" അപരൻ" ആര് ആർക്ക്...!!???

കേരളാ ഹൈക്കോടതിയുടെ ഒരു സമീപകാല നിരീക്ഷണം കണ്ടു... 

     'അപരന്മാർ' തെരഞ്ഞെടുപ്പിൽ മത്സരിക്കുന്നതിനെ വിമർശിക്കുന്ന തരത്തിലായിരുന്നു  ആ നിരീക്ഷണം... ഒന്നാമതായി ഉയരുന്ന ചോദ്യം ആരാണ് 'അപരൻ' എന്നതാണ്? രണ്ടാമത്തെ ചോദ്യം, ആർക്കാണ് അപരൻ? I മൂന്നാമത്തെ ചോദ്യം, ആരാണ് 'ആത്മൻ'?? അപരന്മാരെ കയ്യിൽ കിട്ടിയാൽ കണ്ഠ ഛേദം നടത്തിക്കളയും എന്നു വരെ തോന്നിപ്പോയി...

     ചാനലുകളിലെ ചർച്ചകൾ കണ്ടും, പത്രവാർത്തകൾ കണ്ട് ആവേശം കൊണ്ടും ഗ്യാലറികൾക്ക് വേണ്ടി ഉത്തരുവകൾ ഇറക്കുന്നതിന് വെമ്പൻ കൊണ്ടിരിക്കുന്ന ന്യായാധിപൻമാരുടെ എണ്ണം വർദ്ധിച്ചു വരുന്നതായി തോന്നുന്നു... അല്ലെങ്കിൽ ഒരു പൗരന് ഭരണഘടന നൽകുന്ന നിയമപരമായ/ ഭരണഘടനാ അവകാശങ്ങളെപ്പോലും മറന്നുകൊണ്ട് ഇപ്രകാരത്തിലുള്ള ഒരു പരാമർശം നടത്തുന്നതിന് മുതിരുമായിരുന്നോ!!??

     ഭരണ ഘടനയുടെ സംരക്ഷകരാണ് സുപ്രീം കോടതി എന്നാണ് അടിസ്ഥാന സങ്കൽപ്പം. ഭരണ ഘടനയുടെ അടിസ്ഥാന തത്വങ്ങളെ എവിടെയെങ്കിലും ലംഘിക്കപ്പെടുന്നു എന്ന അവസ്ഥ സംജാതമായാൽ അതിനെ പ്രതിരോധിക്കാൻ ഉത്തരവാദിത്വപ്പെട്ട കോടതിയിൽ നിന്നുതന്നെ ഇത്തരം പരാമർശങ്ങൾ ഉണ്ടാകുന്നത് അതിശയകരവും ആശങ്കാജനകവുമാണ്...

     ഭരണഘടന നൽകുന്ന തുല്യത എന്ന അവകാശം article. 14 മുതൽ ആരംഭിക്കുന്നു... [Equality before Law].​["The State shall not deny to any person equality before the law or the equal protection of the laws within the territory of India."] തെരഞ്ഞെടുപ്പിൽ മത്സരിക്കുക എന്നത് നിയമപരമായ അവകാശമാണ് എന്ന് സുപ്രീം കോടതി മുൻപിനാലെ വിലയിരുത്തിയിട്ടുള്ളതിനാൽ ഈ provision വലിയ പ്രാധാന്യം അർഹിക്കുന്നു... ഈ തുല്യതാ സങ്കല്പത്തിന് വ്യതിയാനം ഉണ്ടാകാൻ ചില 'ഇളവുകൾ' മാത്രമാണ് ഭരണഘടന അനുവദിച്ചു തരുന്നത്... സ്ത്രീകളുടേയും കുട്ടികളുടെയും സുരക്ഷിത്വത്തിനായി നൽകുന്ന ഇളവുകൾ പോലെ ചിലത്... അവിടേയും ക്ഷേമത്തിനും സുരക്ഷിതത്വത്തിനും മാത്രമാണ്  ഇളവുകൾ അനുവദിച്ചു നൽകുന്നത്... ഒരിക്കലും രണ്ടു വ്യക്തികളെ തമ്മിൽ ഇകഴ്ത്തിയൊ, പുകഴ്ത്തിയൊ കാണിക്കുന്നതിന് ഭരണഘടനയിലെ യാതൊരു വ്യവസ്ഥയും അനുവദിക്കുന്നില്ല... സ്ഥാനാർത്ഥിക്ക് അക്ഷരങ്ങൾ കൂട്ടിവായിക്കാനുള്ള കഴിവുണ്ടോ എന്നതുപോലും വിവേചനത്തിന് കാരണമാകാൻ പാടില്ല എന്ന നിയമ സംവിധാനത്തിനുള്ളിലാണ് പേരിലെ സാമ്യം വിവേചനത്തിന് കാരണമാകുന്നത് എന്നതാണ് വലിയ തമാശ...

     ഒരു പ്രമുഖ രാഷ്ട്രീയ കക്ഷിയുടെ നേതാവ് മത്സര രംഗത്ത് ഉണ്ടെങ്കിൽ ആ നേതാവിന്റെ പേരുള്ള മറ്റൊരു ഇന്ത്യൻ പൗരൻ അതേ മണ്ഡലത്തിൽ മറ്റൊരു ചിഹ്നത്തിൽ മത്സരത്തിനായി വന്നാൽ ആ വ്യക്തി എങ്ങനെയാണ് പ്രമുഖ രാഷ്രീയ കക്ഷിയുടെ "അപരൻ" ആകുന്നത് എന്നതാണ് കാതലായ ചോദ്യം?? പ്രമുഖ രാഷ്ട്രീയ പാർട്ടിയുടെ സ്ഥാനാർത്ഥിക്ക് ഭരണഘടന നൽകുന്ന അതേ അവകാശം തന്നെയാണ് ഒരു തെരഞ്ഞെടുപ്പിൽ മത്സരിക്കുന്നതിന് ഈ രാജ്യത്തെ എല്ലാ പൗരന്മാർക്കും ഭരണഘടന നൽകുന്ന അവകാശം... ഒരു പൗരന് ഭരണഘടന അനുവദിച്ചു നൽകുന്ന പ്രീവിലേജ് ഇല്ലാതാക്കാനല്ല കോടതികൾ നില കൊള്ളേണ്ടത്,, മറിച്ച് അത് സംരക്ഷിക്കുന്നതിന് വേണ്ടിയാകണം...

     ഒരു മണ്ഡലത്തിൽ 'രാജേഷ് B' എന്ന പേരിൽ ഒരാൾ പ്രമുഖ രാഷ്ട്രീയ മുന്നണികളായ എൽഡിഎഫിൽ നിന്നോ യുഡിഎഫിൽ നിന്നോ എൻഡിഎ യിൽ നിന്നോ മത്സരിക്കുന്നുണ്ട് എങ്കിൽ ആ മണ്ഡലത്തിൽ തെരഞ്ഞെടുപ്പിൽ മത്സരിക്കാൻ തയ്യാറുള്ള എല്ലാ രാജേഷ് നാമധാരികളും അപരന്മാർ ആവുകയാണോ? മറിച്ച് രാഷ്ട്രീയ പാർട്ടികളുടെ പിന്തുണയോടുകൂടി മത്സരിച്ചാൽ 'അപരൻ' പട്ടത്തിൽ നിന്നും മോചനം ലഭിക്കുമോ? സ്വതന്ത്ര സ്ഥാനാർത്ഥി മാത്രമാണോ 'അപരൻ' വിളി കേൾക്കേണ്ടി വരുന്നത്?? സ്വതന്ത്ര സ്ഥാനാർത്ഥികളായ അനേകം പേർ ജയിച്ചു കയറി വന്ന ചരിത്രമുള്ള ഇന്ത്യൻ തെരഞ്ഞെടുപ്പ് ഗോദയിൽ വിജയ സാധ്യത ഉള്ളവർ/ ഇല്ലാത്തവർ എന്ന നിലയിലുമല്ല ഈ വേർതിരവ് എന്ന് നിശ്ചയമാണ്... അല്ലെങ്കിൽ തന്നെ തെരഞ്ഞെടുപ്പിൽ ജയിക്കാൻ സാദ്ധ്യതയുള്ള സ്ഥാനാർത്ഥി അല്ലെങ്കിൽ ജയിക്കാൻ സാധ്യതയില്ലാത്ത സ്ഥാനാർത്ഥി എന്ന രീതിയിൽ പൗരന്റെ അവകാശങ്ങളെ വേർതിരിക്കാൻ ആർക്കാണ് അധികാരമുള്ളത്!?  ഏതെങ്കിലും പ്രമുഖ രാഷ്ട്രീയ പാർട്ടിയുടെ സ്ഥാനാർത്ഥിയായി ഒരു രാജേഷ് ബി വരുന്നതോടുകൂടി മറ്റെല്ലാ 'രാജേഷ്' നാമധാരികളും 'അപരൻ' പട്ടം സ്വന്തമാക്കുന്നവരായി മാറുകയാണോ!!?? അവർക്ക് സ്വന്തം വ്യക്തിത്വത്തിൻ്റെ അടിസ്ഥാനത്തിൽ മത്സര രംഗത്തേക്ക് ഇറങ്ങുന്നതിനുള്ള അവസരത്തെ റദ്ദു ചെയ്യുന്നത് എന്തുതരം ജനാധിപത്യമാണ്!? പ്രമുഖ രാഷ്രീയ കക്ഷിയുടെ പ്രതിനിധിയെ ഒന്നാമനായും രാഷ്രീയ കക്ഷിയുടെ പിൻതുണയില്ലാത്ത, ഒരേ ഭരണഘടനയുടെ കീഴിൽ വരുന്ന മറ്റൊരുവൻ രണ്ടാമനായും ചിത്രീകരിക്കപ്പെടുന്നതിലെ ഔചിത്യമെന്താണ്? നിയമ സാധുത എന്താണ്?? ഈ നിയമ വിരുദ്ധത ഒരു കോടതി തന്നെ എൻഡോഴ്‌സ് ചെയ്തു നൽകുക എന്നത് അങ്ങേ അറ്റം അപലപനീയമാണ്... 

     പ്രമുഖ രാഷ്ട്രീയ പാർട്ടിയുടെ സ്ഥാനാർത്ഥിക്കും 'അപരൻ' വിളിക്ക് വിധേയനാകേണ്ടിവന്ന സ്ഥാനാർത്ഥിക്കും ഒരേ ഇന്ത്യൻ പൗരത്വമല്ലേ ഉള്ളത്? ഒരേ ഇന്ത്യൻ പാസ്പോർട്ടല്ലേ ലഭ്യമാവുക? ഒരേ ഭരണഘടനയും നിയമങ്ങളും അല്ലേ ബാധകമാവുക... ഒരേ ഇലക്ഷൻ കമ്മീഷനല്ലേ ഇരുവരുടേയും തെരഞ്ഞെടുപ്പ് നിയന്ത്രിക്കുക? ഒരേ വരണാധികാരിയല്ലേ തെരഞ്ഞെടുപ്പ് നടപടികൾ നടത്തുക? അടിസ്ഥാനപരമായി ഒരേ ഇനം വോട്ടേഴ്സ് ലിസ്റ്റിലെ അംഗങ്ങളായിരിക്കില്ലെ ഇരുവരും? ഇരുവരും ഒരേ സംഖ്യയല്ലേ തെരഞ്ഞെടുപ്പിൽ കെട്ടിവെയ്ക്കുക? ഇരുവർക്കും ഒരേപോലെ ബാധകമല്ലാത്ത എന്ത് നിയമപരമായ വ്യവസ്ഥയാണ് നിലനിൽക്കുന്നത്?? കാര്യങ്ങൾ എല്ലാം ഇപ്രകാരമാണെങ്കിലും പ്രമുഖ രാഷ്ട്രീയ പാർട്ടിയുടെ സ്ഥാനാർത്ഥി അല്ലാത്ത അതേ നാമധാരി സ്ഥാനാർത്ഥി "അപരൻ" എന്ന വിളികേൾക്കേണ്ടി വരുന്നു എങ്കിൽ അതിന് ഒറ്റ ഉത്തരമേ ഉള്ളൂ... മാധ്യമ പ്രവർത്തകരും തെരഞ്ഞെടുപ്പിൽ മത്സരിക്കുന്ന പ്രമുഖ രാഷ്രീയകക്ഷി അംഗങ്ങളും അവരെ "അപരൻ". എന്ന് വിളിക്കുന്നു... അത്രമാത്രം... പക്ഷേ കോടതികൾ അത് ഏറ്റ് വിളിക്കുന്നത് ലജ്ജാകരമാണ്...

     ജനങ്ങൾ തങ്ങൾ വോട്ടു ചെയ്യാൻ ഉദ്ദേശിക്കുന്ന സ്ഥാനാർത്ഥിക്ക് ചെയ്യുന്ന വോട്ട് പേരിലെ സാമ്യം മൂലം മറ്റൊരുവനു പോകുന്നത് ജനഹിതത്തിന് എതിരായ കാര്യമാണെന്ന് സമ്മതിക്കുന്നു... എന്നാൽ സമാന നാമധാരിയായ ഏതൊരു സ്ഥാനാർത്ഥിയുടെയും നിയമപരമായ അവകാശങ്ങളെ ലംഘിച്ചുകൊണ്ട് ഈ വിഷയത്തിന് പരിഹാരം കാണുവാൻ സാധ്യമല്ല... ഓരോ സ്ഥാനാർത്ഥിയും വോട്ടിംഗ് മെഷീനിൽ വരുന്ന തങ്ങളുടെ സ്ഥാനവും ചിഹ്നവും കൃത്യമായി ജനങ്ങളെ / തങ്ങളുടെ വോട്ടർമാരെ പറഞ്ഞു മനസ്സിലാക്കുക എന്നതു മാത്രമാണ് പ്രതിവിധി. 

     തെരഞ്ഞെുപ്പിൽ മത്സരിക്കുന്ന ഒരേ നാമധാരികളായ രണ്ട് വ്യക്തികൾക്കിടയിൽ യാതൊരു വിധത്തിലുള്ള വേർതിരിവുകളും നിലനിൽക്കുന്നില്ല എന്നും, ആരേയും "അപരൻ" എന്ന് വിളിച്ച് ആക്ഷേപിക്കാൻ പാടില്ല എന്നും രാഷ്ട്രീയ പ്രവർത്തകർക്കും മാധ്യമങ്ങൾക്കും, ഇലക്ഷൻ കമ്മീഷനും സുപ്രീം കോടതിയും നിർദ്ദേശം നൽകണമെന്ന് തുല്യതയിൽ വശ്വസ്സിക്കുന്ന ജനാധിപത്യ വിശ്വാസികൾ ആഗ്രഹിക്കുന്നു എന്നതാണ് എൻ്റെ കാഴ്ചപ്പാട്.....

[Rajesh Puliyanethu

 Advocate, Haripad]

                  

വക്കഫ് നിയമങ്ങൾ;; മാറ്റങ്ങൾ അനിവാര്യം... മുനമ്പം ജനതയോടൊപ്പം...

    

      ഭാരതം വ്യാപകമായി ചർച്ച ചെയ്യുന്നത് നിലവിലെ വക്കഫ് നിയമ ഭേതഗതികളെക്കുറിച്ചാണ്... ആവശ്യ സമരങ്ങളും അനാവശ്യ സമരങ്ങളും ഒരുപാട് കണ്ട നമ്മുടെ രാജ്യത്തെ ഏറ്റവും പ്രാധാന്യമുള്ള സമരമായി "വക്കഫ് നിയമ ഭേദഗതികൾ" ആവശ്യപ്പെട്ടുകൊണ്ടുള്ള സമരങ്ങൾ മാറും എന്ന കാര്യത്തിൽ യാതൊരു സംശയവും ഇല്ല... കാരണം വക്കഫ് നിയമ ഭേദഗതികൾ ആവശ്യപ്പെട്ടുകൊണ്ടുള്ള സമരങ്ങൾ കാലത്തിന്റെ ആവശ്യമാണ്... വക്കഫ് നു നൽകിയിരിക്കുന്ന അമിതാധികാരങ്ങളും അവകാശങ്ങളും ഈ രാജ്യത്തെ പൗരന്മാരുടെ ആത്മാഭിമാനത്തിനു നേരെ ഉയരുന്ന വാളുകൾ കൂടിയാണ്... ഒരു ജനാധിപത്യ രാജ്യത്തു പ്രത്യേകിച്ച് മതനിരപേക്ഷത ഉയർത്തിപ്പിടിക്കുന്ന ഒരു രാജ്യത്ത് ഒരിക്കലും അനുവദിക്കാൻ കഴിയാത്ത നിയമമാണ് നിലനിൽക്കുന്ന വക്കഫ് നിയമങ്ങൾ എന്നകാര്യത്തിൽ   യാതൊരു സംശയവും ഇല്ല... വക്കഫ് നിയമത്തിലെ കാടൻ വകുപ്പുകൾ ഈ രാജ്യത്തെ ഏതൊരു പൗരന്റെ അവകാശങ്ങൾക്കുമേലും ഏതു നിമിഷവും വീശിയടിക്കാൻ സാധ്യതയുള്ളതാണെന്ന് നമ്മൾ തിരിച്ചറിഞ്ഞേ തീരൂ... 

     "വക്കഫ്" സ്വത്തുവകകളെക്കുറിച്ചാണ് സംസാരിക്കുന്നത്... വക്കഫ്ന്റെ ആരംഭത്തെക്കുറിച്ചു പറയുന്നത് ഇങ്ങനെയാണ്... യഹൂദരിൽ നിന്നും പിടിച്ചെടുത്ത കൃഷി ഭൂമികൾ ഒമർ മുഹമ്മദിനു മുന്നിൽ സമർപ്പിച്ചു... മുഹമ്മദ് ഈ സ്വത്തുവകകൾ യാത്രക്കാരായ മുസ്ലീമുകളുടെ സൗകര്യത്തിനായി വിട്ടുനൽകി... ആ സ്വത്തുവകകൾ അല്ലാഹുവിന്റെ സ്വത്തായി കണക്കാക്കപ്പെട്ടു... വക്കഫ് എന്ന സങ്കൽപ്പവും, പ്രസ്ഥാനവും അവിടെ ആരംഭിക്കപ്പെട്ടു എന്നാണ് കരുതുന്നത്... "വക്കഫ്" ന്റെ  സ്വത്തുവകകൾ അള്ളാഹുവിന്റെ സ്വത്തായാണ് കണക്കാക്കപ്പെടുന്നത്... ആ സ്വത്തു വകകൾ ഒന്നും തന്നെ മറ്റൊരു മതവിഭാഗത്തിന്റെയും ക്ഷേമത്തിനായി വിനിയോഗിക്കില്ല, വിനിയോഗിക്കാൻ കഴിയില്ല... വക്കഫ് സ്വത്തുവകകൾ പൊതു ക്ഷേമത്തിനായും വിനിയോഗിക്കപ്പെടാറുണ്ട് എന്ന് ഉയരുന്ന വാദങ്ങൾക്ക് യാതൊരു അടിസ്ഥാനവുമില്ല... വക്കഫ് തികച്ചും മതാധിഷ്ഠിത ചിന്തയും,, വിനിയോഗവും മാത്രമാണ്... മതേതര രാഷ്ട്രം എന്ന് അവകാശപ്പെടുന്ന ഭാരതത്തിന്റെ മതേതര നിയമ സങ്കല്പങ്ങൾക്കുള്ള കളങ്കവും, ഭരണഘടനയുടെ അടിസ്ഥാന തത്വങ്ങളുടെ ലംഘനവുമാണ് നിലവിലെ വക്കഫ് നിയമങ്ങൾ എന്ന കാര്യത്തിൽ യാതൊരു സംശയവുമില്ല...

