത്തി അഞ്ച് വയസ്സിനു മുകളിലുള്ള ആൾക്കാർക്കും വൃദ്ധസദനങ്ങൾ തഴയപ്പെട്ടതിന്റെയും, ഉപേക്ഷിക്കപ്പെതിന്റെയും അടയാളപ്പെടുത്തലുകളാണ്... പക്ഷേ ഇന്ന് ഏകദേശം അൻപത്തി അഞ്ച് വയസ്സിന് താഴെ നിൽക്കുന്നവർക്ക് അവരുടെ വാർധക്യത്തിൽ വൃദ്ധസദനങ്ങൾ ഒരിക്കലും തഴയപ്പെടലിന്റെയോ ഉപേക്ഷിക്കപ്പെട്ടതിൻ്റെയോ ശീർഷകങ്ങൾ പേറുന്നത് ആകില്ല... ആകാൻ കഴിയില്ല എന്നതാണ് സത്യം... അണു കുടുംബങ്ങൾക്ക് സാധ്യമായ ഏറ്റവും ചെറുതിലേക്ക് കുടുംബം എന്ന സങ്കല്പം ചുരുങ്ങിയിരിക്കുന്നു... അച്ഛൻ അമ്മ ഏക സന്താനം എന്ന കാഴ്ച വളരെ വളരെ ഏറി വരുന്നു... മുൻകാലങ്ങളെ അപേക്ഷിച്ചു വന്ധ്യത എന്ന അവസ്ഥ അനുഭവിക്കുന്ന ദമ്പതികളുടെ നിരക്ക് വർദ്ധിക്കുന്നു... സാമൂഹികവും, സാമ്പത്തികവും, തൊഴിൽപരവും, വിദ്യാഭ്യാസപരവുമായ നമ്മുടെ സംസ്ഥാനത്തിന്റെ പരാധീനതകൾ കാരണം യുവത്വം കടൽ കടക്കുന്നു... അങ്ങനെ പലവിധമായ കാരണങ്ങൾ കൊണ്ട് ഇന്ന് ഏകദേശം 55 വയസ്സിൽ താഴെ പ്രായത്തിൽ ജീവിക്കുന്നവരുടെ വാർധക്യ കാലത്ത് ബന്ധു രഹിതമായ ചുറ്റുപാടും, ഏകാന്തതയും, ഒറ്റപ്പെടലും ആയിരിക്കാനാണ് സാധ്യത... അവിവാഹിതരായി വാർധക്യത്തിൽ എത്തുന്നവരേയും, ദമ്പതികളിൽ ഒരാൾ മരണപ്പെട്ടു പോവുകയോ, പിരിഞ്ഞു പോവുകയൊ ചെയ്യുന്നവരെയും കൂടി പരിഗണിക്കുമ്പോൾ വാർദ്ധക്യത്തിൽ മുൻപ് പറഞ്ഞ ഏകാന്തതയും ഒറ്റപ്പെടലും അനുഭവിക്കുന്നവരുടെ എണ്ണം ഭാവിയിൽ വളരെ വളരെ വലുതായിരിക്കും എന്ന് കാണാം... ആ ഭാവിയിൽ, ആ മനുഷ്യരുടെ അഭയസ്ഥാനം എന്നത് മാത്രമല്ല ഏറ്റവും അനിവാര്യമായ പാർപ്പിടമായിരിക്കും ഇന്ന് വൃദ്ധസദനങ്ങൾ എന്ന അത്രകണ്ട് ഗ്ലോറിഫൈഡ് വിളിപ്പേരില്ലാത്ത സ്ഥാപനങ്ങൾ...

     ഇന്നത്തെ യുവത്വവും, മധ്യവയസ്കരും ആദ്യമായി ചെയ്യേണ്ടതെന്തന്നാൽ വൃദ്ധസദനങ്ങൾ എന്ന മുഷിഞ്ഞ വിളിപ്പേരും ആ പാർപ്പിടങ്ങളിലെ ദൈന്യതയും എടുത്തു കളയുക എന്നതാണ്... ഇന്നത്തെ യുവത്വവും, ഒരു അൻപത്തി അഞ്ചിൽ താഴെ പ്രായമുള്ളവരും അവരുടെ ജീവിത സായാഹ്നങ്ങളെ ആഹ്ലാദിക്കാനും, അർമ്മാദിക്കാനും ഈ കാലം മുതൽ തന്നെ സർവ്വ സൗകര്യങ്ങളും നിറഞ്ഞ റിക്രിയേഷൻ സെൻററുകളിലേക്ക് ഇൻവെസ്റ്റ് ചെയ്യണം... [Recreation Centre For Top Experienced Men]... ഒരല്പം പോലും ലഹരിയുടെ സൗന്ദര്യം ആസ്വദിക്കാതെയും, അല്പം മധുരം കഴിക്കാതെയും, വറ്റെണി കഴിച്ചും, ഘടികാര സൂചിയുടെ ചലനങ്ങൾക്ക് ഒപ്പിച്ചു ജീവിത താളം ക്രമീകരിച്ച്, ആയുസ്സിന്റെ അവസാന ബിന്ദു എത്രത്തോളം അകലങ്ങളിലേക്ക് നീക്കാം എന്ന ചിന്തയിൽ കഠിനവൃതം നോക്കുന്നവർ പ്രത്യേകിച്ചും...!

     വർത്തമാനകാലത്തെ പ്രായമായ മനുഷ്യരുടെ ദുഃഖ ചിന്തയാണ് വൃദ്ധസദനങ്ങൾ എങ്കിൽ വർത്തമാനകാലത്തെ യുവജനതയുടെ വാർദ്ധകൃ കാലത്തെ സുരക്ഷിതവും, ആഹ്ലാദകരവും, അഭിമാനകരവുമായ പാർപ്പിടങ്ങൾ ആകണം ഭാവിയിലെ "Recreation Centre For Top Experienced Men"... ബന്ധങ്ങളുടെയും, സൗകര്യങ്ങളുടെയും പേരിലെ ബന്ധനങ്ങളും, പരിമിതികളും അവിടെ ഉണ്ടാകരുത്... നാളത്തെ വാർദ്ധക്യങ്ങൾക്ക് അവരുടെ മക്കളോട് കടമകളെക്കുറിച്ച് ഓർമ്മപ്പെടുത്തേണ്ടി വരരുത്... ഒരു മുപ്പത് വർഷത്തിനുശേഷം വാർദ്ധക്യത്തിലെത്തുന്ന ഏതൊരുവരുടേയും പിൻതലമുറയ്ക്ക് തങ്ങളുടെ മുൻതലമുറയോടുള്ള ഉത്തരവാദിത്വങ്ങളെ കുറിച്ച് ഓർത്ത് വ്യാകുലപ്പെടുകയൊ, പരിതപിക്കപ്പെടുകയോ ചെയ്യേണ്ട അവസ്ഥ ഉണ്ടാകരുത്... 

