ഇന്ന് മാധ്യമ രംഗം സ്വജന പക്ഷപാതം, രാഷ്ട്രീയ, മത, സാമുദായിക, വ്യക്തി, അധിഷ്ട്ടിത സ്വാധീനങ്ങൾക്കും അനുസൃതമായി പ്രവർത്തിച്ചു വരുന്നു എന്ന ആക്ഷേപം നിലനിൽക്കുന്നു... ഈ സ്വാധീനങ്ങൾക്ക് വശപ്പെട്ട് എഴുത്തുകൾ നടത്തുമ്പോൾ അതിനെ പരക്കെ "കൂലിയെഴുത്ത്" എന്ന പേരിട്ട് വിളിക്കുന്നു... വാർത്തകൾ ജനശ്രദ്ധ ആകർഷിക്കുക എന്ന ഉദ്ദേശത്തിൽ അതിഭാവുകത്വം കലർത്തി അവതരിപ്പിക്കപ്പെടുകയും ചെയ്യുന്നു... "വാർത്തയിലെ കല...."
അങ്ങനെയുള്ള കൂലിയെഴുത്തുകൾക്ക് സമൂഹത്തിൽ പ്രവർത്തനശേഷി ഉണ്ടാകുന്നത് സമൂഹത്തിന്റെ മേന്മയും, ച്യുതിയും ഒരുപോലെ കാരണമാണ്...ഉദാഹരണമായി പറഞ്ഞാൽ "അക്ഷരങ്ങൾ കൂട്ടിവായിക്കാൻ അറിയുന്ന ജനത ഇവിടെയുള്ളത് കൂലിയെഴുത്തുകൾക്ക് അനുകൂലഘടകമാണ്... അതുപോലെതന്നെ അപഗ്രഥിച്ചു മനസ്സിലാക്കാൻ കഴിവില്ലാത്ത ജനതയും കൂലിയെഴുത്തുകൾക്ക് അനുകൂലഘടകമാണ്...
[Rajesh Puliyanethu
Advocate, Haripad]