     വക്കഫ് നിയമങ്ങളിൽ ഭേദഗതി ആവശ്യപ്പെട്ടുകൊണ്ട് നടക്കുന്ന സമരങ്ങൾ രാജ്യത്തിന്റെ ജനാധിപത്യ മൂല്യങ്ങൾ സംരക്ഷിക്കുന്നതിനും,, ഭരണഘടനയുടെ അടിസ്ഥാന മൂല്യങ്ങൾ സംരക്ഷിക്കാൻ വേണ്ടിയും, മതനിരപേക്ഷതയെ സംരക്ഷിക്കാൻ വേണ്ടിയുള്ളതുമാണെന്ന് നിസ്സംശയം പറയാൻ കഴിയും... ഇവിടുത്തെ കമ്യുണിസ്റ്റുകാരും കോൺഗ്രസ്സ്കാരും പറയുന്ന ഇസ്ലാമിക വിഭാഗത്തെ മാത്രം പ്രീണിപ്പിക്കുന്ന മതനിരപേക്ഷതയല്ല, മറിച്ച് മതത്തിന്റെ പേരിൽ വിവേചനം അനുവദിക്കാത്ത,, മതത്തിന്റെ പേരിൽ ഒരുവന്റെ സ്വത്തു സമ്പാദ്യങ്ങൾ പിടിച്ചെടുക്കാൻ അനുവദിക്കാത്ത,, മതത്തിന്റെ പേരിൽ ആധിപത്യങ്ങൾ അനുവദിക്കാത്ത, മതത്തിന്റെ പേരിൽ ക്രൂരതകളും ആട്ടിപ്പായിക്കലുകളും അനുവദിക്കാത്ത ഭരണഘടന വിഭാവനം ചെയ്യുന്ന മതനിരപേക്ഷതക്കായുള്ള സമരം...

     വക്കഫ് നിയമങ്ങൾ ഭാരതത്തിൽ നടപ്പിലാക്കിയതിനു പിന്നിൽ പോലും ബ്രട്ടീഷ് സാമ്രാജ്യത്വത്തിന്റെ വിഭജിച്ചു ഭരിക്കുക എന്ന തന്ത്രം ഒളിച്ചിരുന്നു എന്ന് കാണാൻ കഴിയും... പത്തൊൻപതാം നൂറ്റാണ്ടിന്റെ അന്ത്യത്തിൽ ബ്രട്ടീഷ് പ്രെവി കൗൺസിൽ (സുപ്രീം കോർട്ട്)  വക്കഫ് എന്ന സമ്പ്രദായത്തെത്തന്നെ നിശിതമായി വിമർശിച്ചിരുന്നെങ്കിലും അതിനെ നിയമപരിരക്ഷയോടെ ഭാരതത്തിൽ നടപ്പിലാക്കാനാണ് ബ്രട്ടീഷ് ഭരണകൂടം ശ്രമിച്ചത്... അതിന്റെ പിന്നിൽ മുൻപ് പറഞ്ഞതു പോലെ വിഭജന തന്ത്രം തന്നെയായിരുന്നു എന്നതു വ്യക്തമാണ്... ഒരു മതത്തിന്റെ പേരിൽ രാജ്യത്തിന്റെ സ്വത്തുവകകൾ സമാഹകരിക്കുകയും ആ സ്വത്തുവകകൾ മതത്തിന്റെ ഉള്ളിൽ മാത്രം എന്ന കർശന ഉപാധികളോടെ വിനിയോഗിക്കുകയും ചെയ്യുമ്പോൾ അത് ഇതര മതസ്ഥരിൽ അസ്വസ്ഥതകൾ സ്ഷ്ടിക്കുമെന്നും അതുവഴി രാജ്യത്തു ഹിന്ദു മുസ്‌ലിം ആസ്പധ നിലനിർത്താമെന്നും അവർ കണക്കു കൂട്ടിയിരുന്നു... എന്നാൽ മറ്റു മതസ്ഥരുടെ ചുവരിൽ കോട്ടിൽ കെട്ടി പാർക്കാൻ വക്കഫ് കമ്മറ്റിയെ അനുവദിക്കും വിധം ഒരു കാടൻ നിയമമായി അതിനെ മാറ്റിയെടുക്കാൻ കഴിയുമെന്ന് ബ്രട്ടീഷുകാർ പോലും  കരുതിയിട്ടുണ്ടാകില്ല... അതിനു കൊണ്ഗ്രെസ്സ് സർക്കാർ തന്നെ ഭാരതത്തിൽ അധികാരത്തിൽ വരേണ്ടി വന്നു... 

     ഖിലാഫത് പ്രസ്ഥാനങ്ങൾക്ക് കാരണമായ തുർക്കിയിലോ, ഇൻഡോനേഷ്യ, ഇറാൻ, ലിബിയ തുടങ്ങിയ ഇസ്‌ലാമിക രാജ്യങ്ങളിലോ പ്രാബല്യത്തിൽ ഇല്ലാത്ത വക്കഫ് നിയമങ്ങൾ 1923 ൽ ആയിരുന്നു ബ്രട്ടിഷുകാർ ഭാരതത്തിൽ നടപ്പിലാക്കിയത്... വക്കഫ് ബോർഡ് പ്രാബല്യത്തിൽവന്ന കാലം മുതൽ സ്വത്ത് ആർജ്ജിക്കുന്നതിനു മാത്രമുള്ള ഒരു സംഘടനയായി അത് മാറിയിരുന്നു... വക്കഫിലേക്കു സ്വത്തു ചേർക്കുന്നതിൽ മുഹമ്മദീയരും ഇരകളാക്കപ്പെട്ടിരുന്നു എന്ന സത്യം ആരും അറിയാത്തതല്ല... രാജ്യത്താകമാനം നിലനിന്നിരുന്നതും, നിലനിൽക്കുന്നതുമായ ലക്ഷത്തിൽ പരം കേസ്സുകളിൽ വക്കഫ് ബോർഡിന്റെ എതിർകക്ഷികൾ മുഹമ്മദീയരാണെന്നതാണ് സത്യം... വക്കഫ് ബോർഡ് നു എതിരെ പരസ്യമായി രംഗത്തു വരുന്നവരിലും, വക്കഫ് ബോർഡ് ഒരു അഴിമതിക്കൂട്ടമാണെന്നു വിളിച്ചു പറയുന്നവരിലും വലിയ വിഭാഗം മുസ്ലീമുകളുണ്ട്... രാജ്യത്ത് അനേകായിരം സ്ഥാപനങ്ങൾക്ക് ഉടമകളായ ഷിയാ വിഭാഗക്കാരായ AISSE എന്ന കൂട്ടായ്മ വക്കഫ് നിയമങ്ങളിലെ പൊളിച്ചെഴുത്ത് പരസ്യമായി ആവശ്യപ്പെടുന്നു എന്ന സത്യവും മനഃ പൂർവ്വം വിസ്മരിക്കപ്പെടുന്നു...

     1995 ൽ നരസിംഹ റാവു നേതൃത്വം കൊടുത്ത കൊണ്ഗ്രെസ്സ് സർക്കാരാണ്  ഭാരതത്തിന്റെ ഭരണഘടനയ്ക്കും,, ഒരു വ്യക്തിയുടെയോ, സമൂഹത്തിന്റെയോ സ്വാഭാവിക നീതിക്കും  ഘടകവിരുദ്ധമായി വക്കഫ് നിയമങ്ങൾ പുനർ നിർവചിക്കുന്നത്...  നിയമങ്ങൾ പരിഷ്കരിക്കുക എന്നതാണ് സാധാരണ സർക്കാരുകൾ അനുവർത്തിക്കുന്ന നയം... പക്ഷെ ഒരു നിയമം എങ്ങനെ അപരിഷ്‌കൃതമാക്കാം എന്നതിന്റെ ഏറ്റവും വലിയ ഉദാഹരണമായിരുന്നു 1995 ൽ പാസ്സാക്കിയ വക്കഫ് അമെൻഡ്മെണ്ടുകൾ... 1995 ൽ നടപ്പിലാക്കിയ അമെൻഡ്മെണ്ടുകൾക്കെതിരെ കാലമിത്രയുമായിട്ടും രാജ്യമാകമാനം വ്യാപിക്കും വിധമായ പ്രതിഷേധ പരിപാടികൾ എന്തുകൊണ്ടുണ്ടായില്ല എന്നത് അത്ഭുതത്തോടൊപ്പം മാത്രം ചോദിക്കാൻ കഴിയുന്ന ചോദ്യമാണ്... ജനങ്ങളിൽ നിന്നും സമർഥമായി മറച്ചുവെച്ചുകൊണ്ട് ചൂഷണം നടത്താൻ അവർക്കു കഴിഞ്ഞിരുന്നു എന്ന് കാണണം... നരേന്ദ്രമോഡി സർക്കാർ കൊണ്ടുവരാൻ ഉദ്ദേശിക്കുന്ന ന്യായമായ  നിയമപരിഷ്‌ക്കാരങ്ങൾക്ക് തുരങ്കം വെയ്ക്കാൻ ശ്രമിക്കുന്നവർ അവർക്കു വേണ്ട ഒത്താശകൾ ചെയ്തിരുന്നതായും മനസ്സിലാക്കാം... 

      വക്കഫ് നിയമങ്ങളിൽ 1995 കോണ്ടുവന്ന  അമെൻഡ്മെന്റ് വക്കഫ് ബോർഡിനെ ഏതുവിധേനയും സ്വത്ത് ആർജ്ജിക്കാൻ ഒത്താശ ചെയ്യുക എന്ന ഉദ്ദേശത്തിൽ ഉള്ളതായിരുന്നു... വക്കഫ് ആക്ടിലെ sec 40 ഉം അനുബന്ധ വകുപ്പുകളും അതിനവരെ പ്രാപ്തമാക്കുന്നതായിരുന്നു... 1995 അമെൻഡ്മെന്റ് പരമാവധി ഭാരതഭൂമി വക്കഫ് ബോർഡിന്റെ അധീനതയിലാക്കുക എന്ന ഗൂഢ ഉദ്ദേശത്തിൽ കൊണ്ടുവന്നതാണെന്ന് നിശ്ശേഷം പറയാൻ കഴിയും... 

     വഖഫ് ബോർഡ് അവകാശം ഉന്നയിക്കുന്ന ഏതൊരു ഭൂമിക്കുമേലും വഖഫ് ബോർഡന് ഉടമസ്ഥാവകാശം നേടിയെടുക്കാൻ കഴിയും എന്നതാണ്  1995 അമെൻഡ്മെന്റ് വഴി ചേർക്കപ്പെട്ട പ്രധാന വകുപ്പ്... വഖഫ് ബോർഡ് അപ്രകാരം ഒരു അവകാശം ഒരു ഭൂമിക്കുമേൽ ഉയർത്തിയാൽ ആ ഭൂമി വക്കഫിലേക്ക് മുതൽ ചേർത്തുകൊണ്ട് സർക്കാർ വിജ്ഞാപനം ഇറക്കണം... നിലവിലെ ഭൂവുടമയ്‌ക്കോ, അവകാശക്കാരനോ ആക്ഷേപങ്ങൾ ഉണ്ടെങ്കിൽ അഥവാ വക്കഫ് ബോർഡിന് അവകാശമില്ല എന്ന് തർക്കമുണ്ടെങ്കിൽ അത് തെളിയിക്കേണ്ടത് നിലവിലെ ഭൂവുടമയാണ്... അവകാശമുണ്ടെന്ന് വക്കഫ് ബോർഡ് തെളിയിക്കുകയല്ല വേണ്ടത് എന്നകാര്യം നമ്മൾ ശ്രദ്ധിക്കണം.... മാത്രമല്ല  നിലവിലെ ഭൂവുടമയ്ക്ക് തർക്കങ്ങൾ ഉണ്ടെങ്കിൽ ആ തർക്കങ്ങൾ വക്കഫ് ട്രിബുണലിൽ ബോധിപ്പിക്കണം... രാജ്യത്തെ സിവിൽ കോടതികളിൽ കേസ്സുകൾ കൊടുക്കുന്നതിനോ, കോടതികൾക്ക് കേസ്സുകൾ കേൾക്കുന്നതിനോ അധികാരമില്ല... വക്കഫ് ട്രിബുണലിൽ നിന്നും നിലവിലെ ഭൂവുടമയ്ക്ക് അനുകൂലമായ ഉത്തരവ് പ്രതീക്ഷിക്കാനേ തരമില്ല... കാരണമെന്തെന്നാൽ വക്കഫ് നിയമങ്ങൾ നിലവിൽ എല്ലാത്തരത്തിലും വക്കഫ് ബോർഡ് ഉന്നയിക്കുന്ന അവകാശങ്ങൾക്ക് അനുകൂലമായാണ് എഴുതി വെച്ചിരിക്കുന്നത്... മാത്രമല്ല ഒരു ഭൂമിക്കോ സ്വത്തിന്മേലോ വക്കഫ് ന് അവകാശം ഉന്നയിക്കാൻ യാതൊരു ലിമിറ്റേഷൻ നിയമങ്ങളും അവരെ തടയുന്നില്ല എന്ന്കൂടി കാണണം... അതായത് ഗുരുവായൂർ ക്ഷേത്രത്തിനുമേലൊ, പദ്മനാഭ ക്ഷേത്രത്തിനുമേലൊ, വേളാങ്കണ്ണി പള്ളിക്കുമേലോ, ഇന്ന് വക്കഫ് ബോർഡ് അവകാശം ഉന്നയിച്ചില്ല എന്ന് കരുതി നാളെ ഉന്നയിച്ചുകൂടെന്നില്ല... ഉന്നയിച്ചാൽ അത് നിലവിലെ നിയമപ്രകാരം സാധൂകരിക്കപ്പെടും... പദ്മനാഭ ക്ഷേത്രത്തിനോ, വേളാങ്കണ്ണി പള്ളിക്കോ മാത്രം ബാധകമായതല്ല; രാജ്യത്തെ ഏതൊരു ഭൂമിക്കുമേലും ഇന്നോ, നാളെയോ, അമ്പതോ നൂറോ വര്ഷങ്ങൾക്കു ശേഷമോ അവകാശമുന്നയിക്കാൻ നിലവിലെ നിയമം വക്കഫിനെ പ്രാപ്തമാക്കുന്നു... നിലവിലെ ഭൂവുടമ നിയമം നിർദ്ദേശിക്കുന്ന എല്ലാ രേഖകളും കൈവശമുള്ള ആളാണെങ്കിലും,, അനേകം വർഷങ്ങൾ ആ ഭൂമി കൈവശം വെച്ചിരിക്കുന്ന ആളാണെങ്കിലും,, ആ ഭൂമിയിൽ വളരെ അധികം സമ്പത്ത് മുടക്കിയിട്ടുണ്ടെങ്കിലും ഒന്നുംതന്നെ വക്കഫ് ബോർഡിന്റെ അവകാശവാദത്തിന് തടസ്സമായി നിലനിൽക്കില്ല... എത്ര മനോഹരമായാണല്ലേ കൊണ്ഗ്രെസ്സ് സർക്കാർ ഭാരതഭൂമി കൈക്കലാക്കാൻ വക്കഫ് ബോർഡിനെ സഹായിച്ചിരിക്കുന്നത് എന്ന് നോക്കൂ!! ഏറ്റവും രസകരമായ കാര്യമിതല്ല;; നിങ്ങൾ ഈ രാജ്യത്തെ നൂറ് ആൾക്കാരോട് ഭാരതം എന്ന ജനാധിപത്യ- മതേതര രാജ്യത്ത് ഇതുപോലെ ഒരു നിയമം നിലനിൽക്കുന്നുണ്ട് എന്ന് പറഞ്ഞു നോക്കൂ... എഴുപത്തി അഞ്ചു പേരും അത് വിശ്വസ്സിക്കില്ല... മുസ്ലീമുകളോടോ, കോൺഗ്രസിനോടോ വിരോധമുള്ളവർ പറഞ്ഞു പരത്തുന്ന കള്ളമാണെന്നേ അവർ കരുതൂ... കാരണം മറ്റൊന്നുമല്ല,, ഇത്രയധികം മഹത്തരമായ ഭരണഘടനയുള്ള ഒരു മഹാരാജ്യത്ത് ഇതുപോലൊരു നിയമം നിലനിൽക്കുന്നു എന്ന് വിശ്വസിക്കാൻ പോലും ഇവിടുത്തെ മനുഷ്യർക്ക് കഴിയുന്നില്ല എന്നതാണ് സത്യം... 

     വക്കഫ് ബോർഡിന് ഉന്നയിക്കാൻ കഴിയുന്ന കാരണങ്ങൾ അതിലേറെ വിചിത്രമാണ്... ഏതെങ്കിലും മുകൾ രാജാക്കന്മാർ കൈവശം വെച്ചിരുന്നെന്നോ, വക്കഫിനു നൽകാൻ ചരിത്രാതീത കാലത്തോ മറ്റോ ആരെങ്കിലും ആലോചിച്ചിരുന്നെന്നോ, ഏതെങ്കിലും ഇസ്ളാമിക ചരിത്രകാരന്മാരോ മറ്റോ ഒരു ഭൂമിയിൽ യാത്രക്കിടെ വിശ്രമിച്ചിരുന്നെന്നോ, നിസ്കരിച്ചിരുന്നെന്നോ എന്തെങ്കിലും ഒരു കാരണം ഉന്നയിച്ചാൽ മതി... കാരണത്തിന്റെ കോളത്തിൽ എന്തെങ്കിലും ഒന്നെഴുതിയാൽ മതി... സിനിമാ പാട്ട് എഴുതി വെച്ചാലും ഭൂമി വക്കഫിന് എന്നതാണ് നിലവിലെ നിയമം പറയുന്നത്‌... ബാംഗ്ളൂരിലെ ഈദ് ഗാഹ് മൈതാനത്തിനുമേലും, മുൻസിപ്പൽ കെട്ടിടത്തിനുമേലും വക്കഫ് അവകാശം ഉന്നയിച്ചിരിക്കുന്നത് അവിടെ നിസ്‌ക്കരിച്ചിരുന്നു എന്ന പേരിലാണ്... സൂററ്റിലെ ഭൂമിക്കുമേൽ അവകാശം ഉന്നയിച്ചിരിക്കുന്നത് മുഗൾ ഭരണകാലത്ത് അവിടെ ഹജ്ജ് തീർഥാടകർ നിസ്കരിച്ചു എന്ന പേരിലാണ്...  മുഗൾ ഭരണകാലത്ത് അവിടെ ഹജ്ജ് തീർഥാടകർ നിസ്കരിച്ചിരുന്നെങ്കിൽ ഭൂമി വക്കഫിന്റെതാകുമോ എന്ന സംശയം ഉന്നയിക്കാൻ വരട്ടെ;; അപ്രകാരം നിസ്കരിച്ചിരുന്നു എന്ന് തെളിയിക്കേണ്ട ആവശ്യമില്ല എന്ന കാര്യം അതിനു മുൻപ് മനസിലാക്കൂ... അതാണ് അവകാശം ഉന്നയിക്കാൻ എന്തെങ്കിലും ഒരു കാരണം തന്നെ ധാരാളം എന്ന് പറയാൻ കാരണം... 

     വക്കഫിന്റെ അധീനതയിൽ നിലവിൽ എട്ടര ലക്ഷം മുതൽ പന്ത്രണ്ടു ലക്ഷം ഏക്കർ ഭൂമി വരെ ഉണ്ടെന്നാണ് പറയപ്പെടുന്നത്... സായുധസേനയ്ക്കും, ഇന്ത്യൻ റയിൽവേക്കും തൊട്ടു പിന്നിലായി ഭൂമി കൈവശം വെയ്ക്കുന്നവരായി വക്കഫ് അധികാരികൾ മാറിയിരിക്കുന്നു എന്ന് കാണാം... ഒരു വിശ്വസ്സി സ്വമനസ്സാലെ അല്ലാഹുവിനു സമർപ്പിക്കുന്നതാണ് 'വക്കഫ് സ്വത്ത്' എന്നതിന്റെ അടിസ്ഥാന പ്രമാണം... അപ്രകാരം വിശ്വാസ്സികൾ സമർപ്പിച്ചതാണ് ഇപ്പറയുന്ന എട്ടര ലക്ഷം മുതൽ പന്ത്രണ്ടു ലക്ഷം ഏക്കർ ഭൂമി  എന്നാണോ ഇവിടുത്തെ ജനങ്ങളോട്  പറയുന്നത്!!?? പറഞ്ഞോളൂ, പക്ഷെ വിശ്വസ്സിക്കണം എന്ന് ശാഠ്യം പിടിക്കരുതെന്നു മാത്രം... രാജ്യത്തു നിലനിക്കുന്ന വക്കഫ് കരിനിയമങ്ങലുടെ പിൻബലത്തിൽ നേടിയെടുത്തതാണ് ഒരു ചെറിയ സംസ്ഥാനത്തോളം വലിപ്പം വരുന്ന ഇത്രയധികം ഭൂമി എന്നത് അല്പം പ്രയാസ്സത്തോടെയെങ്കിലും വിശ്വസ്സിച്ചേ പറ്റൂ...