     വാർദ്ധക്യ കാലത്തെ പെൻഷൻ സ്‌കീമുകളെ മുൻനിർത്തി പല ഇൻഷുറൻസ് കമ്പനികളും പദ്ധതികൾ തയ്യാറാക്കുന്നതുപോലെ ഒരു നിശ്ചിത പ്രായത്തിനു ശേഷം ഫൈസ്റ്റാർ അക്കോമഡേഷനോടു കൂടിയ Recreation Centre For Top Experienced Men സ്ഥാപനങ്ങളിലേക്കുള്ള അഡ്മിഷൻ പ്രോഗ്രാമുകൾ ഇന്നേ പ്ലാൻ ചെയ്തു നടപ്പിലാക്കേണ്ടതുണ്ട്... ഇന്ന് ആരോഗ്യത്തോടെ ജോലി ചെയ്യുന്ന യുവ ജനങ്ങളിൽ നിന്നും മധ്യവയസ്കരിൽ നിന്നും ഇക്കാലം മുതൽ തന്നെ പ്രീമിയം തുക പോലെ ഈടാക്കാവുന്നതാണ്... 

     ഭാവിയിലെ അത്തരം സ്ഥാപനങ്ങൾ ""RECREATION"" എന്ന വാക്കിൻറെ സമസ്ത ഭാവങ്ങളെയും ഉൾക്കൊള്ളുന്നതായിരിക്കണം... ഒപ്പം തന്നെ സ്ഥിരമായ വൈദ്യ പരിശോധനകൾക്കുള്ള സൗകര്യം, ഓരോ വ്യക്തിയേയും കസ്റ്റമൈസ്ഡ് ആയി പരിചരിക്കുന്നതിനുള്ള സൗകര്യം,, ഒപ്പം കലാപരമായ എല്ലാ വാസനകളെയും ആസ്വദിക്കാനും പരിപോഷിപ്പിക്കാനും ഉള്ള സൗകര്യം, എഴുതാനും വായിക്കാനുള്ള സൗകര്യം, വിനോദയാത്രയ്ക്കും തീർത്ഥയാത്രയ്ക്കും ഉള്ള സൗകര്യം, അങ്ങനെ ദൈന്യതയുടെ എല്ലാ നിറങ്ങളെയും തുടച്ചുനീക്കി ഉള്ളതാകണം ഭാവി കാലത്തെ Recreation Centre For Top Experienced Men...

     അമേരിക്കയിൽ നിന്നോ, ഇംഗ്ലണ്ടിൽ നിന്നോ മക്കൾ മാസത്തിലൊരിക്കൽ പോലും വിളിക്കുന്നില്ലെന്നോ, അങ്ങോട്ട് വിളിച്ചാൽ എടുക്കുന്നില്ലന്നോ പരിതപിക്കുന്ന മാതാപിതാക്കൾ അടുത്ത 30 വർഷത്തിനു ശേഷം ഉണ്ടാകരുത്... അമേരിക്കയിൽ നിന്നും മകൻ വിളിച്ചാൽ ""ഞങ്ങൾ ഇവിടെ റമ്മി കളിച്ചു കൊണ്ടിരിക്കുകയാണ്, കുറച്ചു കഴിഞ്ഞു വിളിക്ക്"" എന്നു പറയുന്ന മാതാപിതാക്കൾ ഉണ്ടാകണം... ദൃഢവും സുരക്ഷിതമായ ഒരാലയം ഭാവികാല വൃദ്ധജനങ്ങൾക്ക് ആവശ്യമാണ്... അതിനായുള്ള പ്രവർത്തനങ്ങളും, മുതൽ മുടക്കുകളും ഇന്നേ ആരംഭിക്കേണ്ടിയിരിക്കുന്നു... 

     കാലത്തെ ഉൾക്കൊണ്ടും, അതിനനുസരിച്ചുള്ള മാറ്റങ്ങൾക്ക് വിധേയമായും തന്നെ ഒരു കാലഘട്ടത്തെ വലിയ കൂട്ടം ജനതയുടെ കംഫർട്ടബിൾ സോൺ സൃഷ്ടിക്കാൻ "Recreation Centre For Top Experienced Men" ന് കഴിയും... ഒന്നാലോചിച്ചു നോക്കൂ; വീടും, പണവും ചുറ്റുപാടുകളും എല്ലാം ഉണ്ടെങ്കിലും ഒരു ദിവസം രണ്ടു മനുഷ്യരുടെ എങ്കിലും മുഖം കാണാതെയും രണ്ടാളോടെങ്കിലും സംസാരിക്കാൻ കഴിയാതെയും ഒരുപാട് പരിമിതികളുടെ ചുവരുകൾക്കുള്ളിൽ കഴിയുന്നതിനേക്കാൾ എത്രയോ പോസിറ്റീവ് ആണ് ഒരേ വൈബുള്ള കുറെയധികം ആൾക്കാരോടൊപ്പം അടിച്ചു പൊളിച്ചു ജീവിക്കുന്നത്...

     ""ഭാവികാല ലോകത്ത് നരച്ച വാർദ്ധക്യങ്ങളായല്ല,, മറിച്ച് നരച്ച യൗവനങ്ങളായി ജീവിക്കാൻ കഴിയണം""

'     നര' ഒരു യാഥാർത്ഥ്യവും, 'ജീവിക്കുക' എന്നത് ഒരു അനിവാര്യതയും ആകുമ്പോൾ  നവീനമായ പലതിനെയും നമ്മൾ പരിണയിക്കും...

[Rajesh Puliyanethu 

 Advocate, Haripad]

2024 ഒരു സോൾട്ട് ആന്റ് പെപ്പർ ജനവിധി!