     ഇത്രയും നാൾ വക്കഫ് കിരാത നിയമങ്ങളുടെ പിൻബലത്തിൽ എത്രയധികം ഒഴിപ്പിക്കലുകളും, പിടിച്ചെടുക്കലുകളും നടത്തിയെങ്കിലും അതിനെതിരെ വലിയ ജനകീയ പ്രക്ഷോഭങ്ങൾ ഉയർന്നു വന്നിരുന്നില്ല എന്നതും ഒരു ജനാധിപത്യ രാജ്യത്തിന് ഭൂഷണമായ കാര്യമല്ല... കുടിയിറക്കപ്പെട്ടവന്റെ നിസ്സഹായാവസ്ഥയും, കണ്ണീരും, വിലാപവും കേൾക്കാൻ വോട്ടു ബാങ്ക് രാഷ്ട്രീയത്തിൽ മാത്രം കണ്ണു വെച്ച് പ്രവർത്തിക്കുന്ന ഇവിടുത്തെ രാഷ്ടീയ കക്ഷികൾക്ക് താല്പര്യമില്ലായിരുന്നു എന്ന് മനസ്സിലാക്കണം... മധ്യപ്രദേശിലെ ആർക്കിയോളജിക്കൽ ഡിപ്പാർട്ട്മെന്റിന്റെ കീഴിലുള്ള ഭൂമിമേൽ വക്കഫ് ബോർഡ് അവകാശം ഉന്നയിച്ചതും ഹൈക്കോടതി വക്കഫ് ബോർഡിന്റെ അവകാശം നിരാകരിച്ചതുമാണ് വക്കഫ് ബോർഡിനുവേണ്ടി രാഷ്ട്രീയ മുന്നണികൾ തീർത്ത പ്രതിരോധത്തെയും പത്ര- ദൃശ്യ മാധ്യമങ്ങൾ നിശ്ശബ്ദതകൊണ്ട് നൽകിയ പിന്തുണയേയും ഭേദിച്ച് പുറത്തു വരുന്നതിന് കാരണമായിട്ടുള്ളത്... തമിഴ് നാട്ടിൽ ആയിരത്തി അഞ്ഞൂറില്പരം വർഷങ്ങൾ പഴക്കമുള്ള ക്ഷേത്രം ഉൾപ്പെടെ ഒരു ഗ്രാമത്തിന്മേൽ വക്കഫ് ബോർഡ് അവകാശം ഉന്നയിച്ചതും,, ദ്വാരകയിലെ രണ്ടു ദ്വീപുകൾക്ക് മേലും, വിപ്രോ, മൈക്രോസോഫ്ട് കെട്ടിടങ്ങൾ നിൽക്കുന്ന ഭൂമിക്കുമേലും, ITC ഹോട്ടലിനുമേലും എന്ന് തുടങ്ങി ഇന്ത്യൻ പാർളമെൻറ്റിനുമേൽവരെ വക്കഫ് ബോർഡ് അവകാശം ഉന്നയിച്ചതോടുകൂടി കിരാത വക്കഫ് നിയമങ്ങൾക്ക് എതിരെ ജനവികാരം എരിഞ്ഞു തുടങ്ങിയിരിക്കുന്നു... ഇന്ത്യൻ പാർളമെൻറ്റിനുമേൽ വക്കഫ് ബോർഡ് ഉന്നയിച്ച അവകാശത്തിനുമേൽ എന്താണ് ഇവിടുത്തെ പ്രതിപക്ഷ പാർട്ടികളുടെ അഭിപ്രായം എന്നറിയാൻ പൊതുജനത്തിന് താല്പര്യമുണ്ട്... ടിപ്പു സുൽത്താൻ്റെ കുതിര ചാണകമിട്ടിടം എന്ന് പറഞ്ഞു വക്കഫ് ബോർഡ് അവകാശം ഉന്നയിച്ചാലും അതവർക്ക് കൊടുക്കണം എന്ന് നിയമം എഴുതി വെച്ചവർ പാർലമെന്റു കെട്ടിടവും സ്ഥലവും വക്കഫിനു കൊടുത്തേക്കൂ,, എം പി മാർ മരത്തണലിൽ ഇരിക്കട്ടെ എന്ന് പറഞ്ഞാലും അതിശയപ്പെടാനില്ല...  

     നരേന്ദ്ര മോഡി നേതൃത്വം നൽകുന്ന NDA സർക്കാർ വക്കഫ് നിയമങ്ങളിൽ ഏകദേശം നാല്പതോളം മാറ്റങ്ങൾ കൊണ്ടുവരാനാണ് ഉദ്ദേശിക്കുന്നത്... അതിൽ ഒരു മാറ്റം വക്കഫ് ബോർഡിൽ അംഗങ്ങളിൽ രണ്ടുപേർ സ്ത്രീകൾ ആയിരിക്കണമെന്നതാണ്... ഈ മാറ്റത്തെ പ്രതിപക്ഷ അംഗങ്ങൾ എതിർക്കുന്നുണ്ടോ എന്ന് വ്യക്തമാക്കണം... എതിർക്കുന്നുവെങ്കിൽ സ്ത്രീകൾ അധികാരസ്ഥാനങ്ങളിലേക്ക് വരുന്നതിനുള്ള നിങ്ങളുടെ നിലപാടുകൂടി വ്യക്തമാക്കണം... സ്ത്രീകളെ അധികാരമേല്പിച്ചിടം ഗുണം പിടിച്ചിട്ടില്ല എന്ന താലിബാൻ തിയറിയാണോ നിങ്ങൾ പിന്തുടരുന്നതെന്നും പറയണം... വനിതാമതിൽ കെട്ടി സ്ത്രീ ശാക്തീകരണം കൊണ്ടുവന്ന മുസ്ളീം സ്ത്രീകൾ നിങ്ങളുടെ ശാക്തീകരണത്തിന്റെ അതിർ വരമ്പുകൂടി വെളിവാക്കണം...  

     വക്കഫ് ബോർഡ് ഒരു ഭൂമിക്കുമേൽ അവകാശം ഉന്നയിച്ചാൽ ഭൂവുടമയ്ക്ക് തൻ്റെ തർക്കങ്ങളുമായി ജില്ലാ കളക്ടറെ സമീപിക്കാം... ജില്ലാ കളക്ടറുടെ തീരുമാനത്തിനെതിരെ ഏതു കക്ഷിക്കും കോടതിയെ സമീപിക്കാം... നിയമവാഴ്ചയും, സ്വാഭാവിക നീതിയും ഉറപ്പുവരുത്തുന്ന ഒരു മാറ്റമായിരിക്കും ഇതെന്നാണ് എന്റെ പക്ഷം... 

     വക്കഫ് ബോർഡിൽ ഒരു ജുഡീഷ്യൽ ഓഫീസറെ ഉൾക്കൊള്ളിക്കാൻ 2024 ലെ അമെൻഡ്മെന്റ് വ്യവസ്ഥ ചെയ്യുന്നു... 

     ഒരു വ്യക്തി ഏറ്റവും കുറഞ്ഞത് അഞ്ചു വർഷം മുസ്ളീം ആയി ജീവിച്ചാൽ മാത്രമേ വക്കഫിന് സ്വത്ത് കൈമാറാൻ എലിജിബിൾ ആകുന്നുള്ളു എന്ന്  2024 ലെ അമെൻഡ്മെന്റ് വ്യവസ്ഥ ചെയ്യുന്നു... 

     2024 ലെ അമെൻഡ്മെന്റ് വ്യവസ്ഥ ചെയ്യുന്നു ഈ പ്രധാന മാറ്റങ്ങളെ  എന്തുകൊണ്ട് എതിർക്കുന്നു എന്ന് ജനസമക്ഷം വിശദീകരിക്കാൻ പ്രതിപക്ഷം നന്നേ വിഷമിക്കും എന്നാണ് തോന്നുന്നത്...

     കാലങ്ങളായി ഈ മാഹാരാജ്യത്തിന്റെ പല കോണുകളിൽ വക്കഫ് കരിനിയമങ്ങൾ കാരണം കണ്ണീരുവീണ നിരാശ്രയരായ ജനങ്ങളുടെ അതേ വിലാപശബ്ദം ഇന്ന് നമ്മുടെ കേരളത്തിലും ഉയർന്നു കേൾക്കുന്നുണ്ട്... വൈപ്പിൻ മുനമ്പത്ത്...!! മുനമ്പം ജനതയ്ക്ക് അവരുടെ ഭൂമി പണയപ്പെടുത്തിയോ, വിൽപ്പന നടത്തിയോ ഒരു വിവാഹത്തിനോ, ചികിത്സക്കോ പണം കണ്ടെത്താൻ കഴിയുന്നില്ല... ഭൂമി ഈട് നല്കി ഒരു വിദ്യാഭ്യാസ്സ ലോൺ എടുത്ത് കുട്ടികളെ പഠിപ്പിക്കാൻ കഴിയുന്നില്ല... ഇന്നുവരെ സ്വന്തമായിരുന്ന കിടപ്പാടം നാളെ സ്വന്തമായി ഉണ്ടാകുമോ എന്ന് പറയാൻ കഴിയുന്നില്ല... ഈ നാട്ടിലെ ഭരണ പ്രതിപക്ഷ അംഗങ്ങളിൽ എത്ര പേർ മുനമ്പം ജനതയോടോപ്പമുണ്ട്?? മുനമ്പം ജനതയുടെ കണ്ണുനീർ എന്തുകൊണ്ട് നിങ്ങളെ പൊള്ളിക്കുന്നില്ലാ?? മുനമ്പം ജനത ഇത്രനാളും കഴിഞ്ഞു വന്ന മണ്ണിന്മേൽ വക്കഫ് അവകാശം ഉന്നയിക്കുന്നതും, അവരെ കുടിയിറക്കാൻ ശ്രമിക്കുന്നതും ശരിയല്ല എന്ന് സോദര ചിന്തയിൽ പറയാൻ തയ്യാറുള്ള എത്ര മുസ്ളീം മതസ്ഥരുണ്ടിവിടെ??  മരടിലെ അനധികൃത നിർമ്മാണങ്ങളായ ഫ്‌ളാറ്റുകൾ പൊളിച്ചു കളയണം എന്ന് സുപ്രീം കോടതി ഉത്തരവിട്ടപ്പോൾ ""നിങ്ങൾ ഇവിടെ നിന്നും ഇറങ്ങേണ്ടി വരില്ല,, ഞങ്ങളുണ്ട് കൂടെ"" എന്ന് പറഞ്ഞു പിന്തുണ നൽകിയതു പോലെ മുനമ്പം ജനതയ്ക്കു പിന്തുണ നല്കാൻ ഏതു കമ്യുണിസ്റ്റ്‌ നേതാവുണ്ടിവിടെ??? 

     രാഷ്ട്രീയ/ മത താല്പര്യങ്ങൾക്ക് അതീതമായി ഒരു മനുഷ്യന് ലഭിക്കേണ്ട സ്വാഭാവിക നീതിക്കും,, മനുഷ്യത്വത്തിനും വിലകല്പിക്കുന്ന ഒരു വലിയ വിഭാഗം ജനങ്ങൾ വക്കഫ് കിരാത നിയമത്തിൻ്റെ ദോഷം പേറുന്ന മുനമ്പം ജനതക്കൊപ്പമുണ്ട്... മുനമ്പം ജനത രാജ്യത്തിന്റെ പലഭാഗങ്ങളിൽ മുൻപ് കണ്ണീർ വാർത്ത ഒരു പാട് ജനങ്ങളുടെ ഈ നാളിന്റെ പ്രതീകങ്ങളാണ്...

     വഖഫ് കരി നിയമങ്ങളിൽ നിന്നും രാജ്യത്തെയും ജനങ്ങളെയും രക്ഷിക്കേണ്ടത് ജനങ്ങളോട്ഭ പ്രതിബദ്ധതയുള്ള രണകൂടത്തിന്റെ ഉത്തരവാദിത്വമാണ്... വക്കഫ് നിയമങ്ങൾ ഉടൻ പൊളിച്ചെഴുതും എന്ന് നമുക്ക് പ്രത്യാശിക്കാം...

[Rajesh Puliyanethu 

 Advocate, Haripad]

ശബരിമലയിലെ യുവതീ പ്രവേശനം... വിധിയിലേക്കെത്തിച്ച രാഷ്ട്രീയം...!??

     ഇന്ന് കേരളമൊട്ടാകെ ഏറ്റവും കൂടുതൽ ഉയർന്നു കേൾക്കുന്ന ശബ്ദം അയ്യപ്പ ശരണ മന്ത്രങ്ങളുടേതാണ്... ഇക്കഴിഞ്ഞ കാലങ്ങളിലൊന്നും ഇത്രയധികം ശരണ മന്ത്രങ്ങൾ മലയാള നാടിന്റെ അന്തരീക്ഷത്തെ മുഖരിതമാക്കിയിട്ടില്ല... കാരണം ഇത്രയധികം സ്ത്രീകൾക്കൂടി ശരണം വിളിച്ചു തെരുവിലിറങ്ങിയ കാലം ഇതിനു മുൻപ് ഉണ്ടായിട്ടില്ല... ഒരു മണ്ഡല കാലം അല്ലാതിരുന്നിട്ടുകൂടി എന്താണ് ഇങ്ങനെ ഒരു കൂട്ട ശരണം വിളിക്കു കാരണം!!??  എന്താണ് ഈ ശരണം വിളികളുടെ പ്രത്യേകത!??

     ഈ ശരണം വിളികളുടെ പ്രത്യേകതയാണ് നമ്മൾ ആദ്യം കാണേണ്ടത്... ഈ ശരണം വിളി സാധാരണ മാലയിട്ട് വൃതം അനുഷ്ഠിച്ചു മലചവിട്ടാൻ പോകുന്ന അയ്യപ്പന്മാരുടെ ഭക്തി മാത്രം നിറഞ്ഞ ശരണം വിളിയല്ല... ഈ ശരണം വിളികളിൽ തങ്ങളുടെ വിശ്വാസ്സങ്ങളെയും, അനുഷ്ഠാനങ്ങളേയും ചവിട്ടി അരക്കുന്നതിലുള്ള അമർഷമുണ്ട്... അതിനു കാരണക്കാരായവരോടുള്ള വിരോധവും, പകയുമുണ്ട്... അത് ഞങ്ങൾ അനുവദിച്ചു തരില്ല എന്ന നിശ്ചയദാർഢ്യമുണ്ട്... രാഷ്ട്രീയ കോമരങ്ങളുടെ ദുഷ്ടലാക്കിനു തങ്ങളുടെ ആരാധനാ മൂർത്തികളെ വിട്ടുതരില്ല എന്ന മുന്നറിയിപ്പുണ്ട്... സഹനത്തിന് തങ്ങളും പരിധി നിർണ്ണയിച്ചിട്ടുണ്ട് എന്ന പ്രഖ്യാപനമുണ്ട്... അങ്ങനെ പലവിധമായ സന്ദേശങ്ങൾ ബഹിർഗമിക്കുന്ന ശരണം വിളികളാണ് നാം കേൾക്കുന്നത്...

     സുപ്രീം കോടതി ശബരിമലയിൽ സ്ത്രീ പ്രവേശനത്തിനുള്ള വിലക്ക് എടുത്തു കളഞ്ഞിരിക്കുന്നു എന്നതാണ് പ്രതിഷേധം ഇരമ്പി ഉയരുന്നതിനുള്ള കാരണം... കോടതികളിൽ വർഷങ്ങളായി നിലനിൽക്കുന്ന നിയമ തർക്കങ്ങളുടെ അവസ്സാനമാണ് എങ്ങനെ ഒരു വിധി ഉണ്ടായിരിക്കുന്നത്... അവിടെ വിശ്വാസ്സ സമൂഹത്തിന് എതിരെ സംസ്ഥാന സർക്കാർ എടുത്ത നിലപാടാണ് ഈ വിധിക്കെതിരെയുള്ള വികാരം സർക്കാരിനെതിരെ തിരിയാൻ കാരണം... സ്ത്രീകളെ ശബരിമലയിൽ പ്രവേശിപ്പിക്കണം എന്ന് എൽ ഡി എഫ് സർക്കാർ എടുത്ത നിലപാട് കേരളം മുൻപ് എടുത്തിരുന്ന നിലപാടിന് വിരുദ്ധമാണ്... ഒരു സംസ്ഥാനത്ത് നിലനിൽക്കുന്ന സാഹചര്യത്തിന്റെ യഥാർഥ മുഖം പ്രസ്തുത വിഷയത്തിൽ സുപ്രീം കോടതി മുൻപാകെ അവതരിപ്പിക്കാനുള്ള ബാദ്ധ്യത സംസ്ഥാന സർക്കാരുകൾക്കുണ്ട്... എന്തിനും ഏതിനും 'കേരളത്തിലെ പ്രത്യേക സാഹചര്യം' എന്ന് പുലമ്പുന്ന ഇവർ എന്തേ വിശ്വാസ്സ സമൂഹത്തിന്റെ മനസ്സും വികാരവും കാണാതെ പോയി??  കാരണം സുവ്യക്തമാണ്.. ! കമ്യുണിസ്റ്റ് ആശയങ്ങൾ വിശ്വാസ്സ സമൂഹത്തിനു മേൽ അടിച്ചേൽപ്പിച്ചു ഹിന്ദുക്കളെ വിരുദ്ധ ചേരികളിൽ അണിനിരത്തുക... അതിനൊപ്പം തങ്ങൾ നവോഥാന നായകർ എന്ന് സ്വയം മേനി പറയുക... ഒരു കാര്യം ഉറപ്പിച്ചു പറയാം.. ഉമ്മൻ‌ചാണ്ടി സർക്കാർ സുപ്രീം കോടതിയിൽ കൊടുത്ത സത്യവാങ് മൂലത്തെ പിണറായി സർക്കാരും പിന്തുടർന്നിരുന്നെങ്കിൽ കേരളത്തിലെ അമ്മമാർക്ക് സഹിതം തെരുവിലിറങ്ങി പ്രതിഷേധ ശരണം വിളിക്കേണ്ടി വരുമായിരുന്നില്ല.... 

     എന്താണ് ശബരിമലയിൽ സ്ത്രീകളെ പ്രവേശിപ്പിക്കുന്നതിൽ വിലക്ക് കല്പിക്കുന്നതിന് കാരണം?? അത് മനസ്സിലാക്കുന്നതിനു മുൻപ് ക്ഷേത്രവും, വിശ്വാസ്സവും എന്താണെന്ന് മനസ്സിലാക്കണം... ഒരു ശ്രീകോവിലിനുള്ളിലെ മൂർത്തിയും ആ ശ്രീകോവിൽ ഉൾക്കൊള്ളുന്ന മതിൽക്കെട്ടും ആ മതിൽക്കെട്ടിനുള്ളിൽ മൂർത്തിക്കുവേണ്ടി എന്ന വിശ്വാസ്സത്തിൽ വിശ്വാസ്സികൾ നടത്തുന്ന ആരാധനാക്രമങ്ങളും, നിയമങ്ങളും ഉൾക്കൊള്ളുന്നതാണ് ക്ഷേത്രം.. ക്ഷേത്രത്തിനുള്ളിലെ മൂർത്തിയെ ആരാധിക്കാനും വിശ്വസിക്കാനുമുള്ള സ്വാതന്ത്ര്യം വിശ്വാസിക്കുണ്ട്.... ആ വിശ്വാസ്സങ്ങളെ വെച്ച് പുലർത്താനുള്ള സ്വാതന്ത്ര്യം വിശ്വാസിക്ക് ഭാരതത്തിന്റെ ഭരണഘടന അനുവദിച്ചു നൽകുന്നുമുണ്ട്‌... വിശ്വസിച്ചേ മതിയാകൂ എന്ന നിബന്ധന ഒരു ക്ഷേത്രവും മുന്നോട്ടു വെയ്ക്കുന്നില്ല... അവിശ്വാസ്സികൾ അകലം പാലിക്കണം.. അതാണ് മാന്യത.. ഒരിക്കലും അവിശ്വാസിക്ക് വിശ്വാസിയുടെ മനസ്സും വികാരവും തിരിച്ചറിയാൻ കഴിയില്ല... മാത്രമല്ല, ഈശ്വര വിശ്വാസ്സങ്ങൾ എപ്പോളും അന്ധമായതാണ്... കാരണം ആരും നേരിട്ട് ദൈവത്തെ കണ്ടു ബോധ്യപ്പെട്ടു വിശ്വസ്സിക്കുന്നില്ല... ആ വിശ്വാസ്സം വിശ്വാസ്സിയുടെ അനുഭവവും സംതൃപ്തിയുമാണ്... ഈ സത്യം തിരിച്ചറിഞ്ഞു തന്നെയാണ് ഭാരതത്തിന്റെ ഭരണഘടന ആരാധനയ്ക്കുള്ള സ്വാതന്ത്ര്യം അനുവദിച്ചു തന്നിരിക്കുന്നത്... 

      നിയമവിരുദ്ധ പ്രവർത്തനം ഒരു ആരാധനാലയത്തിനുള്ളിൽ നടക്കാത്തിടത്തോളം കാലം ആരാധനയും, വിശ്വാസ്സവും, അനുഷ്ഠാനവും  വിശ്വാസ്സിയുടെ മാത്രം തിരഞ്ഞെടുപ്പാണ്.. അവിടെ, അധികാരത്തിന്റെ വാളുമായി കടന്നു ചെല്ലുന്നതാണ് തെറ്റ്... ഒരു നിയമ ലംഘനം കണ്ടെത്തുന്നതിനായി നിലവിലെ നിർദോഷമായ ക്രമങ്ങളെ നിയമ വിരുദ്ധമായി പ്രഖ്യാപിക്കുന്നത് അതിലേറെ തെറ്റ്... ശബരിമലയിൽ അതാണ് സംഭവിച്ചിരിക്കുന്നത്... നിലവിൽ തുടർന്ന് വരുന്ന സമസ്ത വിശ്വാസ്സ സമൂഹത്തിനും സ്വീകാര്യമായ,, സാമൂഹ്യ നീതിയെ ഒരു തരത്തിലും ചോദ്യം ചെയ്യാത്ത ഒരു ക്ഷേത്രനിയമത്തിലേക്ക് കേരള സർക്കാരിന്റെ കള്ളച്ചുവട്‌ വിശ്വസ്സിച്ചു സുപ്രീം കോടതി കടന്നു കയറിയിരിക്കുകയാണ് ചെയ്തിരിക്കുന്നത്... വിശ്വാസ്സ സമൂഹത്തിന് നേരേയുള്ള കേരള സർക്കാരിന്റെ വെല്ലുവിളിയായിരുന്നു സുപ്രീം കോടതിയിൽ നൽകിയ സത്യവാങ് മൂലം എന്ന് ആവർത്തിച്ചു പറയേണ്ടി വരുന്നു...

     എന്ത് കാരണത്താലായിരുന്നു ശബരിമലയിൽ മാത്രം യുവതികളായ സ്ത്രീകളെ പ്രവേശിപ്പിക്കുന്നതിൽ നിന്നും വിലക്കിയിരുന്നത്?? അതിനുത്തരം ശബരിമലയിലെ മൂർത്തിയുമായി ബന്ധപ്പെട്ടതാണ്... അയ്യപ്പനാണ് ശബരിമലയിലെ ആരാധനാ മൂർത്തി... അവിടെ അയ്യപ്പനെ എപ്രകാരം വിവരിക്കപ്പെട്ടിരിക്കുന്നോ അപ്രകാരമാണ് വിശ്വാസ്സികൾ വിശ്വസിക്കുന്നത്... അത് വിശ്വാസ്സിയിൽ മാത്രം നിക്ഷിപ്തമായ സ്വാതന്ത്ര്യമാണ്... അയ്യപ്പൻ നൈഷ്ഠിക ബ്രഹ്മചാരിയാണ്.. അതാണ് സങ്കല്പം.. അയ്യപ്പനെ വേൾക്കാൻ ആഗ്രഹിച്ച ദേവിയുടെ ഇൻഗിതത്തെ അവഗണിച്ചു മാളികപ്പുറത്തമ്മയായി തൻ്റെ ക്ഷേത്രത്തിനു പുറത്തിരുത്തി എന്നാണ് ഐതീഹ്യം.. അങ്ങനെ നൈഷ്ഠിക ബ്രഹ്മചാരിയായി  നിലനിൽക്കാൻ ഇച്ഛിക്കുന്ന ദേവൻ യുവതികളായ സ്ത്രീകളുടെ സാനിദ്ധ്യം ഇഷ്ട്ടപ്പെടുന്നില്ല എന്നും ഭക്തർ വിശ്വസ്സിക്കുന്നു... അത് ഭക്തന്റെ വിശ്വാസ്സമാണ്‌.... ആ വിശ്വാസ്സത്തെ പരിപാലിക്കാനുള്ള സ്വാതന്ത്ര്യം വിശ്വാസ്സിക്കുണ്ട്... അയ്യപ്പൻ ഹരിഹര പുത്രനാണെന്നും, പന്തള രാജകുമാരനാണെന്നും, മഹിഷീ മർദ്ദനനാണെന്നും,,  നൈഷ്ഠിക ബ്രഹ്മചാരിയാണെന്നും എല്ലാം വിശ്വാസ്സമാണ്‌... ഈ വിശ്വാസ്സങ്ങളെ മാറ്റി നിർത്തിയാൽ പിന്നെ അയ്യപ്പനില്ല.. അയ്യപ്പനെന്ന മൂർത്തിയുടെതന്നെ അസ്തിത്വം നഷ്ടപ്പെടും... അങ്ങനെ അയ്യപ്പൻ ഇല്ലാതാകുന്നത് ഇവിടുത്തെ വിശ്വാസ്സി സമൂഹം ഇഷ്ടപ്പെടുന്നില്ല... അതുകൊണ്ടാണ് അവർ തെരു വീഥികളെ പ്രകമ്പനം കൊള്ളിച്ചു കൊണ്ട് തങ്ങൾക്കു കഴിയുന്നത്ര ഉച്ചത്തിൽ ശരണം വിളിക്കുന്നത്... അപ്രകാരം തങ്ങളുടെ വിശ്വാസ്സ പ്രമാണങ്ങളിലെ അയ്യപ്പനെ സംരക്ഷിക്കാനാണ് പ്രക്ഷോഭങ്ങൾ സംഘടിപ്പിക്കുന്നത്... 

     പുരോഗമന ചിന്തയുടെ സാങ്കൽപ്പിക കിരീടമണിഞ്ഞു നടക്കുന്ന ചില കരി ദീപങ്ങൾ ചോദിക്കുന്ന ചോദ്യമുണ്ട്... "ദൈവത്തെ രക്ഷിക്കാനാണോ ആൾക്കാർ തെരുവിലിറങ്ങുന്നത്?? സ്വയം രക്ഷിക്കാൻ കഴിവില്ലാത്തവനാണോ ദൈവം?? അവർക്കുള്ള ഉത്തരം ഒരു പ്രാവശ്യം പറഞ്ഞു കൊടുക്കണം... ഒന്നുകൂടി ആവർത്തിക്കാൻ നിൽക്കരുത്... കാരണം ചോദ്യം ഉയർത്തിതന്നെ തന്റെ ഉള്ളിലെ ശൂന്യത വെളിവാക്കിയവരാണവർ... അവരുടെ ഓട്ടച്ചാക്കിലേക്ക് അരി നിറച്ചു നമ്മുടെ വിലപ്പെട്ട സമയം പാഴാക്കരുത്...

     ആർത്തവകാലമാണ് ശബരിമലയിൽ യുവതികളെ പ്രവേശിപ്പിക്കുന്നതിന് വിലക്കായി നിൽക്കുന്നത് എന്ന വാദഗതിയോട് യോജിക്കാൻ കഴിയുന്നില്ല... ആ കാരണം മന:പ്പൂർവ്വം വിധിയെ അനുകൂലിക്കുന്ന വിഭാഗം  ഉയർത്തിയതാകാനാണ് സാദ്ധ്യത... കാരണം വിശ്വാസ്സികളും, ശബരിമലയിൽ യുവതീ പ്രവേശനത്തെ എതിർക്കുന്നവരുമായ സ്ത്രീകളെ സമര മുഖത്തുനിന്നും അകറ്റി നിർത്തുന്നതിന് ആ കാരണം ഉയർത്തുന്നത് വഴി വെച്ചേക്കാം എന്നവർ കണക്കു കൂട്ടുന്നു... ശ്രീ പിണറായി വിജയന്റെ സേവകൻ മാത്രമായ പദ്മകുമാർ നിയന്ത്രിക്കുന്ന ദേവസ്വം ബോർഡ് ആർത്തവകാലം യുവതീ പ്രവേശനത്തെ എതിർക്കുന്നത്തിനുള്ള കാരണമായി സുപ്രീം കോടതിയിൽ ഉയർത്തിയതിലും ദുരൂഹത കാണാം..  ആർത്തവകാലം കാരണം നാൽപ്പത്തി ഒന്ന് ദിവസ്സം വൃതം എടുക്കാൻ കഴിയില്ല എന്നും അതിനാൽ യുവതീ പ്രവേശനത്തെ അനുകൂലിക്കാൻ കഴിയില്ല എന്ന നിലപാട് കോടതിയിൽ നിൽക്കില്ല എന്നത് ആ കാരണം ഉയർത്തി കേസ്സുനടത്തിയവർക്ക് തീർച്ചയായും ബോദ്ധ്യമുണ്ടായിരുന്നതാകണം.. ദേവസ്വം ബോർഡിന്റെ സുപ്രീം കോടതിയിലെ പ്രധാന വാദഗതി ഇതായിരുന്നിരിക്കെ നാസ്ഥിക സർക്കാരുമായി ദേവസ്വം ബോർഡ് സുപ്രീം കോടതിയിൽ ഒത്തുകളിക്കുകയായിരുന്നോ എന്ന് നമ്മൾ സംശയിക്കണം....

     ഒരിക്കലും സ്ത്രീകൾക്ക് ആർത്തവകാലം ഉള്ളതല്ല യുവതികളെ പ്രവേശിപ്പിക്കുന്നതിൽ നിന്നും വിലക്കാൻ കാരണം... നൈഷ്ഠിക ബ്രഹ്മചാരിയായി നിലനിൽക്കാൻ ഇച്ഛിക്കുന്ന ദേവൻ യുവതികളായ സ്ത്രീകളുടെ സാനിദ്ധ്യം ഇഷ്ട്ടപ്പെടുന്നില്ല എന്ന് ഭക്തർ അതിപുരാതന കാലം മുതൽ വിശ്വസ്സിച്ചു വന്നിരുന്നതാണ് കാരണം... നാൽപ്പത്തി ഒന്ന് ദിവസ്സം വൃതം എടുക്കുന്നത് കാരണമായി പറഞ്ഞാൽ പുരുഷന്മാർ പോലും മുഖാമുഖം നോക്കും.. കാരണം ഇന്ന് ശബരിമല ദർശനം നടത്തുന്നതിൽ പകുതിയിൽ അധികം ആൾക്കാരും നാൽപ്പത്തി ഒന്ന് ദിവസ്സം വൃതം എടുക്കുന്നില്ല എന്നതാണ് സത്യം... പുരാതന കാലത്തും എത്ര സ്വാമിമാർ നാൽപ്പത്തി ഒന്ന് ദിവസ്സം വൃതം എടുത്തിരുന്നു എന്നും വ്യക്തമായ കണക്കുകളില്ല... ഇന്ന് ദർശനം നടത്തുന്നതിൽ എത്ര സ്വാമിമാർ നാൽപ്പത്തി ഒന്ന് ദിവസ്സം വൃതം എടുത്തു ദർശനം നടത്തുന്നു എന്ന് നിരീക്ഷിക്കാൻ മാർഗ്ഗങ്ങളുമില്ല.. അങ്ങനെ വ്യക്തത ഇല്ലാത്ത കാരണം എങ്ങനെയാണ് കോടതിയിൽ നിലനിൽക്കുക?? അങ്ങനെ ഒരു കാരണത്താൽ ഏതു കോടതിയായാണ് സ്ത്രീകളെ വിലക്കി നിർത്തുക!??  "നാൽപ്പത്തി ഒന്ന് ദിവസ്സം വൃതം എടുക്കുക" എന്നത് യുവതീ പ്രവേശനത്തിനെ എതിർക്കുന്ന കാരണമായി ഉയർത്തിയാൽ അതെത്ര ദുർബലമായിരിക്കും എന്ന് നോക്കൂ...!! പക്ഷെ ഇതായിരുന്നു കോടതിയിൽ ദേവസ്വം ബോർഡ് ഉയർത്തിയ പ്രധാന വാദം... അവിടെയാണ് സുന്ദരമായ മുഖത്തോടെ ദേവസ്വം ബോർഡ് സർക്കാരുമായി ചേർന്ന് വിശ്വാസ്സികളെ വഞ്ചിച്ചു എന്ന് നമ്മൾ മനസ്സിലാക്കേണ്ടത്...

     സ്ത്രീ സ്വാതന്ത്ര്യം,, സ്ത്രീ സമത്വം തുടങ്ങിയ വിഷയങ്ങൾ ശബരിമലയോട് ചേർത്തുവെച്ചു പറയുന്നവരുണ്ട്... ശബരിമലയിൽ പ്രവേശിക്കുന്നതോടെയാണോ സ്ത്രീയുടെ  സമത്വ ഭാവനകൾ പൂർണ്ണമാകുന്നത്?? ശബരിമലയിൽ സ്ത്രീ പ്രവേശനം നിഷേധിച്ചിരിക്കുന്നു എന്ന പ്രയോഗം തന്നെ തെറ്റാണ്... പുരുഷ മേധാവിത്വമാണ് ശബരിമലയിൽ സ്ത്രീ പ്രവേശനം നിഷേധിക്കുന്നതിന്
കാരണം എന്നും പറഞ്ഞു കേൾക്കുന്നു...  ശബരി മലയിൽ ഒറ്റയ്ക്ക് പോകുന്ന പുരുഷൻ മറ്റു ക്ഷേത്രങ്ങളിൽ തന്റെ അമ്മയും, സഹോദരിയും, ഭാര്യയും കൂട്ടിത്തന്നെയല്ലേ ദർശനത്തിന് പോകാറ്... അതിൽ സമത്വം ബോധിക്കാത്തവർക്ക് ശബരിമലയിൽ പോയാലും സമത്വം തോന്നാനുള്ള സാദ്ധ്യത കുറവാണ്... ഒരു കാര്യം ഉറപ്പിച്ചു പറയാം.. ശബരിമലയിൽ ദർശനം നടത്തണമെന്ന് വാശി പിടിക്കുന്ന യുവതികൾ ഏതുരീതിയിൽ ചിന്തിച്ചാലും വിശ്വാസികളല്ല... വിശ്വാസികൾ ആയിരുന്നെങ്കിൽ അവർ അയ്യപ്പനെക്കുറിച്ചുള്ള ആകമാനമായ വിശ്വാസ്സങ്ങളെയും മാനിക്കുന്ന നിലപാട് സ്വീകരിക്കുമായിരുന്നു... അങ്ങനെ ഉള്ളവർ യുവതീ പ്രവേശനത്തെ എതിർക്കുന്നവരും ആയിരിക്കും... ഇന്ന് ശബരിമലയിൽ ദർശനം നടത്തണമെന്ന് വാശി പിടിക്കുന്ന യുവതികൾ ക്ഷേത്ര വിശ്വാസ്സങ്ങളെ വെല്ലുവിളിച്ചു ജയിക്കുക എന്ന ഉദ്ദേശം മാത്രം സൂക്ഷിക്കുന്നവരാണ്... ഒരു കാര്യം സംശയലേശമെന്യേ പറയാം... ""ക്ഷേത്രം വിശ്വാസ്സിയുടെ വെളിച്ചവും,, അഭയ കേന്ദ്രവുമാണ്... അവിശ്വാസ്സിയുടെ വിനോദ കേന്ദ്രങ്ങളല്ല""....

     ശബരിമലയിലെ സ്ത്രീ പ്രവേശനം വിശ്വാസ്സികളായ സ്ത്രീകൾ ഒന്നാകെ ആവശ്യപ്പെട്ടതിൽ നിന്നുണ്ടായ ഒരു തീരുമാനമായിരുന്നെങ്കിൽ ആ തീരുമാനം ആഘോഷിക്കുകയും കേരള ചരിത്രത്തിന്റെ തങ്കലിപികളിൽ ആലേഖനം ചെയ്യപ്പെടുന്നതും ആകുമായിരുന്നു... പക്ഷെ അയ്യപ്പനെ ദൈവമായി ആരാധിക്കുന്ന സ്ത്രീ സമൂഹം അയ്യപ്പനുമായി ചേർന്ന് നിലനിൽക്കുന്ന വിശ്വാസ്സങ്ങളെയും ആരാധിക്കാനാണ് ഇഷ്ടപ്പെടുന്നത്... അതിനാലാണ് കേരളത്തിലെ സകല തെരുവുകളിലും അണിനിരക്കുന്ന പതിനായിരങ്ങൾ ഉയർത്തുന്ന ശരണ മന്ത്രങ്ങളിൽ ഭൂരിപക്ഷവും സ്ത്രീ സ്വരത്തിൽ ആയത്...  വിശ്വാസ്സികളായ സ്ത്രീകൾക്ക് എന്തോ വലിയ കാര്യം നേടിത്തന്നു എന്ന ധാരണ ജനിപ്പിച്ചു "വിപ്ലവം അയ്യപ്പന്റെ നെഞ്ചത്തുതന്നെ" എന്ന് കരുതുന്ന തൃപ്തി ദേശായിയെപ്പോലെയുള്ളവർക്ക്‌ ഒപ്പീസ്സ് പാടാൻ പോയ പിണറായി സർക്കാർ വിശ്വാസ്സികളായ സ്ത്രീകളുടെ രോഷത്തിന്റെ ചൂടറിഞ്ഞുകൊണ്ടിരിക്കുകയാണ്.... 

     പുരോഗമന ചിന്തകർ എന്ന് തലയിലെഴുതിക്കെട്ടി നടക്കുന്ന ചിലരുണ്ട്... അവർ ശബരിമലയിലെ സ്ത്രീ പ്രവേശനത്തെ സതിയോടാണ് ഉപമിക്കുന്നത്... അവർ ഒരിക്കലും മറുപടി  അർഹിക്കുന്ന വിഭാഗമേ അല്ല... ക്രിയാത്‌മകമായ ഒരു ചർച്ചക്ക് വിളിച്ചിരുത്താൻ പോലും കൊള്ളരുതാത്ത സാമൂഹിക ഉച്ഛിഷ്ടങ്ങളാണവർ... അതുപോലെ തന്നെയാണ് ഹിന്ദു വിശ്വാസ്സ സമൂഹം ഒന്നായി നിൽക്കുന്നതു കണ്ട് അതിൽ വിള്ളലുണ്ടാകുന്നതിനായി ജാതീയമായ വേർതിരിവിന്റെ മുൻകാല കഥകൾ നിരത്തുന്നവരും.... അവർ തങ്ങളുടെ മുതലെടുപ്പുകൾക്കായി ജാതി വ്യവസ്ഥ എന്നും സമൂഹത്തിൽ ജ്വലിച്ചു തന്നെ നിൽക്കണം എന്ന് ആഗ്രഹിക്കുന്നവരാണ്... ജാതി ചിന്തകൾക്ക് അതീതമായ ഏതൊരു ഒത്തുചേരലിനെയും ഭയക്കുന്ന ഈ വിഭാഗം സമത്വ ചിന്തകൾക്ക് തുരങ്കം വെയ്ക്കുന്നതെന്തെന്ന് നിസ്സാരമായി ചിന്തിച്ചാൽ നമുക്കു മനസ്സിലാകും...