 രാഷ്ട്രീയം വീക്ഷിക്കുന്നത് ഇഷ്ടപ്പെടുന്ന ഒരു വ്യക്തി എന്ന നിലയിൽ 2024 ലോക്സഭ തെരഞ്ഞെടുപ്പ് ഫലം ചെറിയ അനിഷ്ഠങ്ങളും വലിയ സന്തോഷങ്ങളും നൽകുന്നു... എൻ ഡി എ സർക്കാർ മൂന്നാമതും കേന്ദ്രത്തിൽ അധികാരത്തിൽ വരുന്നു എന്നുള്ളതും ശ്രീ നരേന്ദ്ര മോദി വീണ്ടും ഇന്ത്യയുടെ പ്രധാനമന്ത്രിയാകുന്നു എന്നതും സന്തോഷത്തിന് വക നൽകുന്നു... ഒപ്പം തന്നെ ബി ജെ പി ഒറ്റയ്ക്ക് കേവല ഭൂരിപക്ഷത്തിലേക്ക് എത്താതിരുന്നത് അല്പം വിഷമത്തിനും കാരണമാകുന്നു... എൻ ഡി എ യിലെ ഒരു ഘടകകക്ഷിയുടെ പ്രവർത്തകൻ എന്ന നിലയിൽ ഘടകകക്ഷികൾക്ക് കൂടുതൽ പ്രാധാന്യം നൽകുന്ന ഒരു മുന്നണി സംവിധാനം ആയിരിക്കും ഇനി ഉണ്ടാകുന്നത് എന്ന നിലയിൽ സന്തോഷമുണ്ട്... ഒരു ജനാധിപത്യ വിശ്വാസി ഏറ്റവുമധികം ഇഷ്ടപ്പെടുന്നത് ശക്തനായ ഒരു ഭരണാധികാരി നയിക്കുന്ന ഭരണ സംവിധാനവും ഒപ്പം ചോദ്യം ചെയ്യാൻ കെൽപ്പുള്ളതും അതിനാവശ്യമുള്ള അംഗബലവും ഉള്ള ഒരു പ്രതിപക്ഷവും ചേർന്ന പാർളമെൻറ് വിന്യാസത്തെയാണ്...  ഈ തെരഞ്ഞെടുപ്പിൽ അതുണ്ടായിരിക്കുന്നു എന്നത് പോസിറ്റീവായി കാണാവുന്നതാണ്... ചന്ദ്ര ബാബു നായിഡുവിനെ പോലെയും നിതീഷ് കുമാറിനെ പോലെയും രാഷ്ട്രീയ നൈതികതയ്ക്ക് വില കൽപ്പിക്കാത്തതും അഴിമതിക്ക് മടിക്കാത്തതും ഒപ്പം രാഷ്ട്രീയ താപ്പാനകളെന്ന് പേരെടുത്തിട്ടുമുള്ള വ്യക്തിത്വങ്ങൾ എപ്രകാരം ഭരണകാര്യങ്ങളിൽ ഇടപെടാൻ തുടങ്ങും എന്നുള്ളതും, സ്വതന്ത്രമായ തീരുമാനങ്ങൾ എടുത്തു മുന്നോട്ടു പോകാനുള്ള ഒരു സർക്കാരിൻ്റെ കെൽപ്പിനെ ഏതു വിധത്തിൽ ബാധിക്കും എന്നതും ആശങ്ക ഉളവാക്കുന്നു... ശ്രീ സുരേഷ് ഗോപി മിന്നുന്ന വിജയം കൈവരിച്ചതും അതുവഴി കേരള ജനതയ്ക്ക് എൻഡിഎ സഖ്യത്തിനോട് തൊട്ടുകൂടായ്മ ഇല്ല എന്ന സന്ദേശം നൽകിയതും സന്തോഷകരമായ കാര്യങ്ങളാണ്… കേരള സർക്കാരിൻറെ അങ്ങേയറ്റത്തെ ജനദ്രോഹ നടപടികൾക്കെരെയും, കെടുകാര്യസ്ഥതയുടെയും, അഴിമതിയുടെയും, അഹങ്കാരത്തിന്റെയും , ധാർഷ്ട്യത്തിന്റെയും, പര്യായമായ ഭരണ രീതികൾക്കെതിരെ ജനങ്ങൾ വിധി എഴുതിയത് ഏതു രാഷ്ട്രീയ പാർട്ടികൾക്കും മനസ്സിൽ സൂക്ഷിക്കാവുന്നതാണ്... കനൽ ഒരു തരിയായി തന്നെ ഇടം മാറി അവശേഷിക്കുന്നത് അലോസരപ്പെടുത്തുന്നതുമാണ്... എല്ലാം കൂട്ടി വായിക്കുമ്പോൾ ഒരു ""സോൾട്ടാൻ ആൻഡ് പെപ്പർ"" ജനവിധിയായിരുന്നു ഉണ്ടായതെന്ന് മനസ്സിലാക്കുന്നു...

വിജയിച്ച 543 എംപിമാരും രാജ്യത്തിൻറെ താൽപര്യത്തിനും അഭിവൃദ്ധിക്കും സുരക്ഷിതത്വത്തിനും വേണ്ടി പ്രവർത്തിക്കും എന്ന് നമുക്ക് വിശ്വസിക്കാം

...

മൂന്നാം എൻ ഡി എ സർക്കാരിന് എല്ലാവിധ ആശംസകളും...

രാജ്യം ചിരിക്കുമ്പോൾ കമ്മ്യൂണിസ്റ്റുകൾ കരയുന്നു!!!

     ഇന്ന് രാമ ജന്മഭൂമിയിൽ ശ്രീരാമചന്ദ്ര ഭഗവാൻറെ പ്രാണ പ്രതിഷ്ഠ നടക്കുമ്പോൾ രാജ്യം ഒന്നാകെ   ഉത്സവാഘോഷത്തിലാണ്... 

     വിഭിന്നങ്ങളായ രാഷ്ട്രീയ, സാമൂഹിക, സാംസ്കാരിക, കലാ, കായിക, ബിസിനസ് രംഗങ്ങളിൽ പ്രവർത്തിക്കുന്ന എല്ലാവരുടെയും ഉള്ളിന്റെയുള്ളിൽ ഒരു രാമനുണ്ടായിരുന്നു എന്ന സത്യം പുറത്തുകൊണ്ടുവന്ന സംഭവമായിരുന്നു പ്രാണപ്രതിഷ്ഠ... കഴിഞ്ഞ കുറച്ചു ദിവസങ്ങളായി ഇന്ത്യയിൽ ഏറ്റവും അധികം ഉച്ചരിക്കുന്ന നാമം രാമന്റെതാണ്... ചിലർ രാമൻ എന്ന ദൈവത്തെക്കുറിച്ച് സംസാരിക്കുന്നു... മറ്റു ചിലർ രാമന്റെ സ്വഭാവ സവിശേഷതകളെക്കുറിച്ച് സംസാരിക്കുന്നു... മറ്റു ചിലർ രാമൻറെ പോരായ്മകളെ കണ്ടെത്താൻ തലച്ചോറ് പഴുപ്പിക്കുന്നു... മറ്റു ചിലർ രാമൻറെ രാഷ്ട്രീയ പ്രാധാന്യത്തെക്കുറിച്ച് സംസാരിക്കുന്നു... ഏതു സംസാരവും രാമനിൽ തുടങ്ങി രാമനിൽ അവസാനിക്കുന്നു... അതാണ് ഈ ദിവസങ്ങളിലെ ഭാരതം... 