     ശബരിമലയിൽ യുവതീ പ്രവേശനത്തിന്റെ വിലക്കുകൾ നീങ്ങിയ സാഹചര്യത്തെ വിശദീകരിക്കുന്ന ഒരു വാർത്താ സമ്മേളനം കഴിഞ്ഞ ദിവസ്സം മുഖ്യമന്ത്രി നടത്തിയിരുന്നു... അദ്ദേഹം  'യുവതീ പ്രവേശനത്തെ സർക്കാർ പിന്തുണക്കുകയോ എതിർക്കുകയോ ചെയ്യുന്നില്ല.. കോടതി ഉത്തരവിനെ നടപ്പിലാക്കുക മാത്രമാണ് ചെയ്യാൻ ശ്രമിക്കുന്നത്' എന്ന ധ്വനി ഉയർത്തും വിധമാണ് സംസാരിച്ചത്... പ്രായഭേദ്യമെന്യേ സ്ത്രീകൾ ഉൾപ്പടെ നടത്തുന്ന ജനകീയ പ്രതിഷേധത്തെ അദ്ദേഹം ഭയന്നു തുടങ്ങിയോ എന്ന് സംശയിക്കേണ്ടി വരുന്നു... കാരണം വിധിയുടെ ആദ്യ ദിനങ്ങളിൽ ഇടതു സർക്കാരിന്റെ വിപ്ലവ വിജയമായി അവതരിപ്പിക്കാനാണ് അദ്ദേഹത്തിൻറെ പാർട്ടി ശ്രമിച്ചിരുന്നത്... ഇന്നതിൽ നിന്നും അവർ പിറകോട്ടു പോയിരിക്കുന്നു..  നല്ലതുതന്നെ, എന്നാൽ ചില ചോദ്യങ്ങൾ  അവശേഷിക്കുന്നു... വിധിയുടെ വിശദാ൦ശങ്ങൾ മനസ്സിലാക്കുന്നതിനുള്ള സാവകാശം ലഭിക്കുന്നതിന് മുൻപ് തന്നെ അത് നടപ്പിലാക്കുമെന്ന് പ്രഖ്യാപിക്കാനുള്ള തിടുക്കം എന്തിനാണ് അദ്ദേഹം പ്രകടിപ്പിച്ചത്?? റിവ്യൂ ഹർജി നൽകുമെന്ന് പറഞ്ഞ പദ്മകുമാറിനെ എന്തിനാണദ്ദേഹം തിരുത്തിപ്പറഞ്ഞത്?? സ്വയം ഭരണ സ്ഥാപനമായ ദേവസ്വം ബോർഡിന്റെ പുനഃപരിശോധനാ ഹർജി കൊടുക്കാനുള്ള സ്വാതന്ത്ര്യത്തിലേക്ക് കടന്നു കയറിയതെന്തിനാണ്?? വേരിൽ നിന്നും മണ്ണൊലിച്ചു പോകുന്നതിന്റെ തിരിച്ചറിവായി മാത്രമേ വൈകിവന്ന സൗമ്യതയെ നോക്കിക്കാണാൻ കഴിയൂ.... 

     സർക്കാർ കോടതിയിൽ സ്വീകരിച്ച നിലപാടിന് അനുകൂലമായ വിധി നേടിയിട്ട് അതിനെതിരെ പുനഃപരിശോധനാ ഹർജി സാദ്ധ്യമല്ല എന്ന് അദ്ദേഹം പ്രസ്താവിച്ചത് ശരിതന്നെ.. പക്ഷെ സ്ത്രീ പ്രവേശനത്തെ ന്യായീകരിക്കാനായി അദ്ദേഹം ഉയർത്തിയ ന്യായവാദങ്ങൾ ഒരിക്കലും അംഗീകരിക്കാവുന്നതല്ല... മുൻപ് ''രാജകുടുംബത്തിലെ സ്ത്രീകൾ ശബരി മലയിൽ ദർശനം നടത്തിയിട്ടുണ്ട്,, അതിനാൽ യുവതീ പ്രവേശനം തെറ്റല്ല"" എന്ന രീതിയിലാണ് അദ്ദേഹം സംസാരിച്ചത്... എന്നാൽ അദ്ദേഹം ഒരുകാര്യം മനസ്സിലാക്കിയില്ല;; രാജകുടുംബം ചെയ്യുന്നതല്ല വിശ്വാസ്സ സമൂഹത്തിന്റെ പ്രമാണവിധി... അദ്ദേഹം ഒരു പക്ഷെ രാജകുടുംബം ചെയ്യുന്നതിനെ മാമൂലായി സ്വീകരിക്കുന്ന ആളാകാം... 

     ശനീശ്വര ക്ഷേത്രത്തിൽ സ്ത്രീ പ്രവേശനത്തെ അനുവദിച്ചുകൊണ്ട് സുപ്രീം കോടതി പുറപ്പെടുവിച്ച വിധിയെയും,, അത് നടപ്പിലാക്കിയ ബിജെപി സർക്കാരിനെയും അദ്ദേഹം ഉദ്ധരിച്ചു കണ്ടു... മഹാരാഷ്ട്രയിലെ ശനീശ്വര ക്ഷേത്രത്തിൽ എല്ലാ പ്രായത്തിലുള്ള സ്ത്രീകളെയും മുൻപ് പ്രവേശനത്തിൽ നിന്നും വിലക്കിയിരുന്നു... അതുമാത്രമല്ല അവിടെ ക്ഷേത്ര മൂർത്തിയുടെ സങ്കല്പവുമായി സ്ത്രീകളെ പ്രവേശിക്കുന്നതോ, വിലക്കുന്നതോ യാതൊരു ബന്ധവുമില്ലാത്ത കാര്യമാണ്... ശബരി മലയുടെ ആചാര അനുഷ്ഠാനങ്ങളുമായി ഒരു പാട് വേറിട്ട് നിൽക്കുന്നതാണ് അവിടുത്തെ സ്ഥിതി... 

     ഹിന്ദു വിശ്വാസ്സ പ്രമാണങ്ങൾക്കുനേരെ തുടർച്ചയായി പ്രാദേശികമായും അല്ലാതെയും സി പി എം നടത്തി വന്നിരുന്ന അക്രമങ്ങൾക്കും,, അവഹേളനങ്ങൾക്കും എതിരെ സമാജത്തിൽ ആകമാനമായി നിലനിന്നിരുന്ന അമർഷം സ്ഫോടനാത്മകമായി പുറത്തുവന്നത് കൂടിയാണ് ശബരിമല വിഷയത്തിൽ കേരളം കാണുന്നത്... രണ്ടു ദിവസ്സം കൊണ്ട് കെട്ടടങ്ങുന്ന ഒന്നല്ല ഇതെന്ന് ബഹുമാനപ്പെട്ട ദേവസ്വം മന്ത്രിക്ക് ഇപ്പോൾ ബോധ്യപ്പെട്ടിരിക്കും എന്ന് നമുക്ക് വിശ്വസിക്കാം... പ്രതിഷേധത്തിന് നേരെ അടിച്ചമർത്തലെന്ന അവസ്സാന ആയുധവും സർക്കാർ അങ്ങിങ്ങായി പ്രയോഗിച്ചു തുടങ്ങിയതായി മനസ്സിലാക്കാൻ കഴിയുന്നു.. എരിതീയിലേക്ക് വെടിമരുന്നു വാരിയെറിയുന്ന മൗഢ്യതയായിരിക്കും അതെന്ന് തിരിച്ചറിഞ്ഞാൽ നന്ന്...

     വിധി പ്രസ്താവിച്ചത് സുപ്രീം കോടതി ആണെങ്കിലും കേരള രാഷ്ട്രീയ- സാമൂഹിക രംഗങ്ങളിലെ തലവര മാറ്റിക്കുറിക്കാൻ ആ വിധി കാരണമാകും... ഹിന്ദു സമൂഹം ജാതി- രാഷ്ട്രീയ ചിന്തകൾക്ക് അതീതമായി ഒരു പൊതു വിഷയത്തിന്റെ പേരിൽ ഒന്നിച്ചാൽ ഇവിടെ ഒന്നും സംഭവിക്കില്ല എന്ന് വരുത്തിത്തീർക്കേണ്ട പെടാപ്പാടാണ് കേരളം ഭരിക്കുന്ന ഇടതു സർക്കാരിനുള്ളത്... ഭരണഘടന അനുവദിച്ചു തരുന്ന ആരാധനാ- വിശ്വാസ്സ സ്വാതന്ത്ര്യത്തിനുമേൽ കടന്നുകയറാൻ ആരേയും അനുവദിക്കില്ല എന്ന് തെളിയിക്കേണ്ട ബാദ്ധ്യത വിശ്വാസ്സ സമൂഹത്തിനുമുണ്ട്... ആ കരുത്ത് തെളിയിക്കുന്നതിലാണ് വിശ്വാസ്സ സമൂഹത്തിന്റെ ഭാവി നിലനിൽക്കുന്നതും...

സ്വാമിയേ ശരണമയ്യപ്പാ....

[Rajesh Puliyanethu
 Advocate, Haripad]

''മീശ'' വിഴുങ്ങിയതെന്ത്...!!???

      ''മീശ'' എന്ന നോവൽ ആയിരുന്നു കഴിഞ്ഞ ആഴ്ചയിൽ കേരളം ചർച്ച ചെയ്തത്.. മേശയിലെ വിശേഷങ്ങളുടെ ചര്ച്ചക്കും, വിശകലനങ്ങൾക്കും, പ്രതിഷേധങ്ങൾക്കും ഒടുവിൽ മീശ വിഴുങ്ങി കഥാകൃത്ത് കളം വിടുന്നതാണ് കണ്ടത്.... യഥാർഥത്തിൽ അവിടം മുതലാണ് സാംസ്കാരിക കേരളം മീശ തടവിക്കൊണ്ട് ചർച്ചകൾ ആരംഭിക്കുന്നത്...  നോവൽ പിൻവലിച്ചുകൊണ്ടു ഒരു കഥാകൃത്തിന് രക്ഷപ്പെടേണ്ട അവസ്ഥ എന്തുകൊണ്ടുണ്ടായി എന്ന് ഇവിടെ മീശയും, മുടിയും വളർത്തിയ സാംസ്‌കാരിക നായകർ ചർച്ച ചെയ്തു... താടി വെച്ചവർ വട്ടമേശ ചർച്ചകൾക്ക് ചായയും കടിയും വിളമ്പി... മാധ്യമങ്ങൾ ശബ്ദവും, വെളിച്ചവും നൽകി...

     'മീശ' എന്ന നോവലിലെ എണ്ണിയെടുത്താൽ ആറുവരിയോളം വരുന്ന ഭാഗമാണ് ഈ കോലാഹലങ്ങൾക്കെല്ലാം കാരണം...

      """പെണ്കുട്ടികൾ എന്തിനാണിങ്ങനെ കുളിച്ചു സുന്ദരികളായി അമ്പലത്തിൽ പോകുന്നത്?? പ്രാർഥിക്കാൻ.. ഞാൻ പറഞ്ഞു.. നീ ഒന്നു കൂടി സൂക്ഷിച്ചു നോക്ക്... ഏറ്റവും നല്ല വസ്ത്രങ്ങൾ ഏറ്റവും ഭംഗിയായണിഞ്ഞു ഏറ്റവും ഒരുങ്ങി എന്തിനാണ് പ്രാർത്ഥിക്കുന്നത്?? തങ്ങൾ ലൈംഗീക ബന്ധത്തിൽ ഏർപ്പെടാൻ തയ്യാറാണെന്ന് ബോധപൂർവ്വമായി പ്രഖ്യാപിക്കുകയാണവർ... ഞാൻ ചിരിച്ചു..

     അല്ലെങ്കിൽ അവരെന്താണ് മാസത്തിൽ നാലോ അഞ്ചോ ദിവസ്സം അമ്പലത്തിൽ വരാത്തത്?? അവർ അതിന് തയ്യാറല്ലെന്ന്..........""

     ഈ വരികളിൽ തുടങ്ങിയാണ് മേശയിലെ രോമങ്ങൾ കോഴിയാൻ തുടങ്ങുന്നത്... ഹിന്ദു സ്ത്രീകൾ എല്ലാം ക്ഷേത്രത്തിൽ പോകുന്നത് ലൈംഗീക ബന്ധത്തിൽ ഏർപ്പെടാൻ വേണ്ടിയാണെന്ന് ധ്വനിക്കും വിധമാണ് ഈ വരികൾ എന്ന് ഈ നോവലിന്റെ വിമർശകർ പറയുന്നു...  ഈവരികൾ ക്ഷേത്രത്തിൽ പോകുന്ന സ്ത്രീകളെയും ഒപ്പം സ്ത്രീത്വത്തെ ആകമാനവും അപമാനിക്കുന്നതായി അവർ ആരോപിക്കുന്നു....

     ഹിന്ദു സ്ത്രീകളെ അപമാനിച്ചു എന്ന ആരോപണമാണ് ഉയർന്നു വന്നിരിക്കുന്നത്.. അതിനാൽ ഉയരുന്ന ശബ്ദങ്ങളെല്ലാം സംഘപരിവാർ ഫ്സ്സിസ്സം എന്ന് അച്ചുനിരത്തിപ്പറയാതെ മാധ്യമ ധർമ്മം പൂർത്തിയാകില്ല എന്ന് കരുതുന്ന മാധ്യമ പ്രവർത്തകരും, ഉറക്കത്തിൽ മുഖത്ത് അല്പം വെള്ളം കുടഞ്ഞാൽപ്പോലും ഹിന്ദു ഫാസ്സിസ്സം എന്ന് മാത്രം ഉറക്കെ വിളിച്ചുകൊണ്ട് ഞെട്ടി ഉണരുന്ന സാംസ്ക്കാരിക നായകരും ചേർന്നപ്പോൾ രംഗം സജീവമായി...  മീശയിലെ പ്രകോപനപരമായ വരികൾ മാത്രം തിരഞ്ഞെടുത്ത് നവ മാധ്യമങ്ങളിൽ പ്രചരിപ്പിച്ചവർക്ക് വ്യക്തമായ രാഷ്ട്രീയം ഉണ്ടായിരുന്നു എന്നും ഇവർ അർത്ഥശങ്കയില്ലാതെ പറഞ്ഞു വെച്ചു...  പ്രചരിപ്പിച്ചതിലെ തെറ്റാണ് ഇവർ ചർച്ച ചെയ്തത്...  അത് വായിച്ച ബഹുഭൂരിപക്ഷം ഹിന്ദു അമ്മമാരിലും, സഹോരദിമാരിലും ആ വരികൾ അമർഷം ഉണ്ടാക്കിയതെന്ത് എന്ന് മാത്രം  ചർച്ച ചെയ്യാൻ ഈ സമൂഹം മടികാട്ടി നിന്നു...

     മീശയിലെ കഥാപാത്രങ്ങളുടെ സംസാരമായിക്കണ്ടു സമാധാനപ്പെടാൻ പലർക്കും കഴിഞ്ഞില്ല എന്നതാണ് സത്യം... കാരണം ആ കഥയിലെ കഥാപാത്രമായ ഏതെങ്കിലും ഒരു സ്ത്രീ ലൈംഗീക വേഴ്ചയിൽ ഏർപ്പെടാൻ അമ്പലത്തിൽ പോകുന്നു എന്നല്ല പറയുന്നത്...  എന്തിനാണ് ഈ പെൺകുട്ടികൾ നല്ല വസ്ത്രങ്ങൾ ധരിച്ചു സുന്ദരികളായി പോകുന്നത്... അത് ലൈംഗീക വേഴ്ചക്ക് തയ്യാറാണെന്ന് പ്രഖ്യാപിക്കാനാണെന്നാണ് പറയുന്നത്... അവിടെ അമ്പലത്തിൽ പോകുന്ന എല്ലാ പെൺകുട്ടികളുടെയും ഉദ്ദേശം ഈ വിധമാണെന്നു സമർഥിക്കുന്നു എന്നും അത് തങ്ങൾക്ക് അപമാനകരമാണെന്നും ക്ഷേത്രത്തിൽ പോകുന്ന ഒരു സ്ത്രീ പറയുന്നതിൽ എന്താണ് തെറ്റ്?? അത് സ്ത്രീത്വത്തിനെതിരെയുള്ള ഒരു ആവിഷ്ക്കാരമായി കാണുന്നവരെ എങ്ങനെ കുറ്റപ്പെടുത്താൻ കഴിയും??

     കഥാപാത്രം പറയുന്നത് കഥാപാത്രമായും,, പൊതുവായി സമൂഹത്തിനെ അഡ്രസ് ചെയ്തു പറയുന്നത് അങ്ങനെയും,, എന്റേതെന്നും നിന്റേതെന്നും പറയുന്നത് എങ്ങനെയെന്നും വ്യക്തമാക്കാനുള്ള ബാധ്യത കഥാകൃത്തിനുണ്ട്... കഥാപാത്രം സംസാരിച്ചാലും അത് സമൂഹത്തിനെയോ ഒരു വിഭാഗത്തിനെയോ ഒന്നാകെ അപകീർത്തിപ്പെടുത്തുന്നതാകരുത്... തന്റെ ആവിഷ്‌ക്കാര സ്വാതന്ത്ര്യം സൃഷ്ട്ടികൾക്കിടയിൽ മാത്രമേ അനിയന്ത്രിതമായി വിനിയോഗിക്കാൻ കഥാകൃത്തിനു സ്വാതന്ത്ര്യമുള്ളു... മറിച്ചു സമൂഹത്തിനു നേരെ ആ സ്വാതന്ത്ര്യം വിനിയോഗിക്കുമ്പോൾ അത് ചെന്ന് തറക്കാൻ സാദ്ധ്യതയുള്ള ഇടങ്ങളുടെയെല്ലാം സ്പന്ദനം തിരിച്ചറിയാൻ കഴിയുന്നതാണ് കഥാകൃത്തിന്റെ മേന്മ...  ഒരു നിസ്സാര ഉദാഹരണം പറയാം... അടുത്ത കാലത്ത് വളരെ ഹിറ്റായ ഒരു പാട്ടാണല്ലോ

      ''എന്റമ്മേടെ ജിമിക്കിക്കമ്മൽ, എന്റപ്പൻ കട്ടോണ്ടു പോയി,, എന്റപ്പന്റെ ബ്രാണ്ടിക്കുപ്പി എന്റമ്മ കുടിച്ചു തീർത്തേ""

     ഈ പാട്ടിന്റെ ഗുണദോഷങ്ങളല്ല ചർച്ച ചെയ്യാൻ ഉദ്ദേശിക്കുന്നത്... ഈ വരികൾ  ""എന്റമ്മേടെ ജിമിക്കിക്കമ്മൽ എന്റപ്പൻ കട്ടോണ്ടു പോയി എന്ന് പാടിയതുകൊണ്ടാണ് ഈ പാട്ട് പരുക്കുകളില്ലാതെ രക്ഷപ്പെട്ടത്... അതിനു പകരം "" നിന്റമ്മേടെ  ജിമിക്കിക്കമ്മൽ നിന്റപ്പൻ കട്ടോണ്ടു പോയി"" എന്ന് പാടിയിരുന്നെങ്കിൽ പാട്ടു കേൾക്കുന്നവൻ ഒക്കെ പാടുന്നവനെ തല്ലിയേനേം...

     സമൂഹത്തിലാകമാനമായോ, ഏതെങ്കിലും ഒരു വിഭാഗത്തിലോ നിലനിൽക്കുന്ന അനീതിക്കോ, അനാചാരത്തിനോ എതിരെയുള്ള പ്രതിഷേധമോ ഉത്ബോധനമോ ആയിരുന്നു ഈ സൃഷ്ടി എങ്കിൽ കഥാകാരൻ അതിരു വിടുന്നതിനെ ന്യായീകരിക്കാമായിരുന്നു... ചില അവസ്സരങ്ങളിൽ പ്രസ്തുത വിഷയത്തിനെതിരെയുള്ള ആക്രമണമായി അത്തരം സൃഷ്ടികളും ആവശ്യമായി വന്നേക്കാം... എന്നാൽ മീശയിൽ എന്ത്?? ഒരു വിഭാഗത്തിൽപ്പെട്ടവരും; ഇത് ഒരു അനാചാരത്തിനെതിരെയുള്ള ശബ്ദമല്ലേ??, അനാവശ്യ പ്രതിഷേധങ്ങൾ ഉയർത്തി അതിന്റെ മൂർച്ച കെടുത്തേണ്ടതില്ലല്ലോ എന്ന് കരുതേണ്ട ആവശ്യമില്ല...