     രാജ്യം ഒന്നാകെ ഉത്സവാഘോഷങ്ങളിൽ രമിക്കുമ്പോൾ ഇവിടെ കണ്ണീർ കുടിക്കുന്ന ഒരു വിഭാഗമുള്ളത് കമ്മ്യൂണിസ്റ്റുകൾ ആണ്... അവർ എന്നും അങ്ങനെയാണ്, ഒന്നുകിൽ അവർ രാജ്യം ചിരിക്കുമ്പോൾ മൂക്ക് മുറിച്ചും ശകുനപ്പിഴ കാട്ടും എന്ന പോലെ കരഞ്ഞു കാട്ടും.. അല്ലെങ്കിൽ അവർ ഏതു വിധേനയും രാജ്യം കരഞ്ഞു കാണാൻ വേണ്ട പ്രവർത്തികൾ ചെയ്യും...

     രാജ്യത്തിന് പുറത്ത് ഉള്ള ശത്രുക്കളെക്കാളും രാജ്യത്തിൻ്റെ ഉള്ളിൽ നിന്നു കൊണ്ടു തന്നെ ഭാരതത്തിൻറെ വിഘടനമാണ് തങ്ങളുടെ ലക്ഷ്യം എന്ന് പ്രഖ്യാപിത നയത്തോടെ പ്രവർത്തിക്കുന്ന സംഘടനകളെക്കാളും അപകടകാരികളാണ് രാജ്യത്തിനുള്ളിലെ കമ്മ്യൂണിസ്റ്റുകൾ... ഇന്ത്യ ചൈന യുദ്ധം ഉണ്ടായപ്പോൾ പരസ്യമായി ചൈനയെ അനുകൂലിച്ചവരാണ് ഈ കമ്മ്യൂണിസ്റ്റുകൾ എന്ന് നമ്മൾ മറക്കരുത്... പരിക്കേൽക്കുന്ന ഇന്ത്യൻ സൈനികർക്ക് രക്തം കൊടുക്കണമെന്ന് ആഹ്വാനം ചെയ്തതിന്റെ പേരിലാണ് ശ്രീ വി എസ് അച്യുതാനന്ദനെതിരെ കമ്മ്യൂണിസ്റ്റ് പാർട്ടി നടപടി സ്വീകരിച്ചത് എന്നും നമ്മൾ മറക്കരുത്... ഭാരതം ഒരു ആണവശക്തിയായപ്പോൾ ആദ്യം വിമർശിച്ചത് കമ്മ്യൂണിസ്റ്റുകളാണ്... ഭാരതത്തിൻറെ പാർലമെൻറിൽ ആക്രമണം നടത്തിയ അഫ്സൽ ഗുരുവിന് വേണ്ടി ശബ്ദമുയർത്തിയത് കമ്മ്യൂണിസ്റ്റുകളാണ്... മുംബൈ ആക്രമണ കേസിലെ അജ്മൽ കസബ് ആയിരുന്നു കമ്മ്യൂണിസ്റ്റുകളുടെ പ്രിയപ്പെട്ടവൻ... കസബിന്റെ മനുഷ്യാവകാശങ്ങളും, കസബിനെ തൂക്കിക്കൊല്ലാതിരിക്കാൻ ചെയ്യേണ്ട കാര്യങ്ങളുമായിരുന്നു കമ്മ്യൂണിസ്റ്റുകളുടെ മുൻഗണന... ഈ വിധം പിന്തുണകൾ നൽകാൻ കമ്മ്യൂണിസ്റ്റുകളെ പ്രേരിപ്പിച്ചത് യാതൊരുവിധ മനുഷ്യാവകാശ ചിന്തകളുമായിരുന്നില്ല; മറിച്ച് ഇവരെല്ലാം ഭാരതത്തിനെതിരെ പോരാടിയവരായിരുന്നു എന്ന മെറിറ്റ് മാത്രമായിരുന്നു കാരണം... സമീപകാലത്ത് ചൈന ഇന്ത്യൻ അതിർത്തിയിൽ കടന്നുകയറ്റം നടത്തിയപ്പോൾ, ഇന്ത്യൻ സൈനികരുടെ മരണത്തിന് കാരണമായപ്പോൾ ഒരു പ്രസ്താവന കൊണ്ടു പോലും ചൈനയെ എതിർക്കാൻ തയ്യാറാകാത്തവരാണ് ഇവിടുത്തെ കമ്മ്യൂണിസ്റ്റുകൾ... ഇന്ത്യ പാകിസ്ഥാനിലെ ഭീകര കേന്ദ്രങ്ങൾ തകർത്തുകൊണ്ട് സർജിക്കൽ സ്ട്രൈക്ക് നടത്തിയപ്പോൾ വിമർശനവുമായി രംഗത്തു വന്നവരാണ് കമ്മ്യൂണിസ്റ്റുകൾ... കാനഡയും ഇന്ത്യയുമായി നയതന്ത്ര ബന്ധങ്ങളിൽ ഉലച്ചിൽ സംഭവിച്ചപ്പോൾ കാനഡയുടെ പക്ഷം പിടിച്ച് പരോക്ഷമായി ഇന്ത്യയെ വിമർശിച്ചവരാണ് കമ്മ്യൂണിസ്റ്റുകൾ... മുൻപ് പറഞ്ഞതുപോലെ കമ്മ്യൂണിസ്റ്റുകൾക്ക് ഭാരതം സന്തോഷിക്കുന്നത് ഇഷ്ടമല്ലാത്തവരാണ്...  

     നമ്മളെല്ലാവരും ശ്രദ്ധിച്ചിട്ടുള്ള കാര്യമാണ്, ഏതൊരു വിദേശരാജ്യവും ഇന്ത്യയുടെ തകർച്ചയെക്കുറിച്ചൊ ഇന്ത്യ ഏതെങ്കിലും വിഷയത്തിൽ പിന്നോട്ട് നിൽക്കുന്നു എന്ന വിധമൊ സംസാരിക്കുകയോ, പ്രസ്താവനകൾ നടത്തുകയോ ചെയ്താൽ തീർച്ചയായും ഇവിടത്തെ കമ്മ്യൂണിസ്റ്റുകൾ പിന്തുണയ്ക്കുന്നതും ചർച്ചകൾ നയിക്കുന്നതും ആ വിദേശീയ രാജ്യത്തിനെയോ, ഏജൻസിയെയൊ മാധ്യമത്തിനെയോ പിന്തുണച്ചു കൊണ്ടായിരിക്കും... സോഷ്യൽ മീഡിയയിലെ ഇടതുപക്ഷ വെട്ടുകിളികൾ ഈ അവസരങ്ങൾ എല്ലാം എപ്രകാരം "ഭാരതത്തെ പരിഹസിക്കാം" എന്ന ചിന്തയോടെ ഉപയോഗപ്പെടുത്തുന്നത് കാണാം... ഭാരതത്തിൻറെ സമാധാന അന്തരീക്ഷം നിരന്തരം തകർത്തു കൊണ്ടിരിക്കാൻ വൈദേശികർ കടത്തിവിട്ട വിഷമാണ് കമ്മ്യൂണിസം... ഭാരതത്തിൻറെ സമാധാന അന്തരീക്ഷം തകർക്കുന്നതിന് വേണ്ടി കമ്മ്യൂണിസ്റ്റുകൾ ഏറ്റവും ഫലപ്രദം എന്ന് കണ്ട വഴി ഈ നാട്ടിലെ ഹിന്ദുക്കളെയും മുസ്ലീങ്ങളെയും രണ്ട് ചേരികളിൽ നിർത്തി തമ്മിലടിപ്പിക്കുക എന്നതാണ്... മതത്തിൻറെ പേരിൽ വെട്ടി മുറിക്കപ്പെട്ട ഒരു രാജ്യമാണ് നമ്മുടേത്... അതിനാൽ തന്നെ മത സംഘർഷങ്ങൾക്ക് ഈ മഹാരാജ്യത്ത് സാധ്യതകൾ ഏറെയാണ്... വിഭജനത്തിന്റെ മുറിവ് ഒരിക്കലും ഉണങ്ങാത്തതാണെന്ന തിരിച്ചറിവുള്ളവനാണ് കമ്മ്യൂണിസ്റ്റുകൾ.. അതുകൊണ്ടുതന്നെ അവർ ആ മുറിവിലേക്ക് നിരന്തരം ഉപ്പുവാരി പുരട്ടിക്കൊണ്ടിരിക്കും... ഭാരതത്തിൽ മുൻപ് സംഭവിച്ചിട്ടുള്ള മതപരമായ സംഘർഷങ്ങളെ എപ്പോഴും സമൂഹത്തിൽ ഓർമിപ്പിച്ചു നിർത്തി ആ മുറിവുകൾ ചോരയിറ്റ് വീഴുന്ന മുറിവുകളായി നിലനിർത്തുന്നത് കമ്മ്യൂണിസ്റ്റുകളാണ്... ബാബറി മസ്ജിദിന്റെ പതനവും തുടർന്ന് മുൻപോട്ട് സംഭവിച്ച കലഹങ്ങളും, സമാധാന ശ്രമങ്ങളും,  നിയമ പോരാട്ടങ്ങളും എല്ലാം കഴിഞ്ഞ് നിയമ പരിഹാരമായി തന്നെ ഉയർന്നുവന്ന രാമക്ഷേത്രവും പ്രാണ പ്രതിഷ്ഠയും; അങ്ങനെ എല്ലാ സംഭവങ്ങളോടും ഇവിടുത്തെ പൊതു സമൂഹവും മതവിഭാഗങ്ങളും സമരസപ്പെട്ട് സമാധാനപ്പെട്ടിരിക്കുന്നു... പക്ഷേ സസൂക്ഷ്മം നോക്കിയാൽ മനസ്സിലാകും ഭാരത രാജ്യത്തെ പൊതുസമൂഹവും മതവിഭാഗങ്ങളും സമരസപ്പെട്ട് സമാധാനത്തിൽ ആകാതിരിക്കാൻ ഇവിടെ ഏറ്റവും അധികം പ്രയത്നിക്കുന്നത് കമ്മ്യൂണിസ്റ്റുകളാണെന്ന സത്യം... ഈ സംഭവങ്ങൾക്കെല്ലാം സാക്ഷിയായ പഴയ തലമുറ വാർധക്യത്തിലെത്തപ്പെട്ടു പോവുകയോ കാലത്തിനു പിന്നിലേക്ക് മറഞ്ഞു പോവുകയോ ചെയ്തിട്ടുണ്ടെങ്കിൽ പോലും ഇവിടെ കമ്മ്യൂണിസ്റ്റുകൾ വൈരം പുതുതലമുറയിലേക്ക് പരമാവധി വളർത്താൻ ശ്രമിക്കുന്നു... ഇന്ത്യ മഹാരാജ്യത്തിൽ ഏറ്റവും അപകടകരമായ രാഷ്ട്രീയ പ്രവർത്തനം നടത്തുന്നത് കമ്മ്യൂണിസ്റ്റുകളാണ്... കമ്മ്യൂണിസ്റ്റുകളുടെ ഈ ഗൂഢ ലക്ഷ്യങ്ങളെ മനസ്സിലാക്കാതെ കേരളത്തിൽ മാത്രമെങ്കിലും അനേകം ആൾക്കാർ അവരെ പിന്തുണയ്ക്കുന്നു... മറ്റു ചില വിഭാഗം തങ്ങളുടെ കാര്യസാധ്യങ്ങൾ കേരളത്തിൽ പ്രബലമായ പാർട്ടിയെ പിന്തുണച്ചാൽ സാധിക്കും എന്ന ഉദ്ദേശത്തോടെ കമ്മ്യൂണിസ്റ്റുകളെ പിന്തുണയ്ക്കുന്നു... ഏതുവിധേനയുമുള്ള കമ്മ്യൂണിസ്റ്റ് പിന്തുണയും പ്രത്യക്ഷമായും പരോക്ഷമായും ഭാരതം എന്ന മഹാരാജ്യത്തിന് വിനയായിരിക്കും എന്ന കാര്യത്തിൽ യാതൊരു സംശയവുമില്ല...