     മീശയിലെ ഹിന്ദു സ്ത്രീകളുടെയും, സമൂഹത്തിന്റെയും പ്രതിഷേധം മതവികാരം വൃണപ്പെട്ടു എന്ന ആവലാതി പറഞ്ഞു കൊണ്ടാണെന്ന് കരുതുക വയ്യ... അമ്പലത്തിൽ ഉടുത്തൊരുങ്ങി ലൈംഗീക വേഴ്ചക്കു പോകുന്നു എന്ന ചിന്ത മതവികാരത്തെയല്ല മറിച്ചു് സ്വന്തം അഭിമാനത്തെയാണ് മുറിപ്പെടുത്തുന്നത്... മതവികാരത്തെ വൃണപ്പെടുത്തുന്നു എന്നരീതിയിലാണ് ഇവിടെ പ്രതിഷേധം ഉയർന്നുവന്നത് എന്ന പ്രചാരണം തെറ്റാണ്... പ്രതിഷേധിക്കുന്നവരെ ഒരു പ്രത്യേക വിഭാഗമാക്കി മാറ്റിനിർത്താനുള്ള ആസൂത്രിതമായ നീക്കമായിരുന്നു ഈ പ്രതിഷേധത്തിന് മതത്തിന്റെ നിറം ചാർത്തി നൽകിയത്...

     മീശയിലെ വരികളിൽ അൽപ്പം മാറ്റം വരുത്തി ചിന്തിച്ചു നോക്കൂ...
പെണ്കുട്ടികൾ എന്തിനാണിങ്ങനെ കുളിച്ചു സുന്ദരികളായി കോളേജിൽ പോകുന്നത്??പഠിക്കാൻ.. ഞാൻ പറഞ്ഞു.. നീ ഒന്നു കൂടി സൂക്ഷിച്ചു നോക്ക്... ഏറ്റവും നല്ല വസ്ത്രങ്ങൾ ഏറ്റവും ഭംഗിയായണിഞ്ഞു ഏറ്റവും ഒരുങ്ങി എന്തിനാണ് പോകുന്നത്?? തങ്ങൾ ലൈംഗീക ബന്ധത്തിൽ ഏർപ്പെടാൻ തയ്യാറാണെന്ന് ബോധപൂർവ്വമായി പ്രഖ്യാപിക്കുകയാണവർ...

     അമ്പലം എന്നതിനെ ഒഴിവാക്കി ആലോചിക്കൂ... അമ്പലം എന്ന വാക്കിനു പകരം കോളേജ് എന്നായിരുന്നെങ്കിൽ ഇവിടുത്തെ സകല രാഷ്ട്രീയക്കാരും, സ്ത്രീപക്ഷക്കാരും മീശയുടെ സൃഷ്ട്ടാവിനെതിരെ വാളെടുക്കുമായിരുന്നില്ലേ... അവിടെ ഉയരുന്ന പ്രതിഷേധ സമരങ്ങളെ ഇവർ സംഘപരിവാർ ഫസ്സിസ്സം എന്ന് വിളിക്കുമായിരുന്നോ?? ഇല്ലേ ഇല്ല... അപ്പോൾ അമ്പലം എന്ന പ്രയോഗമാണ് മീശയെ അനുകൂലിക്കാൻ ഒരു വിഭാഗത്തിന് പ്രേരണ ആയതും മീശക്കെതിരെയുള്ള പ്രതിഷേധം ഉയർത്തുന്നവർ ഫസിസ്റ്റുകൾ ആയതിനും കാരണം... മാധ്യമങ്ങൾ,, രാഷ്ട്രീയക്കാർ,, സാംസ്ക്കാരിക നായകർ തുടങ്ങിയവർ ഒരേ അടിസ്ഥാന വിഷയങ്ങളിൽ കാട്ടുന്ന ഇത്തരം ഇരട്ടത്താപ്പുകളാണ്  അവഗണിക്കുന്നവരെ  ഒന്നിപ്പിക്കുന്ന പ്രേരക ശക്തിയാകുന്നത്.....

     ലോകത്താകമാനം സൃഷ്ട്ടികൾ കാരണം വികാരം വൃണപ്പെടുന്നു എന്ന ചിന്തയും പ്രതിഷേധവും തുടങ്ങി വെച്ചത് ഇസ്ളാം വിഭാഗമാണ്.... ഈ തലമുറ ഓർത്തുവെയ്ക്കുന്ന അതിൽ പ്രധാനപ്പെട്ടത് തസ്ലിമ നസ്സിന്റെ ലജ്ജക്കെതിരെയും,, സൽമാർ റുഷ്ദിയുടെ ദി സാത്താനിക് വേർസ്ഡ് ന് എതിരെയും ഉയർന്ന കൊലവിളികളാണ്... ഫ്രാൻസിലെ ചാർളി എൽദോം മിൽ പ്രവാചകന്റെ കാർട്ടൂൺ വരച്ചു എന്നു പറഞ്ഞു പന്ത്രണ്ടുപേർ തോക്കിനിരയായപ്പോൾ അവയെയെല്ലാം ആഗോള വിഷയങ്ങളായിക്കണ്ട് നമ്മൾ ചിരിച്ചു തള്ളി...  മീശയുടെ പ്രസാധകരായ മാതൃഭൂമി പോലും ഇസ്ളാം നിന്ദ നടത്തി എന്ന ആരോപണത്തിന്റെ പഴികേട്ടപ്പോൾ മതവികാരം വൃണപ്പെടുന്നു എന്ന ചിന്തയുടെ ചൂടുകാറ്റ് നമ്മളും അറിഞ്ഞു... കേരളത്തിൽ ഈ വിധമായ ആക്രമണങ്ങൾ അന്യവും, വിരളവും ആയിരുന്നു...ആകെ പറയാനുണ്ടായിരുന്നത്  പി എം ആൻറണി യുടെ ക്രിസ്തുവിന്റെ ആറാം തിരുമുറുവിനെതിരെ നടന്ന ക്രിസ്തീയ പ്രതിഷേധം ആയിരുന്നു... അത് ശ്രീ കെ കരുണാകരനുമായി നടത്തിയ വിലപേശൽ തന്ത്രമായിരുന്നു എന്നത് അരമന രഹസ്യം... 

     തങ്ങളുടെ മതത്തിലേക്ക് ഒരിക്കലും വിമർശം കടന്നു വരരുത് എന്നും സ്വതന്ത്രമായ ചിന്താഗതി ഉണ്ടാകാൻ പാടില്ല എന്നും ഉള്ള ഉറച്ച ആലോചനയിൽ രൂപപ്പെടുത്തിയ മൂടുപടമാണ് ഇക്കൂട്ടർ ഉയർത്തുന്ന മതവികാര ചിന്ത...  
ചില സംഭവങ്ങളെ ചേർത്തുവെച്ചു മതവികാരം വൃണപ്പെട്ടു എന്ന് അവർ  പ്രഖ്യാപിച്ചുകൊണ്ട് അക്രമങ്ങൾ 
അഴിച്ചു വിടും.          കൂടുതൽ ആളുകളെ വിമർശനങ്ങൾക്ക് മുതിരാതെ  ഭയപ്പെടുത്തുക എന്നതാണ് അതിനു പിന്നിലെ തന്ത്രം... കൂടാതെ ഭരണ കൂടത്തെ ഭീഷണിപ്പെടുത്തുകയും, വിലപേശുകയുമാകാം...  ഇത്രനാളും അവർ അതിൽ വിജയിച്ചു തന്നെ നിന്നു... അതേ സമയങ്ങളിൽ   ടി ജെ ആൻറണി ദേവീ വിഗ്രഹത്തിൽ കാർക്കിച്ചു തുപ്പിയും,, ബഷീർ ഭഗവതിഗീതയും കുറെ മുലകളും എഴുതിയും അര്മാദിച്ചു നടക്കുകയായിരുന്നു... കാരണം ഹിന്ദുവിന്റെ സഹിഷ്ണതയും, വിശാല ചിന്തയും അനുകരണീയമാം വിധം നിലനിന്നിരുന്നു... മീശ വിഷയത്തിൽ ഹിന്ദുവിന് ആ സഹിഷ്ണതയല്ല നഷ്ടപ്പെട്ടത്... മറിച്ചു ക്ഷേത്രത്തിൽ പൊകുന്ന ഓരോ സ്ത്രീക്കും സ്വയവും,, തന്റെ വീട്ടിൽ നിന്നും ക്ഷേത്രത്തിൽ പോകുന്ന സ്ത്രീയെക്കുറിച്ചു പുരുഷനും ഉയർന്ന സാഭിമാനത്തിന്റെ വിഷയമായിരുന്നു..... 

     മതവികാരം വൃണപ്പെട്ടു എന്ന കാരണത്തിൽ കൃതികൾ പിൻവലിക്കേണ്ടി വരുകയോ,, നിരോധിക്കുകയോ ചെയ്തപോലെ സന്മാർഗ്ഗത്തിനെതിരെ സഞ്ചരിക്കുന്നു എന്നപേരിലും കൃതികൾ  നിരോധിക്കപ്പെട്ട സംഭവങ്ങൾ ലോകചരിത്രത്തിൽ വിരളമല്ല... ഹിന്ദു വിഭാഗം നാടിനു അപമാനമാകും വിധം പുതിയതായി അവതരിപ്പിച്ച പ്രക്ഷോഭമല്ലിത് എന്ന് പറയാൻ വേണ്ടിയാണിത് പറയുന്നത്... ബ്രിട്ടീഷ് എഴുത്തുകാരനായിരുന്ന ഡി എച് ലോറൻസിന്റെ "" ലേഡി കാതറീന്റെ ലവർ"" എന്ന പുസ്തകത്തിനു ഭ്രഷ്ട്ട് കൽപ്പിക്കാൻ കാരണം "അരക്കെട്ടിനു താഴെയുള്ള ഭാഗമാകെ തളർന്നു പോയ ഒരുവന്റെ ഭാര്യക്ക് ശാരീരികാവശ്യത്തിന്റെ പേരിൽ പരിചാരകനുമായി ലൈംഗീക വേഴ്ചയിൽ ഏർപ്പെടാൻ അധികാരമുണ്ട്"" എന്ന പരാമർശമാണ്.... സമാനമായതോ അതിനപ്പുറമോ പരാമർശങ്ങൾ നടത്തിയ എത്രയോ കൃതികൾ ലോകസാഹിത്യത്തിൽ മുൻകാലങ്ങളിലും,, വർത്തമാനകാലത്തും ഉണ്ടാകും??? ഭാവിയിലും ഉണ്ടാകും... അവയിൽ ചിലതൊക്കെ പ്രക്ഷോഭങ്ങളെ നേരിടേണ്ടിയും വരും... 

     മീശക്കെതിരെ പ്രക്ഷോഭം നടത്തിയവരെ പരിഹസിക്കുന്നവർ ആശ്രയിക്കുന്നത് കുമാരസംഭവത്തിൽ കാളിദാസൻ ദേവിയുടെ ശരീര വർണ്ണന നടത്തുന്നതും,, ലളിത സഹസ്രനാമത്തിലും,, ഭഗവത് ഗീതയിലും,, ശ്യാമളാ ദണ്ഡകത്തിലും,, സൗന്ദര്യ ലഹരിയിലും പരന്നുകിടക്കുന്ന കാമ- ശൃംഗാര ഭാവങ്ങളുടെ സാനിദ്ധ്യവുമാണ്.... പുരാതന ഹിന്ദു ക്ഷേത്രങ്ങളിലെ ശില്പങ്ങളും അവയിൽ പ്രകടമായ കാമകലയുടെ ഉദാത്ത ഭാവങ്ങളെയും ഇവർ കൂട്ടുപിടിക്കുന്നു.... ക്ഷേത്രവുമായി ബന്ധപ്പെട്ട എല്ലാത്തിലും ഈ വിധമായി ലൈംഗീകത പ്രകടമാകുമ്പോൾ 'മീശ' യിലെ പരാമർശത്തിന് മാത്രം എന്താണ് തെറ്റ് എന്നാണ് ഇവർ ചോദിക്കുന്നത്... വലിയ കറുത്തിരുണ്ട ശരീരവും, കപ്പടാമീശയും, ക്രൂര മുഖഭാവവുമുള്ള ഒരു പോലീസ് ഓഫീസർ വലിയ ഗൗരവത്തിൽ വന്നു സ്ത്രീ ശബ്ദത്തിൽ സംസ്സാരിക്കുന്നതു പോലെ യാണ് ഈ ചോദ്യം കേൾക്കുമ്പോൾ തോന്നുന്നത്.. വലിയ സാംസ്ക്കാരിക നായകരെന്നും,, മാധ്യമ മഹാരാധങ്ങളെന്നും സ്വയം വിശേഷിപ്പിക്കുന്നവർ വലിയ ഗൗരവത്തിൽ മുന്നോട്ടു വന്നു ചോദിക്കുന്ന ചോദ്യമാണിത്... മീശയിലെ ഒരു നാലാംകിട വാചകത്തോട് ഉപമിക്കുന്നത് കാളിദാസ കൃതികളും,, ലളിത സഹസ്രനാമവും,, ഭഗവത് ഗീതയും,, ശ്യാമളാ ദണ്ഡകവും,, സൗന്ദര്യ ലഹരിയും... ഇവർ ക്ഷേത്ര ശില്പങ്ങളിൽ നോക്കി നിന്നത് ശില്പ കല ആസ്വദിക്കാനായിരിക്കില്ല.. ശില്പ്പ കലയിലെ ലൈംഗീക ആവിഷ്ക്കാരം കണ്ട് സ്വയം ഉദ്ധരിക്കപ്പെടാനായിരുന്നിരിക്കണം... 

     "മുത്തണിസ്ഥനയുഗം പതിഞ്ഞതായി മെത്തമേലേരിയ പാടുകാൺപു ഞാൻ 
ചിത്തമോഹിനീ മലർന്നതിൽക്കിടന്നത്തൽ പൊക്കിയതിനുണ്ടു ലക്ഷണം""

എന്ന വരിയിലെ മനോഹാരിത 

""വരത്തന്റോപ്പം ഒളിച്ചു ചാടിയ തങ്കമ്മേ,, നിന്റെ പരക്കം പാച്ചലിനൊടുക്കം കിട്ടിയോടീ തങ്കമ്മേ"" 

എന്ന വരികൾക്കില്ല എന്ന്  മനസ്സിലാക്കാൻ കഴിവില്ലാത്തവരാണോ ഇവിടുത്തെ സ്വയം പ്രഖ്യാപിത സാംസ്ക്കാരിക നായകരും,, മാധ്യമ സിംഹങ്ങളും?? 

     ഹിന്ദു മതവും,, ആചാരവും ഒരു സംസ്ക്കാരമാണെന്ന് പറയുന്നത് എന്തുകൊണ്ടെന്നു തിരിച്ചറിയാത്ത ശുംഭന്മാരാണ്  ഇത്തരം ചോദ്യങ്ങൾ ഉയർത്തുന്നത്... കേവലം ദൈവീക ആരാധന മാത്രമായിരുന്നു ഹിന്ദു മതമെങ്കിൽ അത് മറ്റു മതങ്ങളെപ്പോലെ കേവലം ഒരു മതം മാത്രമാകുമായിരുന്നു.... ഒരു സംസ്‌കാരത്തിന്റെയും,, സമൂഹത്തിന്റെയും സമസ്ത മേഘലയും ഹിന്ദു മതത്തിൽ പ്രതിഫലിച്ചിരുന്നു... അതിൽ ദൈവീകമായ ആചാരങ്ങളും,, കലയും,, സാഹിത്യവും,, നൃത്തവും,, സംഗീതവും,, രതിയും,, ശൃംഗാരവും,, സംഘർഷവും,, വൈദ്യവും,, യോഗയും എന്നു തുടങ്ങി മാനവ രാശിയുടെ സമസ്ത മേഖലകളും ഉൾക്കൊണ്ടിരിക്കും.... ഹിന്ദു മതത്തിന്റെ കേന്ദ്രബിന്ദുവായി വർത്തിച്ചിരുന്നത് ക്ഷേത്രങ്ങൾ ആയിരുന്നതിനാൽ ഇതിന്റെയെല്ലാം പ്രതിഫലനവും, വിവരണവും ക്ഷേത്രത്തിന്റെ വിവിധ ഭാഗങ്ങളിൽ കാണുവാൻ കഴിയും... ക്ഷേത്രങ്ങളുടെ ആധാരമായ ഗ്രന്ഥങ്ങളിലും മറ്റും ഇതേ വിവരങ്ങൾ ഉണ്ടാവുക സ്വോഭാവികം മാത്രം... എന്ന് കരുതി ബുദ്ധിജീവികൾ കരുതുന്നതുപോലെ ഇവയൊന്നും ആരും ലൈംഗീക ഉത്തേജനത്തിന് കണ്ടിരുന്ന മാർഗ്ഗങ്ങളല്ല... ഇവിടുത്തെ യഥാർഥ ഹിന്ദു സമൂഹത്തോട് ചേർത്തു നോക്കുമ്പോൾ ആധുനിക ബുദ്ധി ജീവികൾക്ക് ഇല്ലാതെ പോകുന്നത് ഈ തിരിച്ചറിവാണ്.... 

     കാമത്തെയും, ലൈംഗീകതയേയും ഒരിക്കലും സമൂഹം മോശമായി കണ്ടിട്ടില്ല.. അതിന്റെ വർണ്ണനകളും,, വിവരണങ്ങളും,, വെളിവാക്കലുകളും പ്രസ്ഥുത കൃതിയുടെ കലാപരമായ സമീപനത്തെക്കൂടി ചേർത്തുവെച്ചാണ് സമൂഹം വിലയിരുത്തുന്നത്... തോമസ്സിന്റെ സുവിശേഷത്തിൽ ക്രിസ്തു പറയുന്നുണ്ട് "" ലജ്ജ കൂടാതെ നിങ്ങൾ ശരീരം അനാവരണം ചെയ്യുമ്പോൾ നിങ്ങൾ വസ്ത്രങ്ങൾ ഊരി കാല്ക്കലെറിഞ്ഞു കുഞ്ഞുങ്ങളെപ്പോലെ അവയെ ചവിട്ടി തേയ്ക്കുമ്പോൾ ഞാൻ നിങ്ങളുടെ അരികിൽ വീണ്ടുമെത്തും"".... തോമസ്സിന്റെ സുവിശേഷത്തിലോ,, അജന്താ ശില്പങ്ങളിലോ,, കാളിദാസന്റെ ദേവീ വർണ്ണനയിലോ ആരും അസഭ്യത കണ്ടിരുന്നില്ല... മറ്റാരെയെങ്കിലും അപകീർത്തിപ്പെടുത്തുന്നതായോ,, ലജ്ജിപ്പിക്കുന്നതായോ അതിലൊന്നുമില്ല.... എന്നാൽ മീശയെ പിന്തുണക്കുന്നവർ ഒന്നു മനസ്സിലാക്കണം;; യാതൊരു സാഹിത്യഭംഗിയുമില്ലാത്ത വരികളിൽക്കൂടി സ്പഷ്ടമായി കഥാകൃത്ത് ക്ഷേത്രത്തിൽ പോകുന്ന സ്ത്രീകളെ ആകമാനം അസഭ്യം പറഞ്ഞിരിക്കുകയാണ്... ക്ഷേത്ര വാതിൽക്കൽ നിന്നുകൊണ്ട് ക്ഷേത്രത്തിലേക്ക് പ്രവേശിക്കുന്ന സ്ത്രീകളെ ഉച്ചത്തിൽ അസഭ്യം പറയുന്ന ഒരു ആഭാസ്സനപ്പുറം നിലവാരം മീശയുടെ സൃഷ്ട്ടാവിനില്ലെന്ന് നിസ്സംശയം പറയാം....