     അയോധ്യയിലെ പ്രാണ പ്രതിഷ്ഠാ ദിവസം ബാബറി മസ്ജിദിനെ കുറിച്ച് ഏറ്റവും അധികം സംസാരിച്ചുകൊണ്ടിരുന്നത് കമ്മ്യൂണിസ്റ്റ് നേതാക്കളാണ്... ബാബറി മസ്ജിദിന്റെ ചിത്രങ്ങൾ അടക്കം ഇസ്ലാം മത വിശ്വാസികളുടെ വിരോധവും, വൈരാഗ്യവും ഹിന്ദു സമൂഹത്തിനുമേൽ പടർന്നുകയറണം എന്ന ഉദ്ദേശത്തോടുകൂടി സോഷ്യൽ മീഡിയ ഹാൻ്റിലുകൾ കൈകാര്യം ചെയ്തത് കമ്മ്യൂണിസ്റ്റ് വെട്ടുകിളി കൂട്ടങ്ങളാണ്... പ്രാണ പ്രതിഷ്ഠാ സമയത്ത് രാജ്യത്തെ ബഹുഭൂരിപക്ഷം ജനങ്ങളും രാമമന്ത്രങ്ങളുമായി വണങ്ങി നിന്നപ്പോൾ "'പള്ളിപ്പറമ്പിലെ രാമനാണ് അയോധ്യയിലുള്ളത്"' അതാണ് രാമൻ്റെ മേൽവിലാസം എന്നു പറഞ്ഞു പരിഹസിച്ചത് കമ്മ്യൂണിസ്റ്റുകളാണ്... ഭാരത രാജ്യത്തെ ബഹുഭൂരിപക്ഷം വരുന്ന ഇസ്ലാമിക വിശ്വാസികളാരും തന്നെ കമ്മ്യൂണിസ്റ്റുകൾക്കൊപ്പം ചേർന്നു കൊണ്ട് രാമനെ പരിഹസിക്കുന്നതിനൊ, കമ്മ്യൂണിസ്റ്റുകൾ ആഗ്രഹിക്കുന്നതുപോലെ ഒരു മത ചേരിതിരിവിന് കല്ലുകൾ പാകുന്നതിന് തയ്യാറാകുന്നില്ല എന്നതാണ് നാടിൻറെ സമാധാനവും, കമ്മ്യൂണിസ്റ്റുകളുടെ ആശങ്കയും... ഭീഷണി ഉയർത്താൽ ശ്രമിക്കുന്നത് കമ്മ്യൂണിസ്റ്റുകൾക്കൊപ്പം പോന്ന ചില ഇസ്ലാമിക ഭീകര സംഘടനകൾ മാത്രമാണ്... അവരെ നേരിട്ട് പരാജയപ്പെടുത്തുക എന്നത് നാടിൻറെ ആവശ്യവുമാണ്...

     ഹിന്ദു മുസ്ലിം സംഘർഷങ്ങൾ എങ്ങനെയൊക്കെ സാധ്യമാക്കാം എന്ന നിദാന്ത പരിശ്രമത്തിനൊപ്പം തന്നെ ഹിന്ദുവിലെ പല ജാതീയ വിഭാഗങ്ങളെ തമ്മിലടിപ്പിച്ചു ഹിന്ദുവിന്റെ ഐക്യം ഒരിക്കലും സാധ്യമാകാതിരിക്കാൻ വേണ്ട പ്രവർത്തനങ്ങളും കമ്മ്യൂണിസ്റ്റുകൾ ചെയ്തുകൊണ്ടിരിക്കുന്നു... പല വിഭാഗങ്ങൾ തമ്മിൽ പലതരത്തിൽ നിൽക്കുന്ന സ്പർധയിൽ മാത്രമാണ് തങ്ങളുടെ രാഷ്ട്രീയ നിലനിൽപ്പ് എന്നു മാത്രം കരുതി പ്രവർത്തിക്കുന്നവരാണ് കമ്മ്യൂണിസ്റ്റുകൾ... ആശയ ശുദ്ധി കൊണ്ടോ പ്രവർത്തി ശുദ്ധി കൊണ്ടോ യാതൊരു നിലനിൽപ്പും ഇല്ലാത്ത വിഭാഗമാണ് തങ്ങൾ എന്ന സ്വയം തിരിച്ചറിവോടെ തന്നെയാണ് കമ്മ്യൂണിസ്റ്റുകൾ പ്രവർത്തിക്കുന്നത്... അതേ തിരിച്ചറിവോടെ തന്നെ പൊതു സമൂഹവും കമ്മ്യൂണിസ്റ്റുകളെ അകറ്റി നിർത്തേണ്ടതും അവരുടെ പ്രചാരവേലകളിൽ അകപ്പെട്ടു പോകാതിരിക്കേണ്ടതും ഈ രാജ്യത്തിൻറെ നിലനിൽപ്പിനും പരമാധികാരം കാത്തുസൂക്ഷിക്കുന്നതിനും ജനങ്ങളുടെ സൗഹാർദ്ദപരമായ ജീവിതത്തിനും ആവശ്യമാണ്...

     രാമക്ഷേത്രത്തിലെ പ്രാണ പ്രതിഷ്ഠാ കർമ്മങ്ങളോടനുബന്ധിച്ചുള്ള എല്ലാ കാര്യങ്ങളിലും മതസ്പർദ്ധ വളർത്തുന്നതിന് വിവിധങ്ങളായ രീതികളിൽ കമ്മ്യൂണിസ്റ്റുകൾ പരമാവധി പ്രയത്നിച്ചു... മുസ്ലിം സഹോദരങ്ങളുടെ കണ്ണീരാണ് തങ്ങളുടെ കണ്ണുകളിൽ കൂടി വരുന്നതെന്ന് തോന്നുവിതം അവർ കള്ളക്കണ്ണീർ പൊഴിച്ചു... അവർ ആക്രോശിച്ചു കാണിച്ചു... അവർ പലവിധമായ നാടകങ്ങൾ കളിച്ചു കാണിച്ചു... നമ്മൾ മനസ്സിലാക്കണം കമ്മ്യൂണിസ്റ്റുകൾ ലക്ഷ്യം ജനങ്ങൾക്കിടയിൽ സ്പർധ വളർത്തുകയും രാജ്യത്ത് അരക്ഷിതാവസ്ഥ സൃഷ്ടിക്കുകയും അതിനിടയിൽ സ്വന്തം രാഷ്ട്രീയവും,, ലക്ഷ്യങ്ങളും നടപ്പിലാക്കുകയും മാത്രമാണെന്ന്... മുൻപ് വിവരിച്ചതുപോലെ രാജ്യത്തിൻറെ എല്ലാ നിർണായക ഘട്ടങ്ങളിലും രാജ്യത്തെ തള്ളിപ്പറയുകയും, രാജ്യത്തിനെതിരെ പ്രവർത്തിക്കുകയും, രാജ്യത്തിന് അനുകൂലമായി സംസാരിക്കേണ്ട അവസരങ്ങളിൽ അതൊന്നും ചെയ്യാതിരിക്കുകയും ചെയ്ത ഒരു പ്രസ്ഥാനമാണ് രാമ ജന്മഭൂമിയിലെ പ്രാണപ്രതിഷ്ഠയുമായി നിബന്ധിച്ചു മുതലക്കണ്ണീരും, നീതിബോധവുമായി വന്നിരിക്കുന്നത് എന്ന് നമ്മൾ മനസ്സിലാക്കണം...

     കമ്മ്യൂണിസ്റ്റുകൾ ഈ രാജ്യത്ത് നടത്തിയ സമരങ്ങൾക്ക് എല്ലാം എതിരെ നേടിയ നേട്ടങ്ങളാണ് ഈ രാജ്യത്തിൻറെ വികസനവും നമ്മൾ അനുഭവിക്കുന്ന സൗകര്യങ്ങളും എന്ന സത്യവും ലഘുവാ യെങ്കിലും നമ്മൾ മനസ്സിലാക്കിയാൽ കമ്യൂണിസ്റ്റ് ആഹ്വാനങ്ങളുടെയും പരിഹാസങ്ങളുടെയുംപൊള്ളത്തരവും വഞ്ചനയും നമുക്ക് മനസ്സിലാക്കാൻ സാധിക്കും...

     ഒരിക്കലും രാജ്യത്തിനൊപ്പം ചിരിക്കാനോ രാജ്യം സന്തോഷിക്കുന്നത് കണ്ടുനിൽക്കാനോ താല്പര്യം ഇല്ലാത്തവരാണ് കമ്മ്യൂണിസ്റ്റുകൾ

     ആ തിരിച്ചറിവ് നമുക്ക് ഉണ്ടായാൽ നമ്മുടെ രാജ്യം എന്നും തലയുയർത്തി പുഞ്ചിരി തൂകിനിൽക്കും

[Rajesh Puliyanethu

 Advocate, Haripad]

State Secratary, Nationalist Kerala Congress (NDA)

     

സനാതന ധർമ്മ ഉന്മൂലനം,, തുടക്കം ചരിത്രാതീതം...

 ✍️ Adv Rajesh Puliyanethu...

ആദ്യമവർ ഋഷി വര്യന്മാരെ തള്ളിപ്പറഞ്ഞു... പിന്നീടവർ സ്മൃതികളെ വളച്ചൊടിച്ചു.... കൂടാതെ സമൃതികളെ കൂട്ടുപിടിച്ചു കൊണ്ട് ധർമ്മത്തെ വികലമാക്കി അവതരിപ്പിച്ചു... ശേഷം അവർ ഹിന്ദു മതത്തെ വിഘടിപ്പിച്ചു... കലഹിച്ച ഹിന്ദു വിഭാഗങ്ങളെ പ്രലോഭിപ്പിച്ച് അടർത്തിമാറ്റി തങ്ങളുടെ ചാവേറുകളാക്കി... അവർ ഭാരത സംസ്കാരത്തെ പുശ്ചിച്ചു തള്ളി... അവർ രാജ്യ സ്നേഹത്തെ പരിഹസ്സിച്ചു... അവർ ആചാരങ്ങളെ അപമാനിച്ചു... പുരാണങ്ങളേയും ഇതിഹാസങ്ങളേയും കെട്ടുകഥകൾ എന്ന് ചിത്രീകരിച്ച് അപ്രസക്തമാക്കാൻ ശ്രമിച്ചു... ആരാധനാ മൂർത്തികൾ മിത്തുകളാണെന്ന് വിളിച്ചു പറഞ്ഞു... ഇതിനെല്ലാമൊപ്പം കിട്ടിയ അവസരങ്ങളിലെല്ലാം അവർ ഹിന്ദു ധർമ്മം പേറുന്നവരെ വംശഹത്യ ചെയ്തുകൊണ്ടേയിരുന്നു... അവസാനം ഭാരതത്തിന്റെ ചൈതന്യമായ ""സനാതന ധർമ്മത്തെ ഉന്മൂലനം ചെയ്യണമെന്നും"' അവർ പറഞ്ഞു...

മാനായും മാരീചനായും വന്നവൻ ഒറ്റക്കായിരുന്നില്ല... ശക്തരായ രാക്ഷസ്സ രാജാക്കന്മാരുടെ പിൻതുണയും, അഭിലാഷവും, ശക്തിയും ഒപ്പം മായാവിദ്യകളുടെ കരവടക്കവും അവർക്കുണ്ടായിരുന്നു...

വർത്തമാനകാല മാരിചന്മാർക്ക് ലക്ഷ്യം ഭാരതമാണ്... ഭാരതത്തെ തകർക്കാനും, സ്വന്തം  ഭരണക്രമത്തിനുള്ളിലാക്കാനും തടസ്സം ഭാരതത്തിന്റെ ആത്മാവും ചൈതന്യവുമായ "സനാതന ധർമ്മമാണ്" എന്ന തിരിച്ചറിവ് ഭാരത പുത്രന്മാരേക്കാളേറെ ഒറ്റുകാർക്കും വിഘടന വാദികൾക്കുമുണ്ട്...

അവർക്കൊപ്പം ഇന്നും ഹിന്ദു മതത്തിൽ നിന്നും അടർത്തിയെടുത്ത നാലാം കിട ചാവേറുകൾ അനേകമുണ്ട്...

ആ വിധം നമ്മൾ തിരിച്ചറിഞ്ഞ അവസാനത്തെ ചാവേറാണ് ഉദയനിധി സ്റ്റാലിൻ...

""സ്റ്റാലിന്റെ"" അനുചരന്മാർ ഒന്നു മനസ്സിലാക്കണം...

""വെളിച്ചമുള്ളടത്തോളം കാലം സനാതന ധർമ്മം നിലനിൽക്കും"...

ഭരണ പാർട്ടിയെ വിമർശിക്കാൻ...

 ✍️ Adv Rajesh Puliyanethu 

കേരള ഭരണത്തെയൊ ഭരണ പാർട്ടിയേയോ വിമർശിക്കണമെങ്കിൽ കുറഞ്ഞത് എന്തെല്ലാം കാര്യങ്ങൾ ശ്രദ്ധിക്കണം??