     മീശക്കെതിരെ ഉയർന്നു വന്ന പ്രതിഷേധം മത വികാരം വൃണപ്പെടുത്തി എന്ന് പറഞ്ഞുകൊണ്ടുള്ള വിലകുറഞ്ഞ സമരമായിരുന്നില്ല... ക്ഷേത്രത്തിൽ പോകുന്ന സ്ത്രീകളുടെ ആകമായ അഭിമാനത്തിനേറ്റ ക്ഷതത്തിൽ നിന്നും ഉയർന്ന വികാരമായിരുന്നു അത്... എന്നാൽ മീശക്കെതിരെ ഉയർന്ന ശബ്ദം രാഷ്ട്രീയാധിഷ്ഠിതമാണെന്നു പ്രചരിപ്പിക്കുന്നവരുണ്ട്... അത്തരം പ്രചാരണങ്ങൾക്ക് രാഷ്ട്രീയമുണ്ട്...  സംഘപരിവാർ നടത്തുന്ന മത ധ്രുവീകരണത്തിനുള്ള മാർഗ്ഗമായാണ് മീശയെ ഉപയോഗിക്കുന്നത് എന്ന് ഇടതുപക്ഷ ചിന്തകർ പ്രചരിപ്പിച്ചു... ആ പ്രചാരണത്തിൽ നിന്നാണ് "മീശ" യുടെ രാഷ്ട്രീയ രോമങ്ങൾ കിളിർക്കുന്നത്... 

     സംഘപരിവാർ മീശക്കെതിരെ നിലപാടെടുത്തപ്പോൾ സംഘപരിവാർ രാഷ്ട്രീയമാണെന്ന് പ്രചരിപ്പിച്ചവർക്ക് രാഷ്ട്രീയമായി നേട്ടമുണ്ടാക്കാൻ കഴിഞ്ഞു എന്നു വേണം കരുതാൻ... മറ്റു രാഷ്ട്രീയ പാർട്ടികളിൽ പ്രവർത്തിക്കുന്ന ഹിന്ദുക്കളായ ആൾക്കാരുടെ ആകമാനമായ എതിർപ്പിനെ ഒഴിവാക്കി സംഘപരിവാറിനെ പിന്തുണക്കുന്നവരുടെയും സ്വാഭിമാനികളായ ഒരുകൂട്ടം ഹിന്ദുക്കളുടേയും മാത്രം പ്രക്ഷോഭമായി മീശക്കെതിരെയുള്ള സമരത്തെ ചുരുക്കിനിർത്താൻ അവർക്കു കഴിഞ്ഞു... ഇടതു പക്ഷത്തുള്ള ഹിന്ദു സഖാക്കളെപ്പോലും അമർഷത്തിലാക്കിയ പരാമർശമായിരുന്നു മീശയിൽ ഉണ്ടായിരുന്നതെങ്കിലും നേതൃത്വത്തിന്റെ നിലപാടിനനുസ്സരിച്ചു അവർ പ്രചാരവേലകൾ നടത്തി... പതിവുപോലെ ഇതിൽ നിന്നും എന്തെങ്കിലും ന്യൂനപക്ഷ പ്രീണനത്തിനായി ലഭിക്കുമോ എന്ന് തിരഞ്ഞു ഇടതു വലതന്മാർ പ്രസ്ഥാവനകൾ ഇറക്കി... എന്നാൽ ഇതുപോലെ ഒരു പരാമർശം തങ്ങളുടെ പള്ളികളിൽ വരുന്നവരെക്കുറിച്ചായിരുന്നെങ്കിൽ എന്ന് സ്വയം ചിന്തിച്ച ഇസ്‌ലാമിക- ക്രിസ്ത്യൻ സഹോദരങ്ങൾക്ക് ഹിന്ദുക്കളോട് സഹതാപമായിരിക്കും തോന്നിയിട്ടുണ്ടാവുക... എന്തായാലും അവർ മാതൃകാപരമായ മൗനം പാലിച്ചു രാഷ്ട്രീയ കക്ഷികളുടെ വിളവെടുപ്പിനുള്ള അവസ്സരം നഷ്ടപ്പെടുത്തിക്കളഞ്ഞു..... 

     രചനകൊണ്ടോ,, പ്രഭാഷണംകൊണ്ടോ,, അംഗവിക്ഷേപംകൊണ്ടോ മറ്റൊരുവന്റെ വികാരങ്ങൾക്ക് മുറിവേൽപ്പിക്കാൻ ആർക്കും അധികാരമില്ല എന്നതാണ് പൊതു നിയമം.. മീശയിലെ പ്രയോഗങ്ങൾക്ക് ആവിഷ്‌ക്കാര സ്വാതന്ത്ര്യത്തിന്റെ യാതൊരു ആനുകൂല്യവും അർഹിക്കുന്നില്ല... കവലയിൽ ജനമദ്ധ്യത്തു നിന്ന് ഉച്ചത്തിൽ അസഭ്യം വിളിച്ചു പറയുന്ന ഒരു സാമൂഹ്യദ്രോഹി മാത്രമാണ് ഇവിടെ കഥാകൃത്ത്... കാര്യങ്ങൾ വളരെ നിസ്സാരമാണ്.. കവലയിലെ അസഭ്യവർഷം അധികമായാൽ ജനം ഇടപെടും... ഇവിടെയും ജനം ഇടപെട്ടു... മീശ വിഴുങ്ങേണ്ടിയും വന്നു.....

[Rajesh Puliyanethu
 Advocate, Haripad]

ക്ഷേത്രസ്വത്ത് മൂർത്തിയുടേത്,, ഭരണം വിശ്വാസ്സിയുടെ അവകാശം......

  
       ക്ഷേത്രഭരണവും, സ്വത്തും വിശ്വാസ്സിയേക്കാൾ അവിശ്വാസ്സി കൈയ്യാളുന്നതായാണ് കണ്ടു വരുന്നത്... ക്ഷേത്ര നടത്തിപ്പിനെയും, ധനവിനിയോഗത്തെയും കുറിച്ച് കൂടുതൽ ചർച്ചകൾ ചെയ്യുന്നതും അവിശ്വാസ്സിയാണ്... വിശ്വാസ്സിയുടെ വിശ്വാസ്സങ്ങളിൽ ഊന്നി മാത്രമാണ് ക്ഷേത്രത്തിന്റെ പണമുൾപ്പടെ ഏതൊന്നിന്റെയും സാരം എന്നിരിക്കെ "അവിശ്വാസ്സികൾക്ക് ക്ഷേത്രകാര്യങ്ങളിൽ എന്ത് കാര്യം" എന്നത് പ്രസക്തമായ ചോദ്യമാണ്....

       വിശ്വാസ്സങ്ങൾക്ക് അനുസ്സരിച്ച് ജീവിക്കാനും,, വിശ്വാസ്സങ്ങളെ സംരക്ഷിക്കാനും മൗലീക അവകാശമായി ഭരണഘടന അംഗീകരിച്ചു തരുന്ന ഈ രാജ്യത്ത് തന്റെ വിശ്വാസ്സങ്ങളുടെ കേന്ദ്രമായി കാണുന്ന ക്ഷേത്രങ്ങൾ ശരിയായ വിധത്തിൽ തന്റെ വിശ്വാസ്സങ്ങൾക്ക് അനുസൃതമായി നടത്തപ്പെടുന്നുണ്ട് എന്ന് ബോധ്യപ്പെടാനുള്ള അവകാശം വിശ്വാസ്സിക്കുണ്ട്.. അതായത് ഹിന്ദുവിനുണ്ട്... ആ അവകാശം നടപ്പിലാകുന്നത് ക്ഷേത്രങ്ങളുടെ ഭരണവും,, ധനവിനിയോഗവും വിശ്വാസ്സികളുടെ കൂട്ടായ്മയായ ഒരു ഭരണസംവിധാനത്തിൽക്കൂടി നടപ്പിലാവുംപോളാണ്... ആ അവകാശമാണ് ഹിന്ദുവിന് നിഷേധിക്കപ്പെട്ടിരിക്കുന്നത്.... ആ അവകാശത്തിന്റെ സാക്ഷാത്ക്കാരത്തിനായാണ് ഓരോ ഹിന്ദുവിന്റെയും ബുദ്ധിയും, ചിന്തയും, ആത്മാഭിമാനവും ഉണരേണ്ടത്...  

       ക്ഷേത്രത്തിന്റെ സ്വത്തുവകകൾ സർക്കാരിലേക്ക് പോകുന്നു എന്നതിനെ ക്കുറിച്ചുള്ള ചർച്ചകൾ അത്രകണ്ട് പ്രാധാന്യം അർഹിക്കുന്നതാണെന്ന് തോന്നുന്നില്ല... ക്ഷേത്രങ്ങളുടെ സ്വത്ത് കൈയ്യാളുന്നതിനും, ക്ഷേത്രകാര്യങ്ങളുടെ മഹനീീയമായ നടത്തിപ്പിനും വേണ്ടി സ്വതന്ത്രഭരണാവകാശമുള്ള ദേവസ്വം ബോർഡ് ഇവിടെ ഉണ്ടെന്നാണെല്ലോ വെയ്പ്പ്!! അത്തരം സ്വതന്ത്ര ഭരണാവകാശം ഒരു മറയാക്കി വെച്ചുകൊണ്ട് രാഷ്ട്രീയ താൽപ്പര്യങ്ങൾ നിറവേറ്റാനുള്ള വസ്തുക്കളാക്കി ക്ഷേത്രത്തെയും, ക്ഷേത്ര സ്വത്തിനെയും, വിശ്വാസ്സങ്ങളെയും ഉപയോഗിക്കാൻ സാദ്ധ്യമാകും വിധം നിലനില്ക്കുന്ന ഭരണ സംവിധാനമാണ് ഇല്ലാതാകേണ്ടത്... അത്തരം ഭരണ സംവിധാനങ്ങൾ ഇല്ലാതാകാൻ ഇടതു- വലതന്മാർ ഒരിക്കലും അനുവദിക്കില്ല എന്നാ സത്യവും നാം മനസ്സിലാക്കണം.... കാലാകാലങ്ങളിൽ ഘടകകക്ഷികളെയും മറ്റും ത്രിപ്ത്തിപ്പെടുത്തി കൂടെ നിർത്താനുള്ള എല്ലും കഷ്ണങ്ങളായാണ് ദേവസ്വത്തിലെ പല പദവികളും രാഷ്ട്രീയ കക്ഷികൾ കാണുന്നത്...  


      ദേവസ്വത്തിന്റെ പണം സർക്കാർ ഖജനാവിലേക്ക് നേരിട്ടടച്ചുകൊള്ളണം  എന്ന വ്യവസ്ഥ ഇല്ലാത്തതിനാലാണ് സർക്കാർ ആ പണം ചൂഷണം ചെയ്യുന്നില്ല എന്ന് പറയുന്നത്... പക്ഷെ സർക്കാർ ഭാഗമായ ഒരു മന്ത്രി,, രാഷ്ട്രീയ പ്രതിനിധികളായ ബോർഡ്‌ പ്രസിഡണ്ട്‌, മെമ്പർമാർ ഇവർ ദേവസ്വത്തിന്റെ പണം തീനികലാണ്... ഇവരാരും വിശ്വാസ്സികളുടെ പ്രതിനിധികളായല്ല ദേവസ്വം അധികാരികളാകുന്നത്,, മറിച്ച് രാഷ്ട്രീയ പ്രതിനിധികളായാണ്.... ഇടതുപക്ഷം ദൈവവിശ്വാസ്സത്തെ പരസ്യമായി തള്ളിപ്പറയുന്നവരാണ്... ഇടതുപക്ഷം ഭരണത്തിൽ വന്നാൽ അവരുടെ പ്രതിനിധികളാണ് ദേവസ്വം ഭരണത്തിൽ എത്തുന്നത്.... അവിശ്വാസ്സികളുടെ കൂട്ടത്തിൽ നിന്നും എത്തുന്ന ദേവസ്വം ഭാരണാധികാരിയിൽ നിന്നും ഭക്തജനത്തിന് എന്ത് ക്ഷേമം ലഭിക്കും എന്നാണ് കരുതേണ്ടത്?? ദേവസ്വ ഭരണം കൈയ്യാളുന്നവരുടെ ഇടയിൽ നിന്നും ജീവനക്കാരെക്കൂടി സൃഷ്ട്ടിക്കപ്പെടുമ്പോൾ ക്ഷേത്ര ഭരണവും, പ്രവർത്തനവും വിപ്ലവ മേഘലയാകും.... ക്ഷേത്രങ്ങളിൽ വിപ്ലവം നടപ്പിലാക്കാൻ ശ്രമിച്ചാൽ അത് വിശ്വാസ്സത്തിന്റെ ച്യുതിക്കും അതുവഴി ക്ഷേത്രങ്ങളുടെ തന്നെ നാശത്തിനും ആയിരിക്കും വഴിവെയ്ക്കുന്നത്... അത് വിശ്വാസ്സി ആഗ്രഹിക്കുന്നതല്ല....  മതേതരത്വം നിലനിൽക്കുന്ന രാജ്യത്ത്,, മറ്റു മതസ്ഥർക്കിടയിൽ ഇപ്രകാരമുള്ള ഭരണക്രമങ്ങൾ നിലനില്ക്കാത്തിടത്തോളം കാലം ഇതെല്ലാം ഹിന്ദുവിന്റെ അവകാശ ലംഘനമാണ്... ശബരിമലയിലെ നടവരവ് ട്രഷറിയിലേക്ക് ഉടൻ മാറ്റണമെന്ന് സർക്കാർ നിർദ്ദേശം ഉണ്ടായെന്നാണ് മനസ്സിലാക്കുന്നത്... കേരളസർക്കാരിന്റെ ദാരിദ്യം തൽക്കാലത്തേക്ക് മറികടക്കാനുള്ള മാർഗ്ഗമാണത്... അതിന് പലിശ ലഭിക്കും എന്നതാണ് എതിർ വാദം.... ഒന്നു ചോദിക്കട്ടെ,, മറ്റ് ഏതു മതസ്ഥരുടെ പണമാണ് സർക്കാർ ഉത്തരവിൽക്കൂടി ട്രഷറിയിൽ എത്തി സർക്കാരിന്റെ ദാരിദ്രം മാറ്റുന്നത്... ഹിന്ദുവിന്റെ പണം സർക്കാരിന്റെ ഉത്തരവുകൾക്കനുസരിച്ചു വിനിയോഗികേണ്ട ഭരണ സംവിധാനം ഇവിടെ വേണോ എന്നതാണ് നമ്മൾ ചിന്തിക്കേണ്ടത്.... ദേവസ്വം പണം സർക്കാർ കടമെടുക്കുന്നതിൽ എത്ര തുക തിരികെ ദേവസ്വത്തിൽ എത്തുന്നുണ്ട് എന്നു കൂടി പഠിക്കണം....    

      ഭരണത്തിൽ മാറിമാറി വരുന്ന രാഷ്ട്രീയ കക്ഷികളുടെ ചക്കരക്കുടമാണ് ദേവസ്വം ബോർഡ്‌... അധികാരങ്ങൾ പങ്കിട്ടെടുക്കുന്ന കാര്യത്തിൽ മാത്രമല്ല... പണം പങ്കിട്ടെടുക്കുന്നതിലും അവർക്ക് പലവിധ നേട്ടങ്ങളുണ്ട്... അവയെല്ലാം രാഷ്ട്രീയ ലാഭങ്ങളായാണ് പരിവർത്തനപ്പെടുന്നത്... അത് തികഞ്ഞ അനീതിയാണ് എന്നതിൽ എന്താണ് സംശയം അവശേഷിക്കുന്നത്?? മതാചാരങ്ങളുടെയും, വിശ്വാസ്സങ്ങളുടെയും, ഭക്തിയുടെയും, അടിസ്ഥാനത്തിൽ സ്വോരൂപിക്കപ്പെടുന്ന പണം അവയുടെയെല്ലാം ഉന്നമനത്തിനായാണ് പരിവർത്തനപ്പെടുത്തേണ്ടത്.... മറിച്ച് രാഷ്ട്രീയ നേട്ടങ്ങൾക്കല്ല.... ഭക്തിയിൽ നിന്നും വിശ്വാസ്സങ്ങളിൽ നിന്നും ഏറെ അകലം പാലിക്കേണ്ട 'രാഷ്ട്രീയം' എന്ന ചിന്ത ഭക്തിയേയും വിശ്വാസ്സങ്ങളെയും ഭരിക്കുന്ന അവസ്ഥ പ്രതിലോമപരവും, ദയനീയവുമാണ്.....    

       മതേതരത്വം എന്ന വാദം മറ്റൊരുവന്റെ മതത്തെ അങ്ങീകരിക്കുകയും, ബഹുമാനിക്കുകയും ചെയ്യുക എന്നതാണ് മുന്നോട്ട് വെയ്ക്കുന്നത്... മറിച്ച് ഒന്ന് മറ്റൊന്നിലേക്ക് കടന്നു കയറുക എന്നല്ല... ഹിന്ദുവിന്റെ ക്ഷേത്രങ്ങൾ ആരു ഭരിക്കണം, പണം എങ്ങനെ വിനിയോഗിക്കണം എന്നൊക്കെ മറ്റു മതസ്ഥർ അഭിപ്രായ പ്രകടനങ്ങൾ നടത്തുമ്പോൾ അത് അസ്വസ്ഥതകളാണ് സൃഷ്ട്ടിക്കുന്നത്... വഴിയിലെ ചെണ്ട പോലെയാണ് ഹിന്ദുവിന്റെ അവസ്ഥ... ആർക്കും പുരോഗമനം കൊണ്ടുവരാനും,, വിപ്ലവം പറയാനും,, ഹിന്ദുവിന്റെ താൽപ്പര്യങ്ങൽക്കൊ ആചാര അനുഷ്ട്ടാനങ്ങൾക്കോ എതിരേ സംസ്സാരിച്ചാൽ മതിയെന്ന അവസ്ഥ ആയിട്ടുണ്ട്‌... അതിനെല്ലാം ജയ് വിളിച്ചു നടക്കുന്ന ഹിന്ദു തന്നെയാണ് ഹിന്ദുവിന്റെ ശത്രു എന്ന് എടുത്തു പറയേണ്ടതില്ലല്ലോ?? 

       ശ്രീ പദ്മനാഭസ്വാമി ക്ഷേത്രത്തിലെ സ്വത്ത് വെളിവായ അവസ്സരത്തിലെ ചർച്ചകളും, കോലാഹലങ്ങളും നമ്മൾ കണ്ടതാണ്... [[[ശ്രീ പദ്മനാഭസ്വാമിയുടെ സ്വത്ത്........]]] ഒരു ക്രിസ്ത്യൻ- മുസ്ലീം പള്ളിയിൽ നിന്നായിരുന്നു അത്രയും വലിയ നിധിശേഖരം കണ്ടെത്തിയിരുന്നതെങ്കിൽ ഏതെങ്കിലും ഒരു രാഷ്ട്രീയ കക്ഷി അത് രാജ്യത്തിന്റെ പൊതു ആവശ്യത്തിനായി ചെലവഴിക്കണം എന്ന് പറയുമോ?? ഏതെങ്കിലും ഹിന്ദു സംഘടന പോലും അപ്രകാരം ഒരു അഭിപ്രായം പറയാൻ സാദ്ധ്യതയില്ല... പക്ഷെ ഹിന്ദുവിന്റെ അശക്ത്തി എല്ലാവർക്കും തിരിച്ചറിയാം... അതിനാൽ ഹിന്ദുവിനെതിരെ സംസ്സാരിച്ച് ഇതരമതസ്ഥരുടെ പ്രീതിക്കായി രാഷ്ട്രീയപാർട്ടികൾ മൽസ്സരിക്കുന്നു....