1) സ്വന്തം പേരിലൊ ഭാര്യ, മക്കൾ തുടങ്ങിയ അടുത്ത ബന്ധത്തിലുള്ളവരുടെ പേരിലൊ ഒരു തുണ്ട് ഭൂമി പോലും ഏറ്റവും കുറഞ്ഞത് കഴിഞ്ഞ ഇരുപത്തി അഞ്ചു വർഷത്തിനിടയിൽ ഉണ്ടാകാൻ പാടില്ല... ((നിങ്ങൾ ആ ഭൂമിയിൽ ഒരു തെങ്ങിൽ തൈ വെയ്ക്കാനെടുത്ത കുഴി വരെ നിങ്ങളെ കുറ്റക്കാരനാക്കാൻ സാദ്ധ്യതയുണ്ട്...))

2)) കഴിഞ്ഞ ഇരുപത്തി അഞ്ചു വർഷത്തിനിടയിൽ നിങ്ങൾ യാതൊരു കച്ചവട മൊ വ്യവസായമൊ ചെയ്തിരിക്കാൻ പാടില്ല... ((നിങ്ങൾ ആക്രി വിറ്റ വെള്ളക്കുപ്പികൾ വരെ കണക്കു ചോദിച്ചു കൊണ്ട് നിങ്ങളുടെ പിറകെ വരും))

3)) നിങ്ങൾ ജീവിത കാലത്ത് ഒരു സ്ത്രീയുമായും സംസാരിച്ചിരിക്കാനൊ ആശയവിനിമയം നടത്തിയിട്ടുണ്ടാകാനൊ, സമീപത്ത് പോയിട്ടുണ്ടാകാനോ പാടില്ല... ((നിങ്ങൾ നായകനായ പൈങ്കിളി കഥകൾ വെട്ടുകിളികൾ ആഘോഷിക്കുന്നത് കാണേണ്ടിവരും))

4)) നിങ്ങൾ നിലവിൽ ഒരു ഉദ്യോഗസ്ഥനോ, കച്ചവടക്കാരനൊ, കലാകാരനൊ ഒന്നുമാകാൻ പാടില്ല... ((അവയെല്ലാം വെച്ചു പൂട്ടി വീട്ടിലിരിക്കാൻ മാനസീകമായി തയ്യാറാണെങ്കിൽ കുഴപ്പമില്ല))

5)) നിങ്ങൾ ഒരിക്കലും നല്ല വസ്ത്രങ്ങൾ ധരിച്ചിട്ടുണ്ടാവുകയൊ, നല്ല ഭക്ഷണം കഴിച്ചിട്ടുണ്ടാവുകയൊ ചെയ്തിരിക്കാൻ പാടില്ല... ഉണ്ടെങ്കിൽ തന്നെ അതിന്റെ ഒരു ഫോട്ടോ പോലും ഉണ്ടാകാൻ പാടില്ല... ((ഉണ്ടെങ്കിൽ നിങ്ങൾ പാവപ്പെട്ടവന്റെ പാർട്ടിനെതിരെ സംസാരിക്കാൻ യോഗ്യനല്ലാതാകുന്ന ഒരു ആർഭാടക്കാരൻ ആകുന്നതാണ്))

6)) നിങ്ങൾ ഒരിക്കലും ഒരു ക്ഷേത്രനടയിൽ പോവുകയൊ, തൊഴുകയൊ, നമസ്കരിക്കുകയൊ, വഴിപാടുകൾ നടത്തുകയൊ ചെയ്തിട്ടുണ്ടാകാൻ പാടില്ല... ((നിങ്ങൾ അന്ധവിശ്വാസിയും, പുരോഗമന വിരുദ്ധനും, പ്രാകൃതനും, ശാസ്ത്ര വിരുദ്ധനുമായി ചിത്രീകരിക്കപ്പെടും))

7)) നിങ്ങൾ ഒരിക്കൽ പോലും ഗുരുക്കന്മാരേയൊ, ആചാര്യന്മാരേയോ വണങ്ങുകയാ, പാദം തൊട്ടു തൊഴുകയൊ ചെയ്തിരിക്കാൻ പാടില്ല... ((നിങ്ങൾ നട്ടെല്ലില്ലാത്തവനും നാറിയും പാദസേവകനുമായി മാറുന്നതായിരിക്കും))

8)) നിങ്ങൾ കേന്ദ്ര സർക്കാരിന്റെ മുൻ കാല തീരുമാനങ്ങളെ വിമർശിച്ചിട്ടുണ്ടാകണം... നിങ്ങൾക്ക് കേന്ദ്ര തീരുമാനങ്ങളോട് മതിപ്പായിരുന്നോ എന്ന നിങ്ങളുടെ സ്വതന്ത്ര നിലപാടുകൾക്ക് യാതൊരു പ്രാധാന്യവുമില്ല... ((അല്ലെങ്കിൽ നിങ്ങൾ ഫാസിസ്റ്റും വർഗ്ഗീയ വാദിയും ആയി മാറുന്നതാണ്...))

9)) നിങ്ങൾ യോഗി ആദിത്യനാഥിന്റെയും UP യിലെ സംഭവവികാസങ്ങളുടേയും നിരന്തര വിമർശകൻ ആയിരുന്നിരിക്കണം... ((അല്ലെങ്കിൽ നിങ്ങൾ ആർക്കെതിരെയും വിമർശനം ഉന്നയിക്കാൻ യോഗ്യനല്ലാതാകുന്നതാണ്))

10)) പ്രളയ കാലവും, കോവിഡ് കാലവും അതിജീവിച്ചത് പിണറായിയുടെ പ്രത്യേക വൈഭവവും ഏക്ഷനും കൊണ്ടാണെന്ന് നിങ്ങൾ സോഷ്യൽ മീഡിയയിൽ നിരന്തരം പോസ്റ്റിട്ടിട്ടുണ്ടാകണം... ((അല്ലെങ്കിൽ നിങ്ങൾ സംസ്ഥാന ദ്രേഹിയായി വാഴ്ത്തപ്പെടുന്നതാണ്))

നിങ്ങൾ ഇത്രയും ഇത്രത്തോളം വരുന്ന മറ്റു നൂറു നിബന്ധനകളും പൂർത്തീകരിച്ചിട്ടുള്ളവനും, അല്പം പോലും മരണഭയമില്ലാത്തവനും ആണെങ്കിൽ ""ധൈര്യപൂർവ്വം" കേരള സർക്കാരിന്റെ പോരായ്മകളെ വിമർശിച്ചു കൊള്ളുക...