       ഹിന്ദുവിനെതിരെ ഉള്ള പ്രവർത്തനങ്ങളിലും,, മറ്റു മതങ്ങളെ പ്രീണിപ്പിക്കുന്നതിൽ രാഷ്ട്രീയ പാർട്ടികൾ കാട്ടുന്ന മൽസ്സരത്തിലും ഉള്ള പ്രതിഷേധം എന്ന നിലയിൽ ഉയർന്നുവന്ന ഹിന്ദു എകീകരണത്തെ തകർക്കുക എന്ന ലക്ഷ്യത്തിൽ മതേതര പാർട്ടികൾ എന്ന് സ്വയം പുകഴ്ത്തുന്ന തികഞ്ഞ ന്യൂനപക്ഷ പ്രീണന പാർട്ടികൾ ഒറ്റക്കെട്ടായി രംഗത്തു വന്നിരിക്കുന്നു. [[[ക്ഷേത്രങ്ങളിലേക്ക് ഒളിഞ്ഞു നോക്കുന്ന രാഷ്ട്രീയം...!!]]]  ക്ഷേത്രങ്ങളെയും വിശ്വാസ്സങ്ങളെയും അതുവഴി വിശ്വാസ്സിയെയും തകർക്കുക എന്നതാണ് അവരുടെ ലക്‌ഷ്യം.... അതിനാൽ ക്ഷേത്രങ്ങളെ സംരക്ഷിക്കേണ്ടത് ഓരോ ഹിന്ദുവിന്റെയും കർത്തവ്യമാണ്.... ഒന്നു ചിന്തിക്കൂ;; ഒറ്റക്കെട്ടായി ഹിന്ദുക്കൾ ആവശ്യപ്പെട്ടാൽ ക്ഷേത്രഭരണം വിശ്വാസ്സികളുടെ കൈകളിൽ എത്തിച്ചേരും... അതുവഴി ഇതുവരെ ഇവിടുത്തെ രാഷ്ട്രീയ കക്ഷികൾ ആസ്വദിച്ചുവന്ന സാമ്പത്തികമായത് ഉൾപ്പടെയുള്ള ഒരുപാട് നേട്ടങ്ങൾ അവർക്കില്ലാതെവരും... അതിനെതിരെ അവർ ചെയ്യേണ്ടത് ഹിന്ദു ഐക്യം ഇല്ലാതാക്കുക എന്നതാണ്.... അതിനവർ ശ്രമിക്കുന്നു.... വലിയ ഒരു പരിധിവരെ അവർ അതിൽ വിജയിക്കുന്നു എന്നതാണ് ഖെദകരം... ഹിന്ദു ഒന്നിച്ചുനിന്നാൽ ഏതെല്ലാം വഴികളെ ശുചീകരിക്കാൻ കഴിയും....... 

       രാഷ്ട്രീയ പാർട്ടികൾ നിശ്ചയിക്കുകയും, നേതൃത്വം കൊടുക്കുകയും ചെയ്യുന്ന ഒരു ദേവസ്വം സംവിധാനം ഇല്ലാതായി ഹിന്ദുവിന്റെ ക്ഷേത്രം ഹിന്ദു ഭരിക്കുന്ന ഒരു സംവിധാനമാണ് ഇവിടെ നിലവിൽ വരേണ്ടത്... ദേവസ്വം പണം സർക്കാർ കൊണ്ടു പോകുന്നോ ഇല്ലയോ എന്ന വിധമായി മാത്രം നാം ചർച്ചകളെ പരിമിതപ്പെടുത്തരുത്.. നിലവിലെ സംവിധാനത്തിൽ ചൂഷക വൃന്ദത്തിലെ  ഒരു കക്ഷി മാത്രമാണ് സർക്കാർ... നമ്മുടെ ക്ഷേത്രങ്ങൾ അന്യാധീനപ്പെടാതിരിക്കാനും, ഹിന്ദുവിന്റെ അന്തസ്സും ആത്മാഭിമാനവും സംരക്ഷിക്കുന്നതിനും നമ്മൾ ഒറ്റക്കെട്ടായിനിന്ന് ശബ്ദമുയർത്തേണ്ട ശരിയായ സമയമാണിത്....... 


[Rajesh Puliyanethu
 Advocate, Haripad]

മൂന്നാറിൽ കണ്ട ജനകീയ സമരം....

       "സമരസ്സപ്പെടാൻ കഴിയാത്ത എന്തിനോടും കാട്ടുന്ന പ്രതിഷേധമാണ് സമരം" 

.... പക്ഷെ വർത്തമാനകാല സമരങ്ങളെല്ലാം ആഹ്വാന സമരങ്ങളാണ്... ഒരു തീരുമാനമോ പ്രവർത്തിയൊ തങ്ങൾക്കു സമരസ്സപ്പെടാൻ കഴിയാത്തതാണെന്ന് പ്രഖ്യാപിച്ചതിനു ശേഷം അതിനെതിരെ സമരം ചെയ്യണമെന്നുള്ള ആഹ്വാനപ്രകാരം സമരം ചെയ്യുന്നു... അവിടെ സമരത്തിനു കാരണമായ വസ്തുതയുടെ തീഷ്ണത സമരക്കാരിൽ പലപ്പോഴും എത്തുന്നില്ല... അവിടെ രാഷ്ട്രീയമോ മറ്റേതെങ്കിലുമൊ തരത്തിലുള്ള നേട്ടത്തെ മുൻനിർത്തിയാണ് സമരം നടക്കുന്നത്.... മറിച്ച് സമരസ്സപ്പെടാൻ കഴിയാത്ത ഒന്നിനോടുള്ള ആത്മാർത്ഥമായ സമരമല്ല.... അത്തരം സമരങ്ങളിൽ സമരത്തിന് മുൻപ് തങ്ങൾ ലക്ഷ്യം വെച്ചിരുന്നതിലും മികച്ചനേട്ടം സമരത്തിൽ നിന്നും വ്യതിചലിക്കുന്നതിൽ നിന്നും ഉണ്ടായാൽ ഇന്നത്തെ അവസ്സരവാദി രാഷ്ട്രീയ നേതൃത്വങ്ങൾ അതിനു തയ്യാറാകും...!

സമീപകാലങ്ങളിൽ കണ്ട പലസമരങ്ങളുടെയും പരാജയകാരണം അതാണ്... സമരം ചെയ്തവർ തങ്ങൾ നേതൃത്വങ്ങളിൽ നിന്നും കേട്ട ആഹ്വാനത്തെ അനുസ്സരിച്ചു മാത്രം ചെയ്ത സമരങ്ങളായിരുന്നു അവ... സമരതീരുമാനങ്ങളിൽ നിന്നും ഉണ്ടാകുന്ന വ്യതിചലനം അവരെ ബാധിക്കുന്നതേ ഇല്ല... 

       മൂന്നാർ സമരവും, വളപ്പിൽശാല മാലിന്യപ്രശ്ന സമരവും വ്യത്യസ്ഥമാകുന്നത് അവിടെയാണ്... അവിടെ സമരം ചെയ്യുന്ന ഓരോ വ്യക്തിയുടെയും സ്വന്തം ആവശ്യമായിരുന്നു സമരകാരണം... രാഷ്ട്രീയ നേതൃത്വങ്ങളിൽ നിന്നും കൂലി സമരക്കാരെ ഇറക്കി ആയിരുന്നില്ല ഈ സമരങ്ങൾ നടന്നത്... അതിനാൽ മികച്ച കൂലിവാഗ്ദാനം ലഭിച്ചിടത്തേക്ക് അവർക്ക് പോകാനും കഴിയുമായിരുന്നില്ല... ബംഗാളികളെ പണിക്കുവിട്ട് കൂലിയിൽ നിന്നും കമ്മിഷൻ പറ്റാൻ എത്തുന്ന ഏജന്റുമാരെപ്പോലെ സമരഭൂമിയിലെത്തിയ നേതാകളെ ആട്ടിപ്പായിക്കാനുള്ള ആർജ്ജവവും, ബുദ്ധിയും സമരക്കാർ കാട്ടുകയും ചെയ്തു... ഈ ജനകീയ സമരങ്ങളുടെ വിജയം സംഭവിക്കുകയും ചെയ്തു...

       പൊതുജനങ്ങൾക്കും രാഷ്ട്രീയനേതൃത്വങ്ങൾക്കും ഉള്ള ചൂണ്ടുപലകയാണ് ഈ സമരങ്ങൾ... രാഷ്ട്രീയ നേതൃത്വങ്ങളുടെ സഹായമില്ലാതെ തങ്ങൾക്കു സമരസ്സപ്പെടാൻ കഴിയാത്ത ഒന്നിനെ പരാജയപ്പെടുത്താൻ കഴിയുമെന്ന പാഠം പൊതുജനത്തിനും, തങ്ങളുടെ സഹായമില്ലാതെതന്നെ ഒരു സമരം വിജയിപ്പിക്കാൻ പൊതുജനത്തിനു ത്രാണി ഉണ്ടെന്നുള്ള പാഠം രാഷ്ട്രീയ നേതൃത്വത്തിനും ഉള്ളതാതാണ്.... 

       പൊതുജനങ്ങൾ അനുഭവിക്കുന്ന ഒരുവിഷമതയെ മുൻപേകണ്ടു പരിഹാരം കാണുകയാണ് രാഷ്ട്രീയ നേതൃത്വങ്ങളുടെ കടമ... പൊതുജനങ്ങൾ നിലനിൽപ്പിനായി ചെയ്യുന്ന സമരങ്ങളുടെ വിജയത്തിന്റെ അവകാശം ഏറ്റെടുക്കാൻ മാത്രമുള്ള രാഷ്ട്രീയ പാർട്ടികൾ സമൂഹത്തിലെ മാലിന്യം മാത്രമാണ്...

[Rajesh Puliyanethu
 Advocate, Haripad]   

പിടിപ്പീലി സംഭവം, പ്രതിഷേധം ഫലം കണ്ടു.....

       ഹരിപ്പാട്ട് കാവടി സ്വാമിമാരുടെ കയ്യിൽ നിന്നും പിടിപ്പീലി ബലമായി പിടിച്ചെടുക്കുകയും, പിടിപ്പീലി കൊണ്ടുനടക്കുന്നവർക്കെതിരെ കേസ്സെടുക്കുമെന്ന് ഭീഷണിപ്പെടുത്തുകയും ചെയ്ത റാന്നി റേഞ്ചിലെ വനം വകുപ്പ് ഉദ്യോഗസ്ഥർ, ഹിന്ദു ഐക്യ വേദി പ്രവർത്തകരുടെയും, രാഷ്ട്രീയ സ്വയം സേവക സംഘത്തിന്റെയും, ഭക്ത്തജനങ്ങളുടേയും ശക്തമായ എതിർപ്പിനെയും, പ്രതിഷേധ പരിപാടികളെയും തുടർന്ന് പീലി ഇന്നലെ രാത്രി ഒരു മണിയോടുകൂടിത്തന്നെ തിരികെ ഹരിപ്പാട് എത്തിച്ചു... ഹരിപ്പാട് ശ്രീ സുബ്രഹ്മണ്യ സ്വാമി ക്ഷേത്രത്തിൽ എത്തിക്കാനായിരുന്നു നിർദ്ദേശമെങ്കിലും ക്ഷേത്രം അടച്ചിരുന്നതിനാൽ ഹരിപ്പാട് CI ഓഫീസ്സിൽ ഏൽപ്പിക്കുകയായിരുന്നു... കാര്യകർത്താക്കൾ CI യിൽ നിന്നും പീലി ഏറ്റു വാങ്ങി... 


       ഹിന്ദു ഐക്യ വേദി പ്രവർത്തകരുടെയും, രാഷ്ട്രീയ സ്വയം സേവക സംഘത്തിന്റെയും പ്രവർത്തകർ രാത്രിതന്നെ റാന്നി DFO ഓഫീസ് വളയുകയും, തുടർന്നുള്ള പ്രക്ഷോഭ പ്രവർത്തനങ്ങളിലേക്ക് കടക്കുകയും ചെയ്തതോടെ ബഹുമാനപ്പെട്ട വനം വകുപ്പു മന്ത്രി ശ്രീ തിരുവഞ്ചൂർ രാധാകൃഷ്ണൻ നേരിട്ടിടപെട്ടാണ് പിടിപ്പീലി രാത്രി തന്നെ ഹരിപ്പാട് എത്തിക്കുന്നതിനുള്ള നടപടികൾ സ്വീകരിച്ചത്... പ്രസ്തുത സംഭവത്തെക്കുറിച്ച് പരാതി നൽകുന്നതിന് ഹരിപ്പാട് CI ഓഫീസ്സിൽ എത്തിയ സ്വാമിമാരോടും, പത്രപ്രവർത്തകരോടും "ഇതെല്ലാം കള്ളപ്പരാതിയാണ്, വനം വകുപ്പ് ഉദ്യോഗസ്ഥരുടെ ഭാഗത്തുനിന്നും അപ്രകാരം യാതൊന്നും സംഭവിച്ചിട്ടില്ല" എന്ന് പറഞ്ഞ ഹരിപ്പാട് CI യുടെ പക്കൽ നിന്നുതന്നെ പിടിപ്പീലി തിരികെ വാങ്ങേണ്ട സാഹചര്യമുണ്ടായത് ഈശ്വര ലീലാകളായി കാണാം... വനം വകുപ്പുകാർ കൊണ്ടുപോകാതിരുന്ന പീലി ആരാണോ പിന്നെ രാത്രിയിൽ CI ഓഫീസ്സിൽ എത്തിച്ചത്??


       ഭക്തജനങ്ങളെ അനുനയിപ്പിക്കാനുള്ള നടപടികൾ പലതുണ്ടായെങ്കിലും പ്രതിഷേധം അടങ്ങുന്നില്ല... ഒരു സ്വാമിയുടെ പക്കൽ നിന്നും പിടിപ്പീലി ഭീഷണിപ്പെടുത്തി പിടിച്ചു വാങ്ങിയ സംഭവം ഒട്ടുംതന്നെ ചെറുതായി കാണുവാൻ കഴിയില്ല.... മനപ്പൂർവ്വം ആചാര അനുഷ്ടാനങ്ങളെ അവഹേളിക്കുന്നതിന് വേണ്ടി പ്രവർത്തിച്ച ഉദ്യോഗസ്ഥർക്കെതിരെ നടപടി ഉണ്ടാകുന്നതുവരെ പ്രക്ഷോഭപരിപാടികൾ തുടരും.....


[Rajesh Puliyanethu
 Advocate, Haripad]


ജനറൽ സെക്രട്ടറി
കാർത്തികപ്പള്ളി താലൂക്ക് 
ഹിന്ദു ഐക്യവേദി   


       

കാവടി സ്വാമിയുടെ പിടിപ്പീലി ഫോറെസ്റ്റുകാർ പിടിച്ചുവാങ്ങി !! പ്രതിഷേധിക്കുക...

     ഹരിപ്പാട് ശ്രീ സുബ്രഹ്മണ്യ സ്വാമി ക്ഷേത്രത്തിലെ കാവടി വൃതം അനുഷ്ട്ടിക്കുന്നതിന്റെ ഭാഗമായി ഒരു സ്വാമി കൈയ്യിൽ പിടിപ്പീലിയുമായി വൈകിട്ട് ക്ഷേത്രത്തിലേക്ക് വരവേ,, ''മയിൽ‌പ്പീലി കൈയ്യിൽ വെയ്ക്കുന്നത് കുറ്റകരമാണെന്നും അതിനാൽ കേസ്സ് എടുക്കുമെന്നും'' പറഞ്ഞ് ഭീഷണിപ്പെടുത്തി റാന്നി റേൻജിലെ വനം വകുപ്പ് ഉദ്യോഗസ്ഥർ അത് ബലമായി പിടിച്ചെടുത്ത് കൊണ്ടുപോയിട്ടുള്ളതും, ക്ഷേത്രത്തെയും, വിശ്വാസ്സങ്ങളെയും, ആചാരത്തെയും, വൃത അനുഷ്ട്ടാനങ്ങളെയും കളങ്കപ്പെടുത്തുകയും, അപമാനിക്കുകയും ചെയ്യും വിധം പ്രവർത്തിച്ചിട്ടുള്ളതുമാണ്...  


       ഹരിപ്പാട് മഹാക്ഷേത്രത്തിൽ മാത്രമല്ല കാവടിയാട്ടം ഉൽസ്സവമായി നടക്കുന്നത്... തെക്കേ ഇന്ത്യയിൽ ആകമാനം ഉള്ള ഈ ആഘോഷം വനപാലകർക്ക് അറിവില്ലാത്തതാണ് എന്ന് വിശ്വസ്സിക്കുക വയ്യ.... കാവടിയാട്ടം എവിടെ ഉണ്ടെങ്കിലും മയിൽ‌പ്പീലി ഒഴിവാക്കാനും കഴിയില്ല... അങ്ങനെയെങ്കിൽ കരുതിക്കൂട്ടി ഹിന്ദു ആചാരങ്ങളെ അപമാനിക്കാൻ വേണ്ടി നടത്തിയ ഒരു പ്രവർത്തിയായി മാത്രമേ ഈ സംഭവത്തെ കാണാൻ കഴിയൂ... 


       ഹിന്ദുവിന്റെ ശാക്തീകരണം കണ്ടു വിറപൂണ്ട ഭരണ വർഗ്ഗം;; പോലീസ്സിനെയും മറ്റ് അധികാര കേന്ദ്രങ്ങളെയും ഉപയോഗിച്ച് ഹിന്ദു സംഘടനകൾക്കെതിരെയും, ക്ഷേത്രങ്ങൾക്കെതിരെയും, അനുഷ്ട്ടാനങ്ങൾക്കെതിരെയും ആക്രമണങ്ങൾ നടത്തുകയും, കള്ള പ്രചാരവേലകൾ നടത്തുകയും ചെയ്യുന്നത് സമീപകാലത്ത് എത്ര നമ്മൾ കണ്ടു?? ഹരിപ്പാട്ടുകാർക്കുതന്നെ അതിന് ഉദാഹരണങ്ങൾ ഏറെ നിരത്താൻ കഴിയും..!? അതുകൊണ്ടുതന്നെ പിടിപ്പീലി പിടിച്ചുവാങ്ങിയ സംഭവം ഒറ്റപ്പെട്ട ഒന്നായോ, അബദ്ധമായോ കാണുക പ്രയാസ്സമാണ്... 


       നിശബ്ദനായി നിൽക്കുന്ന ഹിന്ദുവാണ് ഹിന്ദുവിന്റെ ശത്രു.... മറ്റു രാഷ്ട്രീയ പാർട്ടികളിൽ വിശ്വസ്സിക്കുന്ന ഹിന്ദുക്കൾ ഉണ്ടായിക്കൊള്ളട്ടെ... പക്ഷെ വേലായുധ സ്വാമിയുടെ മുൻപിൽ കാവടിക്ക്‌ മാലയിട്ട്, കാവിയുടുത്ത്‌ വൃതം നോക്കുന്ന കമ്യുണിസ്റ്റ് കാരനും, കൊണ്ഗ്രെസ്സുകാരനും അടിസ്ഥാന പരമായി ഹിന്ദുക്കളല്ലേ?? മുരുകഭക്ത്തരല്ലേ?? അവർക്കെങ്ങനെ ഈ അപമാനവും, അവഹേളനവും ഏറ്റുവാങ്ങി പ്രതികരിക്കാതിരിക്കാൻ സാധിക്കുന്നു!??  


       നാളെ കാവടി ആടിവരുന്ന വേളയിൽ ശൂലക്കാവടികളും ഉണ്ടാകാം... ആയുധനിയമത്തിലെ ഏതെങ്കിലും വകുപ്പുകൾ ചുമത്തി സ്വാമിമാരുടെ ശൂലം ഊരിക്കൊണ്ടു പൊകുന്നതിനൊ,, പറയെഴുന്നള്ളത്തും, പള്ളിവേട്ട എഴുന്നള്ളത്തും ഉണ്ടാകുന്ന അവസ്സരത്തിൽ പള്ളിവാള് കസ്റ്റഡിയിൽ എടുത്ത്, പൂജാരിയെയും വെളിച്ചപ്പാടിനെയും അറസ്റ്റുചെയ്യുന്ന സ്ഥിതിവിശേഷം ഉണ്ടായാലും അതിശയപ്പെടാൻ ഒന്നുമില്ല!! അപ്പോഴും 'ഞാനൊന്നു മറിഞ്ഞില്ലേ രാമനാരായണാ..'   എന്നാ രീതിയിൽ ഇവിടുത്തെ ഹിന്ദുക്കൾ നിശബ്ദരായി ഇരിക്കും...!! കൂടുതലൊന്നും വേണ്ടാ,, കാവടിസ്വാമിമാരും വിശ്വാസികളും മാത്രം കൂടിനിന്ന് പ്രതിഷേധ സൂചകമായി കുറച്ചു സമയം ഹരഹരോ വിളിക്കുകയെങ്കിലും വേണം,, അത്രയെങ്കിലും ചെയ്തില്ലെങ്കിൽ ഹിന്ദുവിനെതിരെയുള്ള അവഹേളനങ്ങളും, അധിക്ഷേപങ്ങളും തുടരും... തോൽവികൾ ഏറ്റു വാങ്ങുവാൻ മാത്രമായി നമ്മളും....!!

[Rajesh Puliyanethu
 Advocate, Haripad]

[കാർത്തികപ്പള്ളി താലൂക്ക് ജെനറൽ സെക്രട്ടറി,
ഹിന്ദു ഐക്യവേദി]